Related Posts
കഴിഞ്ഞ ഭാഗത്തിനു നിങ്ങൾ നൽകിയ പിന്തുണ ഒന്നു കൊണ്ട് മാത്രം ആണ് വീണ്ടും എഴുതിയത്. ഈ തുടക്കക്കാരന് നിങ്ങൾ നൽകുന്ന അകമഴിഞ്ഞ പ്രോത്സാഹനത്തിനു എത്ര നന്ദി പറഞ്ഞാലും മതിയാവില്ല. കഥ ഇഷ്ടമായാൽ നിങ്ങളുടെ ഹൃദയം❤️ നൽകി അനുഗ്രഹിക്കുമല്ലോ
കിടന്ന കിടപ്പിൽ കുറച്ചധികം ഉറങ്ങിപ്പോയി. എണീറ്റപ്പോൾ വൈകിട്ട് 6മണിയായി.ആകെ ഒരു മന്ദത, ഈ പകലുറക്കത്തിന്റെ പ്രശ്നം ഇതാണ് പിന്നെ ഒന്നിനും തോന്നില്ല. റൂമിൽ നിന്ന് പുറത്തിറങ്ങിയപ്പോൾ അമ്മു മുറ്റത്തുകൂടെ ഫോൺ ചെയ്തുകൊണ്ട് നടക്കുന്നു.ഭയഭക്തി ബഹുമാനത്തോടെ ഉള്ള സംസാരം കേട്ടപ്പോൾ തന്നെ അത് ഉണ്ണിമാമ ആയിരിക്കും എന്ന് ഞാൻ ഊഹിച്ചു. കണ്ണു തിരുമ്മി വരുന്ന എന്നെ കണ്ട് അവൾ ആക്കുന്ന മട്ടിൽ ഒന്ന് ചിരിച്ചു സംസാരം തുടർന്നു . സംസാരം എന്നൊന്നും പറയാൻ പറ്റില്ല മൂളൽ അത്ര തന്നെ. അപ്പുറത്ത്‌ നിന്ന് എന്തൊക്കെയോ ഓർഡർ ചെയ്യുന്നു അവൾ അത് മൂളി കേൾക്കുന്നു എന്ന് മാത്രം.അച്ഛമ്മ സന്ധ്യാ നാമം ചൊല്ലുന്നതിന്റെ മുന്നൊരുക്കമെന്നോണം കുളിക്കാൻ പോയതാണ് എന്ന് കുളിമുറിയിൽനിന്നുണ്ടാവുന്ന ശബ്ദം എന്നെ അറിയിച്ചു.
ഞാൻ പുറത്തിറങ്ങി ചെരിപ്പിട്ട് അമ്മുവിനെ നോക്കി വീട്ടിൽ പോയിട്ട് വരാം എന്ന് ആംഗ്യം കാണിച്ചു. അവൾ ശരി എന്ന് തലകുലുക്കിക്കാണിച്ചു. ഉറക്കത്തിൽ വന്നു എന്നെ ഉമ്മവെച്ചു പോയ മുതലാണ് ആ ഗൗരവത്തിൽ നിൽക്കുന്നത് എന്ന് എനിക്ക് വിശ്വസിക്കാനെ കഴിഞ്ഞില്ല. അങ്ങനെ വിട്ടാൽ പറ്റില്ലല്ലോ ! എനിക്കൊരു കുസൃതി തോന്നി. ഞാൻ അവളെ നോക്കി ഒരു ഫ്ലൈയിങ് കിസ്സ് കൊടുത്തു അവൾ അത് കണ്ട് ദേഷ്യത്തോടെ കുനിഞ്ഞു ഒരു കല്ല് എടുത്ത് എന്റെ നേരെ എറിഞ്ഞു കണ്ണുരുട്ടി. അപ്പോഴും അവൾ സംസാരം തുടരൂന്നുണ്ടായിരുന്നു. ഞാൻ ഒരിക്കൽ കൂടി അവളോട് പോവാണെന്ന് കാണിച്ചു. അവൾ ഇപ്പോൾ വീടിന്റെ മുൻവശത്തെ മുറ്റത്താണ് നിൽക്കുന്നത്. ബൈക്ക് എടുക്കണ്ട നടന്നു പോവാം ഞാൻ മനസ്സിൽ കണക്കുക്കൂട്ടി. പതിയെ വീട് ചുറ്റി വളഞ്ഞു അവൾ കാണാതെ അവളുടെ പുറകിൽ എത്തി. അങ്ങോട്ട് തിരിഞ്ഞു നിന്ന് ഫോൺ ചെയ്യുവാണ് കക്ഷി. റെഡി 1, 2, 3 ഞാൻ മനസ്സിൽ എണ്ണി പുറകിൽ നിന്ന് ഒറ്റകുതിപ്പിൽ അവളുടെ ഇടുപ്പിലൂടെ കയ്യിട്ടു ഒറ്റ പൊക്കൽ !.
അമ്മേ…..
വലിയ ഒരു നിലവിളിയോടെ മേലേക്ക് ഉയർന്ന അവളുടെ ഫോൺ കയ്യിൽ നിന്ന് താഴെ ചാടി. പേടിച്ചരണ്ട് അവൾ തിരിഞ്ഞു നോക്കുമ്പോൾ ഞാൻ പതിയെ അവളെ നിലത്തിറക്കി. പോയെന്ന് വിചാരിച്ച എന്നെ കണ്ട ഞെട്ടൽ ഒരു നിമിഷം മുഖത്തു വന്നെങ്കിലും എന്റെ അവൾ അസാധാരണമായ ദേഷ്യത്തോടെ എന്റെ നേരെ തിരിഞ്ഞു.
“നില്ലെടാ പട്ടീ അവടെ, മനുഷ്യൻ പേടിച്ചു ചാവാറായി “
അവളെ വിട്ട് ഞൊടിയിടയിൽ തിരിഞ്ഞോടിയ എന്റെ തലക്ക് ഇരുവശവും ചരൽ കല്ലുകൾ പാഞ്ഞു. പിറകിലെ പറമ്പ് മൊത്തം നിമിഷങ്ങൾകൊണ്ട് ചാടിക്കടന്ന് ഞാൻ തിരിഞ്ഞു നോക്കുമ്പോൾ അവൾ നിലത്തു വീണ ഫോൺ എടുത്ത് കാൾ കട്ടാക്കി. പിന്നെ എന്നെ നോക്കി ശരിയാക്കി തരാം എന്ന അർത്ഥത്തിൽ ചൂണ്ടുവിരൽ വായുവിൽ ചുഴറ്റി മുഖം വെട്ടിച്ചു ഉമ്മറത്തെക്കു പോയി. അവളുടെ നിലവിളി കേട്ട് അച്ഛമ്മ കുളിമുറിയിൽനിന്ന് എന്തോ വിളിച്ചു ചോദിക്കുന്നുണ്ട്.അത് കണ്ട് സ്വയം ചിരിച്ചു ഞാൻ വീട്ടിലേക്ക് നടന്നു. അമ്മയോട് അന്നത്തെ കാര്യങ്ങൾ എല്ലാം പറഞ്ഞപ്പോൾ പുള്ളിക്കാരിക്കു വലിയ സന്തോഷം ആയി.
“പച്ചപാവങ്ങൾ ആണ് ആ കുടുംബം സഹായിക്കുന്നെങ്കിൽ അങ്ങനെ ഉള്ളവരെ സഹായിക്കണം”
എന്നായിരുന്നു കമന്റ്. പക്ഷെ വിരൽ ചതഞ്ഞതിന് ഞാൻ പറഞ്ഞ കാരണം അത്ര വിശ്വാസം വന്നിട്ടില്ല എന്ന് ആ മുഖത്തു നിന്ന് എനിക്ക് മനസ്സിലായി.സമയം ഇരുട്ടി തുടങ്ങിയിരുന്നു.ഞാൻ വേഗം കാര്യങ്ങൾ എല്ലാം തീർത്തു ഫോണിന്റെ ഫ്ലാഷ് അടിച്ചു ഇടവഴിയിലൂടെ നടന്നു. വീട്ടിൽ എത്തിയപ്പോൾ അച്ഛമ്മ ഇരുന്ന് ടി വി കാണുന്നു. അമ്മുവിനെ അവിടെങ്ങും കാണാനും ഇല്ല.
“ആ ഇരിക്ക് കുട്ട്യേ ഭഗവാന്റെ സീരിയലാണ്. കണ്ടാൽ നല്ലതാ.”
അച്ഛമ്മ എന്നോടായി പറഞ്ഞു.
‘ആ ഞാനൊന്നു മൂത്രമൊഴിച്ചു വരാ അച്ഛമ്മേ ‘
ഞാൻ സൂത്രത്തിൽ തടി തപ്പി. അടുക്കളയിൽ അവൾ ഇല്ലെന്ന് ഉറപ്പാണ് കാരണം ഒരു ശബ്ദവും കേൾക്കാൻ ഇല്ല. റൂമിൽ ലൈറ്റ് കാണാത്തതിനാൽ അവിടെയും ഉണ്ടാവില്ല. ഞാൻ ആകെ അസ്വസ്ഥനായി. ഇവളിത്‌ എവടെപ്പോയി കിടക്കുന്നു. ഞാൻ മുറ്റത്തേക്കിറങ്ങി നോക്കി കുളി മുറിയിലും ലൈറ്റ് ഇല്ല. അപ്പോഴേക്കും നന്നായി ഇരുട്ടായിരുന്നു. ഫ്ലാഷടിച്ചു ഞാൻ കുളിമുറിയുടെ അടുത്ത്‌ ചുറ്റും നോക്കി നിൽക്കെ പെട്ടന്ന് ശക്തമായ ഒരടി എന്റെ പുറത്ത് വീണു !
ഹാവു…
അടിയുടെ വേദനയിൽ ഞാൻ ഒന്ന് ഞെളിഞ്ഞു പിരിഞ്ഞു പോയി . പകച്ചു കൊണ്ട് തിരിഞ്ഞു നോക്കുമ്പോൾ വിജയി ഭാവത്തിൽ ഇടുപ്പിൽ കൈകൾ കുത്തി എന്നെ നോക്കി നിക്കുകയാണ് അനുപമ.
“അയ്യേ പേടിച്ചു തൂറി.. !.
അവൾ എന്നെ കളിയാക്കി ചിരിച്ചു കൊണ്ട് പറഞ്ഞു. തോൽവി സമ്മതിക്കാൻ എനിക്ക് മനസ്സുവന്നില്ല.
“അയ്യേ ഇത് ഞാൻ പ്രതീക്ഷിച്ചതാണ് അയ്യേ ചമ്മി പോയി. ഞാൻ ചുമ്മാ തട്ടി വിട്ടു.”
“ആ ചമ്മി നാറിയാൽ നീയിത് പറയും എന്ന് ഞാനും പ്രതീക്ഷിച്ചതാ”
എടുത്തടിച്ച പോലെ മറുപടി വന്നതും ഞാൻ തളർന്നു. ഇനി ഒരു മാർഗമേ ഒള്ളൂ. ചരിത്രാധീത കാലം മുതൽ പെണ്ണിനോട് വാദിച്ചു ജയിക്കാൻ കഴിയാത്ത പുരുഷൻ ചെയ്യുന്ന അതെ കാര്യം.അതു തന്നെ ബലപ്രയോഗം !.ഒട്ടും സമയം പാഴാക്കാതെ അവളുടെ ചുരിദാറിനു മുകളിലൂടെ ഇടുപ്പിൽ കൈചുറ്റി എന്നിലേക്ക് ചേർത്ത് അവളെയും കൊണ്ട് കുളിമുറിയിലേക്ക് കയറി. അവൾ എന്റെ പിടിവിടുവിച്ചു ചുമരിലേക്ക് ചാരി നിന്ന് എന്നെ സംശയത്തോടെ നോക്കി, പോവാൻ ആരംഭിച്ചപ്പോൾ ഞാൻ കൈ വെച്ചു വഴി തടഞ്ഞു.
“ദേ കളിക്കല്ലേ കണ്ണാ. എനിക്ക് പോയിട്ട് വേറെ പണിയുണ്ട്. “
“അല്ലെങ്കിലും ഇവിടെ കളി ഒന്നും ഇല്ല, ഒരുമ്മ മാത്രം മതി “.
ഞാൻ അവളെ നോക്കി തമാശയായി പറഞ്ഞു.
അതവൾക്ക് ഇഷ്ട്ടപ്പെട്ടില്ല എന്നവളുടെ മുഖം കണ്ടപ്പോൾ മനസ്സിലായി. ദേഷ്യത്തോടെ എന്റെ വയറിൽ ഒറ്റ നുള്ളൽ.
“ആ വിട് പെണ്ണേ വേദനിക്കുന്നു.” ഞാൻ അവളോട് കെഞ്ചി പറഞ്ഞു
“തോന്ന്യാസം പറഞ്ഞാൽ ഇനീം കിട്ടും”.
അവൾ ഒരു ഭീഷണി പോലെ എന്നെ നോക്കി പറഞ്ഞു
“സോറി കുട്ടാ ഞാൻ ഒരു തമാശ പറഞ്ഞതല്ലേ.?
ഞാൻ ഭദ്രകാളിയെ ഒന്ന് അനുനയിപ്പിക്കാൻ നോക്കി
ഹും…അവൾ മുഖം തിരിച്ചു.
“അത് പോട്ടെ കാര്യത്തിലേക്ക് വാ “
ഞാൻ അവളുടെ മുഖം എന്റെ നേരെ പിടിച്ചു അവളെ നോക്കി
“എന്ത് കാര്യം ഒരു കാര്യവും ഇല്ല “
“ദേ അമ്മൂസെ ചുമ്മാ ജാഡ കാണിക്കാതെ ഒരുമ്മ താടാ “
