Related Posts
പ്രിൻസിപ്പലിന്റെ റൂം
“”മിസ്സ്‌ എന്താ പറഞ്ഞത്? ഇവർ രണ്ടും…..! “”
ഞങ്ങളുടെ അഡ്വയ്‌സർ സാനി മിസ്സ്‌ പറഞ്ഞത് വിശ്വസിക്കാൻ പറ്റാതെ പ്രിൻസിപ്പൽ അവരോടു വീണ്ടും തിരക്കി.
“”ഹമ് അതേ സർ ഇവർ രണ്ടുപേരേയും ആ പഴയ ബിൽഡിങ്ങിൽ തീർത്തും മോശപ്പെട്ട സാഹചര്യത്തിൽ ജീന മിസ്സ്‌ കണ്ടു. അവർക്ക് അത് ആരോടേലും പറയാൻ പോലും പറ്റാതെ സ്റ്റാഫ്‌ റൂമിൽ തളർന്നിരിക്കയായിരുന്നു ഇത്രയും നേരവും. “”
“”അപ്പൊ ജീന മിസ്സിനോട് ഫോർമൽ ആയി ഒരു കംപ്ലയിന്റ് നൽകാൻ പറയൂ, അല്ലാതെ എങ്ങനെയാണ് നമുക്കൊരു ആക്ഷൻ എടുക്കാൻ പറ്റുന്നത്.””
“”അതവർ ചെയ്യുമെന്ന് തോന്നുന്നില്ല സർ , ഷീ ഈസ്‌ ഇൻ ഷോക്ക്, എന്നോട് പോലും മിസ്സത് പറയാൻ ഒരുപാട് ബുദ്ധിമുട്ടി.””
“”ഓഹ് ഓക്കേ,, യൂ ടൂ എന്താടോ എന്താ മിസ്സ്‌ ഈ പറഞ്ഞതിൽ വല്ല സത്യവുമുണ്ടോ? നിങ്ങൾ എന്ത് ചെയ്യാരുന്നു അവിടെ? “”
പ്രിൻസിപ്പൽ നമ്പുതിരി സർ ഞങ്ങളോടായി ചോദിച്ചു.
ഞാൻ ഒന്നും മിണ്ടാനാവാതെ തല താഴ്ത്തി നിന്നു. അവർ പറഞ്ഞതെല്ലാം സത്യമാണ്. ഞാനും ആശ്വതിയും തമ്മിൽ നടന്നതൊക്കെ അവർ പറഞ്ഞതിലും അപ്പുറമായിരുന്നല്ലോ. ഇതിപ്പോ ഞാൻ മുൻകൈ എടുത്ത വെറും കിസ്സിങ്ങിലും സെക്സറ്റംപ്റ്റിലും ഒതുങ്ങി.
പക്ഷേ ഒന്നുണ്ട് അവർ പറഞ്ഞ ഒരു കാര്യം മാത്രം തെറ്റാണ്. ഞാൻ ഏതോ ഒരു പെണ്ണിനെ അവളുടെ സമ്മതമില്ലാതെ പിഴപ്പിക്കാൻ ശ്രെമിക്കയല്ലായിരുന്നു, ഞാൻ തന്നെ സ്വന്തമാക്കുമെന്ന് എനിക്കുറപ്പുള്ള ഉറപ്പുള്ള എന്റെ പ്രാണനെ അവളുടെകൂടെ സമ്മതത്തോടെയാണ് പ്രാപിച്ചത്. അതൊരു തെറ്റായി ഇപ്പോഴും എനിക്ക് തോന്നിയില്ല.
പിന്നെ അവിടെ നടന്നത് ഞാൻ ഒട്ടും പ്രതീക്ഷിക്കാത്തതാരുന്നു. ജീന അവൾ ഞങ്ങളെ പിന്തുടർന്ന് അവിടെ വരുമെന്നറിഞ്ഞിരുന്നില്ല. ആ സമയമത്രയും അവരതു കണ്ടാസ്വതിച്ചിരിക്കണം. അല്ലങ്കിൽ അവർ അവിടെവെച്ചു തന്നെ വിളിച്ചു കുവില്ലായിരുന്നോ? എന്നിട്ടിപ്പോ പറയുന്നു അത് കണ്ടു മരവിച്ചു പോയി പോലും ? എല്ലാം അവരുടെ അടവാണ്. എനിക്കറിയില്ല അവർക്കെന്നോട് എന്താ ഇത്രയും പ്രശ്നമെന്ന്. അവൻ എപ്പോഴും എന്റെയും ആശ്വതിയുടെയും പിറകിൽ ഉണ്ടായിരുന്നു. ഒന്ന് തിരിയാനോ പിരിയാനോ മര്യാദക്കു സംസാരിക്കാനോ അവർ സമ്മതിച്ചിട്ടില്ല. ബെസ്സിലും കോളജിലും എല്ലാം അവരുടെ cctv കണ്ണുകൾ ഞങ്ങളേ പിന്തുടർന്നിരുന്നു. ഞങ്ങൾ ഇതൊക്കെ പ്ലാൻ ചെയ്യുമ്പോൾ പോലും അശ്വതി ജീനയുടെ ശല്യമുണ്ടാവുമെന്ന് എന്നോട് വാൺ ചെയ്തിരുന്നു , ഞാൻ അത് അപ്പൊ കാര്യമാക്കിയില്ല. അതാണ് ഇപ്പൊ ഇവിടെ നിക്കേണ്ടി വന്നത്.
എല്ലാരേയും അമ്പരപ്പിച്ചു കൊണ്ട് അശ്വതി അപ്പോഴേക്കും കരയാൻ തുടങ്ങി. ദോഷം പറയരുതല്ലോ നല്ല ക്വാളിറ്റി കരച്ചില്‍. കണ്ടു നിക്കുന്നവരുടെ പോലും ഹൃദയം അലിയിക്കുന്ന കരച്ചില്‍.
ഒരുകാലത്തു ഈ കോളജിലെ പെൺമ്പടയുടെ ക്യാപ്റ്റൻ, അവർ ഉണ്ടാക്കുന്ന എല്ലാ പ്രശങ്ങൾക്കും ഒന്നാം പ്രതിയായി എന്നും ഈ ഓഫീസിൽ കയറി ഇറങ്ങിരുന്നവൾ, എന്ത് സംഭവിച്ചാലും കുലുങ്ങാത്തവൾ. ഇപ്പോഴും എല്ലാവരും അവളെ പേടിയോടെയാണ് നോക്കുന്നത്. കഴിഞ്ഞ ഒരു വർഷമായി ഞാൻ മനസിലാക്കിയ ആ അശ്വതിയാണോ ഈ നിന്നു കരയുന്നത്?
ഏയ്! ഒരിക്കലുമല്ല, അവൾ തന്നെ പറഞ്ഞതനുസരിച്ചു ഇങ്ങനൊരു സാഹചര്യം അവൾക്ക് മുൻപും നേരിടേണ്ടി വന്നിട്ടുണ്ട്‌. അന്നവൾ ആ അഭിയുമായുള്ള പ്രശ്നത്തിൽ ഒറ്റക്കല്ലേ അവനെപോലെ ഒരു ചെറ്റയോട് പോരാടിയത്. ഇതുപോലെ കരഞ്ഞു നിലവിളിക്കുന്ന ഒരു പെൺകുട്ടിക്ക് അത്രക്കുള്ള ഗഡ്സ് ഉണ്ടാവുമോ? . പക്ഷേ ഇപ്പൊ അവളുടെ എല്ലാമെല്ലാമായ എന്നെ ഒരു കുറ്റക്കാരനെ പോലെ ഇവർക്ക് മുൻപിൽ വിട്ടുകൊടുത്തുകൊണ്ട് അവൾ കരയുന്നു.
ഹാ പിന്നെ ഇത്തരം സന്നർഭങ്ങളിൽ കരഞ്ഞുകാണിച്ചാൽ തുടർന്നു വരുന്ന ചോദ്യങ്ങളുടെ മൂർച്ച കുറയുമെന്ന് ഒരു പെണ്ണിനെയും ആരും പറഞ്ഞു പഠിപ്പിക്കേണ്ടതില്ലല്ലോ, അതാകും,…! പാവം പെണ്ണ്. അവളുടെ കരച്ചിൽ കാണുമ്പോള്‍ എന്റെ നെഞ്ചുതകർന്നു പോകുന്നു. ഏതു സമയത്താണോ ഇങ്ങനെ ഒന്ന് തോന്നിയത് ഞാൻ എന്നേത്തന്നെ പ്രാകിപ്പോയി
“”കുട്ടി കുട്ടി എന്തിനാണിങ്ങനെ കരയുന്നത്. ബി ബ്രേവ്. അതിനിപ്പോ ഇവിടെ എന്താ ഉണ്ടായത്? ഞങ്ങൾക്കറിയാം അവൻ നിന്നേ ചീറ്റ് ചെയ്കയായിരുന്നുന്ന്.
സർ ഇതാദ്യമല്ല കഴിഞ്ഞ വർഷവും ഇവന്‍ ഈ കുട്ടിയോട് അപമാര്യാദയായി പെരുമാറിട്ടുണ്ട്. “”
സാനിയുടെ വാക്കുകൾ ഞാൻ ഞെട്ടലോടെയാണ് കെട്ടുനിന്നത്. ആ കോളജിലെ ടോപ്പർ ആണെന്ന അല്ലങ്കില്‍ മറ്റൊരു പ്രശ്നത്തിനുംപോയിട്ടില്ലെന്ന പരിഗണന അവർ എനിക്ക് തന്നില്ല, എന്നോട് എന്തോ പകയുള്ളപോലെയാണ് അവര്‍ പെരുമാറുന്നത്. ചിലപ്പോള്‍ അന്നൊരിക്കല്‍ എന്റെ പേരും പറഞ്ഞു ഞങ്ങളുടെ ജുവലറിയില്‍ പോയപ്പോള്‍ അവര്‍ പ്രതീക്ഷിച്ച സ്വീകരണം ലഭിക്കാഞ്ഞതിനാലാകും. എനിക്കേ അവിടെ ഒരു റോള്‍ ഇല്ല അപ്പോഴാ ഇവര്‍ എന്റെ പേര് പറഞ്ഞു പോകുന്നത്.
പതിയെ അശ്വതിയോടുള്ള ചോദ്യങ്ങൾ കുറഞ്ഞു, അവൾ സേഫ് ആകുന്തോറും ആ ചോദ്യങ്ങളെല്ലാം മൂര്‍ച്ചകൂട്ടി എന്റെ നേരേ തിരിഞ്ഞു. ഞാൻ അപ്പോഴേക്കും വില്ലനാവാൻ തുടങ്ങിയിരിക്കുന്നു . അല്ല ഈ സമൂഹം എന്നെ മാത്രം തെറ്റുകാരനാക്കി. അശ്വതി അവളായിരുന്നു എല്ലാത്തിനും തുടക്കമിട്ടത്, എന്റെ മനസ്സിൽ അങ്ങനെ ഒരു മോഹം കുത്തിവെച്ചത് തന്നെ അവള്ളായിരുന്നല്ലോ.
ഇപ്പൊ ഞാനാണ് അവളെ വിളിച്ചോണ്ട് ആ ബിൽഡിങ്ങിൽ പോയത്, അവൾ ഒന്നും അറിഞ്ഞിരുന്നില്ല, ഞാൻ എന്തോ ചെയ്യാൻ ശ്രെമിച്ചപ്പോൾ അവൾ കരഞ്ഞ ശബ്ദം കെട്ടിട്ടാണത്രേ ജീന അങ്ങോട്ട് വന്നത് . ജീന സാനിയോട് പറഞ്ഞ കഥകൾ അവര്‍ക്ക് പറ്റുന്നപോലെ എന്നെ മോശക്കാരനാക്കി അവർ എന്റെ മുകളിൽ ആരോപിച്ചു. അശ്വതിയെ ഓർത്തുമാത്രമുള്ള എന്റെ മൗനം ആ കുറ്റചാർത്തുക്കൾ എല്ലാം എന്റെ തലയിൽ മാത്രമായി ഒതുങ്ങാൻ കാരണമായി. അതിൽ എനിക്ക് അതിശയം തോന്നി. എല്ലാത്തിനും അച്ചു കരച്ചിൽകൊണ്ട് മാത്രം മറുപടി പറഞ്ഞത്. എങ്കിലും ഞങ്ങൾ തമ്മിലുള്ള വേഴ്ച്ചയേ പറ്റി അവർ ഒന്നുംതന്നെ ആരോപിച്ചിരുന്നില്ല.
ഞാൻ മാത്രമായി വില്ലനായി ഒരു പരിധി കഴിഞ്ഞപ്പോൾ, അല്ല അവരുടെ ഉദ്ദേശം എനിക്കു വെക്തമായി തുടങ്ങിയപ്പോള്‍ ചോദിക്കുന്ന ചോദ്യങ്ങൾ എല്ലാം നിഷേധിക്കുക മാത്രമായിരുന്നു എന്റെ മുൻപിലുള്ള മാർഗം, എന്റെ മനസാക്ഷിയെ കുഴിച്ചുമൂടി ഞാൻ അവർ ആരോപിച്ചതെല്ലാം നിഷേധിച്ചു. പക്ഷേ അച്ചൂനോട് എനിക്കുള്ള പ്രണയം മാത്രം നിഷേധിക്കാൻ എനിക്കു സാധിച്ചില്ല. അവളോടും ചോദിച്ചു എന്നെ ഇഷ്ടം ആണോന്ന് അതിനവൾ ആണെന്നും അല്ലെന്നും പറഞ്ഞില്ല, അതേ കരച്ചിൽ.
