എന്റെ ഡോക്ടറൂട്ടി 01

Ente Docterootty Part 1 | Author : Arjun Dev

“”…സിദ്ധൂ… ലാസ്റ്റോവറാ… നോക്കി കളിയ്ക്കണേ..!!”””_ പുറത്തിരുന്ന ഒരുത്തൻ വിളിച്ചുപറഞ്ഞതു കേട്ടാണ് ഞാൻ ഫൂട്സ്റ്റെപ്പ് ലെവലാക്കിയത്…

ആ ലാസ്റ്റ്ഓവറിലെ ഫസ്റ്റ്ബോൾ നിഷ്പ്രയാസം അടിച്ചുതൂക്കുമ്പോൾ സിക്സിൽ കുറഞ്ഞതൊന്നും ഞാൻ പ്രതീക്ഷിച്ചിരുന്നതുമില്ല…

അതുപോലെതന്നെ ബോൾ ബൌണ്ടറിലൈന് പുറത്തേയ്ക്കു ചെന്നുവീണു…

“”…ചേച്ചീ… ആ ബോളിങ്ങെടുത്തു തരാവോ..??”””_ അപ്പോഴാണ് ബോളിനുപിന്നാലേ ഓടിയവൻ വിളിച്ചുപറയുന്ന ശബ്ദം ഞാൻ കേൾക്കുന്നത്…

എന്നാൽ അതു ഗൗനിയ്ക്കാതെ അടുത്തബോൾ നേരിടാനുള്ള തയ്യാറെടുപ്പിൽ നിൽക്കുവായ്രുന്നു ഞാൻ…

“”…സിദ്ധൂ..!!”””_ നോൺ- സ്ട്രൈക്കർ എൻഡിൽനിന്ന ജിത്തു വിളിയ്ക്കുമ്പോഴാണ് പിച്ചിൽ ബാറ്റിട്ടുകുത്തി പട്ടിഷോ കാണിച്ചുനിന്ന ഞാൻ തലയുയർത്തിയത്…

“”…മ്മ്മ്..??”””

“”…ദേ… ഡോക്ടറ്..!!”””_ വിരൽചൂണ്ടിയവൻ പറഞ്ഞതും ഞാനറിയാതെന്റെ കണ്ണുകൾ അവൻ ചൂണ്ടിയഭാഗത്തേയ്ക്കു നീണ്ടു…

നോക്കുമ്പോൾ ഞാനടിച്ചുകളഞ്ഞ ബോളുംപിടിച്ച് മീനാക്ഷി ഗ്രൗണ്ടിലേയ്ക്കിറങ്ങുന്നു…

…ഊമ്പി.!

…ഡേയ്..! ബാറ്റും സ്റ്റംബുമൊക്കെ വല്ല കുണ്ടിലും കൊണ്ടോയ് താഴ്ത്തിയ്ക്കോടാ..!!_ സംഗതി വിളിച്ചുപറഞ്ഞതാണെങ്കിലും ആ ശബ്ദം പുറത്തേയ്ക്കു വന്നിരുന്നില്ല…

…അതെങ്ങനെ… കിടുവൽ മാറിയാലല്ലേ ശബ്ദം പുറത്തുവരുള്ളൂ.!

“”…സ… സമയമെന്തായി..??”””_ അവൾടെ വരവുകണ്ടതും തൊണ്ടയടച്ച ഞാൻ ഒരുവിധത്തിൽ കീപ്പ്ചെയ്യാൻ നിന്നവനോടുതിരക്കി…

“”…ആറാവുന്നു..!!”””

…ഞഞ്ഞായി.! ഇനീപ്പൊ ഇവളിവടെക്കിടന്ന് ആറാടുവല്ലോ..??

രാവിലെയിറങ്ങുമ്പോൾ പറഞ്ഞതിനുപുറമേ രണ്ടുപ്രാവശ്യം വിളിച്ചോർമ്മിപ്പിയ്ക്കുക കൂടി ചെയ്തതായ്രുന്നൂ, ഷോപ്പിങ്ങിനുപോണ കാര്യം…

എന്നിട്ടും ഓർമ്മശക്തി കൂടുതലുള്ള ഞാനതുമറന്നു…

…സാരമില്ല, ഇനിയിപ്പോൾ പലതും ഓർമ്മിയ്ക്കാവുന്നതേയുള്ളൂ…

“”…ആഹ്.! ഇതാര് മിന്നൂസോ..?? നീയിങ്ങനെ ഇവടെവന്നു നിന്നാലെങ്ങനെ ശെരിയാവും..?? വാ… നമുക്കു ഷോപ്പിങ്ങിനു പോണ്ടേ..??”””_ ബാറ്റും തോളിലേയ്ക്കു ചായ്ച്ചുവെച്ച് ഹനുമാന്റെപോലെനിന്ന് ഞാനൊന്നിളിച്ചു കാട്ടി…

അതുകേട്ടതും മൊത്തത്തിൽ കലിപ്പിലായ്രുന്ന മീനാക്ഷിയുടെ കവിളുകൾ ചുവന്നുതുടുത്തു…

കണ്ണുകൾ രണ്ടുമുരുട്ടി ഇപ്പോൾ പുറത്തുവീഴുമെന്ന നിലയിൽ നിൽക്കുവാണ്…

അതിനൊപ്പം ഇടതുകൈയിലിരുന്ന ബോള് എന്റെനേരേ എറിയാൻകൂടി ഓങ്ങിയതും ബാറ്റുംവലിച്ചെറിഞ്ഞ് ഞാനെങ്ങോട്ടെന്നില്ലാതെ പായുവായ്രുന്നു…

അന്ന് ഗ്രൗണ്ടിലേയ്ക്കിറങ്ങിയ ആരാധകൻ കളിക്കാർക്കിടയിലൂടെ എംഎസ്ഡിയെ ഓടിയ്ക്കുമ്പോലെ അത്രേംപേരുടെ ഇടയിലൂടെ അവളെന്നെയിട്ടോടിച്ചു… സെൽഫിയ്ക്കോ ഓട്ടോഗ്രാഫിനോ വേണ്ടി അല്ലാന്നുമാത്രം…

“”…എടീ… എറിയരുത്… തലപൊട്ടും..!!”””_ പിന്നലെയോടുന്നതിനിടയിൽ ഒരിയ്ക്കൽക്കൂടി ബോളോങ്ങിയതും, ഛോട്ടാമുംബൈയിൽ പോലീസോടിയ്ക്കുമ്പോൾ ബിജുക്കുട്ടൻ തിരിഞ്ഞുനിന്ന്, എറിയരുത്… കുപ്പിപൊട്ടുമെന്നു പറയുമ്പോലെ ഞാനും വിളിച്ചുകൂവി…

എന്നാൽ, ഇതെന്താ സംഭവമെന്നുപോലും മനസ്സിലാകാതെ അവന്മാര് ഞങ്ങളെത്തന്നെ നോക്കിനിൽക്കുവായ്രുന്നു…

“”…നീയങ്ങ് വരോല്ലോ… കാണിച്ചുതരാം ഞാൻ..!!”””_ എന്നെ കൈയിൽകിട്ടാതായതും ബോളും വലിച്ചെറിഞ്ഞവൾ തിരികെനടന്നു…

അതോടെ ഓട്ടംനിർത്തി ഞാനുമവൾടെ പിന്നാലെചെന്നു;

“”…മിന്നൂസേ… സോറീടീ… ഈ കളി കഴിഞ്ഞുടൻ വരാൻവേണ്ടി നിൽക്കുവായ്രുന്നൂ ഞാൻ..!!”””_ കൂട്ടത്തിൽ ഒരിയ്ക്കൽക്കൂടി എറിഞ്ഞുനോക്കുവേം ചെയ്തു…

ഉടനെയവൾ വെട്ടിത്തിരിഞ്ഞു;

“”…പറഞ്ഞസമയത്ത് തീരത്തില്ലായ്രുന്നേൽ പിന്നെ നീയെന്തിനാ വരാന്നു സമ്മയ്ച്ചേ..?? വിളിച്ചപ്പോൾ പറഞ്ഞൂടാർന്നോ, വരാൻ താമസിയ്ക്കോന്ന്..!!”””

“”…അയ്ന് ഞാനറിഞ്ഞോ, ഈ നായിന്റെമക്കള് ഇമ്മാതിരി അടിയടിയ്ക്കോന്ന്..!!”””_ അറിയാതെ വായീന്നങ്ങുവീണതും അവളെന്നെ കൊല്ലുന്നൊരു നോട്ടവുംനോക്കി ഡ്രൈവിങ്ങ് സീറ്റിലേയ്ക്കു കേറി…

“”…സിദ്ധൂ… നീ പോവുവാണോ..?? ഈ കളി കഴിഞ്ഞിട്ടു പോയാപ്പോരേ..??”””_ ടീമിലെയൊരുത്തൻ വിളിച്ചുചോദിച്ചു…

അതിന്,

“”…എന്താണ്ടാ..?? ഞാൻ ജീവനോടിരിയ്ക്കുന്നതു കണ്ടിട്ട് നെനക്കു വല്ലാണ്ടങ്ങു കഴയ്ക്കുന്നെന്ന് തോന്നുന്നല്ലോ..??”””_ ന്നു തിരിച്ചുചോദിച്ച് ഞാനുമവൾടെ പിന്നാലെ കോ- ഡ്രൈവിങ്ങ് സീറ്റിലേയ്ക്കു കയറി…

“”…മിന്നൂസേ… നീയിങ്ങനെ പെണങ്ങിയിരിയ്ക്കാണ്ട് ഞാമ്പറയുന്നൊന്നു കേൾക്ക്… എടീ… എനിയ്ക്കൊരബദ്ധം പറ്റീതാ..!!”””_ വണ്ടി സ്റ്റാർട്ടാക്കിയ അവൾടെ കൈയിൽപിടിച്ചു ഞാൻ പറയാൻനോക്കിയെങ്കിലും അവളെന്റെ കൈ തട്ടിമാറ്റി…

“”…എടീ പ്ളീസ്… ഇങ്ങനെ പെണങ്ങിയിരിയ്ക്കല്ലേടീ… നിന്റെ കുട്ടൂസല്ലേ പറേണേ..!!”””_ ഒന്നുകൂടി അനുനയിപ്പിയ്ക്കാനായി ഞാൻ ശ്രെമിച്ചു നോക്കിയെങ്കിലും നോ രക്ഷ… കല്ലുപോലിരുന്നു പെണ്ണ്…

“”…എന്നാലൊരു കാര്യഞ്ചെയ്യാം… ഫ്ളാറ്റിലെത്തി ഒരു പത്തുമിനിറ്റുകൊണ്ട് ഞാൻ കുളിച്ചേച്ചുവരാം… നമുക്ക് ഷോപ്പിങ്ങിനു പോവാം… എന്തേയ്..??””‘”_ ചോദിച്ചുകഴിഞ്ഞപ്പോഴാണ് പിന്നിലെ സീറ്റിലിരുന്ന കവറുകളെന്റെ ശ്രെദ്ധയിൽപ്പെടുന്നത്…

“”…ആഹാ.! നീയപ്പോൾ ഷോപ്പിങ് നടത്തിയായ്രുന്നോ..?? എന്നിട്ടാണോടീ കള്ളിപ്പെണ്ണേ ഇത്രേം ജാഡയിട്ടത്..??”””_ ചോദിച്ചതിനൊപ്പം കവിളിലൊരു കുത്തുകൊടുത്തതും,

“”…മിണ്ടാണ്ടിരിടാ പട്ടീ… എന്റേന്നു മേടിയ്ക്കും നീ..!!”””_ എന്നൊറ്റ ചീറലായ്രുന്നൂ അവൾ…

അതോടെയെന്റെ ഗ്യാസ്സുംപോയി…

പിന്നൊന്നും മിണ്ടിയില്ല…

അവളാണെങ്കിൽ എന്നെയൊന്നു നോക്കുന്നതുമില്ല…

ഫ്ളാറ്റിന്റെ എൻട്രൻസിലേയ്ക്കു കയറീതും വണ്ടിയൊന്നൊതുക്കുക പോലും ചെയ്യാതെ പിൻസീറ്റിലിരുന്ന കവറുകളുമെടുത്ത് പെണ്ണൊറ്റ പോക്കായ്രുന്നു…

ബാധകേറിയതുപോലെ ചവിട്ടിക്കുലുക്കിയുള്ള അവൾടെ പോക്കുംനോക്കി കുറച്ചുനേരമിരുന്ന ഞാൻ വേറെ വഴിയില്ലാതെ വണ്ടിയെടുത്ത് പാർക്കിങ് സെക്ഷനിലേയ്ക്കു കയറ്റിയിട്ടു…

വണ്ടിയും പാർക്ക്‌ചെയ്ത് തിരിച്ചുനടക്കുമ്പോൾ ഫ്ളാറ്റിലെ സെക്യൂരിറ്റിച്ചേട്ടൻ എന്റടുത്തേയ്ക്കുവന്നു;

“”…എന്തുപറ്റി മോനേ..?? ഡോക്ടറ്കുഞ്ഞ് ദേഷ്യത്തിലാണല്ലോ… കാര്യമെന്താ..??”””_ പുള്ളിയ്ക്കു സംശയം…

“”…ഒരു കാര്യഞ്ചെയ്, ചേട്ടനൊരഞ്ചുമിനിറ്റ് ഇവടെനിൽക്ക്… ഞാനൊരിരട്ടവരയുള്ള ബുക്കില് വിശദമായ്ട്ടെല്ലാം
എഴുതിക്കൊണ്ടേത്തരാം… എന്തേയ്..??”””_ മീനാക്ഷിയുടെ കയ്യിലിരിയ്ക്കുന്നത് ചൂടോടെ മേടിയ്ക്കാനുള്ള ധൃതിയിലോടുമ്പോഴാണ് മൂപ്പീന്നിന്റെയൊരു കുശലം…

…പൊളിയൂലേ എനിയ്ക്ക്..??

അയാളേയും മനസ്സിൽപ്രാകി ലിഫ്‌റ്റിലേയ്ക്കുകയറിയ എനിയ്ക്ക് എന്തു ചെയ്യണമെന്നറിയാത്ത
അവസ്ഥയായിരുന്നു…