ദി മെക്കാനിക്

The Mechanic | Author : J. K.

” അദിതി… കണ്ണ് തുറക്കല്ലേ.. ” അർജുൻ എന്നെ ഞങ്ങളുടെ വീടിന്റെ മുന്നിലെ കാർ പോർച്ചിലേക്കു പതിയെ കൊണ്ടുപോയി.

കുറച്ചു നേരം മുന്നേ ആണ്.. അർജുൻ, എന്റെ ഹസ്ബൻഡ്,പിന്നിൽ നിന്നും വന്നു എന്റെ കണ്ണ് പൊത്തിയത്.പേടിച്ചു കരയാൻ തുടങ്ങുന്നതിനു മുന്നേ അവന്റെ ശബ്ദം ഞാൻ കേട്ടു..

“” എടൊ തനിക്കൊരു സർപ്രൈസ് ഗിഫ്റ്റ് ഉണ്ട് ”

പക്ഷെ ഗിഫ്റ്റ് എന്താണെന്നു എനിക്ക് ആദ്യമേ അറിയാമായിരുന്നു.. കാരണം ഇത് ഞാൻ പറഞ്ഞു വാങ്ങിപ്പിച്ചതാണ് ഹിഹി…

ഞങ്ങൾ പതിയെ പോർച്ചിലേക്കു നടന്നു. എന്റെ ഹൃദയം നന്നായി ഇടിക്കാൻ തുടങ്ങി,ഗിഫ്റ്റിനെ പറ്റി ആലോചിച് എനിക്ക് ഭയങ്കര സന്തോഷം തോന്നി..ഒന്ന് രണ്ടു സ്റ്റെപ് കൂടി വച്ച ശേഷം ഞങ്ങൾ നിന്നു. അവൻ പതിയെ എന്റെ കണ്ണുകളിൽ നിന്നും കൈ എടുത്തു,,..കണ്ണ് തുറക്കാൻ പറഞ്ഞു.ഞാൻ ഉടനെ കണ്ണ് തുറന്നു. എന്നാൽ എന്റെ ആവേശവും, സന്തോഷവും എല്ലാം ആ നിമിഷം അസ്തമിച്ചു..

ഒരു ഗംഭീര sedan പ്രതീക്ഷിച്ച എന്റെ മുന്നിൽ കിടന്നിരുന്നത് ഒരു “മാരുതി എസ്റ്റീമ് ” ആയിരുന്നു. വർഷങ്ങൾക്കു മുന്നേ ഇതിന്റെ എല്ലാം പ്രൊഡക്ഷൻ നിർത്തിയിരുന്നു. അർജുൻ,,,എന്റെ കണ്ണ് പൊത്തിപിടിച്ചു, ആകാംഷ തന്നു..ആകാശത്തോളം ഉയർത്തിയ എന്റെ എല്ലാ പ്രതീക്ഷയും കണ്ണ് തുറന്ന ആ നിമിഷം പാണ്ടി ലോറി കയറിയ പോലെ തകർന്നു പോയി..

ഞാൻ അർജുനെ നോക്കി, അവൻ ആ കാർ തന്നെ നോക്കി നിൽക്കുകയാണ്.. എന്തോ അവൻ തന്നെ ഡിസൈൻ ചെയ്തു ഉണ്ടാക്കിയ പോലെ!!! അവന്റെ മുഖത്തു അഭിമാനം തെളിഞ്ഞു കാണാൻ ഉണ്ടായിരുന്നു.അവൻ എന്റെ മുഖത്തു നോക്കിയ നിമിഷം അവന്റെ പുഞ്ചിരി മാഞ്ഞു.എനിക്ക് നല്ല ദേഷ്യവും നിരാശയും തോന്നി. പുതിയ കാർ വാങ്ങി തരാൻ പറഞ്ഞിട്ട്, പഴയ തല്ലിപ്പൊളി സെക്കന്റ്‌ ഹാൻഡ് കാർ വാങ്ങി തന്നിരിക്കുന്നു.

“എന്താ??””അവൻ ആ ഒരു ഭാവം അല്ല എന്റെ മുഖത്തു പ്രതീക്ഷിച്ചതു എന്ന് ആ ചോദ്യത്തിൽ നിന്നും തന്നെ എനിക്ക് മനസ്സിലായി.

” ഞാൻ നിന്നോട് വാങ്ങിച്ചു തരാൻ പറഞ്ഞത് ഇതല്ല.. ”

“ഇതിനു എന്താ കുഴപ്പം?? ” നല്ല കാർ ആണ്”!! നല്ല പവർ,, നല്ല മൈലേജ് “…” കോളേജ് ഇൽ പഠിക്കുമ്പോ ഇത് എന്റെ ഡ്രീം കാർ ആയിരുന്നു. “””!!!!

” ആണോ… എന്നാൽ നീ ഇത് എടുത്തോ.. ഞാൻ നിന്റെ വണ്ടി എടുത്തോളാം… “”

” ആദിതി.. നീ വണ്ടി ഓടിക്കാൻ പഠിച്ചിട്ടു ആറു മാസം അല്ലെ ആയിട്ടുള്ളു. ഒറ്റയ്ക്ക് ഓടിക്കാൻ തുടങ്ങീട്ട് രണ്ടു മാസവും.നീ എങ്ങനെയാ ഓടിക്കണെന്ന് ഞാൻ കാണുന്നതല്ലേ….ഈ ഗ്യാപ്പിൽ നീ രണ്ടു മൂന്നു പ്രാവശ്യം എന്റെ വണ്ടി കൊണ്ടുപോയി സ്ക്രാച്ച് ആക്കി. അല്ലേ….!!

ആ ഒറ്റ ഡയലോഗിൽ അവൻ എന്നെ തളർത്തി.. അവൻ പറഞ്ഞത് ശരിയാണ്. ഞാൻ ഓടിച്ചു ശരിയാവുന്നെ ഉള്ളു.1-2 തവണ ബ്ലോക്ക്‌ ഉണ്ടാക്കി..2-3 തവണ വണ്ടി സ്‌ക്രാച്ച് ആക്കി..

” ഇത് നിനക്കു പ്രാക്ടീസ് ചെയ്യാൻ ഉള്ള വണ്ടിയാ….അത് കൊണ്ട് നീ ഇതിൽ ഓടിച്ചു സെറ്റ് ആക്കു.6 മാസമോ 1 കൊല്ലമോ എടുത്തോ…എന്നിട്ട് നമുക്ക് പുതിയത് വാങ്ങാം..അതും പറഞ്ഞു അവൻ എന്നെ പിന്നിൽ നിന്നും മുറുക്കി കെട്ടിപിടിച്ചു..

” ഒന്ന് ചിരിക്കടോ..ഞാൻ പറഞ്ഞാൽ പറഞ്ഞത് ആണ് എന്ന് അറിയാമല്ലോ… “” താൻ ആഗ്രഹിച്ച മോഡലിനെക്കാൾ നല്ല മോഡൽ കാർ ഞാൻ വാങ്ങി തന്നിരിക്കും ” അതും പറഞ്ഞു അവൻ പതിയെ എന്റെ വയറിൽ ഇക്കിളി ഇട്ടു. എനിക്കും ചിരി പൊട്ടി . കല്യാണം കഴിഞ്ഞു ഇത്ര കൊല്ലം ആയിട്ടും അവൻ ചെയ്യുന്ന ഇതുപോലെ ചെറിയ കാര്യങ്ങൾ എന്നെ നല്ലത് പോലെ സന്തോഷിപ്പിക്കുന്നുണ്ട്..

അർജുന്റെയും എന്റെയും കല്യാണം കഴിഞ്ഞിട്ട് ഇപ്പോൾ അഞ്ചു കൊല്ലം ആയി. ഞങ്ങൾ കോളേജിൽ ഒരുമിച്ചു ആയിരുന്നു.അവൻ ഫിനാൻസ് ഞാൻ ഡിസൈനിങ്. ആദ്യം കൂട്ടുക്കാരായി, പിന്നെ ബെസ്റ്റ് ഫ്രണ്ട്‌സ് ആയി..കോളേജിൽ നിന്നും ഇറങ്ങിയ ശേഷവും അത് തുടർന്നു പോന്നു.. മൂന്നു കൊല്ലം കഴിഞ്ഞു അർജുൻ എന്നെ പ്രൊപ്പോസ് ചെയ്തു.അവനോടു യെസ് പറയാൻ എനിക്ക് രണ്ടാമത് ഒന്ന് ആലോചിക്കേണ്ടി വന്നില്ല.