Kambi Kadha – Devasundari Part 13 | Author : Hercules
Previous Part
ഹലോ..! ഇത് ചെറിയൊരു പാർട്ട്‌ ആണ്. തൽകാലത്തേക്ക് ഇത് വച്ചൊന്ന് അഡ്ജസ്റ്റ് ചെയ്യണമെന്ന് അപേക്ഷിക്കുന്നു 🙃. എഴുതാനുള്ള മൂഡ് കിട്ടുന്നില്ല. അതോണ്ട് ഇപ്രാവിശ്യം കൂടെയൊന്ന് ക്ഷമിക്കണം. ചിലപ്പോ അടുത്ത പാർട്ട്‌ വൈകും.
വായിച്ച് അഭിപ്രായം അറിയിക്കു ❤
ഓഡിറ്റിംഗ് കഴിഞ്ഞുള്ള രണ്ട് ദിവസം കൂടെ ഓഫീസിൽ നല്ല തിരക്കായിരുന്നു. ഈ ദിവസങ്ങളിൽ വൈകീട്ട് ഭക്ഷണം കഴിച്ച ശേഷമുള്ള കൂടിച്ചേരൽ ഉണ്ടായിരുന്നില്ല. ജിൻസിയും അമ്മുവും തന്നെയാണ് അങ്ങനെ ഒരു തീരുമാനമെടുത്തത്. ഞങ്ങളുടെ ക്ഷീണം മുഖത്ത് നിന്ന് തന്നെ അവർക്ക് മനസിലാക്കാൻ പറ്റി എന്നതിനെ തുടർന്നായിരുന്നു അത്.
പകരം ഭക്ഷണം കഴിക്കുമ്പോൾ കുറച്ച് നേരം വല്ലോം സംസാരിക്കും.
അതിനിടെ അമ്മ വിളിച്ച് നാട്ടിലേക്ക് ചെല്ലുന്ന കാര്യം ഓർമിപ്പിച്ചുകൊണ്ട് ഇരിക്കുകയും ചെയ്യും.
ഓഫീസിലെ തിരക്കുകൾ ഒരുവിധം ഒതുക്കി എല്ലാം പഴയ നിലയിലേക്ക് എത്തിയപ്പോഴാണ് പിന്നേ ഞങ്ങളൊന്നിച്ച് കൂടുന്നത്.
സാധാരണ അഭിരാമി ഞങ്ങൾക്കൊപ്പം കൂടുമ്പോൾ സൈലന്റ് ആണേലും ഞാനുമായി കമ്പനി ആയേപിന്നെ അവളും അത്യാവശ്യം കാര്യങ്ങളൊക്കെ പറഞ്ഞു തുടങ്ങി.
“” എടാ…! നീയിപ്പോ ഹെൽത്തൊട്ടും നോക്കണില്ലാലെ.! വയറു ചാടിത്തുടങ്ങീട്ടുണ്ട്.!””
അങ്ങനെയൊരു ചർച്ചയ്ക്കിടെ ജിൻസിയാണ് ആ കാര്യം പറയുന്നത്.
“” ഹ്മ്മ്…! ഇപ്പൊ കാര്യായിട്ട് എക്സർസൈസോ വർക്ഔട്ടോ ഒന്നും ഇല്ലല്ലോ…! രാവിലേ കാറിൽ കേറി ഓഫീസിൽ പോണു അതുപോലെ തിരിച്ച് വരണു…! “”
ഞാൻ വല്യ താല്പര്യമില്ലാതെ പറഞ്ഞു. പക്ഷേ അതവൾക്ക് പിടിച്ചില്ല. അവൾ ഒന്നുല്ലേ ഒരു ഡോക്ടർ ആണല്ലോ.!
“” എന്നാ ഇനിത്തൊട്ട് അങ്ങനെ പോയേച്ചാ പോരാ…! മര്യാദക്ക് രാവിലെയോ വൈകീട്ടോ ജോഗിങ്ങിനു പൊക്കോണം..! “”
കിടന്നുത്തരവിടാനിവളാര് ജില്ലാ കലക്ടറാ…! മുഖത്ത് പുച്ഛഭാവം വന്നെങ്കിലും വായിലുള്ളത് പുറത്തോട്ട് തള്ളീല. കാരണമുണ്ട്. ടീ പോയയിൽ ഇരിക്കണ ഫ്‌ളവർ വേസ് തന്നെ കാരണം.
ഇനി ഞാമ്പറഞ്ഞിട്ട് അതിഷ്ടായില്ലേൽ ഇവളതെടുത്ത് എറിഞ്ഞ് എന്റെ തലപൊട്ടി… അവസാനം സ്റ്റിച്ച് അവള് തന്നെ ഇടേണ്ടിവരും. എന്തിനാ വെറുതേ പാവത്തെ മെനക്കെടുത്തണേ…!
എന്റെ മുഖഭാവം കണ്ട് കാര്യം മനസിലായിട്ടൊയെന്തോ അഭിരാമിയെന്നെ നോക്കിയൊന്ന് ചിരിച്ചു.
“” എങ്കി രാവിലെ പോവാം…! ഞാനും കുറച്ചൂസായിട്ട് പോവണമെന്ന് ഓർത്ത് ഇരിക്കുവായിരുന്നു. “”
അഭിരാമി അവളുടെ തീരുമാനം പറഞ്ഞു.
രാവിലെയാ മഞ്ഞത്ത് എണീറ്റ് ഓടാൻ പോണ കാര്യമോർത്തപ്പോൾ തന്നെ പല്ല് കൂട്ടിയിടിച്ചു…! അപ്പൊ പിന്നാ തണുപ്പത്തിറങ്ങി നടക്കണ കാര്യം പ്രത്യേകം പറയണ്ടല്ലോ…!
പക്ഷേ ഒന്നും പറയാൻ പറ്റില്ല. രണ്ടിന്റേം സ്വഭാവം വെറും കച്ചറയാണ്. അതെപ്പോഴാ പുറത്ത് വരണേയെന്ന് അതുങ്ങൾക്ക് പോലും വല്യ നിശ്ചയങ്കാണൂല..!
അങ്ങനെ ആ കാര്യത്തിൽ ഏകകണ്ഠമായി തീരുമാനമായ സ്ഥിതിക്ക് അന്നത്തെ ചർച്ചയവസാനിപ്പിച്ച് ഞാനും അഭിരാമിയും ഞങ്ങളുടെ ഫ്ലാറ്റിലേക്ക് വന്നു.
“” ഡാ…! J&D ടെ സ്റ്റാറ്റസ് എന്താ…! നാളെക്കൊണ്ട് സബ്‌മിറ്റ് ചെയ്യാനൊക്കുവോ..?! “”
ഫ്ലാറ്റിലേക്ക് കയറി ഡോറും ലോക്ക് ചെയ്തിട്ടവള് ചോദിച്ചു.
“” എന്റെ പൊന്നഭിരാമി… വീട്ടിലേലും ഇത്തിരി മനഃസമാധാനം താ…! “”
ഞാനവൾക്ക് നേരെ കൈ കൂപ്പി.
“”ഓക്കേ ഓക്കേ…! നടക്ക്…””
എന്റെ കാട്ടിക്കൂട്ടലുകണ്ട് ചുണ്ടിൽ വിടർന്നയൊരു പുഞ്ചിരിയോടെ അവളെന്നെ ഉന്തിത്തള്ളി റൂമിൽ കയറ്റി.
“” ഗുഡ് നൈറ്റ്‌…! “”
എന്നെ വിഷ് ചെയ്ത് അവൾ അവളുടെ റൂമിലേക്ക് ചെന്നു.
ഞാനും ഒരു ചിരിയോടെ അവളെ വിഷ് ചെയ്ത ശേഷം ഉറങ്ങാൻ കിടന്നു.
****************
“” രാഹുലേ……!! ഡാ എണീക്ക്….! ജോഗിങ്ങിന് പോണ്ടേ…ഇതെന്തുറക്കാ…!””
തലവഴി മൂടിയിരുന്ന പുതപ്പും വലിച്ചെടുത്ത് അഭിരാമിയെന്നെ പിടിച്ച് കുലുക്കി ഉണർത്താൻ ശ്രമിച്ചു.
ഞാൻ പയ്യെ കണ്ണ് തുറന്നു. പുറത്തിപ്പഴും ഇരുട്ട് തന്നെയാണ്. സമയം നാലേമുക്കാലെന്തോ ആയെ ഉള്ളു.
“” എടിയൊരഞ്ചുമിനുട്ടൂടെ…! “”
ഉറക്കച്ചടവിൽ അഭിരാമിയോട് പറഞ്ഞിട്ട് ഞാൻ വീണ്ടും പുതപ്പ് വലിച്ചു.
“” അയ്യടാ…! വേഗം വന്നേ… മതി ഉറങ്ങീത്.””
അവള് ശാട്യം പിടിച്ചു.
“” ഉഫ്…! ഈ തടകേനെക്കൊണ്ട്….!!””
ഉറക്കം കളഞ്ഞ ദേഷ്യത്തിൽ ഞാനവളെ ഒന്ന് കലിപ്പിച്ച് നോക്കി.
“” പോടാ തെണ്ടീ….! ദേ വീണ്ടും കിടക്കാനാണ് പ്ലാനെങ്കി തലേക്കൂടെ ഞാൻ വെള്ളങ്കോരിയൊഴിക്കും…! കേട്ടാ…! “”
അതുമ്പറഞ്ഞ് അവൾ പുറത്തോട്ട് പോയി.
വീണ്ടും ഉറങ്ങാമെന്ന പ്ലാനിൽ ആയിരുന്ന ഞാനതോടെ ആ ചിന്തയങ്ങ് കുഴിച്ചുമൂടി. ചെയ്യൂന്ന് പറഞ്ഞാലവള് ചെയ്യും. ഒറ്റബുദ്ധിയാണെന്ന് ഞാമ്മുന്നേ പറഞ്ഞല്ലോ…!
പിന്നേ കിടന്നുരുളാണ്ട് ഞാനൊന്ന് ഫ്രഷ് ആയി ഒരു ഷോർട്സും ടീഷർട്ടും എടുത്തിട്ട് ഹാളിലേക്ക് ചെന്നു.
താടക അവിടെ ഇരുന്ന് അവളുടെ ഷൂസ് ഇടുകയായിരുന്നു. അവളെക്കണ്ട് ഒരു നിമിഷം ഞാൻ ഒന്ന് മിഴിച്ചുനിന്നുപോയി.
ഒരു അയഞ്ഞ ടീഷർട്ടും സ്‌കിൻഫിറ്റ് ടൈപ്പ് യോഗ പാന്റ്സും ആയിരുന്നു അവൾടെ വേഷം. മുടി പോണിടെയ്ൽ രീതിയിൽ കെട്ടിവച്ചിട്ടുമുണ്ട്. അവളെ ഇങ്ങനെയൊരു വേഷത്തിൽ മുന്നേ കണ്ടിട്ടില്ലാത്തോണ്ട് ഞാനവളേം മിഴിച്ചുനോക്കിയവിടെ നിന്നു.
ഓഫീസിൽ ഒക്കെ ചുരിദാറിലും ഫ്ലാറ്റിലാണെൽ പാവാടയും ടീഷർട്ടും ഒക്കെയാണ് അവളുടെ വേഷം. ഒരുവട്ടം മാത്രം സാരിയിലും അവളെ കണ്ടിട്ടുണ്ട്.
എന്റെ മിഴിച്ചുനോട്ടം കണ്ട് അവളെന്നെനോക്കിയൊന്ന് പുരികമിളക്കി. അപ്പോഴാണ് ഞാൻ വീണ്ടും സ്വബോധത്തിലേക്ക് വരുന്നത്.
അവൾ കണ്ടതില്ഒരല്പം ജാള്യത തോന്നിയെങ്കിലും അത് വലിയ കാര്യമാക്കാതെ ഞാൻ എന്റെ ഷൂസ് എടുത്തിട്ട് റെഡി ആയി.
ജഗ്ഗിൽ നിന്ന് ഒരല്പം വെള്ളം എടുത്ത് കുടിച്ച് ഞാൻ പുറത്തേക്കിറങ്ങി. എനിക്ക് പിന്നാലെ അവളും.
ജിൻസിയും അമ്മുവും ഉറക്കം തന്നെയാവണം. അവരെണീക്കുന്ന സമയം ആവണെയുള്ളു. അതോർത്തപ്പോ ജിൻസിയെ മനസുകൊണ്ട് ഞാൻ അറിഞ്ഞു പ്രാകി.
ആ തെണ്ടി കാരണമാണല്ലോ ഈ കാട്ടിക്കൂട്ടൽ.
പുറത്തോട്ടിറങ്ങിയതേ പല്ല് കൂട്ടിയിടിച്ചു…! അതോടെ ഓടാൻ പോവാനുള്ള മൂടോക്കെപ്പോയി പുതച്ചുമൂടി കിടക്കാനുള്ള ഒരു മൂഡിലേക്ക് ഞാനെത്തി.
തിരിച്ച് റൂമിലേക്ക് പോവാനായി തിരിഞ്ഞതും പിന്നിൽ കയ്യും കെട്ടി എന്നേം തുറിച്ച് നോക്കി നിൽക്കുന്ന താടക.
