ഉണ്ടകണ്ണി – 5

നേരം വെളുത്ത് വരുവാ നല്ല മൂത്ര ശങ്ക ഉണ്ട് . എന്തായാലും കുളിമുറിയിൽ പോണം ഞാൻ ബ്രഷ് എടുത്ത് പേസ്റ്റും തേച് എണ്ണയും വച്ച് തോർത്തും എടുത്ത് തോളിൽ ഇട്ടു ഒരു മുണ്ട് മാത്രം ഉടത്ത് പുറത്തേക്ക് ഇറങ്ങി.. അമ്മ നല്ല ഉറക്കം ആണ് ആശുപത്രിയിൽ ഒക്കെ പോയതിന്റെ ക്ഷീണം ആയ കൊണ്ട് ഇപോ അമ്മ വെളുപ്പിനു എണീക്കൽ കുറവാണ്.

6 മണി ആണേലും ചെറിയ വെളിച്ചം ആയി വരുന്നെ ഉള്ളൂ ഞാൻ ബ്രഷ് എടുത്ത് പല്ലു തേക്കാൻ തുടങ്ങിയതും പുറകിൽ നിന്ന് ഒരു ചിരി. ഞാൻ തിരിഞ്ഞു നോക്കിയപ്പോൾ മുറ്റത്ത് ഇട്ടിരുന്ന കസേരയിൽ ഒരു രൂപം ഇരിക്കുന്നു . ഞാൻ അടുത്തേക്ക് ചെന്നു നോക്കി … ആളെ മനസിലായ ഞാൻ ഞെട്ടി

അക്ഷര….. നീ… നീ എന്താ ഈ നേരത്ത് ??

അവൾ ആണെങ്കിൽ എന്റെ കോലം കണ്ടു ചിരിയാണ്… അപ്പോഴാണ് ഞാൻ എന്റെ അവസ്‌ഥ ഓർത്തത് ഞാൻ ചാടി അകത്ത് കയറി കതക് വഴി തല മാത്രം വെളിയിൽ ഇട്ടു

“അയ്യേ എന്ത് നാണമാണ് ചെക്കാ നിനക്ക് ഞാനൊന്നും ചെയ്യില്ല നീ ഇങ് വാ ”
അവൾ കുണുങ്ങി ചിരിച്ചു കൊണ്ട് പറഞ്ഞു

“പോടി… നീ എന്താ ഈ സമയത്ത് ഇവിടെ …??”
ഞാൻ അലറി

“ശെടാ അതുശരി നിന്നോട് ഞാൻ ഇന്നലെ പറഞ്ഞതല്ലേ രാവിലെ ഒരു സ്‌ഥലം വരെ പോവാം ന്ന്.”

“അതിന് നീ ഈ വെളുപ്പിനെ ഇങ്ങനെ ..”

“അത് നീ മുങ്ങും ന്ന് എനിക്ക് അറിയാം അതൊണ്ട വേഗം പോയ്‌ റെഡി ആയി വ ഞാൻ ഇവിടെ ഇരിക്കാം അമ്മ എണീറ്റില്ലാ ല്ലേ ??”
അവൾ അതും പറഞ്ഞകത്തേക്ക് കേറാൻ ഒരുങ്ങിയതും ഞാൻ ഓടി പോയ് ഒരു റ്റി ഷർട്ട് ഇട്ടു പുറത്തേക്ക് ഇറങ്ങി . ജെറിയെ ഒന്ന് വിളിക്കണം ഇത് പണി ആവും .
ഞാൻ ഫോണ് എടുക്കാൻ വീണ്ടും അകത്തേക്ക് കയറി എന്നാൽ ഫോണ് അവിടെയെങ്ങും കണ്ടില്ല

“നീ ഫോണ് ആണോ നോക്കുന്നെ അതൊകെ എന്റെ കയ്യിൽ ഉണ്ട് .. ബാത്റൂമിൽ പോണ നിനക്കു എന്തിനാ ഫോണ് ഏ..??? ”
അവൾ കള്ള ചിരിയോടെ ഫോണ് എന്റെ നേരെ കാണിച്ചു കൊണ്ടു പറഞ്ഞു

ഞാൻ പിന്നെ ഒന്നും മിണ്ടിയില്ല നേരെ പുറത്തേക്ക് ഇറങ്ങി കുളിക്കാൻനും മറ്റും ഒക്കെ പോയി .

കുളിച്ചു ഇറങ്ങി വരുമ്പോൾ അവൾ അമ്മയെ വിളിച്ച് എണീപ്പിച്ചു കാപ്പി ഒക്കെ ഉണ്ടാകുക ആയിരുന്നു .. എന്നെ കണ്ടതും അമ്മ പ്രത്യേക മുഖഭാവത്തിൽ കണ്ണു കാണിച്ചു ,
ഞാൻ ആണേൽ എനിക്ക് ഒന്നും അറിയില്ല അമ്മേ എന്നും കാണിച്ചു

അവളാനേൽ അമ്മയും ആയി എന്തൊക്കെയോ പറഞ്ഞു കാപ്പി കുടിച്ചു ഒരു ഗ്ലാസ് എനിക്കും തന്നു ..

“ഇതും കുടിച്ചു വേഗം ഒരുങ്ങു .. നമുക്കു പോവണ്ടേ ”

“നിങ്ങൾ എവിടെ പോണ് ” അമ്മയാണ് ചോദിച്ചത്

“ചുമ്മ ഇന്ന് ഫുൾ ഇവനെ ഞാൻ കൊണ്ടു പോവാ അമ്മെ അമ്മക്ക് എന്ത് കാര്യം ഉണ്ടേലും എന്നെ വിളിച്ച മതി കേട്ടോ അയ്യരെ ഞാൻ റെഡിയാക്കി വീട്ടിൽ നിർത്തിയിട്ടുണ്ട് ”
അവളുടെ പറച്ചിൽ ഒക്കെ കേട്ട് അമ്മ അന്തം വിട്ട് നില്കുവാണ്

“ഇത്ര വെളുപ്പിനെ നിങ്ങൾ എവിടെ പോണ് അതിന്. ന്ന എന്തെങ്കിലും കഴിച്ചിട്ട് പോവാം നിങ്ങൾ ഇരിക്ക് ഞാൻ ഉണ്ടാക്കാം” അമ്മ നടക്കാൻ ഒരുങ്ങി

“കുറച്ചു ദൂരം പോണം അതാമ്മെ.. ഒന്നും കഴിക്കാൻ വേണ്ടമ്മ ഞങ്ൾ പുറത്ത് ന്ന് കഴിച്ചോലാം . കിരണേ വേഗം വാ ” അവൾ ദൃതി പിടിച്ചു
ഞാൻ ഒരുങ്ങി ഇറങ്ങി കോളേജിൽ പോവാൻ വേണ്ടി അന്ന് വാങ്ങിയ ഷർട്ടും ഒരു പഴേ ജീൻസും ആണ് ഞാൻ ധരിച്ചത് .. അവൾ ഇതൊക്കെ ശ്രദ്ധിക്കുന്നത് ഞാൻ കണ്ടു . ഇതിൽ കോമഡി എന്താണ് എന്നാൽ ഇപോ അവളെയും എന്നെയും കൂടെ നിർത്തിയാൽ ഞാൻ എന്തോ സെലിബ്രിറ്റി ടെ കൂടെ നിന്ന് ഫോട്ടോ എടുക്കാൻ കേറിയ സാധാരണക്കാരനെ പോലെ ആണ്

സമയം 6.45 ആയി ജെറി കോപ്പൻ എന്തായാലും പോസ്റ്റ് തരും ഇല്ലേൽ മുങ്ങാമായിരുന്നു

“ടാ നീ ഇതെന്ത് ആലോചിച് നിക്കുവാ ചെല്ലു അവൾ ഇല്ലേ ഇറങ്ങി നിൽക്കുന്നു ”
അമ്മ എന്നെ തട്ടി കൊണ്ട് ചോദിച്ചു

ഞാൻ വീടിന് പുറത്തേക്ക് ഇറങ്ങി നടക്കാൻ ഒരുങ്ങിയതും അമ്മ എന്നോട് നിൽക്കാൻ പറഞ്ഞിട്ട് അമ്മയുടെ ബാഗ് ൽ നിന്നും എന്തോ എടുത്തുകൊണ്ട് വന്നു

“ടാ ഇന്ന ഇത് വച്ചോ വല്ല ആവശ്യം വന്നാലോ നമ്മൾ കുറച്ചിൽ കാണിക്കരുതല്ലോ “
ഞാൻ നോക്കുമ്പോൾ 500 രൂപ മടക്കി എന്റെ കയ്യിൽ വച്ചു തരുവാണ് അമ്മ

ഞാൻ അമ്മയെ നോക്കി ഒന്ന് ചിരിച്ചു അമ്മയും

“എടാ വാടാ ” അവൾ അവിടെ കിടന്നു വിളിക്കുവാണ്

ഞാനിറങ്ങി നടന്നു .

അവൾ കാറിൽ കേറി ഞാനും കൂടെ കേറി
“എന്റെ ഫോണ് താ” ഞാൻ ചോദിച്ചു

“തരാം സമയം ആയിട്ടില്ല മര്യാദക്ക് അവിടെ ഇരിക്ക് ”

ഞാൻ പിന്നെ ഒന്നും മിണ്ടിയില്ല .കുറച്ചു നേരമായി വണ്ടി സ്റ്റാർട്ട് ചെയ്തിട്ടും മുന്നോട്ട് എടുക്കാതെ നിക്കുന്ന കണ്ടാണ് ഞാനവളെ നോക്കിയത് . നോക്കുമ്പോ എന്നെ തന്നെ തുറിച്ചു നോക്കി കലിപ്പിച് ഇരിക്കുന്നു അവൾ , എനിക്ക് ആണേൽ ഒന്നും മനസിലായില്ല

“എടാ കൊപ്പേ സീറ്റ് ബെൽറ്റ് ഇടാൻ ”
അവൾ അലറി

ഞാൻ അപ്പോഴാണ് അക്കാര്യം ഓർത്തത് . അതിലും രസം ഇപ്പോഴും അത് മര്യാദക്ക് ഇടാൻ എനിക്ക് അറിയില്ല എന്നതാണ് ആകെ രണ്ടാം തവണ ആണ് കാറിൽ ഞാൻ കേറുന്നത് തന്നെ . ഒടുവിൽ അവൾ തന്നെ മുന്നോട്ട് ആഞ്ഞു എനിക്ക് സീറ്റ് ബെൽറ് ഇട്ടു തന്നു . അത് ഇടാനായി അവൾ എന്റെ നേരെ ചാഞ്ഞപ്പോൾ അവളിൽ നിന്നും വരുന്ന ഏതോ മുന്തിയ പെർഫ്യൂമിന്റെ മണവും അവളുടെ അത്രേം അടുത്തുള്ള സമീപ്യവും ഒക്കെ എന്നിൽ എന്തോ മാറ്റങ്ങൾ ഉണ്ടാക്കുന്നത് എനിക് മനസിലായി ..

“ദൈവമേ ഇവന് ഞാൻ, എന്നും ഇതുപോലെ ചെയ്ത് കൊടുക്കേണ്ടി വരുമോ ആവോ … എവിടെ നോക്കി ഇരിക്കുവാ ചെക്കാ ഇത് കണ്ടു പഠിക്ക് ഒന്ന്‌ ”
അവൾ തലക്കിട്ട് കൊട്ടിയപോൾ ആണ് ഞാൻ സ്വാബോധത്തിലേക്ക് വന്നത്
ഞാൻ അവൾ ചെയ്യുന്നത് നോക്കി സംഭവം മനസിലായി. ഞാനത് ഊരി ഒന്നൂടെ തനിയെ ഇട്ടു

“ആ മിടുക്കൻ അപ്പോ പോവാം ” അവൾ അതും പറഞ്ഞു വണ്ടി മുന്നോട്ട് എടുത്തു

എങ്ങോട്ടാ ന്ന് ചോദിക്കണം ന്ന് ഉണ്ടായിരുന്നു പക്ഷെ അവൾ പറയില്ല ന്ന് എനിക്ക് മനസ്സിലായി അതുകൊണ്ട് ഞാൻ ഒന്നും മിണ്ടാതെ തല കുലുക്കി

വണ്ടി ഞങ്ങളുടെ വഴി കടന്നു മെയിൻ റോഡിലേക്ക് കേറിയതും എതിരെ ജെറി വരുന്നത് ഞാൻ കണ്ടു . അവളെ നോക്കിയപ്പോൾ അവളും അവനെ കണ്ടിരുന്ന് പെട്ടെന്ന് അവൾ വണ്ടി സ്പീഡ് കൂട്ടി വിട്ടു .. അകന്നു പോകന്ന കൂടെ ഞാൻ തിരിഞ്ഞു നോക്കുമ്പോൾ അവളുടെ വണ്ടി കണ്ടു ജെറി ബൈക്ക് നിർത്തി തിരിഞ്ഞ് നോക്കുന്നു ..
ഇന്ന് അവൻ എന്നെ കൊല്ലും ഞാൻ മനസ്സിൽ കരുതി

അക്ഷര വണ്ടി ഓടിച്ചു കൊണ്ടേ ഇരിക്കുകയാണ് ഇടക്ക് അവൾ സെറ്റ് ഓണ് ആക്കി പാട്ടും വച്ചു നല്ല വൈബിൾ പാട്ടൊക്കെ പാടിയാണ് അവൾ വണ്ടി ഓടിക്കുന്നത് . ഞാൻ ആണേൽ ഒന്നും മിണ്ടാതെ മുന്നോട്ട് നോക്കി ഇരുന്നു സമയം 8 ആകാൻ പോകുന്നു വണ്ടി പോയിക്കൊണ്ടിരുന്നു അരൂർ എത്തിയപോൾ ആണ് എനിക് എങ്ങോട്ട് ആണ് പോക്ക് ന്ന് ഒരു ബോധം വന്നത് അവസാനം ഫോർട്ട് കൊച്ചി ബീച്ചിൽ എത്തി. ഒരു വലിയ റെസ്റ്റുറന്റ്നു മുന്നിൽ വണ്ടി അവൾ നിർത്തി

Leave a Reply

Your email address will not be published. Required fields are marked *