അർത്ഥം അഭിരാമം 2

Ardham Abhiraamam Part 2 | Author : Kabaneenath

[ Previous Parts ] [ www.thundukadhakal.com ]

മൂന്നാറിൽ നിന്നും വട്ടവടയിലേക്ക് ഒരു കാർ വിളിച്ചാണ് അജയ് യും അഭിരാമിയും യാത്ര തിരിച്ചത്.

മരം കോച്ചുന്ന തണുപ്പായിരുന്നു …

വെളുപ്പിന് നാല് മണിയോടെയാണ് അവർ കാറിൽ കയറിയത് .

വിനയചന്ദ്രൻ കൊടുത്ത ഫോണിൽ നിന്നും അജയ് ക്ലീറ്റസിനെ വിളിച്ച് തങ്ങൾ വെളുപ്പിന് എത്തുമെന്ന് അറിയിച്ചിരുന്നു ..

ക്ലീറ്റസാണ് ഫോണിലൂടെ ഡ്രൈവറോട് സ്ഥലം പറഞ്ഞു കൊടുത്തത്.

ചുരിദാറിനു പുറമേ സ്വറ്ററും ധരിച്ചായിരുന്നു അഭിരാമി ഇരുന്നത് … ഒരു മയക്കത്തിലെന്ന പോലെ അവൾ അജയ് നെ ചുറ്റിപ്പിടിച്ച് അവന്റെ ചുമലിൽ ചാരി കിടന്നിരുന്നു …

ആനയും വന്യമൃഗങ്ങളും വഴിയിലുണ്ടാകുമെന്ന് പറഞ്ഞ് ഡ്രൈവർ ആദ്യം വരാൻ കൂട്ടാക്കിയിരുന്നില്ല ..

പണം കൂട്ടിക്കൊടുക്കാമെന്ന് പറഞ്ഞ് അജയ് അയാളെ പ്രലോഭിപ്പിക്കുകയായിരുന്നു …

ഈശ്വരാധീനം കൊണ്ട് അവർ ഒരു മൃഗങ്ങളേയും കണ്ടില്ല …

“നല്ല തണുപ്പല്ലേടാ ….”

അവനിലേക്ക് ഒന്നുകൂടി പറ്റിച്ചേർന്ന് അവൾ പറഞ്ഞു …

“ഉം … ”

” ഇത്രയും ഞാൻ പ്രതീക്ഷിച്ചില്ല … ”

” ഞാനും … പതിനെട്ട് ഡിഗ്രി വരെയാകും എന്ന് ക്ലീറ്റസ് പണ്ട് പറഞ്ഞിട്ടുണ്ടായിരുന്നു ..”

വട്ടവടയിൽ നിന്നും കുറച്ചു മാറിയായിരുന്നു ക്ലീറ്റസിന്റെ സ്ഥലം …

കൃത്യ സ്ഥലത്തു തന്നെ ഡ്രൈവർ കാർ നിർത്തി.

അത്യാവശ്യം വലിപ്പമുള്ള ഒരു വീടായിരുന്നു അത്.

കോടമഞ്ഞിൽ ജലഛായാ ചിത്രം പോലെ വീടവർ കണ്ടു …

” ഇതാ സ്ഥലം … ”

തമിഴും മലയാളവും കലർന്ന ഭാഷയിൽ ഡ്രൈവർ പറഞ്ഞു …

അഭിരാമി പുറത്തെ തണുപ്പോർത്ത് പുറത്തേക്കിറങ്ങാൻ മടി പിടിച്ചിരുന്നു …

” ഇറങ്ങമ്മാ ….” അജയ് അവളെ പതിയെ തള്ളി …

ഡോർ തുറന്നതും തണുപ്പ് അകത്തേക്ക് ഇരച്ചു കയറി …

” അമ്മേ ….” അവൾ നിലവിളിച്ചു പോയി …

അജയ് ബാഗുകൾ പുറത്തേക്കെടുത്തു വെച്ചു ..

ഒരു ചെറിയ കാറ്റ് വീശി ….

കോടമഞ്ഞ് ഒന്ന് വഴിമാറി കാഴ്ച തെളിഞ്ഞു …

ബാഗ് നിലത്തു വെച്ച് നിവർന്നപ്പോൾ വീടിന്റെ മുൻവശത്ത് ഒരു കരിമ്പടക്കെട്ടിരുന്ന് വിറയ്ക്കുന്നത് അജയ് കണ്ടു.

അവരെ കണ്ടതും ആ രൂപം എഴുന്നേറ്റു …

” ഇങ്കെയല്ലെ ….” അയാൾ വിളിച്ചു പറഞ്ഞു കൊണ്ട് അവരുടെയടുത്തേക്ക് വന്നു …

“പിന്നെ …?” അജയ് ചോദ്യഭാവത്തിൽ അയാളെ നോക്കി..

” ഒരു കിലോമീറ്റർ അപ്പുറം താ ഫാം ഹൗസ് … ”

അയാളെയും കൂട്ടി വീണ്ടും യാത്ര തുടർന്നു ….

അയാൾ പറഞ്ഞതു പോലെ ഒരു കിലോമീറ്റർ ഒന്നും അല്ലായിരുന്നു .. മൂന്ന് കിലോമീറ്ററെങ്കിലും കാർ ഓടിക്കാണും …

ഇരുവശത്തും പന്തലിട്ട പോലെ വൃക്ഷങ്ങൾ നിരന്ന മൺറോഡിലൂടെയാണ് കാർ പോയിരുന്നത് …

” ഇതു താൻ … ”

മുന്നിലിരുന്ന അയാൾ ഡ്രൈവറോട് കൈ ചൂണ്ടി പറഞ്ഞു ….

ഫാം ഹൗസിന്റെ മുറ്റത്ത് കാർ നിന്നു …

ക്ലീറ്റസ് കോടീശ്വരനാണെന്ന് അജയ് മനസ്സിലോർത്തു …

ബാഗുകൾ അജയ് വീണ്ടും ഫാം ഹൗസിന്റെ തിണ്ണയിലേക്ക് എടുത്തു വെച്ചു …

ഫാം ഹൗസിന്റെ ഡോർ തുറന്ന് അയാൾ അകത്തേക്ക് കയറി …

പറഞ്ഞ പണം കൊടുത്ത് അജയ് വണ്ടിക്കാരനെ പറഞ്ഞു വിട്ടു …

അവന്റെ പിന്നാലെ അഭിരാമിയും അകത്തേക്ക് കയറി …

” ക്ലീറ്റസ് എല്ലാം ശൊല്ലിയാച്ച്… ”

” പേരെന്താ …?” അജയ് ചോദിച്ചു…

“മുനിച്ചാമി … ” അയാൾ പറഞ്ഞപ്പോൾ വായിൽ നിന്നും പുക പറന്നു …

അയാളത് വൃത്തിയായി സൂക്ഷിച്ചിടാറുണ്ടെന്ന് അജയ്ക്ക് മനസ്സിലായി … അല്ലെങ്കിൽ ഒരു രാത്രി കൊണ്ട് ഈ തണുപ്പത്ത് ധൃതിയിൽ ആര് വൃത്തിയാക്കാനാണ് …?

രണ്ടു മുറി, ചെറിയ അടുക്കള, ഇടത്തരം ഹാൾ, അകത്ത് ഒരു ബാത്റൂം … അത്രയുമായിരുന്നു ഉണ്ടായിരുന്നത് …

ടി.വിയും ഫ്രിഡ്ജും ഒരു സോഫയും നാല് കസേര കളും ഡൈനിംഗ് ടേബിളും …

ഹാളിന്റെ ഒരു മൂലക്ക് കുറേ വിറക് കൂട്ടിയിട്ടിരിക്കുന്നു ..

തീ കായാനുള്ള സജ്ജീകരണം അവിടെയാണെന്ന് അജയ് കണക്കു കൂട്ടി …

” ഫുഡ് ….?” മുനിച്ചാമി തല ചൊറിഞ്ഞു..

” ഞങ്ങൾ ഉണ്ടാക്കിക്കോളാം… സാധനം മേടിച്ചു തന്നാൽ മതി … ”

അവൻ കൊടുത്ത പൈസയുമായി മുനിച്ചാമി സ്ഥലം വിട്ടു …

“നാളെത്തന്നെ ഇവിടം വിട്ടു പോകേണ്ടി വരും … ”

അഭിരാമി പറഞ്ഞു …

” അതെന്താ …?”

” ഈ തണുപ്പ് എനിക്ക് സഹിക്കാൻ വയ്യ അജു … ”

” അതിനല്ലേ അമ്മാ ഇത് … ”

അജയ് ചെറിയ സ്റ്റാൻഡിനു മുകളിലിരുന്ന ലൈറ്ററുമായി നെരിപ്പോടിനരികിലേക്ക് നീങ്ങി …

തീ പിടിച്ചു കിട്ടാൻ കുറച്ച് കഷ്ടപ്പെട്ടു …

പുക ഹാളിൽ നിറഞ്ഞു …

പതിയെ പുക മാറി ചൂടായിത്തുടങ്ങി …

“നീ കൊണ്ടു വന്ന സ്ഥലം കൊള്ളാം..”

” കാശ് കുറഞ്ഞാൽ അങ്ങനെയിരിക്കും … ” അജയ് പറഞ്ഞു.

“പുറത്തിറങ്ങാൻ പറ്റിയിട്ടു വേണ്ടേ കാഴ്ച കാണാൻ ….”

പറഞ്ഞിട്ട് അഭിരാമി സോഫയിലേക്കിരുന്നു …

അജയ് അടുത്തുള്ളപ്പോൾ ഒരു സുരക്ഷിതത്വബോധം തന്നെ വലയം ചെയ്യുന്നതും രാജീവിന്റെ ഭീഷണി തന്നിൽ നിന്നും മറഞ്ഞുപോകുന്നതും അഭിരാമി അറിയുന്നുണ്ടായിരുന്നു …

അജയ് നിലത്തിരുന്ന് തീ കാഞ്ഞു തുടങ്ങി … ഒരു കസേര വലിച്ചിട്ട് അവൾ അവന്റെയടുത്തേക്കിരുന്നു …

” ക്ലീറ്റസിനെ ഒന്ന് വിളിക്കണം … ” അവൻ പറഞ്ഞു …

വിനയേട്ടനെ വിളിച്ചു പറയേണ്ട കാര്യം അപ്പോൾ അവളോർത്തു.

അജയ് ബാഗിൽ നിന്നും ഫോണെടുത്തു ..

“ഭാഗ്യം … ഇങ്കെ റേഞ്ച് കിടക്കമാട്ടെ അമ്മാ….”

തമാശ രീതിയിൽ ഫോണിലേക്ക് നോക്കി അവൻ പറഞ്ഞു.

” എന്ത് ചെയ്യും …?”

അപ്പോൾ പുറത്ത് ഒരു ടി.വി. എസിന്റെ പഴയ സ്കൂട്ടർ വന്നു നിൽക്കുന്ന ശബ്ദം കേട്ടു …

അജയ് പുറത്തേക്ക് നോക്കി …

വണ്ടിയുടെ ഫ്രണ്ടിലിരുന്ന ഒരു ചാക്കു കെട്ട് വലിച്ചു കൊണ്ട് മുനിച്ചാമി കയറി വന്നു …

“വെജിറ്റബിൾസ് എല്ലാമേ ഇങ്കെ കിടയ്ക്കും … ”

ഹാളിലേക്ക് വന്ന് അയാൾ പറഞ്ഞു.

“നിങ്ങൾക്കു മലയാളം അറിയില്ലേ …?” അജയ് ചോദിച്ചു …

“തെരിയും തമ്പീ… എന്നുടെ ഭാച താൻ തമിള് …

നിങ്ങൾ പറഞാൻ എനിക്കു മനസ്സിലാകും … ” അതയാൾ മലയാളത്തിലാണ് പറഞ്ഞത്.

” ഞങ്ങളോട് മലയാളം പറഞ്ഞാൽ മതി … ”

അജയ് പറഞ്ഞു.

“ആമ തമ്പി .. ശ്ശോ…. ശരി, ശരി ….”

മുനിച്ചാമി ചിരിച്ചു..

അയാൾ ചാക്കുകെട്ട് അടുക്കളയിൽ കൊണ്ടുപോയി വെച്ചിട്ട് വീണ്ടും പുറത്തേക്ക് പോയി .. ഒരു ഫ്ലാസ്ക്കുമായാണ് കയറി വന്നത് …

“ചായ … ”

അതയാൾ അജയ് നു നേരെ നീട്ടി …. മുനിച്ചാമി അടുക്കളയിൽ പോയി ഗ്ലാസ് കഴുകി കൊണ്ടു വന്നു …

ചൂടുവെള്ളം അകത്തേക്ക് ചെന്നപ്പോൾ അഭിരാമിക്ക് അല്പം ആശ്വാസമായി …

മുനിച്ചാമി തിണ്ണയിൽ നിൽപ്പുണ്ടായിരുന്നു …

“തമ്പീ…” അയാൾ വിളിച്ചു ..

ചായ ഗ്ലാസ്സുമായി അജയ് അയാളുടെയടുത്തേക്ക് ചെന്നു…

അയാൾ ബില്ലും ബാക്കി പണവും അവന് നേരെ നീട്ടി …

അവനത് വാങ്ങി, പോക്കറ്റിലിട്ടു …

“തോട്ടത്തിൽ വേലയിറുക്ക് … ”

” ഇവിടെ റേഞ്ചില്ലേ ….?”