പിന്നെ കുറെ ഉപദേശങ്ങളും. അതിനുശേഷം ഓരോരുത്തരായി പരിചയപ്പെടുത്താനായി മുന്നിലോട്ട് വന്നു പേരും സ്ഥലവും പറഞ്ഞു. അങ്ങനെ ലാസ്റ്റ് ആയിട്ട് മൂന്ന് പെൺകുട്ടികൾ ഒരുമിച്ചു വന്നു. എന്നിട്ട് അവർ മിസ്സിനോട് പെർമിഷൻ വാങ്ങി അവർ ഒരുമിച്ച് പരിചയപ്പെടുത്താം എന്ന് പറഞ്ഞു. മിസ്സ് അത് അനുവദിച്ചു കൊടുത്തു. അങ്ങനെ അതിലൊരുത്തി പറഞ്ഞു എൻറെ പേര് അമൃത. പിന്നെ രണ്ടാമത്തെ ആൾ പറഞ്ഞു എൻറെ പേര് മായ.
പിന്നീട് അങ്ങോട്ട് സംസാരിച്ചത് മുഴുവൻ മൂന്നാമത്തെ ആളായിരുന്നു. അവളുടെ പേര് അർച്ചന. അവളുടെ മുഖം കാണാൻ ആർക്കും തന്നെ സാധിച്ചില്ല എന്തെന്നാൽ കൊറോണ മാറിയിട്ടും അവൾ മാസ്ക് മാറ്റാൻ തയ്യാറായിരുന്നില്ല. പക്ഷേ എനിക്ക് അവളോട് എന്തെന്നില്ലാത്ത ഒരു വികാരം ഉള്ളിൽ ഉടലെടുത്തു. എന്തെന്നാൽ അവൾ എത്രത്തോളം സുന്ദരിയാണെന്ന് അവളുടെ കണ്ണുകൾ തന്നെ പറയും അത്രയ്ക്കും മനോഹരമായ കണ്ണുകൾ ആയിരുന്നു അവൾക്ക്. അവളെ എനിക്ക് എൻറെ ഭാര്യയായി കിട്ടിയിരുന്നെങ്കിൽ എന്ന് ഞാൻ ആശിച്ചു പോയിരുന്നു.
പക്ഷേ അവൾ ഒരു പഠിപ്പിയും അതിലുപരി അതി സുന്ദരിയായതുകൊണ്ടും. ഏതെങ്കിലും ഒരുത്തനുമായി അവൾ കമിറ്റഡ് ആയിട്ടുണ്ടോ എന്ന് ഞാൻ വിചാരിച്ചിരുന്നു. അതുകൊണ്ടുതന്നെ എൻറെ മനസ്സിൽ ജനിച്ച ആ ഒരു വികാരത്തെ അവിടെ വെച്ച് തന്നെ ഞാൻ കുഴിച്ചുമൂടി. അങ്ങനെ ദിവസങ്ങൾ കടന്നുപോകേ. മറ്റൊരു കോളേജിലെ വോളിബോൾ ടീമുമായി ഒരു ഫ്രണ്ട്ലി മാച്ച് ഞങ്ങളുടെ കോളേജിൽ വെച്ച് നടക്കാൻ ഇടയായി.
ഗ്രൗണ്ട് ആണെങ്കിൽ എൻറെ ക്ലാസിന്റെ തൊട്ടടുത്ത് തന്നെയായിരുന്നു അതായത് പണ്ടുള്ള വീടുകളിലെ നടുമുറ്റം പോലത്തെ സ്ഥലത്തായിരുന്നു കോർട്ട് അതായത് ചുറ്റും ക്ലാസ്സ് അതിൽ നടുവിൽ ആയിട്ട് കോർട്ട്. അങ്ങനെ എല്ലാവരും കളികാണാനായി എത്തി എൻറെ ക്ലാസിൽ ഉള്ളവർക്ക് ക്ലാസ് ടെസ്റ്റ് ആയതിനാൽ. സെക്കൻഡ് മാച്ച് മുതൽ ഇറങ്ങിയാൽ മതിയെന്ന് കോച്ച് പറഞ്ഞു. അങ്ങനെ എക്സാം കഴിഞ്ഞ് ക്ലാസിലെ എല്ലാവരും ഞാനും അടക്കം അങ്ങോട്ടേക്ക് പോയി ആ കളി മറ്റേ ടീം ജയിക്കുകയുണ്ടായി.
അടുത്ത കളി ഇറങ്ങാനായി കോച്ച് എന്നോട് ആവശ്യപ്പെട്ടു. സമയമില്ലാത്തതിനാൽ ഞാൻ ഗ്രൗണ്ടിൽ വച്ച് തന്നെ എന്റെ ഷർട്ട് മാറ്റാൻ തീരുമാനിച്ചു. അങ്ങനെ ഷർട്ട് ഊരിയപ്പോൾ എല്ലാവരുംതന്നെ എന്നെ ഉറ്റു നോക്കുന്നു. കാരണം അത്രയ്ക്ക് നല്ലൊരു ബോഡിയായിരുന്നു എനിക്ക്. അപ്പോൾ അതാ അർച്ചനയുടെ കൂട്ടുകാരി മായ പറയുന്നത് ഞാൻ കേട്ടു എന്തു ഭംഗിയാടി അവനെ കാണാൻ നീ ഒന്നും നോക്കിക്കേ എന്ന്. അത് കേട്ടപാടെ ഞാൻ അവളെ ഒന്ന് നോക്കി അവൾ ആണെങ്കിൽ ചൂളി പോയി. എന്നിരുന്നാലും ഒരു പുഞ്ചിരി അവൾക്ക് സമ്മാനിച്ചുകൊണ്ട് ഞാൻ കളിക്കളത്തിൽ ഇറങ്ങുകയും നല്ല പ്രകടനം കാഴ്ചവെക്കുകയും.
നല്ല ലീഡോടെ ഞങ്ങളുടെ ടീം ചെയ്തു. അതോടെ കോളേജിൽ ഞാൻ അത്യാവശ്യം അറിയപ്പെടാനും അതിലുപരി വോളിബോൾ ക്യാപ്റ്റൻ എന്ന പദവി എനിക്ക് ലഭിക്കുകയും ചെയ്തു. ആ ഒരു സംഭവത്തിനുശേഷം ഞാനും മായയും തമ്മിൽ അടുക്കാൻ ഇടയായി. അങ്ങനെയങ്ങനെ അമൃതയായും അർച്ചന യായും കമ്പനിയായി തുടങ്ങി. പക്ഷേ അപ്പോഴാണ് ഞാൻ ആ സത്യം അറിഞ്ഞത് അമൃതയ്ക്ക് മായക്കും ലവേഴ്സ് ഉണ്ട് അർച്ചനയ്ക്ക് അതായത് അച്ചുവിന് ഒരു പ്രണയം പോലും ഇതുവരെ അവളുടെ ജീവിതത്തിൽ ഉണ്ടായിട്ടില്ലെന്ന്.
എനിക്കാണെങ്കിൽ തുള്ളിച്ചാടാൻ ഉള്ള സന്തോഷമുണ്ടെങ്കിലും അത് പുറത്തു കാട്ടാതെ ഞാൻ അവളോട് ചോദിച്ചു. ഇത്രയും ഒരു സുന്ദരിക്കുട്ടിയെ എൻറെ ജീവിതത്തിൽ ഞാൻ കണ്ടിട്ടില്ല ശരിക്കും പറഞ്ഞാൽ ഒരു മാലാഖയാണ് അച്ചു. എന്നിട്ട് എന്തേ അവൾക്ക് ഇതുവരെ ഒരു പ്രണയം പോലും ഇല്ലാഞ്ഞെന്ന്. അങ്ങനെ അപ്പോൾ മായ എന്നോട് പറയുകയുണ്ടായി നിങ്ങൾ ആമ്പിള്ളേരെല്ലാം മണ്ടന്മാരാണ് എന്തെന്നാൽ കാണാൻ കൊള്ളാവുന്ന പെൺപിള്ളേരെ കണ്ടാൽ നിങ്ങൾ തന്നെ സ്വയം തീരുമാനിക്കും അവൾ കമിറ്റഡ് ആണെന്ന്.
എനിക്ക് എന്തെന്നില്ലാത്ത സന്തോഷം തോന്നി അങ്ങനെ ഞാൻ മായോട് ചോദിച്ചു നിനക്കും അമൃതക്കും ലൈൻ ഉണ്ടല്ലോ അപ്പോൾ നിങ്ങൾ വിളിച്ചിരിക്കുമ്പോൾ അവൾ ഇതുവരെ നിങ്ങളോട് ചോദിച്ചിട്ടില്ല. പിന്നില്ലാതെ ഒരുപാട് തവണ ചോദിച്ചിട്ടുണ്ട് എന്നിരുന്നാലും അവളോട് ആരെങ്കിലും ഒരുത്തൻ വന്നു പ്രൊപ്പോസ് ചെയ്യുമെന്ന് വിചാരിച്ചിരിക്കുകയാണ് ആ പൊട്ടിപ്പെണ്ണ്. ഞാൻ ഒന്നും നോക്കിയില്ല ഞാൻ മഴയോട് ചോദിച്ചു. എടി ഞാൻ അവളെ പ്രേമിച്ചോട്ടെ. വെറുതെ പറയില്ല വന്ന അന്ന് മുതൽ എനിക്ക് അവളോട് വല്ലാത്തൊരു അടുപ്പം തോന്നിയിരുന്നു.
പക്ഷേ എല്ലാവരെയും പോലെ ഞാനും കരുതി അവൾക്ക് ആരെങ്കിലും കാണും. ഇത് കേട്ടതോടെ മായ പൊട്ടിച്ചിരിക്കാൻ തുടങ്ങി. ഞാനാണെങ്കിൽ പറയണ്ടായിരുന്നു എന്ന് ചിന്തിച്ചു പോയി. പക്ഷേ അവൾ പറഞ്ഞത് കേട്ട് ഞാൻ ശരിക്കും ഞെട്ടി. എടാ മണ്ടാ അന്ന് അവൾ സംസാരിച്ചപ്പോൾ നീ അവളെ തന്നെ നോക്കി നിന്നപ്പോഴേ എനിക്ക് കാര്യം മനസ്സിലായി.പക്ഷേ ഞാൻ ഇത് അവളോട് പറയുന്നതിനു മുന്നേ തന്നെ അവൾ എന്നോട് ഇങ്ങോട്ട് പറഞ്ഞു. എടീ ആ അർജുൻ എന്നെ വല്ലാത്ത നോട്ടം നോക്കുന്നുണ്ട് എനിക്കും അവനോട് ഒരു ഇതൊക്കെ തോന്നുന്നുണ്ട്.
പക്ഷേ കാണാൻ കൊള്ളാവുന്നതുകൊണ്ട് അവനെ വേറെ കൊച്ച് ഉണ്ടാവുമെന്ന് ഉറപ്പാണെന്ന്. ഇതു കേട്ടത ഞാൻ ഒന്നും നോക്കിയില്ല സന്തോഷം കൊണ്ട് മയയെ കെട്ടിപ്പിടിച്ച് എന്നിട്ട് ഒറ്റ ഓട്ടം. ആ ഓട്ടം ക്ലാസ്സിലോട്ട് അച്ചുവിനെ കാണാനായിരുന്നു. എന്നാൽ എൻറെ ക്ലാസിലോട്ടുള്ള കുതിച്ചു വരവും അച്ചുവിന്റെ പുറത്തോട്ടുള്ള ഇറക്കവും ഒരേ സമയത്തായിരുന്നു. എൻറെ വേഗതയെ നിയന്ത്രിക്കാൻ എനിക്ക് ആവാത്തത് കൊണ്ട്.
അവളെയും തട്ടി തെറിപ്പിച്ചുകൊണ്ട് ഞാനും അവളും വീണു. ഞാൻ പെട്ടെന്ന് തന്നെ എഴുന്നേറ്റു അവളുടെ അടുത്തോട്ട് ഓടി. ആ വീഴ്ചയിൽ പാവത്തിന്റെ ബോധം പോയിരുന്നു. ആരെയും വിളിക്കാൻ നിന്നില്ല ഞാൻ തന്നെ എടുത്ത് ഓട്ടോയിൽ കയറ്റി അടുത്തുള്ള ഹെൽത്ത് സെൻററിൽ കൊണ്ടുപോയി. ഡോക്ടർ എന്നോട് പുറത്ത് നിൽക്കാൻ പറഞ്ഞു. ആ സമയം ഞാൻ മായയെ യും അമൃതയെയും വിളിച്ചു കാര്യം പറഞ്ഞു. രണ്ടും കൂടെ അങ്ങോട്ടേക്ക് വന്നു. എന്നെ നോക്കി ചിരിച്ചുകൊണ്ട് മായ പറഞ്ഞു ഇങ്ങനെ ആണോടാ മണ്ടാ ഇഷ്ടം പറയാൻ വരുന്നേന്നു. ഇത് കേട്ടതോടെ അമൃതയും എന്നെ നോക്കി ചിരിച്ചിട്ട് എന്നോട് ചോദിച്ചു.
ഡാ കാര്യമായിട്ടാണോന്ന്. ഞാൻ മൂളുക മാത്രം ചെയ്തു. അങ്ങനെ അവൾക്ക് ബോധം വന്നെന്ന് ഡോക്ടർ വന്നു പറഞ്ഞു. അമൃതയും മായയും അകത്തോട്ട് കയറുമ്പോൾ എന്നെ കൂടെ വിളിച്ചു. പക്ഷേ പേടി കാരണം ഞാൻ പോയില്ല പക്ഷേ അവരുടെ നിർബന്ധത്തിനു ഞാനും കൂടെ അകത്തോട്ട് കയറി. കേറിയ പാടെ അച്ചു എന്നെ വല്ലാത്തൊരു നോട്ടം നോക്കി. അയ്യോ പറയാൻ വയ്യ ആ നിമിഷം ഞാനങ് ഇല്ലാണ്ടായി. പോരാത്തതിന് അവളുടെ കുറെ ചീത്തയും ഞാൻ ഒന്നും മിണ്ടാതെ പുറത്തോട്ട് പോയി. അങ്ങനെ ഞാൻ വീട്ടിലെത്തി ഉറങ്ങാൻ ഒട്ടുംതന്നെ എന്നിരുന്നാലും അമൃതയും മായയും എൻറെ ഇഷ്ടം അവളോട് പറയും എന്ന് എനിക്ക് ഉറപ്പായിരുന്നു ആ വിശ്വാസത്തിൽ എന്തൊക്കെയോ സ്വപ്നങ്ങൾ കണ്ടു ഞാൻ അങ്ങനെ കിടന്നു.