Related Posts
എന്റെ കഥ ഇഷ്ടപ്പെട്ടവർക്കും പ്രോത്സാഹിപ്പിച്ചവർക്കും ഒരായിരം നന്ദി
പെട്ടന്ന് പ്രദീക്ഷിക്കാതെ അവളുടെ കൈ എന്റെ മുഖത് പതിഞ്ഞിരുന്നു
ടപ്പേ……..
കണ്ണിൽ നിന്നും പൊന്നീച്ച പറന്നു കണ്ണൊരല്പം അറിയാത്ര നിറഞ്ഞു
തലയിലെ മുറിവ് ഒന്നൂടെ വിടർന്നു വേദന കടിച്ചമർത്തുമ്പോളും ചുണ്ടിൽ പുഞ്ചിരി നിറച്ച് എന്താ പറ്റിയെ എന്ന് പോലും മനസ്സിലാവാതെ അവളെ നോക്കി ഇളിച്ചു
എന്തിനാ തല്ലിയെ എന്നുള്ളതിന്റെ മറുപടിക്ക് അധികം താമസിക്കേണ്ടി വന്നില്ല
കണ്ണ് നിറച്ച് അതിനുള്ളിൽ കുറച്ച് ദേഷ്യവും വിഷമവും ഓരോ ടേബിൾ സ്പൂണിൽ ഇട്ട് മുഖത്ത് ചെറിയ വിഷമം ആവശ്യത്തിനു നിറച്ച് അവൾ പറഞ്ഞു തുടങ്ങി
“ഇഷ്ടല്ലേന്നോ
നിന്നെ ഇഷ്ടല്ലേന്നോ
ഇഷ്ടല്ലാതോണ്ടാണോ മുണ്ടുടുപ്പിക്കാൻ വന്നത്
ഇഷ്ടല്ലാതോണ്ടാണോ നിന്റെ നെറ്റിയിൽ ഉമ്മ വെച്ചത്
ഇഷ്ടല്ലാതോണ്ടാണോ നിനക്ക് നൊന്താപ്പോൾ എന്റെ ഉള്ളു പിടച്ചത്
ഇഷ്ടല്ലാതോണ്ടാണോ നീ ചെയ്തതിനൊക്കെ നിന്നുതന്നത്”
ഇത്രയും പറഞ്ഞവള് മൗനത്തിലേക്ക് വഴുതിയപ്പോൾ കരയണോ ചിരിക്കണോ എന്നൊരാവസ്ഥയിൽ ആയിരുന്നു ഞാൻ
ചാടി തുള്ളണം എന്നുണ്ട് വേണ്ട തല ഇനിയും ഇളകിയാൽ ശെരിയാവില്ല
ഞാൻ ഇത്രയും ഇഷ്ടപ്പെടുന്ന പെണ്ണിന്റെ ഉള്ളിൽ എന്നോട് അതിനേക്കാൾ ഇഷ്ടം ഉണ്ടെന്നറിഞ്ഞപ്പോൾ ആ സമയം തട്ടി പോയിരുന്നെങ്കിൽ എന്റെ ശവത്തിന് ഇളിച്ച മോന്ത ആയിരിക്കും.
അവൾ ഇഷ്ടം പറഞ്ഞതിൽ കൂടുതൽ ജീവിതത്തിൽ ഇനി ഞാൻ ഒറ്റയ്ക്കല്ല എന്ന സന്ദോഷം ആയിരുന്നു മനസ്സ് മൊത്തം ആ സന്ദോഷം ആക്സിലേറ്ററിലേക്ക് ആവാഹിച്ചു അവിടെന്നു പറന്നു എന്ന് തന്നെ പറയാം
പക്ഷേ ആ പറക്കലിന് ഒരുപാട് ആയുസ്സ് ഉണ്ടായില്ല പകുതി വഴിയിൽ വിമാനം എനിക്ക് പണി തന്നു
ചെറിയൊരു തേങ്ങലോടെ ആള് സൈഡ് ആയി
ഇനി എന്ത് കാണിക്കും എല്ലാരേയും പോലെ ബോണറ്റ് തുറന്ന് ആലോചനയിൽ മുഴുകിയപ്പോൾ ആണ് പുറകിൽ നിന്ന് ഒരു തട്ട് ഒപ്പം ഉച്ചത്തിൽ ഉള്ള സംസാരവും
“ഏത് നേരത്താണ് ഈശോയെ ഈ കുന്തത്തിൽ വരാൻ ഓകെ പറഞ്ഞേ”
എന്നോട് വരാൻ പറഞ്ഞ സമയത്തെ പ്രാകിക്കൊണ്ട് ആൾ എന്റെ അടുത്ത് തന്നെ വന്നു നിന്നു ഞാൻ ഒളിക്കണ്ണിട്ട് നോക്കിയപ്പോൾ ദേഷ്യത്തോടെ അല്ലെന്ന് മനസ്സിലായി
ഭാഗ്യം അവള് ചിരിക്കുന്നും ഉണ്ട്
ഒന്നൂടെ അടുത്ത് വന്നിട്ട് എന്നോട് വീണ്ടും ചോദിച്ചു അല്ല എന്താ ഉദ്ദേശ്യം ഇത് ഇന്ന് ശെരിയാവോ
8 ഇന്റെ സ്പാനർ കിട്ടിയിരുന്നെങ്കിൽ
കിട്ടിയിരുന്നെങ്കിൽ
ഇപ്പൊ ശെര്യാക്കായിരുന്നു
ഞാൻ അത് പറഞ്ഞപ്പോൾ പെണ്ണ് തുളുമ്പുന്ന കുടം പോലെ പിന്നെയും ചിരിക്കാൻ തുടങ്ങി
ഇതെന്തു സാധനം..
ഇത് ഞാൻ വേറെ ആരോടെങ്കിലും പറഞ്ഞിരുന്നെങ്കിൽ ചുമ്മാ ആട്ട് കിട്ടിയേനെ അത്രയും ദുരുപയോഗം ചെയ്ത കോമഡി ആണ് എന്നിട്ടും ഈ മണ്ടി ഇരുന്ന് ചിരിക്കുന്ന കണ്ടിലേ..
ഞാൻ മനസ്സിൽ ചിന്തിച്ചത് അവള് മാനത്ത് കണ്ടത് കൊണ്ടാണോ അറിയില്ല ആ ചിരി ഫുൾ സ്റ്റോപ് ഇട്ട പോലെ നിന്നു
ഞാൻ എന്ത് ചെയ്യുമെന്ന് ആലോജിച്ചപ്പോയാ
നമ്മുടെ ശശി അണ്ണനെ ഓർമ വന്നത് മെക്കാനിക് ശശി ..
നേരെ ഫോൺ എടുത്ത് ഡയല് അമർത്തിയപ്പോൾ ആശാൻ ചാടി എടുത്തു
“എവിടെടാ അജു നിന്നെ കാണാൻ കിട്ടുന്നില്ലല്ലോ”
കഥ തുടങ്ങും മുന്നേ ഞാൻ സംഗതി അവതരിപ്പിച്ചു
“നീ ഇട്ട് സെൽഫ് അടിച്ചു ബാറ്ററി തീർക്കേണ്ട ഡീസൽ ബ്ലോക്ക് ആയതോ പ്ളഗ് ലൂസ് ആയതോ ആവും ഞാൻ ഇപ്പൊ വരാം”
ഉം മൂളി ഫോൺ കട്ട് ആക്കി അവളെ നോക്കുമ്പോൾ അതാ ഓട്ടോയ്ക്ക് കയ്യ് കാണിക്കുന്നു
ഭാഗ്യം ഓട്ടോക്കാരൻ കണ്ടതായി പോലും ഭാവിച്ചില്ല
അങ്ങനെ തന്നെ വേണം
ഞാൻ കളിയാക്കി ചിരിച്ചുകൊണ്ട് അവളെ നോക്കിയപ്പോൾ
ആ മുഖത്ത് ദേഷ്യത്തിന്റെ കാർമേഘം നിറഞ്ഞിരുന്നു
മൈര് വേണ്ടായിരുന്നു
ഇഷ്ടം പറഞ്ഞ ദിവസം ഇത്രയും കരഞ്ഞ പെണ്ണുണ്ടാവില്ല ഇനിയും ഓരോന്ന് കാണിച്ച് വിഷമിപ്പിക്കണ്ടാ
അനു എന്ന് വിളിച്ച് ഞാൻ അടുത്ത് ചെന്നപ്പോൾ എന്നെ മൈൻഡ് ചെയ്യുന്നുപോലും ഇല്ല
വെറുതെ അല്ല മരയോന്തേ ഓട്ടോ നിറുത്താതിരുന്നത്
ആ ഭാവം കണ്ട് ഉള്ളിൽ ചിരിച്ചെങ്കിലും പുറത്ത് കാണിച്ചില്ല
പേടിച്ചിട്ട് ഒന്നും അല്ലാ പക്ഷെ എന്തോ ഒരു ഭയം
ഇന്നലത്തെ ഞാൻ ആയിരുന്നെങ്കിൽ കളിയാക്കി കൊന്നേനെ അവളെ
പറഞ്ഞു തീരും മുന്നേ ശശിയണ്ണൻ ദേ വരുന്നു
സമയത്തിന്റെ കാര്യത്തിൽ ആളെ കഴിഞ്ഞേ വേറെ ആരും ഉള്ളൂ
പക്ഷെ ഇതെന്താ ബുള്ളെറ്റിലോ മെലിഞ്ഞു ഉണങ്ങി പൊക്കം കുറഞ്ഞ അണ്ണൻ ഇതിൽ വരുന്നത് കണ്ടപ്പോൾ ആദ്യം ഓർമ വന്നത് സൗണ്ട് തോമായിൽ ധർമജൻ വരുന്നതാണ്
അടുത്തെത്തിയപ്പോൾ പപ്പുവിനെ പോലെ എന്റെ ചോദ്യം പിടിവിട്ടു പോയി
വാര്യം പിള്ളിയിലെ ശശി അണ്ണൻ അല്ലെ എന്താ അണ്ണാ ബുള്ളെറ്റില്
ചോദ്യം ആൾക് മനസ്സിലായില്ലെങ്കിലും എന്റെ ചളിക്ക് പുറകിൽ നിന്ന് സപ്പോർട്ട് തരും പോലെ ഉറക്കെ ചിരിക്കുന്ന അനുവിന്റെ ശബ്ദം കേട്ടു..
മതി എനിക്ക് അത് കേട്ടാൽ മതി മരിയാതക്ക് സംസാരിക്കാത്ത ഞാൻ ഈ കണ്ട ചളിയൊക്കെ പറഞ്ഞു കൂട്ടുന്നത് അവൾക്ക് വേണ്ടിയാ ആ ചിരിയൊന്ന് കാണാൻ
ലാഭത്തിനു കിട്ടിയപ്പോ വാങ്ങിയതാടാ എങ്ങനുണ്ട്
എന്നാലും എന്റെ ശശിയണ്ണാ നിങ്ങൾക്ക് പൊങ്ങുന്നത് പൊക്കിയാൽ പോരെ എന്നൊരു ചോദ്യം മനസ്സിൽ വന്നെങ്കിലും ഞാൻ അത് അവിടെ തന്നെ കെട്ടിയിട്ടു
ആള് വന്ന് എന്തോ കാര്യമായി നോക്കുന്നുണ്ട്
പോന്ന്ഉരുക്കുന്നിടത്തെ പൂച്ചയെ പോലെ ഞാനും അത് നോക്കി നിന്നു പുറകിൽ നിന്ന് വീണ്ടും തൊണ്ടൽ
എന്നെ നോക്കിയിട്ട് ബുള്ളെട്ടിലേക്ക് കണ്ണ് കൊണ്ടൊരു ആംഗ്യം കാണിച്ചു
ആദ്യം മനസ്സിലായില്ലെങ്കിലും പിന്നെ കാര്യം പിടികിട്ടി മെല്ലെ ചാവി ഓണ് ആക്കി നുഴഞ്ഞു കയറുന്ന ഭീകരനെ പോലെ ഞാൻ ആ സീറ്റിൽ ഇരുന്നു
അണ്ണാ ഞാൻ ഇതൊന്ന് ഓടിച്ച് നോക്കിക്കോട്ടെ
പിന്നെന്താ നീ ഓടിച്ച് വാ
അല്ലെങ്കില് വേണ്ട നിങ്ങൾ എവിടെയോ പോവാൻ ഇറങ്ങിയതല്ലേ പൊയ്ക്കോ വണ്ടി വൈകിട്ട് വർക്ഷോപ്പിൽ വന്ന് എടുത്തോ
എന്റെ ഉള്ളിൽ ഒരായിരം ബൾബുകൾ ഒപ്പം കത്തി
ഞാൻ മെല്ലെ മുഖം തിരിച്ചു അവളെ നോക്കിയപ്പോൾ അവിടെ ബള്ബുകൾക്ക് പകരം മെഴുക് തിരി ആയിരുന്നു
അല്ലേലും ശശിയണ്ണൻ മുത്താണ് എന്നും പറഞ്ഞു ഞാൻ ഒറ്റ അടിക്ക് സ്റ്റാർട്ട് ആക്കി കേറാൻ പറയും മുന്നേ അവൾ കേറി പിന്നിലും സീറ്റ് പിടിച്ചു
ഇത്ര ധൃതി ഒന്നും വേണ്ട പയ്യെ മതി തൂവൽ പക്ഷിയുടെ ഭാരം മാത്രം ഉള്ളത് കൊണ്ട് ഭാഗ്യത്തിന് മറിഞ്ഞില്ല
പതിയെ മുന്നോട്ട് ബുള്ളെറ്റ് നീങ്ങുമ്പോൾ ആ സൗണ്ടിന്റെ താളത്തിനൊത്ത് ന്റെ ഹൃദയവും മിടിക്കുന്നുണ്ടായിരുന്നു
കാരണം അവളുടെ കൈ എന്റെ വയറിലൂടെ ചുറ്റി ആ മിടിപ്പിന്റെ തൊട്ട് മുകളിൽ ആണ്
