കൊച്ചിയിലെ കുസൃതികൾ – 8 7

“അതൊക്കെ ദാ എന്നുപറയുമ്പോഴേക്കും വലുതാകും. സമയം പോകുന്നതറിയില്ല. മാത്രമല്ല ഇപ്പോഴേ നോക്കി തുടങ്ങിയാലല്ലേ അടുത്തകൊല്ലം വാവയെ കിട്ടൂ,” ലീലേട്ടത്തി പൊട്ടിച്ചിരിച്ചു. ഗീതു ഒന്നും മിണ്ടാതെ അടുക്കളയിലേക്ക് നടന്നു. “അല്ല ഞാൻ ഇതാരോടാ,” ലീലേട്ടത്തി തുടർന്നു,

“കല്യാണം കഴിഞ്ഞ് മാസം പത്തു തികയും മുൻപേ തന്നെ അമ്മിണിക്കുട്ടിയെ പെറ്റിട്ട മിടുക്കത്തിയല്ലേ മോള്, അപ്പൊ പിന്നെ ഞാൻ ഒന്നും പറയേണ്ടല്ലോ. പെറ്റിട്ടുതന്നാൽ മതി താഴത്തും തലയിലും വെക്കാതെ നോക്കുന്ന കാര്യം ഞാനേറ്റു.” അവർ പിന്നെയും ചിരിച്ചു. അമ്മിണിക്കുട്ടിയുടെ പ്രസവത്തിന്റെ കാര്യം കേട്ടപ്പോൾ ഗീതുവിന്റെ മനസ്സ് ഒന്നുകൂടി പിടച്ചു.

ആറാം മാസമായപ്പോഴേക്കും ഡാഡി ഏല്പിച്ചിരുന്നതുപോലെ പൊള്ളാച്ചി അടുത്തുള്ള ഗ്രാമത്തിൽ പോയതും. അവിടെ വീട്ടിലെ പ്രസവവും, രാജീവേട്ടൻ ആശുപത്രിയുടെ മുന്നിൽ കാത്തുനിന്നതും. കുട്ടിയെ ഒളിപ്പിച്ചതും, ഒടുക്കം ഒരു കുഴപ്പവും കൂടാതെ എല്ലാം നന്നായി നടന്നതുമെല്ലാം ഇന്നലെ നടന്നതുപോലെ അവളുടെ കണ്ണിൽ നിറഞ്ഞു. അവൾക്ക് ബെന്നിയെ ഓർമ്മ വന്നു. അവളുടെ കണ്ണുകൾ നിറഞ്ഞു. അവൾക്ക് പെട്ടെന്ന് ഡാഡിയെ മിസ് ചെയ്തു. ഡാഡിയെ കെട്ടിപ്പിടിച്ചു കരയാൻ തോന്നി. ഇനിയൊന്നു വിളിക്കാൻ പോലും ഒരു കോണ്ടാക്ടും ബാക്കി വെച്ചില്ലല്ലോ അവൾക്ക് വല്ലാത്ത വിഷമം തോന്നി. എല്ലാം ആരോടെങ്കിലും ഒന്ന് തുറന്നുപറയാൻ പറ്റിയെങ്കിൽ അവൾക്ക് ശ്വാസം മുട്ടുന്നതുപോലെ തോന്നി.

“ഗീതുമോളെ,” അടുക്കളയിലേക്ക് കടന്നുവന്ന ലീല ഒരു സ്മാർട്ട് ഫോണ് ഗീതുവിന് നേരെ നീട്ടിക്കൊണ്ട് തുടർന്നു, ” ദേ ഇതേല്, വാട്‌സ്ആപ്പ് തുറന്നിട്ട് മഞ്ജു എന്നൊരു പേര് കാണും. ആ കൊച്ചിന് നമ്മുടെ അസോസിയേഷൻ പ്രസിഡന്റിന്റെ നമ്പർ ഒന്ന് അയക്കാമോ? ആങ്ങളയുടെ മോളാണ്. ഒരു ജോലിക്കാര്യത്തിനാണ്. എനിക്ക് ഈ ഫോണൊന്നും ഒട്ടും പരിചയമില്ല. അതാ .”

“പുതിയ ഫോണൊക്കെ ആയല്ലേ, അയ്യപ്പേട്ടൻ വാങ്ങിയതാണോ,” ഗീതു ഫോണ് വാങ്ങി വാട്സാപ് തുറന്നുകൊണ്ട് ചോദിച്ചു.

“അയ്യപ്പേട്ടൻ കുറെ വാങ്ങും, കുപ്പി. ഇത് രാജീവ് മോന്റെ ചേട്ടൻ രാഹുൽ സർ ഇത്തവണ വന്നപ്പോ ഒരു പുതിയ ഫോണ് അവിടുത്തെ അമ്മയ്ക്ക് വാങ്ങിക്കൊടുത്തു. അമ്മയുടെ പഴയ ഫോണ് സുനിലിന് കൊടുത്തു. ഇത് അവന്റെ പഴയ ഫോണ് ആണ്. എനിക്കാണെങ്കിൽ ഈ തോണ്ടുന്ന ഫോണ് ഒട്ടും പരിചയമില്ല. ഇതുതന്നെ സുനിക്കുട്ടൻ ശരിയാക്കി തന്നതാ. മോൾ ഒഴിവുപോലെ ഒന്ന് പഠിപ്പിക്കാൻ നോക്കണേ.”

“ശരി ചേച്ചി. അയച്ചിട്ടുണ്ട്. ആദ്യം ഞാൻ ഇതിൽ ചേച്ചിക്ക് ആവശ്യം വരാൻ സാധ്യത ഇല്ലാത്ത ആപ്പുകൾ ഒക്കെ ഒന്ന് കളയട്ടെ. കുറേ ആപ്പുകൾ കണ്ടാലേ സംശയം ആവും. പിന്നെ അത്യാവശ്യം വേണ്ട ചില ആപ്പുകൾ കേറ്റാം. സെറ്റിങ്‌സ് കുറച്ചു മാറ്റാൻ ഉണ്ട്,” ഗീതു ഫോണ് സ്വൈപ് ചെയ്തുകൊണ്ട് പറഞ്ഞു.

“അതേ മോളെ എല്ലാം ശരിയാക്കണം. എന്നിട്ട് എനിക്ക് പഠിപ്പിച്ചാൽ മതി.”

“അത് ഞാനേറ്റു. അല്ല ഇങ്ങനെ ഒരു ചേട്ടനും മോളും ഉള്ളതൊന്നും പറഞ്ഞിട്ടില്ലലോ ഏടത്തി?” അവൾ ഫോണിൽ തന്നെ കണ്ണുനട്ടുകൊണ്ട് ചോദിച്ചു. “മാത്രമല്ല അസോസിയേഷൻ പ്രസിഡന്റ് ഒക്കെ ആയി നേരിട്ടണല്ലോ ഡീൽ” അവൾ ചിരിച്ചു.

“ഞാൻ പറഞ്ഞിട്ടുണ്ട് ഒരിക്കൽ. നാട്ടിൽ വെച്ച്. അമ്മയ്ക്കൊക്കെ മഞ്ജുവിനെ അറിയാം. അവൾ എന്റെ ചേട്ടൻ വേണുവിന്റെ മകളാണ്. ചേട്ടൻ കൊച്ചിയിൽ നാട്ടിലെ ഒരു പരിചയക്കാരന്റെ മുതലാളിയുടെ ലോറിയിൽ ഡ്രൈവർ പണിക്ക് വന്നതാണ്, 2002-2003 കാലത്ത്. അങ്ങനെയാണ് ലോറി ഗ്രൗണ്ടിനടുത്ത് ചായക്കട നടത്തുന്ന സരോജിനിയുടെ മകൾ കുമാരിയെ കാണുന്നതും പരിചയപ്പെടുന്നതും ഇഷ്ടമാകുന്നതും.

ഈ സരോജിനി, മുതലാളിയുടെ ഒരു സെറ്റ് അപ്പ് ആണെന്ന് അന്നേ ഇവിടെ കരക്കമ്പിയായിരുന്നു. കഷ്ടകാലം, ചേട്ടൻ അതൊന്നും കാര്യമാക്കിയില്ല. അത് മാത്രമല്ല, അന്ന് ഏതാണ്ട് മുപ്പത് വയസ്സുണ്ടായിരുന്ന ചേട്ടനെക്കാൾ നാലഞ്ച് വയസ്സിന് മൂത്തതാണ് കുമാരിയെന്നോ അവൾക്ക് ഒരു കേട്ട്യോനും അഞ്ചും എട്ടും വയസ്സുള്ള രണ്ട് പിള്ളേർ ഉണ്ടെന്നോ കാര്യമാക്കിയില്ല.

കാരണമെന്താ?” ലീല ഒന്ന് നിർത്തിയ ശേഷം ഗീതുവിനെ നോക്കി തുടർന്നു, “അവൾ ചേട്ടനെ മൂടും മുലയും കാട്ടി മയക്കി. അവളുടെ കേട്ട്യോൻ ആകട്ടെ ഒന്ന് ആഞ്ഞുവളിവിടാൻ ശേഷിയില്ലാത്ത ഒരുത്തനും. ഇനിയും കെട്ട് നടത്തിയില്ലെങ്കിൽ പെണ്ണ് കരക്കാരുടെ പിള്ളേരെ പെറും എന്നുറപ്പായപ്പോഴാണ് സ്ത്രീധനം ഒന്നും വാങ്ങാതെ കെട്ടാൻ തയ്യാറായ അനന്തിരവൻ സുന്ദരന് സരോജിനി കുമാരിയെ കെട്ടിച്ചത്. ഇതിനിടെ രണ്ടു പിള്ളേരും ഉണ്ടായി.

അവിടെ ചേട്ടൻ പതിവുകാരൻ ആയപ്പോഴാണ് മഞ്ജുവിനെ വയറ്റിലായത്. അതോടെ സുന്ദരൻ നാടുവിട്ടോടി. അങ്ങനെ വയറ്റിലുള്ള കുമാരിയും അവളുടെ 2 ചെക്കന്മാരും അതിനകം കിടപ്പിലായ സരോജിനിയും ചേട്ടന്റെ തലയിലായി. ചെക്കന്മാരിൽ മൂത്തവൻ , ദിനേശ് കള്ളുകുടിയും പെണ്ണുപിടിയുമൊക്കെ ആയി നടക്കുകയാണ്. രണ്ടാമത്തവൻ ബിനീഷ് കുറച് ബുദ്ധിമാന്ദ്യം ഒക്കെ ആണ്.

ചേട്ടൻ സ്ട്രോക്ക് വന്ന് കിടപ്പിലും. സരോജിനി മരിച്ചതോടെ കുമാരിക്ക് ചായക്കട കിട്ടിയെങ്കിലും അത് കഷ്ടിച്ച് ഓടിച്ചുപോകുന്നു എന്നെ ഉള്ളൂ. അതുകൊണ്ടാണ് എന്തെങ്കിലും നാല് കാശ് കിട്ടിക്കോട്ടെ എന്ന് വിചാരിച്ച് ആ പെണ്ണ് മഞ്ജുവിന് എവിടെയെങ്കിലും പണികിട്ടുമോ എന്നന്വേഷിച്ചത്. പ്രസിഡന്റ് സാർ ന്റെ ഫ്രണ്ടിന് ഇടുക്കിയിൽ ഒരു എസ്റ്റയ്റ്റും റിസോർട്ടുമൊക്കെ ഉണ്ടത്രേ. അവിടെ ഭേദപ്പെട്ട ശമ്പളമുള്ള ഒരു ജോലി റെഡി ആക്കാം എന്ന് പറഞ്ഞിട്ടുണ്ട്. അവളെങ്കിലും രക്ഷപ്പെടട്ടെ.”

പെട്ടെന്ന് ഉമ്മറത്തെ കോളിംഗ് ബെൽ അടിച്ചു. വാതിൽ തുറന്നപ്പോൾ കണ്ടാൽ പത്തോ പതിനെട്ടോളം തോന്നുന്ന മെലിഞ്ഞുയരം കുറഞ്ഞ ഒരു പെണ്ണ്. അതാണ് മിത്ര.
“എന്താടീ നിന്നെ ആരെങ്കിലും പിടിച്ചു റോസ്റ്റ് ചെയ്തോ?” മിത്രയുടെ കരി പറ്റിയ മഞ്ഞ ചുരിദാറും, പാറി പറക്കുന്ന തലമുടിയും, പൊട്ടിയ ചുണ്ടും, ചുവന്ന കണ്ണും കണ്ട് ഗീതു ചോദിച്ചു.

“ഒന്നും പറയേണ്ട എന്റെ ചേച്ചീ, നേരത്തെ എഴുന്നേറ്റ് വീട്ടിൽ നിന്ന് പുറപ്പെട്ടത്തിന്റെ ഉറക്കക്ഷീണം കാരണം ബസ്സിലിരുന്ന് നന്നായിട്ടുറങ്ങി. ഉണർന്നപ്പോഴേക്കും ബസ്സ് സ്റ്റാൻഡിൽ നിന്ന് എടുക്കാൻ തുടങ്ങിയിരുന്നു. ധൃതിയിൽ ഇറങ്ങിയപ്പോൾ തട്ടിത്തടഞ്ഞു വീണു.”

“അയ്യോ ഞാൻ രാജീവേട്ടനോട് പറയാം. ഡോക്ടറെ കാണിക്കണ്ടേ.”

“ഒന്നും വേണ്ട . ഞാൻ എന്തായാലും ഒന്ന് കുളിക്കട്ടെ. അത് കഴിഞ്ഞു ഭക്ഷണം കഴിച്ച് മരുന്നുപുരട്ടി കിടക്കാം. ഒന്നുറങ്ങണം.”

“അതുശരിയാ,” മിത്രയെ അത്രനേരം അടിമുടി നോക്കിക്കൊണ്ടിരുന്നു ലീലേട്ടത്തി പറഞ്ഞു, “മോൾക്ക് നല്ല ഉറക്കക്ഷീണമുണ്ട്. പിന്നെ വണ്ടി അത്രയും നേരം ഓടുകയല്ലേ കയറിയും ഇറങ്ങിയും കുലുങ്ങിയുമൊക്കെ, അപ്പൊ തളർന്നില്ലെങ്കിലാണ് അത്ഭുതം. അല്ലെ മോളേ?”