എന്താ എന്റെ ഏട്ടന് പറ്റിയെ… ഒന്നും മിണ്ടാതെ ആണല്ലോ വന്നേ.
ചിത്രേ ന്നുള്ള നീട്ടി വിളിയും കേട്ടില്ല.
അവൾ മുറിക്കകത്തേക്ക് കയറിക്കൊണ്ട് ചോദിച്ചു….
ഒന്നുമില്ല. ഞാൻ അവളെ നോക്കാതെ പറഞ്ഞു.
എന്നാലും പറ. ന്റെ ദേവേട്ടനല്ലേ..’അവൾ പിന്നെയും ചോദിച്ചു.
ഇതെന്താ? ഞാൻ കീശയിൽ നിന്ന് എന്റെ ഫോണെടുത്ത്
അവൾക്ക് കാണിച്ചു കൊടുത്തു…
അത് കണ്ടതും അവൾ തല കുനിച്ചു നിന്നു.
ചോദിച്ചത് കേട്ടില്ലേ. ഇതെന്താ ന്ന്??’ .
അവളൊന്ന് പേടിച്ചു ഞെട്ടി.
‘അത്…ഏട്ടാ…ഞാൻ…’പറയാനുള്ള വാക്കുകൾ
തിരയുകയായിരുന്നു അവൾ’.
നിന്റെ നാവടഞ്ഞു പോയോ?അല്ലേൽ കാണാലോ
വാതോരാതെ സംസാരിക്കുന്നത്
എന്റെ ദേഷ്യം
കൂടിവന്നു…
അവൾക്ക് ഒന്നും തന്നെ പറയാൻ കഴിഞ്ഞില്ല.
നിനക്കൊക്കെ ആവശ്യത്തിൽ കൂടുതൽ ലാളനയും സ്വാതന്ത്ര്യവും തന്നിട്ടാ നീയൊക്കെ
തലയിൽ കേറി നിരങ്ങുന്നെ…ഞാൻ അതും പറഞ്ഞ് മുറി വിട്ട് പോകുന്നതും നോക്കി അവൾ തരിച്ചു നിന്നു…
അവളുടെ കണ്ണുകൾ
നിറഞ്ഞൊഴുകുന്നുണ്ടായിരുന്നു.
ഇതു വരെ ആയിട്ടും ഇങ്ങനെ ഉണ്ടായിട്ടില്ല.
പിണക്കങ്ങളും ഇണക്കങ്ങളും ഉണ്ടാകുമെങ്കിലും ഇങ്ങനെ ദേഷ്യപ്പെട്ടിട്ടില്ല ഇത് വരെ.
അവൾക്ക് എന്ത് ചെയ്യണം എന്ന് ഒരു എത്തും പിടിയും ഇല്ലായിരുന്നു.
ഇല്ല.വരും.ഇപ്പൊ തന്നെ. തന്നോട് പിണങ്ങി കൊറേ നേരമൊന്നും ഏട്ടന് ഇരിക്കാൻ കഴിയില്ല. അവൾ മനസ്സിൽ പറഞ്ഞു.
ശരിയായിരുന്നു. അവൾ പിണങ്ങിയാലും ഞാൻ
പിണങ്ങിയാലും ആദ്യം ചെന്നു മിണ്ടുന്നത് ഞാൻ
തന്നെയായിരുന്നു. അത്രക്കും ഇഷ്ടമാ അവളെ…..
എന്നിട്ടും താനിന്ന്. എന്തിനാ അവളോട് ഇങ്ങനെ ദേഷ്യപ്പെട്ടെ…..
അത് അവൾ അങ്ങനെ ചെയ്തിട്ടല്ലേ.
എന്റെ മനസ്സിൽ ചോദ്യോത്തരങ്ങൾ തുടങ്ങി.
ബാങ്കിലെ പുതിയ മാനേജർ ചാർജ് എടുത്തിട്ട്
അധികമായിട്ടില്ല. പക്ഷെ ഉടനെ തന്നെ എല്ലാവരും അയാളെവെറുത്ത് തുടങ്ങി. അയാളുടെ സ്വഭാവം തന്നെ.
നാലഞ്ചു ദിവസം മുന്നേയാണ് താനും അയാളുമായി പ്രശ്നം ഉണ്ടായത്. അയാളുടെ പിശക് എൻറെ തലയിൽ ഇടാൻ
നോക്കിയതിന് കയർക്കുകയും അവസാനം അയാൾക്കിട്ട് പൊട്ടിക്കുകയും ചെയ്തു. അതിൽ പിന്നെ അയാൾ അവസരം കിട്ടാൻ കാത്തു നിൽക്കുകയാണ്.
ജോലി കഴിഞ്ഞു വന്നാൽ എല്ലാം പറയുന്ന കൂട്ടത്തിൽ ഇതും പറഞ്ഞു അവളോട്. ഈ ജോലി നഷ്ടപ്പെട്ടാൽ ഇനിയെന്ത് എന്ന ചിന്തയാകാം അവളെ ഇങ്ങനെ ചെയ്യിച്ചത്. ക്ഷമ ചോദിച്ചു കൊണ്ടുള്ള മെയിൽ അയാൾക്ക് അയച്ചിരിക്കുന്നു.
അതും തന്റെ ഫോണിൽ തന്റെ മെയിൽ ഐഡിയിൽ തന്നോട് ചോദിക്കാതെ. ഇന്ന് അയാൾ അതും കാണിച്ചു നാണം കെടുത്തി. അതിന്റെ ദേഷ്യമാണ് ഇന്ന് അവളോട്
പൊട്ടിത്തെറിക്കാൻ കാരണം…
പെട്ടന്നാണ് എന്റെ മനസ്സ് മന്ത്രിച്ചത്. സമയം പതിനൊന്ന് കഴിഞ്ഞു. അവൾ….കഴിക്കാനൊന്നും
വിളിച്ചില്ലല്ലോ, എങ്ങനെ വിളിക്കാനാ..അവളും
കഴിച്ചിണ്ടാവില്ല…
ഞാൻ പതിയെ മുറിയിലേക്ക് നടന്നു.അവൾ ഒരു തലയണ എടുത്ത് നിലത്ത്
കിടക്കുകയാണ്.
പാവം. ആദ്യമായിട്ടാ അവളോടിങ്ങനെ.
ഒരുപാട് വിഷമിച്ചിട്ടുണ്ടാകും…
ചിത്രേ …’ഞാൻ ഒന്നു തട്ടി വിളിച്ചു…
അവളൊന്നു ഏന്തിനോക്കിയിട്ട് തല തിരിച്ചു കിടന്നു.
ചിത്രേ….ടീ….’ഞാൻ വീണ്ടും അവളെ വിളിച്ചു.’
“വഴക്കാണോ?…”
“അല്ല…”
“വഴക്കാണോടീ ?…”
“അല്ലാന്ന് ഒരു വട്ടം പറഞ്ഞു.”
“അമ്പോ വല്യ വഴക്കാണല്ലോ പെണ്ണേ “…
‘നമുക്ക് വേണ്ടിയല്ലേ ഞാൻ അങ്ങനെ ചെയ്തത്. അത് ദേവേട്ടൻ ഓർത്തോ? അവൾ പെട്ടന്ന് തന്നെ തിരിഞ്ഞ് എന്റെ മുഖത്തേക്ക് നോക്കി കൊണ്ട് ചോദിച്ചു’…
ഓർത്തു. അതോണ്ടല്ലേ ഇപ്പൊ ഓടി വന്നത്.
അപ്പൊ എന്നോട് ദേഷ്യപ്പെട്ടതോ??’അവളിലെ പരിഭവം കുറഞ്ഞു വന്നു…
അത് അയാൾ എന്നെ കളിയാക്കിയപ്പോ, ഓഫീസിലെ പലരും
ചിരിക്കുന്നത് കണ്ടപ്പോ…..അതൊക്കെ കൂടി ഓർത്തു എനിക്ക്
ദേഷ്യം കൂടി അതാ കണ്ട്രോൾ ചെയ്യാൻ കഴിയാഞെ…പിന്നെ ഇട്ടേച്ചു പോകില്ലെന്ന് ഉറപ്പുള്ളവരോട് തല്ലുകൂടാൻ ഒരു പ്രത്യേക സുഖമാണ്…
ഏട്ടന് കുറച്ച് ഒക്കെ ഒന്ന് ക്ഷെമിച്ചു കൂടെ.
ദേവേട്ടന്റെ ഈ എടുത്തുചാട്ടമാണ് എല്ലാറ്റിനും കാരണം.
നീ എന്തറിഞ്ഞിട്ടാ ഈ പറയുന്നേ? അയാൾക്ക് മുടിഞ്ഞ ഈഗോ ആണ്. അയാളുടെ കീഴിൽ പണി ചെയ്യുന്നവരെല്ലാം അയാളുടെ അടിമകളാണെന്നാ വിചാരം. മറ്റുള്ളവരുടെ കുറ്റങ്ങളും കുറവുകളും കണ്ടെത്തുന്നതാണ് അയാളുടെ പ്രധാനജോലി.
ഏട്ടാ, എല്ലാ മനുഷ്യരിലും നന്മയും തിന്മയും ഉണ്ട്…
അതിൽ നിന്നും നന്മ മാത്രം എടുക്കുക.
അങ്ങനെയാണെങ്കിൽ അവർ നല്ലവരായിരിക്കും.
അവരുടെ തിന്മയിലേക്ക് നോക്കുന്നത് കൊണ്ടാണ്
അവർ മോശക്കാരായി ഏട്ടന് തോന്നുന്നത്…
ഒരാള് വെറുതെ ചൊറിഞ്ഞോണ്ട് വന്നാൽ
അത് ഒരു ഉളുപ്പും ഇല്ലാതെ കേട്ട് നിൽക്കാൻ ഞാൻ പഠിച്ചിട്ടില്ല. എന്നെ ആരും പടിപ്പിച്ചിട്ടും ഇല്ല…
“മൂല്യങ്ങൾ പറഞ്ഞു പടിപ്പിക്കേണ്ടതല്ല, കണ്ട് പടിക്കേണ്ടതാണ്.”
നിന്റെ ഈ സാരോപദേശം നിർത്തിക്കോ.
അല്ലെ എന്റെ കൈയീന്ന് മേടിക്കും നീ.
ഇതാ ഇപ്പോ തന്നെ കണ്ടില്ലേ, ഈ എടുത്തുചാട്ടമാണ് എല്ലാറ്റിനും കാരണം. ഏട്ടന് പെട്ടെന്ന് ദേഷ്യം വരും.
അതൊന്ന് നിയന്ത്രിച്ചാൽ പിന്നെയെല്ലാം താനേ ശരിയാകും.
ഞാൻ ഇങ്ങനെയൊക്കെയാണ് , എന്റെ ശീലങ്ങളും. ഇനി അത് മാറ്റാൻ പറ്റുമെന്ന് തോന്നുന്നില്ല…
നമ്മുടെ മോള് ഒന്ന് വന്നോട്ടെ. അവള് പഠിപ്പിക്കും നിങ്ങളെ സഹനശക്തി, അവള് കാണിക്കും നിങ്ങളെ ക്ഷമയുടെ നെല്ലിപ്പലക…
അവളുടെ കള്ള ദേഷ്യം കാണിച്ചു കൊണ്ട്
പറഞ്ഞു.
മോള് വരാത്തത് ആരു കാരണമാ??
നീ തന്നെയല്ലേ ഒരുവർഷം
കഴിഞ്ഞിട്ട് മതി എന്ന് പറഞ്ഞ്…ഞാൻ ഇപ്പഴും റെഡി ആ…നീ ഒന്ന് സമ്മതിച്ചാൽ ഈ നിമിഷം ധാന്യമാക്കാം. ഞാൻ അവളെ പെട്ടന്ന് നെഞ്ചിലേക്ക് പിടിച്ചിട്ടു…
അയ്യട…മോന്റെ ഒരു പൂതി…
പരിഗണിക്കാം ട്ടോ. ആദ്യം മ്മൾക്ക് എന്തേലും കഴിക്കാം.
‘അവൾ എന്നെതള്ളി മാറ്റി.
മുറിയിൽ നിന്ന് പുറത്തേക്ക് നടന്നു.
സത്യമായിട്ടും ?..
എന്താ ശുഷ്കാന്തി…. ഹമ്…
മോൻ വാ….ഒക്കെ മ്മൾക്ക് ശരിയാക്കാം…
ഹോ.. ആ തെണ്ടി
ബാങ്ക് മാനേജർക്ക് സ്തുതി……
അവൾ, അടുക്കളയിലേക്ക് പോയി. ഒരു പാത്രത്തിൽ ചോറും കറിയും എടുത്ത് കൊണ്ട് വന്ന് മേശപ്പുറത്ത് വെച്ചു. ഞങ്ങൾ ഇരുവരും അതിൽ നിന്ന് കഴിച്ചു.
ഏട്ടൻ പൊക്കോ…ഞാൻ ഈ പത്രങ്ങളൊക്കെ കഴുകിവെച്ച്‌, ഇവിടെ ഒന്ന് വൃത്തിയാക്കിയിട്ട് വരാം…
അതൊക്കെ നാളെ ചെയ്യാം നീ ഇങ്ങു വന്നേ?.
പോ…അവിടിന്ന്, ഞാൻ ഇത് തീർതേച്ചും പെട്ടെന്ന് വരാം. പോ, ചെല്ല്……..പോയി കിടക്ക്…
അവളുടേത് മാത്രമായ ഒരു കുസൃതി ചിരിയോടെ എന്നെ അവിടെ നിന്നും ഉന്തിതള്ളി പറഞ്ഞയച്ചു….
അവിടെ നിന്ന് ഒരു പത്ത് മിനിറ്റ് കഴിഞ്ഞപ്പോഴേക്കും. എന്റെ പെണ്ണ് ഒരു നവവധുവിനെപ്പോലെ എന്റെ മുന്നിലേക്ക് വന്നു…!
കുളികഴിഞ്ഞിറങ്ങിയതെയുള്ളു എന്നത് വ്യക്തം. തലമുടിയിൽ നിന്ന് വെള്ളത്തുള്ളികൾ ഒഴുകിയിറങ്ങുന്നു.
അതെന്റെ പെണ്ണിന്റെ ഭംഗി ഒരല്പംകൂടി വർദ്ധിപ്പിച്ചപോലെ…!!!
