ഞാനും സഖിമാരും 9

Njaanum Sakhimaarum Part 9 | Author : Thakkali

[ Previous Part ] [www.kambi.pw]

---

കൂട്ടുകാരെ വൈകിയത്തിന് ക്ഷമ ചോദിക്കുന്നു എഴുതാൻ തീരെ സമയം കിട്ടുന്നില്ല അത് കൊണ്ട് ഈ ഭാഗത്തോടെ തല്ക്കാലം നിർത്തുന്നു. ഈ കഥ ഇഷട്ടപ്പെടുന്ന കുറച്ചു പേർക്ക് വിഷമമുണ്ടാകും എന്നറിയാം. കഴിഞ്ഞ ഭാഗത്തിന് വന്ന ചില കമന്റ്സ് കണ്ടു. കഥാ വിവരണം കൂടി പോകുന്നു.. കളിയില്ല എന്നൊക്കെ.. ഞാൻ ആദ്യമേ പറഞ്ഞിരുന്നു.. ഇത് ഒരു സാധാരണ കോളേജ് പയ്യന്റെ സാധാരണ കഥയാണ്. ഇതിൽ ഇത്രയും കഥാപാത്രങ്ങൾ ഉണ്ടായിട്ടും കളി കിട്ടാത്തതിനെ പറ്റി പറയുന്നത് കണ്ടു ഞാൻ എനിക്കുള്ള അനുഭവം വച്ചിട്ട് ആണ് ഈ കഥ എഴുതിയത്.. പിന്നെ എനിക്ക് ഈ ശൈലിയിൽ മാത്രേ എഴുതാൻ പറ്റുന്നുള്ളൂ.. എന്നാലും കഥ കൂടുതൽ നീണ്ടുപോകത്തെ ശ്രദ്ധിക്കാം.

കഥ തുടരുന്നതിന് മുന്നേ കഥാപത്രങ്ങൾ ചിലരെ ഒന്ന് കൂടി പരിചയ പ്പെടുത്തുന്നു.

ഞാൻ – കോളേജ് ഒന്നാം വർഷ ഡിഗ്രി വിദ്യാർഥി 18 വയസ്സ് , കൊല്ലം 2000

അച്ഛൻ – കേന്ദ്ര സർക്കാർ ഉദ്യോഗസ്ഥൻ, പൊതുപ്രവർത്തകൻ

അമ്മ- വീട്ടമ്മ

ചെറിയമ്മ (അപർണ്ണ)- അച്ഛന്റെ അനിയന്റെ ഭാര്യ, ഒരു ചെറിയ കുട്ടിയുണ്ട്, ചെറിയച്ഛൻ ഡെൽഹിയിലാണ്, ചെറിയമ്മ ഇപ്പോ വീടിനടുത്ത് ഒരു വാടക വീട്ടില് നിൽക്കുന്നു കൂട്ടിന് ഞാനും.

ധന്യ, ജിഷ്ണ, ലക്ഷ്മി, സൂസൻ- സഹപാഠികൾ; ഒരേ റൂട്ടിൽ വീട് ഒന്നിച്ചു ബസ്സിൽ പോകുന്നവർ, എന്റെ അടുത്ത കൂട്ടുകാരികൾ.

ഷിമ്ന, പ്രതിഭ – സഹപാഠികൾ കൂട്ടുകാരികൾ

ശേഖരേട്ടൻ – പൊതുപ്രവർത്തകൻ അച്ഛന്റെ കൂട്ടുകാരൻ

രമ ടീച്ചർ- ശേഖരേട്ടന്റെ ഭാര്യ നാട്ടിലെ യു പി സ്കൂൾ ടീച്ചർ

ഷർമ്മി എന്ന ഷർമ്മിള – ശേഖരേട്ടന്റെയും , രമ ടീച്ചറുടെയും മകൾ

ചാരുവേട്ടൻ- ശേഖരേട്ടന്റെയും , രമ ടീച്ചറുടെയും മൂത്ത മകൻ, വിദേശത്ത് പണിയെടുക്കുന്നു കല്യാണം കഴിഞ്ഞു ഒരു ചെറിയ മോളുണ്ട്.
സീമ- രമ ടീച്ചറുടെ അനിയത്തി, ഷിമ്നയുടെ അമ്മ.

ചെറിയമ്മ സ്വന്തം വീട്ടിൽ താമസിക്കാൻ പോയത് കൊണ്ട് ഞാൻ എന്റെ വീട്ടിലാണ് ഇപ്പോൾ ഉള്ളത്.

കഴിഞ്ഞ ഭാഗത്ത് നിർത്തിയ സ്ഥലത്ത് നിന്ന് കഥ..

ഞാനും സഖിമാരും- ഭാഗം 9 തുടരുന്നു..

അന്ന് ഞായറാഴ്ച കുറച്ചു വൈകി എണീറ്റു പല്ല് തേച്ച് ഭക്ഷണം കഴിച്ചു പുറത്തിറങ്ങി.. അച്ഛനും അതേ സമയം കുളിച്ചു ഒരു മുണ്ടും ഷർട്ടും ഉടുത്ത് ഇറങ്ങി.

“നീ വാ”

ഈ ‘നീ വാ’ എന്നു കേട്ടാൽ ഒന്നിച്ചു പോകാൻ ഉള്ള വിളിയാണ് അധികവും എന്തെങ്കിലും ആവശ്യമുള്ള സാധനം വാങ്ങിത്തരാൻ ആയിരിക്കും.. എന്നിട്ട് മൂപ്പര് മൂപ്പരുടെ വഴിക്ക് പോകും. ഞാൻ തിരികെ വീട്ടിലേക്കും..

ഇന്ന് പക്ഷേ കടയിൽ കയറിയില്ല, മീനും വാങ്ങിയില്ല നേരെ നടക്കുവാ ഗ്രൌണ്ടിന്റെ ഭാഗത്തേക്ക്.. ഇപ്പോ കാര്യം ഏകദേശം മനസ്സിലായി.. രമ ടീച്ചറുടെ വീട്ടിലേക്ക്. ഗെയ്റ്റ് കടക്കുമ്പോൾ തന്നെ ശേഖരേട്ടനെ കണ്ട് അച്ഛൻ അവിടെ നിന്ന്, ഞാൻ ചാരുവേട്ടനെ കാണാൻ വീടിന്റെ അടുത്തേക്കും. ഞാൻ സ്റ്റെപ്പ് കേറുമ്പോൾ ആണ് ഷർമിയേച്ചി പുറത്തേക്ക് വന്നത്..

“വേതാളം വന്നല്ലോ?”

എന്നെ കളിയാക്കി പറഞ്ഞതാ അന്നേരമാണ് ഒരു വെളുത്തു സുന്ദരിയായ ഒരു ചേച്ചിയെ കണ്ടത് കയ്യിൽ കുട്ടിയും ഉണ്ടായിരുന്നു. അപ്പോ ഇതായിരിക്കും ചാരുവേട്ടന്റെ ഭാര്യ.. പിന്നാലെ രമ ടീച്ചർ വന്നു..

“നീയെന്താടി എന്റെ മോനേ പറഞ്ഞത്?” അപ്പോഴേക്കും എവിടുന്നോ പാവം ചാരുവേട്ടനും വന്നു.. “വിക്രമാദിത്യൻ പിന്നിലായിപ്പോയെല്ലോ?”

അതിനു പിന്നാലെ അച്ഛനും ശേഖരേട്ടനും അവിടേക്ക് വന്നത്.

“എന്താ മോളേ?”

അച്ഛൻ ഷർമ്മയിയേച്ചിയോട് വിശേഷം തിരക്കി..

“നല്ലത് തന്നെ മാമാ ഞാൻ ഇവനെ മാത്രേ കണ്ടുള്ളൂ” ചമ്മി വിളറി ഉത്തരം പറഞ്ഞു

രമ ടീച്ചർ അച്ഛനോട് “അവൾ ഇവനെ കളിയാക്കുവായിരുന്നു.. ചാരു വരുമ്പോൾ മാത്രേ ഇവനെ കാണൂ..”

“എന്താടാ..??” അച്ഛൻ എന്നോട് ചോദിച്ചു..

“അവൻ ഗ്രൌണ്ടിൽ വന്നാൽ ഗെയ്റ്റ് വരെ വരും എല്ലാവരോടും വർത്തമാനമൊക്കെ പറയും പക്ഷേ ഇങ്ങ് വന്നു ഒരു ചായ കുടിക്കാം എന്നു പറഞ്ഞാൽ ഇല്ലാത്ത തിരക്കും പറഞ്ഞു പോകും അതിനു ഇവൾ കളിയാക്കിയതാ” രമ ടീച്ചർ പണ്ടത്തെ പോലെ എന്നെ രക്ഷപ്പെടുത്തി.
പക്ഷേ എല്ലാവരും എന്റെ നിൽപ്പ് കണ്ടു ചിരിക്കുവാ. എന്താ ഇത്ര വലിയ തമാശ എന്നു വിചാരിച്ചു അന്തംവിട്ട് നില്ക്കുമ്പോ ചാരുവേട്ടന്റെ ഭാര്യയും ഉണ്ട് കൂട്ടത്തിൽ ആ പൊടികൊച്ചും. പിന്നിൽ ഇളിച്ചോണ്ട് ചാരുവേട്ടനും.. എന്റെ കുരു മൊത്തത്തിൽ പൊട്ടാനായി നില്ക്കുമ്പോൾ ആണ് അച്ഛൻ കുട്ടിയെ കണ്ടു അവരോട് വിശേഷങ്ങൾ ചോദിച്ചു അച്ഛൻ ഒന്ന് കൈ നീട്ടിയപ്പോൾ തന്നെ അവൾ അച്ഛന്റെ കയ്യിലേക്ക് പോയി.. അത് നോക്കി നിന്ന ഞാൻ കളിയാക്കിയതെല്ലാം മറന്നു പോയി.. ചാരുവേട്ടൻ ഭാര്യയെ എനിക്ക് പരിചയപ്പെടുത്തി തന്നു.. അവർക്ക് എന്നെ എല്ലാവരും പറഞ്ഞു നല്ലോണം അറിയാം.