ശ്രീനന്ദനം 7

Shreenandanam Part 7 | Author : Shyam Gopal

Previous Part

---

 

ഞാൻ ഈ സൈറ്റിൽ കഥ എഴുതുന്നത് എന്റെ ഒരു നേരം പോക്കിന് വേണ്ടി മാത്രമാണ് , കഴിഞ പാർട്ടിൽ ഒരാൾ കമന്റ് ഇട്ടു ലോജിക് ഇല്ല എന്ന് , ഞാൻ ഒരു  ഷിപ് എന്ന് ഉദേശിച്ചത്‌  കഹോ ന പ്യാർ ഹേയ് ഫിലിമിലെ ഷിപ് ഇല്ലേ അതെ പോലത്തെ ഷിപ് ആണ് , പിന്നെ അതിലും സെയിം സീൻ  ഉണ്ട് , അവർ അവിചാരിതമായി ലൈഫ് ബോട്ടിൽ കയറി ഇരിക്കുന്നതും പിന്നീട് അത് കടലിൽ പോകുന്നതും അവർ ഒരു ഐലൻഡിൽ എത്തുന്നതും എല്ലാം , ഇവിടെയും അതൊക്കെ തന്നെ ആണ് ഉദേശിച്ചത്‌ ,പിന്നെ കൊല്ലണം എങ്കിൽ കടലിൽ എറിഞ്ഞാൽ പോരെ എന്നൊക്കെ ചോദിക്കുന്നത് മണ്ടത്തരം ആണ് ,

സിനിമയിൽ നയിക്കാൻ ആക്ഷന് നില്കാതെ ഒരു തോക്കെടുത്തു  വെടി വച്ചാൽ പോരെ എന്ന് ചോദിക്കുന്ന പോലെ ആകും .കാമറ ഉണ്ടോ ഇല്ലയോ , ക്യാപ്റ്റൻ മണ്ടനാണോ എന്നൊക്കെ ഞാൻ പറഞ്ഞിട്ടില്ലലോ , അതൊക്കെ വരും ഭാഗങ്ങളിൽ വായിക്കാം . ഇതെന്റെ ഭാവന ആയിരുന്നു , പിന്നെ എല്ലാവരും വലിയ കഥ കൃത്തുക്കൾ ആവില്ലലോ , നമ്മളെ പോലുള്ള പാവങ്ങളും ജീവിച്ചു പൊയ്ക്കോട്ടേ ഞാൻ മനസ്സിൽ കാണുന്ന പോലെ നിങ്ങൾക്കു വായിക്കാൻ കഴിയുന്നില്ല എങ്കിൽ എന്റെ പരാജയമാണ് , അത് കൊണ്ട് തന്നെ ഈ പാർടോടെ കൂടെ ഞാൻ ഈ പരിപാടി നിർത്തിയാലോ എന്ന് ആലോചിക്കുകയാണ്..

നന്ദി

ശ്യാം ഗോപാൽ

 

ഞാൻ ഉദ്ദേശിച്ച ലൈഫ് ബോട്ട്

 

 

ക്രൂയിസ് ഷിപ് (സെയ്‌ലിംഗ് ഷിപ്)

 

കഥ തുടരുന്നു …

 

 

 

ഞാൻ അവളുടെ ഹാലൂസിനേഷൻ ആണെന്ന ആദ്യം കരുതിയെ എന്നാൽ അവിടെ നിന്നും കടൽ പക്ഷികൾ പറക്കുന്നത് കണ്ടപ്പോൾ ഉറപ്പിച്ചു കര ആണെന്നു … അതെ ജീവിതം തീർന്നു എന്ന് കരുതിയിടത്തു നിന്നും പച്ചപ്പിലേക്ക് പോകുന്നു .. പിന്നീട് അങ്ങോട്ട് ഒരു ആവേശമായിരുന്നു .. ഞാനും എലിയും കൂടി മത്സരിച്ചായിരുന്നു തുഴഞ്ഞിരുന്നത് എന്നാൽ അവിടെ എത്തുമ്പോളേക്കും എലി  കുഴഞ്ഞു വീണിരുന്നു , എന്റെ തുഴച്ചിലിനു വേഗം കൂടി …കൂടുതൽ കരയിലേക്ക്  അടുക്കും തോറും കിളികളുടെ ശബ്ദം അടുത്ത് വന്നു , ഞങ്ങളുടെ മുൻപിൽ ഒരു ഐലൻഡ് പ്രത്യക്ഷമായി .. നിറയെ പച്ചപ്പും തെങ്ങുകളും എല്ലാം നിറഞ്ഞ ഒരു ഐലൻഡ് .. എലിയെ എഴുനേൽപ്പിക്കാൻ ശ്രമിച്ചെങ്കിലും അവൾ കൂടുതൽ അവശ ആകുക ആണ് ചെയ്തത്

 

 

 

ഞാൻ ബോട്ട് കരക്കടുപ്പിച്ചു .. ബോട്ടിൽ നിന്നും ചാടി ഇറങ്ങി .. നല്ല തെളി നീര് പോലുള്ള വെള്ളം അതിൽ പല വര്ണങ്ങളിലും രൂപങ്ങളിലും ഉള്ള ചെറിയ അക്വാറിയത്തിൽ ഇടുന്ന പോലത്തെ ഭംഗിയുള്ള ചെറു മീനുകൾ , മറ്റൊരവസരത്തിൽ ആണേൽ കണ്ടു നിന്ന് രസിച്ചേനെ .. ഞാൻ ബോട്ട് മാക്സിമം കരയിലേക്ക് തള്ളി കയറ്റി സുരക്ഷാ ഉറപ്പാക്കി എലി ബോട്ടിൽ തന്നെ ആണ് ഉള്ളത് . തത്കാലം അത് തന്നെയാണ് നല്ലതു എന്ന് തോന്നി , ഞാൻ തത്കാലം അവളെ അവിടെ നിർത്തി ഐലണ്ടിനുള്ളിലേക്കു നടന്നു , അവിടെ കിടന്നിരുന്ന ഒരു ചുള്ളി കമ്പു ഞാൻ ധൈര്യത്തിന് വേണ്ടി കയ്യിൽ പിടിച്ചു , അത് കൊണ്ടൊന്നും നടക്കില്ല എന്ന് എനിക്ക് നല്ല ഉറപ്പുണ്ടാർന്നു .. പിന്നെ വല്ല കാട്ടു ജീവികളും വന്നാൽ പേടിപ്പിക്കാൻ എങ്കിലും ഉപയോഗിക്കാമല്ലോ … ബീച്ചിന്റെ അരികു വശം നല്ല ഉയരത്തിൽ തെങ്ങുകൾ ആണെങ്കിൽ ഉള്ളിലോട്ടു പോകും തോറും ആമസോൺ കാടുകൾ പോലെ ആണ് , വള്ളി പടർപ്പുകളും കിളികളും എല്ലാം കൂടെ ഒരു  ബഹള മയം ആണ്. ഇനി വല്ല പാമ്പോ ചെമ്പോ ഉണ്ടേൽ പിന്നെ പറയാനും ഇല്ല .. ഉള്ളിൽ ഭയം തോന്നിയെങ്കിലും മുന്പ്പോട്ടു പോകാൻ തന്നെ തീരുമാനിച്ചു .കാരണം എലിയുടെ അവസ്ഥ മോശമാണ് . കയ്യിൽ ഉള്ള വാദി ഉപയോഗിച്ച് മുന്നിലെ ചെടികളും മറ്റും മാറ്റി ഞാൻ മുൻപോട്ടു നീങ്ങി , മരുന്നിനു പോലും ഒന്നും കിട്ടിയില്ല . അകെ നിരാശനായി മുൻപോട്ടു പോയപ്പോളാണ് ഒരു കള കള ശബ്ദം കേൾക്കുന്നത് , ഇനി വയറ്റിൽ നിന്നാണോ എന്നായി , ഹേയ് വയറ്റിൽ നിന്നും അല്ല .. ആവേശത്തോടെ മുന്പോട്ടു നീങ്ങിയപ്പോൾ എന്റെ കണ്ണുകളെ എനിക്ക് വിശ്വസിക്കാനായില്ല … ഒരു നീരുറവ അതും ചെറിയ ഒരു അതിരപ്പിള്ളി വെള്ളച്ചാട്ടം പോലെ ഉണ്ട്