എന്റെ ഡോക്ടറൂട്ടി 22
Ente Docterootty Part 22 | Author : Arjun Dev | Previous Parts

ജീപ്പിന്റെ ഇടിയൊച്ചയും ആരുടെയൊക്കെയോ നിലവിളികളും കാതുകളിൽ മുഴങ്ങിയപ്പോൾ ഞാൻ ഞെട്ടി കണ്ണുതുറന്നുപോയി…

“”…ബ്രേക്ക്‌ ചവിട്ടടീ… എടീ മൈരേ… ബ്രേക്ക്‌ചവിട്ടാൻ..!!”””_ ഞാൻ ബോധമില്ലാണ്ടിരുന്ന് നിലവിളിച്ചു…

ഉടനെ മീനാക്ഷി സഡൻബ്രേക്കിട്ട് വണ്ടിനിർത്തി…

“”…എന്താടാ..??”””_ കണ്ണുംമിഴിച്ച് കിടുകിടുപ്പോടെ ചുറ്റുംനോക്കുന്ന എന്നെക്കണ്ടതും പരിഭ്രാന്തിയോടെ അവൾതിരക്കി…

“”…തേങ്ങ… തേങ്ങ..!!”””_ ഞെട്ടലടങ്ങാതെ തിരിഞ്ഞുംമറിഞ്ഞും നോക്കുന്നതിനിടയിൽ ഞാനപ്പോഴും പുലമ്പുകയായ്രുന്നു…

“”…തേങ്ങയോ..??”””_ എന്താണ് സംഭവമെന്നു മനസ്സിലാകാതെ എന്നെത്തന്നെ നോക്കിയിരുന്ന പെണ്ണിന്റെ കണ്ണുമിഴിഞ്ഞു…

“”…ആം.! വണ്ടീടെ ബോണറ്റില്.. ബോണറ്റില് രണ്ട് തേങ്ങ..!!”””

“”…തേങ്ങയല്ല… നിന്റച്ഛന്റെ മാങ്ങ.! ദേ എന്നെക്കൊണ്ടൊന്നും പറയിപ്പിയ്ക്കല്ലും… ഇപ്പൊത്തന്നെ ആ പിന്നീന്നുവന്ന അയാള് തെറിവിളിയ്ക്കാഞ്ഞത് ഭാഗ്യം..!!”””_ തെറി വിളിയ്ക്കുമ്പോലെ ഹോണടിച്ചുകൊണ്ട് ഞങ്ങളെ കടന്നുപോയൊരു സ്വിഫ്റ്റിനെനോക്കി വണ്ടി മുന്നോട്ടെടുക്കുന്നതിനിടെ അവളെന്റോടെ ചിലുത്തു…

ശെരിയ്ക്കും അപ്പോഴാണെനിയ്ക്കു വെളിവുവീണത്…

അതോടെ ഞാൻ മീനാക്ഷിയെയൊന്നു ചികഞ്ഞുനോക്കി…

മഞ്ഞ സ്ലീവ്ലെസ്സ് കുർത്തിയ്ക്കുപകരം ഓറഞ്ചുംമഞ്ഞയും ഇടകലർന്ന സാരിയിലാണ് കക്ഷി…

അവളോടിയ്ക്കുന്നതോ ജീപ്പുമല്ല, കാറാണ്.!

…ഓഹ്.! ഓർമ്മയായ്രുന്നല്ലേ… പേടിച്ചുപോയി.!

ആ ഭാവത്തിൽ പൊട്ടനെപ്പോലിരുന്നുകൊണ്ട് ഞാനവളെനോക്കി ഇളിച്ചുകാട്ടി…

“”…എടാ… നീ ഓക്കേയല്ലേ..?? കുഴപ്പമെന്തേലുമുണ്ടോ..??”””_ അപ്പോഴും കാര്യം വ്യക്തമാകാതിരുന്ന മീനാക്ഷി എന്റെ ചുമലിൽത്തട്ടി…

“”…ഏയ്‌.! ഞാഞ്ചുമ്മാ എന്തൊക്കെയോ ഓർത്തപ്പൊ… കുഴപ്പോന്നുവില്ല…”””_ ഒരു വെകിളിച്ചിരിയോടെ അത്രയുമ്പറഞ്ഞ ഞാൻ,

“”…എടീ… വണ്ടി… വണ്ടി ഞാനോടിയ്ക്കണോ..??”””_ ന്നു കൂടി കൂട്ടിച്ചേർത്തു…

“”…ഓ.! ഇപ്പഴെങ്കിലും ചോദിയ്ക്കാന്തോന്നീലോ… ഇനീപ്പൊ വേണ്ട… ഇത്രേന്നേരം ഓടിയ്ക്കാങ്കിലേ ഇനിയോടിയ്ക്കാനും എനിയ്ക്കറിയാം..!!”””_ ഗിയർ ഷിഫ്റ്റ്‌ചെയ്യുന്നതിനിടെ അവളെന്നെയൊന്നാക്കി…

“”…അതുപിന്നെ നീയെന്നെ വിളിയ്ക്കാഞ്ഞിട്ടല്ലേ..?? വേണേ വിളിയ്ക്കണായ്രുന്നു… നീ ഒതുക്കിനിർത്ത്… ബാക്കി ഞാനോടിയ്ക്കാം..!!”””

“”…ഏയ്‌.! അതുകുഴപ്പോല്ലടാ… വേണേ നീകുറച്ചുകൂടി മയങ്ങിയ്ക്കോ… ഇനി ഒത്തിരിദൂരമില്ലല്ലോ..!!”””_ ഒരു പുഞ്ചിരിയോടെ അതുപറയുന്നതിനൊപ്പം അവളെന്റെ കവിളിലൊരു കുത്തുകൂടി വെച്ചുതന്നു…

“”…മിന്നൂസേ..!!”””_ അവൾവീണ്ടും വണ്ടി സ്പീഡിലാക്കിയതും ഞാൻ ശബ്ദംതാഴ്ത്തി അവളെവിളിച്ചു…

“”…മ്മ്മ്..??”””

“”…നമുക്കങ്ങ് തിരിച്ചുപോയാലോടീ..??”””_ ശ്രെദ്ധയോടെ വണ്ടിയോടിയ്ക്കുന്ന മീനാക്ഷിയുടെ മുഖത്തേയ്ക്കുനോക്കി ഞാൻചോദിച്ചു…

“”…കുറച്ചുങ്കൂടി ചെന്നിട്ട് പോയാപ്പോരേ..??”””_ അവൾ ചുണ്ടുകൾ കടിച്ചമർത്തി…

“”…എടീ… നീ തമാശകള… എന്തോ എനിയ്ക്കാകെയൊരു മടുപ്പ്… പഴയതൊക്കാലോയ്ക്കുമ്പോ ഒരുവല്ലായ്ക.. നമുക്ക് തിരിച്ചുപോവാം..??”””_ അവൾടെ സാരിയ്ക്കുമുകളിലൂടെ തുടയിൽ ചുരണ്ടിക്കൊണ്ട് കുഞ്ഞുപിള്ളേരെപ്പോലെ ഞാൻകൊഞ്ചി…

“”…കൂടെ ഞാനുള്ളപ്പോഴോ ബാലാ..??”””_ അങ്ങനേംചോദിച്ച് എന്നെനോക്കി ഒരിയ്ക്കൽക്കൂടിയവൾ പുഞ്ചിരിയ്ക്കുമ്പോൾ, അവളുടെയാ ചിരിയിൽ, ആ കണ്ണുകളിൽ വല്ലാത്തൊരു മാന്ത്രികതയുണ്ടായ്രുന്നു…

…നിന്നെ ഞാൻ ആർക്കെങ്കിലും വിട്ടുകൊടുക്കോടാന്നൊരു ഭാവം.!

“”…അതേ… ഏതേലും നല്ലൊരു ബേക്കറികണ്ടാൽ വണ്ടിനിർത്തണേ..!!”””_ അവളുടെ ഉണ്ടക്കണ്ണുകളിലെ വശ്യതയിൽനിന്നും രക്ഷപ്പെടാനെന്നോണം ഞാൻ വിഷയം മാറ്റുകയായ്രുന്നു…

…അല്ലേച്ചിലപ്പോൾ എനിയ്ക്കവളെ ഈ ഇരുപ്പിലുമ്മവെയ്ക്കാൻ തോന്നിപ്പോകും.!

അതെവിടെച്ചെന്നു നിൽക്കോന്ന് ഊഹിയ്ക്കാനും കഴിയൂല.!

“”…ഓ വേണ്ട.! എനിയ്ക്കു വിശക്കുന്നില്ല..!!”””_ ഇടതുകൈ സ്റ്റീറിങ്ങിൽനിന്നും വേർപെടുത്തി സാരിയ്ക്കുമുകളിലൂടെ വയറിലൊന്നുഴിഞ്ഞുകൊണ്ട് അവൾപറഞ്ഞതും ഞാൻ കക്ഷിയെനോക്കി പല്ലുകടിച്ചു…

“”…എടീ കോപ്പേ… നെനക്കു ഞണ്ണുന്നകാര്യല്ല പറഞ്ഞത്… ഒരു കുഞ്ഞുള്ള വീട്ടിലേയ്ക്കാണ് ചെന്നുകേറുന്നത്… അപ്പോളെന്തേലും മേടിച്ചിട്ടുപോണ്ടേ… ഞാനതാ ഉദ്ദേശിച്ചേ..!!”””

“”…ഓഹ്.! അതുശെരിയാ ല്ലേ..?? ഞാനതോർത്തില്ല..!!”””_ ഒരു ചമ്മിയചിരിയോടെ പറഞ്ഞശേഷം പെണ്ണെന്നെനോക്കി അബദ്ധംപറ്റീന്ന ഭാവത്തിൽ കണ്ണുകൾ ചെറുതാക്കി…

“”…കുട്ടൂസേ… വന്നുവന്ന് നെനക്കിപ്പൊ വല്ലാത്ത കാര്യവിചാരമൊക്കെ വന്നിട്ടുണ്ടല്ലോ… സത്യമ്പറേടാ നീയെന്റെ ലെയ്സുവല്ലതും കട്ടുതിന്നുന്നുണ്ടോ..??”””_ കള്ളച്ചിരിയോടെ ചോദിയ്ക്കുന്നതിനിടയിൽ എൻഎച്ചിൽനിന്നും തിരക്കുകുറഞ്ഞ റോഡിലേയ്ക്കവൾ വണ്ടിതിരിച്ചു…

“”…പക്ഷെ എനിയ്ക്കതത്ര ഇഷ്ടപ്പെടുന്നൊന്നുമില്ലാട്ടോ… വായിലുവരുന്നത് ആളുംതരവും നോക്കാതെ തോന്നിയപോലെ വിളിച്ചുപറയുന്ന ആ പൊട്ടൻ സിത്തൂനെയാ എനിയ്ക്കിഷ്ടം..!!”””_ എന്റെ തുറിച്ചുള്ളനോട്ടം ശ്രദ്ധിക്കാത്തപോലെ പെണ്ണ് വീണ്ടും കോന്ത്രമ്പല്ലുകാട്ടി ചിരിച്ചു…

“”…ദേ… വണ്ടിയവിടെ ചവിട്ട്..!!”””_ അവൾ പറഞ്ഞതത്ര സുഖിയ്ക്കാത്ത ഭാവത്തോടെ റോഡ് സൈഡിലായിക്കണ്ട വലിയ ബേക്കറിയിലേയ്ക്കു ചൂണ്ടിക്കൊണ്ട് ഞാൻപറഞ്ഞതും മീനാക്ഷി വണ്ടി സ്ലോയാക്കി…

“”…നീയിരിയ്ക്ക്… ഞാമ്പോയി മേടിച്ചിട്ടുവരാം..!!”””_ അവൾടെ ഡെബിറ്റ്കാർഡ് കയ്യിലുള്ള ധൈര്യത്തിൽ സീറ്റ്ബെൽറ്റുമഴിച്ച് ഞാൻ പുറത്തേയ്ക്കിറങ്ങി…

അവിടെന്ന് അതുമിതുമൊക്കെയായി കുറച്ചു പലഹാരങ്ങളുംവാങ്ങി ഞാൻ കാറിലേയ്ക്കു തിരിച്ചുകേറുമ്പോൾ മീനാക്ഷി എന്നേയും പ്രതീക്ഷിച്ചിരിയ്ക്കുവായ്രുന്നു…

“”…ഇതെന്താ രണ്ടുകവറ്..??”””_ എന്റെ കയ്യിലേയ്ക്കുനോക്കിയ പെണ്ണിന് സംശയമായി…

“”…ഇത് കുഞ്ഞിന്..!!”””_ പറഞ്ഞുകൊണ്ടു വണ്ടിയിലേയ്ക്കു കേറിയ ഞാൻ ഒരെണ്ണമവളെ കാണിച്ചശേഷം ബാക്ക്സീറ്റിലേയ്ക്കു വെച്ചു…

“”…അപ്പൊ മറ്റേതോ..??”””_ അവൾ രണ്ടാമത്തെ കവറിലേയ്ക്കു ചൂണ്ടി…

“”…നെനക്കു വെശക്കൂലേ..?? പണ്ടത്തെപ്പോലെ തോന്നുമ്പോത്തോന്നുമ്പൊ അടുക്കളേക്കേറി കട്ടുതിന്നാനൊന്നും പറ്റീന്നുവരില്ല..!!”””_ ഞാനൊന്നു സ്വരംകടുപ്പിച്ചശേഷം രണ്ടാമത്തെ കവറും ബാക്സീറ്റിലേയ്ക്കു വെച്ചു…

മീനാക്ഷിയാണേൽ അപ്പോളത്രേം എന്റെ മുഖത്തുനിന്ന് നോട്ടംമാറ്റാതിരിയ്ക്കുവായ്രുന്നു…

ഉണ്ടക്കണ്ണുകൾ പെരുപ്പിച്ചുപിടിച്ചുള്ള അവൾടെ നോട്ടംകണ്ടതും എന്താന്നഭാവത്തിൽ ഞാൻ പുരികമുയർത്തി…