മലയാളം കമ്പികഥ – കാമ കാവടി – 4
സുമോയില് നിന്നും ഒരു പെണ്കുട്ടി റോഡരുകിലേക്ക് തെറിച്ചു വീഴുന്നത് കണ്ടപ്പോഴാണ് വസീം ഡ്രൈവറോട് വണ്ടി നിര്ത്താന് ആവശ്യപ്പെട്ടത്. തൊട്ടു പിന്നാലെ എത്തിക്കൊണ്ടിരുന്ന മൂവാറ്റുപുഴ എസ് ഐ മധുവിന്റെ ബോലേറൊ അതിനെ മറികടന്നു വന്നു നിന്നു.
“നിങ്ങള് ആ കുട്ടിയുടെ കാര്യം നോക്കിക്കോ..അവന്മാരെ ഞങ്ങള് പൊക്കിക്കോളാം.” മധു വസീമിനോട് പറഞ്ഞ ശേഷം സുമോയെ പിന്തുടരാന് ഡ്രൈവര്ക്ക് നിര്ദ്ദേശം നല്കി. അത് സുമോയുടെ പിന്നാലെ കുതിച്ചു.
Malayalam Kambikathakal – കാമ കാവടി – 1
Malayalam Kambikathakal – കാമ കാവടി – 2
Malayalam Kambikathakal – കാമ കാവടി – 3
വണ്ടിയില് നിന്നും വസീമും പോലീസുകാരും ചാടിയിറങ്ങി. റോഡരുകില് വളര്ന്നു നിന്ന പുല്ലിന്റെ മുകളിലേക്കായിരുന്നു റീന വീണിരുന്നത്. അവള് വീണതിന്റെ രണ്ടടി അപ്പുറത്ത് കുറെ പാറക്കല്ലുകള് കൂടിക്കിടന്നിരുന്നു. അസാമാന്യ ഭാഗ്യം കൊണ്ട് മാത്രമാണ് അവള് അതിന്റെ മുകളിലേക്ക് വീഴാതെ രക്ഷപെട്ടത്. വസീം വേഗം അടുത്തെത്തി കമിഴ്ന്നു കിടന്നിരുന്ന അവളെ തിരികെ കിടത്തി.
“റീന…” അയാളുടെ ചുണ്ടുകള് പിറുപിറുത്തു.
“സര്..ഈ കുട്ടിയല്ലേ കഴിഞ്ഞയാഴ്ച സ്റ്റേഷനില് പരാതി നല്കാനെത്തിയത്?” അവളെ തിരിച്ചറിഞ്ഞ ഒരു പോലീസുകാരന് ചോദിച്ചു.
“യെസ്..നിങ്ങള് വണ്ടിയില് നിന്നും വെള്ളക്കുപ്പി എടുത്തെ..ഇവള്ക്ക് ബോധം പോയിരിക്കുകയാണ്…”
വസീം അവളുടെ ദേഹത്ത് പരുക്കുകള് പറ്റിയിട്ടുണ്ടോ എന്ന് നോക്കുന്നതിനിടെ പറഞ്ഞു. അവളുടെ കൈമുട്ടില് നിന്നും മുഖത്ത് നിന്നും ചോര പൊടിയുന്നുണ്ടായിരുന്നു. വീഴ്ചയില് അവളുടെ കൈയിലെ തൊലി പോയിരുന്നു. ഒടിവോ മറ്റോ ഉണ്ടോ എന്ന് വസീം ആശങ്കപ്പെട്ടു.
“ദാ സര് വെള്ളം..” പോലീസുകാരന് വെള്ളക്കുപ്പി വസീമിന് നല്കി. അയാള് വെള്ളം കുറച്ച് മുഖത്ത് തളിച്ചപ്പോള് ചെറുതായി ഒന്നനങ്ങിയ റീന നിലവിളിയോടെ ചാടി എഴുന്നേല്ക്കാന് ശ്രമിച്ചു.
“കൂള് ഡൌണ്..ഇത് പോലീസാണ്..യു ആര് സേഫ്…എഴുന്നെല്ക്കാമോ?” വസീം അവളുടെ കൈയില് പിടിച്ചുകൊണ്ടു ചോദിച്ചു. റീന ഞെട്ടിത്തരിച്ച് കിതപ്പോടെ വസീമിന്റെ കണ്ണുകളിലേക്ക് നോക്കി. അവള്ക്ക് ഒന്നും വിശ്വസിക്കാന് സാധിക്കുന്നുണ്ടായിരുന്നില്ല.
“റീന..എഴുന്നെല്ക്കാമോ?” വസീം ചോദ്യം ആവര്ത്തിച്ചു.
“സര്…” ഒരു നിലവിളിയോടെ അവള് അയാളുടെ കൈയില് മുഖം അമര്ത്തി പൊട്ടിക്കരഞ്ഞു. വസീം തലയുയര്ത്തി പോലീസുകാരെ നോക്കി.
“നിങ്ങള് ഈ കുട്ടിയെ മെല്ലെ പിടിച്ചു വണ്ടിയില് കയറ്റ്….” അവളുടെ പിടിയില് നിന്നും മെല്ലെ കൈ മാറ്റി വസീം പറഞ്ഞു. പോലീസുകാര് അവളെ പതുക്കെ എഴുന്നേല്പ്പിച്ചു. അല്പം അകലെ കിടന്നിരുന്ന അവളുടെ ബാഗ് മറ്റൊരു പോലീസുകാരന് എടുത്ത് വണ്ടിയിലിട്ടു. റീന കരഞ്ഞുകൊണ്ട് മുടന്തി മുടന്തി വണ്ടിയില് കയറി.
ഈ സമയത്ത് മധുവിന്റെ വണ്ടി സുമോയുടെ ഏകദേശം അടുത്തെത്തിക്കഴിഞ്ഞിരുന്നു.
“ഡേയ് ശിവപ്പാ..നീ നാന് സോല്ലുംപടി ശെയ്യ്….പോലീസ് വണ്ടി അടുത്തെത്തുമ്പോള് നീ ബ്രേക്ക് ഇടുങ്കോ…അവരുടെ വണ്ടി നമുക്ക് പിന്നാടി ഇടിക്കട്ടെ…ഇടിച്ചു കളിന്ച്ചാല് നീ ശീഘ്രം പോണം..” അണ്ണാച്ചി പരിഭ്രമത്തോടെ ശിവപ്പയ്ക്ക് നിര്ദ്ദേശം നല്കി.
ശിവപ്പ സ്പീഡ് ലേശം കുറച്ചു. മധുവിന്റെ വണ്ടി പാഞ്ഞടുത്തു. ഏതാണ്ട് തൊട്ടടുത്ത് എത്താറായപ്പോള് ശിവപ്പ ബ്രേക്കില് ആഞ്ഞു ചവിട്ടി. ബോലേറൊ സുമോയുടെ പിന്നില് ആഞ്ഞിടിച്ചു. അതിന്റെ ബോണറ്റ് മുകളിലേക്ക് പൊങ്ങി പോലീസ് ഡ്രൈവര്ക്ക് മുന്പിലേക്ക് കാണാന് പറ്റാതായി. ബ്രേക്കിട്ട ശിവപ്പ അടുത്ത നിമിഷം ഇരമ്പലോടെ മുന്പോട്ടു കുതിച്ചു. ഇടിയുടെ ആഘാതത്തില് അണ്ണാച്ചിയും ജോസും മുന്സീറ്റില് ചെന്നിടിച്ചു എങ്കിലും അവര്ക്ക് കാര്യമായ പരുക്കൊന്നും പറ്റിയില്ല. വണ്ടി ഇടിച്ചതോടെ മധു പുറത്തിറങ്ങി. സുമോ പൊടിപറത്തി അപ്രത്യക്ഷമാകുന്നത് അയാള് നിരാശയോടെ നോക്കി.
“ഛെ..അവന്മാര് മനപൂര്വ്വം ബ്രേക്കിട്ട് നമ്മെക്കൊണ്ട് ഇടിപ്പിച്ചതാണ്..ഷിറ്റ്…വേഗം കയറടോ..” അയാള് ബോണറ്റ് അടയ്ക്കാന് നോക്കിക്കൊണ്ട് പറഞ്ഞു. പക്ഷെ മുന്ഭാഗം കുറെ പൊളിഞ്ഞു പോയതിനാല് ബോണറ്റ് തിരികെ അടയ്ക്കാന് അവര്ക്ക് സാധിച്ചില്ല.
“സര്..ഇതിനി വല്ല വിധത്തിലും കെട്ടിവച്ച് തിരികെ പോകാനേ പറ്റൂ…” ഡ്രൈവര് പറഞ്ഞു.
“ഛെ..ആ നായിന്റെ മോന്മാര് രക്ഷപെട്ടുകളഞ്ഞല്ലോ….” നിരാശയോടെ മധു ബോണറ്റ് വലിച്ചു താഴേക്ക് അടിച്ചു.
ആശുപത്രിയിലേക്ക് തിരക്കിട്ടെത്തിയ റോയിയും ശിവനും അത്യാഹിത വിഭാഗത്തിന്റെ മുന്പില് നിന്നിരുന്ന പൊലീസുകാരന്റെ സമീപമെത്തി.
“എന്താണ് സംഭവിച്ചത് സര്…വസീം സര് ഇവിടില്ലേ?” റോയ് ആശങ്കയോടെ ചോദിച്ചു.
“സാറ് നിങ്ങളെ സ്റ്റേഷനിലേക്ക് വിളിപ്പിച്ചിട്ടുണ്ട്..കുട്ടിക്ക് സീരിയസായി പരുക്കൊന്നുമില്ല..രണ്ടു മണിക്കൂറിനകം ഡിസ്ചാര്ജ്ജ് ചെയ്യാം എന്ന് ഡോക്ടര് പറഞ്ഞിട്ടുണ്ട്…എന്നാല് നിങ്ങള് നില്ക്ക്..നിങ്ങള് വരുന്നതുവരെ ഇവിടെ കാണണം എന്ന് സാറ് പറഞ്ഞതുകൊണ്ടാണ് ഞാന് കാത്തുനിന്നത്” അയാള് പറഞ്ഞു.
“സംഭവം എന്താണെന്നു സാറിന് അറിയില്ലേ?” ശിവന് ചോദിച്ചു.
“കുട്ടിയുടെ മൊഴി എടുത്തിട്ടുണ്ട്..നിങ്ങള് സൗകര്യം പോലെ ഇന്ന് തന്നെ സ്റ്റെഷനിലേക്ക് ചെന്നു സാറിനെ കാണണം..അദ്ദേഹം എല്ലാം പറയും”
“ശരി സര്..ഞങ്ങള് ഇവളെ വീട്ടില് ആക്കിയ ശേഷം വരാം..വസീം സാറ് എത്രമണി വരെ കാണും അവിടെ?” റോയ് ചോദിച്ചു.
“എട്ടുമണി വരെ കാണും..അതിനു മുന്പ് എത്താന് പറ്റിയില്ല എങ്കില് നാളെ രാവിലെ ചെന്നാല് മതി”
“ശരി സര്..”
പോലീസുകാരന് പോകുന്നത് അവര് നോക്കി നിന്നു. ശിവനും റോയിയും മുഖാമുഖം നോക്കി.
“അവളെ നമുക്ക് കയറി ഒന്ന് കാണാം..” ശിവന് പറഞ്ഞു.
“അതെ..”
ഇരുവരും ഉള്ളില് കയറി. റീനയെ ഡ്രിപ് ഇട്ടു കിടത്തിയിരിക്കുന്നതും അവളുടെ കൈകളിലും മുഖത്തും കാലുകളിലും ബാന്ഡേജ് ഒട്ടിച്ചിരിക്കുന്നതും കണ്ടപ്പോള് ഇരുവരും ഞെട്ടി. റീന അവരെ കണ്ടു പുഞ്ചിരിക്കാന് ശ്രമിച്ചു. റോയ് അവളുടെ അടുത്തെത്തി അവളുടെ ശിരസില് തലോടി.
“എന്ത് പറ്റി മോളെ..എന്താണ് സംഭവിച്ചത്..” അവന് ആകാംക്ഷയോടെ ചോദിച്ചു.
റീന ചുറ്റും നോക്കി. പലരും അവളെയും അവരെയും ശ്രദ്ധിക്കുന്നുണ്ടായിരുന്നു. പോലീസ് അവളെ അവിടെ എത്തിച്ചത് കണ്ടവരാണ് അവരില് പലരും.
“പിന്നെ പറയാം ഇച്ചായാ..ചാച്ചനോടും അമ്മയോടും പറഞ്ഞോ?” അവള് പതിഞ്ഞ ശബ്ദത്തില് ചോദിച്ചു.