🔥ചർമ്മ സുഖം – 3🔥 9അടിപൊളി 

ഭാസ്കരൻ :ഒരു പെണ്ണിനെയും അവളുടെ ഇഷ്ടം അല്ലാതെ ഒന്നും ചെയ്യരുത് അത് തെറ്റാണ്..

നളിനി :ഞാൻ ഒരു കാര്യം പറയുന്നത് കേൾക്കാൻ പറ്റുമോ?

ഭാസ്കരൻ :എന്താ നളിനി?

നളിനി :ഭാസ്കരേട്ടൻ ഒരു വിവാഹം കഴിക്കണം ചിലപ്പോൾ അതൊക്കെ ആകുമ്പോൾ ഇങ്ങനെ ഒരു ഏകാന്തത പിടിച്ച ജീവിതത്തിൽ നിന്നും അൽപ്പം ആശ്വാസം കിട്ടും എന്നത് ഉറപ്പാണ്…

ഭാസ്കരൻ : ഹേയ് ഞാൻ പറഞ്ഞില്ലേ നളിനി ഇനി ഒരിക്കലും ഒരു പെണ്ണിനും എന്നെ അംഗീകരിക്കാൻ കഴിയില്ല.. പ്രായം അത്രത്തോളം ആയി…

നളിനി :ഭാസ്കരേട്ടനെ പോലെ സ്നേഹം ഉള്ള ഒരാൾക്ക് പെണ്ണ് കിട്ടാതെ ഇരിക്കില്ല…

ഭാസ്കരൻ : സത്യത്തിൽ എന്നെ കുറിച് അങ്ങനെ ഒരു നല്ല വാക്ക് പറയാൻ പോലും ആകെ ഉള്ളത് നളിനി മാത്രം ആണ്. ചുരുക്കം പറഞ്ഞാൽ എന്നെ നന്നായി അറിയാവുന്ന, മനസ്സിൽ ആക്കിയ ഒരാൾ അത് നളിനി മാത്രം ആണ്… ഇനി ഒരു പെൺകുട്ടി എത്ര ശ്രമിച്ചാലും എനിക്ക് അത് തുറന്നു കാണിക്കാൻ പറ്റില്ല. അത് സാധിച്ചാലും അവർ അത് മനസ്സിൽ ആക്കില്ല..

നളിനി :ഭാസ്കരേട്ടൻ പറഞ്ഞു വരുന്നത് എനിക്ക് മനസ്സിൽ ആകുന്നില്ല….

ഭാസ്കരൻ :ഞാൻ അത് എങ്ങനെ ആണ് പറയുക നളിനി… പറഞ്ഞാൽ ചിലപ്പോൾ നളിനിക്ക് അത് ഇഷ്ടം ആകുമോ എന്നും അറിയില്ല, നളിനി അത് ഏത് രീതിയിൽ എടുക്കും എന്നും അറിയില്ല…

നളിനി :എന്താ ഭാസ്കരേട്ടാ….

ഭാസ്കരൻ : നളിനി നല്ലൊരു പെണ്ണാണ് ഞാൻ കണ്ടതിൽ വെച്ച് നല്ലൊരു പെണ്ണ്, ഭർത്താവിനെയും കുട്ടികളെയും പൊന്നു പോലെ നോക്കുന്ന ഉത്തമയായ ഭാര്യ… പക്ഷേ ഇനി എത്ര നാൾ ഇങ്ങനെ പോകും… ഭാവിയെ കുറിച്ചുള്ള ചിന്തയിൽ നളിനിയ്ക്ക് വരുന്നത് എന്തോ അത് വിധി എന്ന് കരുതി സ്വീകരിക്കണം….

നളിനി :ഭാസ്കരേട്ടാ മനസ്സിൽ ആകുന്ന രീതിയിൽ പറയു…

ഭാസ്കരൻ :എനിക്ക് നളിനിയെ ഇഷ്ടം ആണ് താല്പര്യം എങ്കിൽ ഞാൻ നളിനിയെ വിവാഹം കഴിക്കാം….

നളിനിയുടെ തലച്ചോറിലേക്ക് ഒരു മിന്നൽ കടന്നു പോയത് പോലെ ആയിരുന്നു… അവളുടെ കണ്ണുകൾ പെട്ടെന്ന് തന്നെ ഈറൻ അണിഞ്ഞു. ധാര ധാരയായി കണ്ണ് നീർ കവിളിൽ കൂടി ഒഴുകി ഇറങ്ങി…

ഭാസ്കരൻ :അയ്യോ ഒരിക്കലും വിഷമിപ്പിക്കാൻ വേണ്ടി പറഞ്ഞത് അല്ല നളിനി… ഈ ഒരു അവസ്ഥയിൽ നളിനിക്ക് വേറെ ഒരു മാർഗ്ഗം ഇല്ല…

നളിനി കൈ കൂപ്പി അയാളോട് മെല്ലെ സംസാരിക്കാൻ തുടങ്ങി…

നളിനി :എന്റെ ശേഖരേട്ടനും മക്കളും ആണ് എന്റെ ലോകം. അതിനിടയിൽ മറ്റൊരു പുരുഷൻ എനിക്ക് ചിന്തിക്കാൻ കഴിയില്ല…

ഭാസ്കരൻ :എനിക്ക് അറിയാം പക്ഷേ ഈ കാര്യം ചിലപ്പോൾ കൂടുതൽ സന്തോഷം കൊടുക്കുന്നത് ശേഖരന് തന്നെ ആകും… കാരണം അവൻ ഈ അവസ്ഥയിൽ വേറെ ഒന്നും ചെയ്യാൻ സാധിക്കില്ല…

നളിനി :പ്ലീസ് ഭാസ്കരേട്ടാ നിർത്തു…

അവൾ കൈ കൂപ്പി പറഞ്ഞപ്പോൾ അയാൾ ഒരു നിമിഷം നിശബ്ദത പാലിച്ചു. കണ്ണുകൾ കലങ്ങി ഇരിക്കുന്ന അവളുടെ മുഖം വല്ലാതെ വിളറി. പെട്ടെന്ന് ശേഖരൻ വിളിക്കുന്നത് കേട്ടപ്പോൾ അവൾ കണ്ണ് തുടച്ചു കൊണ്ട് വിളികേട്ടൂ. ശേഷം മുഖം കഴുകി തോർത്തു കൊണ്ട് തുടച്ചു എന്നിട്ട് അവിടേക്ക് പോയി.

ശേഖരൻ :മരുന്ന് കഴിക്കാൻ സമയം വൈകി ഇരിക്കുന്നു എന്ത് പറ്റി മറന്നോ നീ…

അപ്പോൾ ആണ് അവളുടെ കണ്ണുകൾ കലങ്ങി ഇരിക്കുന്നത് അവൻ കണ്ടത്..

ശേഖരൻ :നിന്റെ കണ്ണ് എന്താ കലങ്ങി ഇരിക്കുന്നത് നളിനി…

നളിനി :അടുപ്പിൽ ഊതിയപ്പോൾ പൊടി പോയതാ…

ശേഖരൻ :ഉം…

അവൾ അയാൾക്ക് ഗുളിക കൊടുത്ത് വെള്ളം കൊടുത്ത് പുറത്തേക്ക് വന്നപ്പോൾ കാർ മുറ്റത്തു നിന്ന് പോകുന്ന ശബ്ദം കേട്ടു. നളിനി ഉമ്മറത്തേക്ക് വന്നപ്പോളേക്കും ഭാസ്കരൻ പോയിരുന്നു. അയാൾക്ക് ചിലപ്പോൾ വിഷമം ആയി കാണും എന്ന് അവൾ ചിന്തിച്ചു. വൈകുന്നേരം ബീന വന്നപ്പോൾ കുറച്ചു താമസിച്ചിരുന്നു. ഈ കാര്യം പറഞ്ഞു നളിനിയുമായി ബീന ചെറുതായി വഴക്കിട്ടു…

നളിനി :ബീനേ ഇത് വേണ്ട ഇന്ന് ഏഴേ കാൽ ആയി നീ ഇവിടെ വന്നപ്പോ ഇന്നലെ വന്നതിലും അരമണിക്കൂർ താമസിച്ചു ആണ് വരുന്നത്…

ബീന :അമ്മേ ഞാൻ പറഞ്ഞല്ലോ, ആകെ ഉള്ളൊരു വരുമാനം ആണ് ഈ ജോലി, ചിലപ്പോൾ കുറച്ചു സമയം നമ്മൾ അധികം വർക്ക് ചെയ്യേണ്ടി വരും.. അല്ലെങ്കിൽ അത് കളഞ്ഞു പോകേണ്ടി വരും…

അവസാനം ബീന മുറിയിലേക്ക് പോയി. അവൾ കുളിച്ചു വന്നു കഴിച്ചു നേരത്തെ കിടക്കാൻ പോകുക ആണെന്ന് പറഞ്ഞു. സമയം മെല്ലെ മെല്ലെ നീങ്ങി സമയം ഒൻപതു കഴിഞ്ഞു.. ഉമ്മറത്തു നിന്ന് നളിനി അകത്തേക്ക് പോയി. കുറച്ചു നേരം അകത്തു ഡൈഗ്നിങ് ടേബിളിൽ പോയി ഇരുന്നു. സമയം പത്തു കഴിഞ്ഞപ്പോൾ നളിനി ഫോൺ എടുത്തു ഭാസ്കരനെ വിളിച്ചു. റിങ് അടിച്ചു എങ്കിലും അറ്റന്റ് ചെയ്തിരുന്നില്ല. പിന്നെ കുറച്ചു നേരം കൂടി വെയിറ്റ് ചെയ്തു വീണ്ടും വിളിച്ചപ്പോൾ സ്വിച്ച് ഓഫ് ആണ് കാണിക്കുന്നത്. കുറേ നേരം അങ്ങനെ ഇരുന്നു നളിനി ഉറങ്ങി പോയി സമയം രാവിലെ ആയപ്പോൾ അവൾ കണ്ണ് തുറന്നു. ഡൈനിങ് ടേബിളിൽ ആണെന്ന് മനസ്സിൽ ആയി അവൾ ഫോൺ നോക്കിയപ്പോൾ ഭാസ്കരന്റെ രണ്ട് മിസ്സ്ഡ് കാൾ കണ്ടു. അവൾ പെട്ടെന്ന് അതിലേക്ക് തിരിച്ചു വിളിച്ചു.. അപ്പോൾ മറുഭാഗത് നിന്ന് സ്ത്രീ ശബ്ദം ആയിരുന്നു കേട്ടത്.

സ്ത്രീ : ഹലോ…

നളിനി :ഹലോ… ഇതാരാണ്…

സ്ത്രീ : അത് ഇന്നലെ രാത്രി ഈ ഫോണിന്റെ ഉടമ ഓടിച്ചിരുന്ന കാർ ഒന്ന് ആക്‌സിഡന്റ് ആയി… കുഴപ്പം ഒന്നുമില്ല ആൾ ഇപ്പോൾ ഉറങ്ങുകയാണ്. പറ്റുമെങ്കിൽ ഇവിടെ വരെ ഒന്ന് വരിക… ഇന്നലെ ഈ നമ്പറിൽ വിളിച്ചിരുന്നു പക്ഷേ ആരും എടുത്തിരുന്നില്ല..

നളിനി :ഏഹ് എന്താ പറ്റിയെ എവിടെ വെച്ചാ, കുഴപ്പം വല്ലതും….

സ്ത്രീ :ഹേയ് കുഴപ്പം ഒന്നുമില്ല.. രാവിലെ തന്നെ ഡിസ്ചാർജ് ചെയ്യാം… വണ്ടി റോഡ് സൈഡിൽ മയിൽ കുറ്റിയിൽ ഇടിച്ചതു ആണ്… ആ സമയം തല കണ്ണാടിയിൽ ചെറുതായി തട്ടി ചെറിയ ഒരു മുറിവ് മാത്രമേ ഉള്ളു. ആള് കുറച്ചു കുടിച്ചിട്ടുണ്ടായിരുന്നു…

നളിനി :ആഹ്ഹ് ഞാൻ വരാം ഇത് ഏത് ഹോസ്പിറ്റലിൽ ആണ് ഇപ്പോൾ..

സ്ത്രീ :സിറ്റി ഹോസ്പിറ്റലിൽ ആണ്…

നളിനി :ഓക്കേ..ഞാൻ വരാം മേഡം…

നളിനി ഫോൺ കട്ട് ചെയ്തു ശേഖരന്റെ അടുത്ത് പോയി കാര്യം പറഞ്ഞു. ഉടനെ തന്നെ അങ്ങോട്ട് പോകാൻ അയാൾ പറഞ്ഞു. അപ്പോൾ ബീന കണ്ണ് തിരുമ്മി എഴുന്നേറ്റ് വരിക ആയിരുന്നു.. കാര്യം പറഞ്ഞപ്പോൾ അവളും ഞെട്ടിപ്പോയി. കാര്യമായ പ്രശ്നം ഒന്നും ഇല്ലെന്ന് പറഞ്ഞപ്പോൾ സമാധാനം ആയി. എന്നാലും അയാളുടെ അടുത്തേക്ക് പോകാതെ ഇരുന്നാൽ മോശം ആണ്. അതുകൊണ്ട് ബീനയും നളിനിയുടെ ഒപ്പം ഹോസ്പിറ്റലിലേക്ക് പോയി. അവർ ചെല്ലുമ്പോൾ ഭാസ്കരൻ ബെഡിൽ ചാരി ഇരിക്കുക ആയിരുന്നു. അയാൾ നളിനിയെ മുഖം കൊടുക്കുന്നതിൽ ചമ്മൽ ഉള്ളത് പോലെ തോന്നി നളിനിയ്ക്ക്. അപ്പോൾ അവിടേക്ക് ഒരു സിസ്റ്റർ വന്നു..

സിസ്റ്റർ : അതേ ഹസ്ബൻസിനോട് വണ്ടി ഓടിക്കുമ്പോൾ ഈ കള്ള് കുടിച് വണ്ടി ഓടിക്കുന്നത് ഒന്ന് നിർത്താൻ പറയണം. റോഡിൽ കൂടി പോകുമ്പോൾ വേറെ ജീവനുകളും പോകുന്നുണ്ട് അവർക്കും വീടുണ്ട് പ്രശ്നങ്ങൾ ഉണ്ട്…