“”…എന്ത്..?? മനസ്സിലായില്ല..!!”””_ ഞാൻ താല്പര്യമില്ലാത്ത മട്ടിലാണതു ചോദിച്ചത്…
“”…അല്ല… ചിലരൊക്കെ ഉച്ചയൊക്കെയാവുമ്പം ഹോസ്പിറ്റലില് വരുവേ… എന്നിട്ട് ചില നേഴ്സുപിള്ളേരുണ്ട്… അവരോടൊക്കെ ഇങ്ങനെ കൊത്തിപ്പെറുക്കി നടക്കുവേ… സിസിടിവിയിലൊക്കെ ആളുടെമുഖം വന്നാരുന്നേ… പക്ഷേ, ഇതുവരെ ആളെ പിടികിട്ടീട്ടില്ലേ… അതല്ലേ കഷ്ടേ..!!”””_ ഗൂഡസ്മിതത്തോടെ അവളെന്നെ ചുഴിഞ്ഞു നോക്കുമ്പോൾ ഞാൻ കള്ളി വെളിച്ചത്തായ ഭാവത്തിൽ അവളെ നോക്കിനിന്നു…
“”…അല്ല, കുട്ടൂസിനാളെ വല്ലപിടീമുണ്ടോ..??”””
അവൾ രണ്ടുകൈകളുമെന്റെ കഴുത്തിനു പിന്നിലേയ്ക്കു കൊണ്ടുപോയി കോർത്തുപിടിച്ചുകൊണ്ട് എന്റെ കണ്ണുകളിലേയ്ക്ക് തറപ്പിച്ചൊന്നുനോക്കി…
“”…ആ.! എനിയ്ക്കറീല… മാറ്… ഞാമ്പോണു..!!”””_ അവളെ തള്ളി മാറ്റാനൊരുങ്ങിയെങ്കിലും നാശത്തിന്റെ കൈകൂടുതൽ മുറുകി;
“”…അയ്യട.! അങ്ങനങ്ങുപോയാലോ… ഞാൻ വർക്ക്ചെയ്യുന്ന ഹോസ്പിറ്റലിൽവന്ന് അവിടുത്തെ നേഴ്സുമാരോട് കൊഞ്ചിക്കുഴയാൻ ഈ കള്ളക്കുട്ടൂസിനെങ്ങനെ ധൈര്യം വന്നൂന്നെനിയ്ക്കറിയണം..!!”””_ അവളെന്റെ കണ്ണുകളിൽനിന്നും അപ്പോഴും കണ്ണുകളെടുത്തിരുന്നില്ല…
“”…അതുപിന്നെന്നെയിവടെ ഒറ്റയ്ക്കാക്കീട്ട് പോവുമ്പോ… നിന്നെപേടിച്ച് അടുത്തുള്ളാരും എന്നോടുമിണ്ടാൻ വരാത്തപ്പോ പിന്നെ ഞാനെന്തുചെയ്യണം..??”””
“”…ഓഹോ.! അപ്പോൾ വർത്താനംപറയാൻ ആളെത്തേടിയാണ് എന്റെ ഹോസ്പിറ്റലിൽ വന്നതല്ലേ..?? എന്നാ നമുക്കൊരു കാര്യംചെയ്യാം… നാളെമുതലെന്റെ കുട്ടൂസിനു വർത്താനമ്പറയാൻ ഒരു ലോറീലാളെയിറക്കാം… എന്തേ..??”””_ അവളുടെ പരിഹാസവും അതിനൊപ്പമുള്ള വക്രിച്ചചിരിയും എല്ലാംകൂടിയായപ്പോൾ എനിയ്ക്കു നല്ല ദേഷ്യംവന്നു…
“”…മാറ്..!!”””_ ഞാനവളെ ദേഹത്തുനിന്നും തള്ളിമാറ്റി ബാൽക്കണിയിൽനിന്നും അകത്തേയ്ക്കു നടന്നു… പിന്നൊന്നു തിരിഞ്ഞുനോക്കി… എന്നാലപ്പോഴും ആ നാശമെന്നെ നോക്കിനിന്നു ചിരിയ്ക്കുന്നുണ്ടായ്രുന്നു…
“”…അതേ… ഇനി മുതല് ഞാനങ്ങോട്ടൊന്നും വരൂല… എനിയ്ക്കൊരു ജോബ് സെറ്റായ്ട്ടുണ്ട്… നാളെ ജോയ്ൻചെയ്യണം..!!”””_ അവളുടെ പരിഹാസചിരി കണ്ടുള്ള വാശിയിലാണ് ഞാനതുപറഞ്ഞത്…
സംഗതി കൃത്യമായ് കൊള്ളേണ്ടിടത്തുതന്നെ കൊണ്ടെന്ന് അവളുടെ മുഖഭാവത്തിൽനിന്നും വ്യക്തവുമായി…
മുഖത്തെ ചിരി മായുന്നതിനിടയിൽ അവൾ പാഞ്ഞെന്റെ അടുത്തേയ്ക്കുവന്നു;
“”…എന്താ..??
എന്തായിപ്പങ്ങനൊരു തോന്നല്..?? അപ്പൊ നിന്റെ ഡ്രീമോ..??”””_ കളിമാറി പെണ്ണ് ഗൗരവത്തിലായി…
“”…അതൊന്നും നടക്കത്തില്ല മിന്നൂസേ… ഒരു ക്രിക്കറ്റ്‌ പ്ലെയറാവുകയെന്നൊക്കെ പറയുന്നതൊന്നും നമ്മളുകൂട്ടിയാ കൂടില്ല..!!”””
“”…ദേ… ചെക്കാ…
എന്നെക്കൊണ്ടു വെറുതേ വേണ്ടാത്ത വർത്താനം പറയിയ്ക്കല്ലും… കൂട്ടിയാ കൂടില്ലപോലും… കഴിഞ്ഞപ്രാവശ്യം തലനാരിഴയ്ക്കല്ലേ രഞ്ജിട്രോഫിയിൽ സെലക്ടാവാണ്ട് പോയേ… കഴിഞ്ഞപ്രാവശ്യം പോയെങ്കിൽ പോട്ടേ… നമുക്കിപ്രാവശ്യം പിടിയ്ക്കാന്നേ…. അതിനാണോ വേറെ ജോലിയ്ക്ക് പോകാന്നൊക്കെ കരുതണെ..??”””_ അവളെന്റെ കവിളിൽ പിച്ചിക്കൊണ്ട് ചോദിച്ചു…
“”…അതുമാത്രമല്ല… എന്നും നിന്നെ ജോലിയ്ക്കുവിട്ട് ഞാൻ വെറുതെയിരുന്ന് തിന്നണത് മോശമല്ലേ..?? അപ്പോൾ എനിയ്ക്കുമൊരു ജോലിയുണ്ടെങ്കിൽ നല്ലതല്ലേന്ന് കരുതി… എത്രയെന്നുംപറഞ്ഞാ ഞാനിങ്ങനൊരുത്തരവാദിത്വമില്ലാണ്ട് നടക്കണേ..??”””
“”…നല്ലതൊക്കെ തന്നെയാ… പക്ഷേ മോനിപ്പോൾ ജോലിയ്‌ക്കൊന്നും പോണ്ട… നമുക്കാവശ്യത്തിനുള്ളത് ഞാൻ ജോലി ചെയ്തുണ്ടാക്കുന്നുണ്ട്… അതുകൊണ്ട് മോനിപ്പോ കിട്ടുന്നസമയത്ത് നന്നായ്ട്ട് പ്രാക്ടീസ്ചെയ്യാൻ നോക്ക്… മ്മ്മ്… പോ..!!”””
“”…ഇല്ലടീ… നാളെത്തന്നെ ചെല്ലാന്ന് ഞാനവനു വാക്കുകൊടുത്തു പോയി… ഇനി വാക്കുമാറാൻ പറ്റില്ല..!!”””_ സംഗതി ജോലിയൊന്നും സെറ്റായിട്ടില്ലെങ്കിലും സെറ്റായിയെന്നു പറഞ്ഞാൽ മറുത്തുപറയില്ലല്ലോ എന്നുകരുതിയാണ് നുണപറഞ്ഞത്…
“”…നീ വാക്കു മാറണ്ട… ആ ഫോണിങ്ങ് താ… ഞാൻ ജിത്തുവിനോടു വിളിച്ചുപറഞ്ഞോളാം..!!”””_ അവളെന്റെനേരേ ഫോണിനായി കൈനീട്ടി…
അപ്പോഴുമവൾക്കെന്നെ വിടാനുദ്ദേശമില്ലായ്രുന്നെന്നു സാരം…
“”…വേണ്ട.! വിളിച്ചൊന്നും പറയണ്ട… എനിയ്ക്ക്… എനിയ്ക്കു ജോലിയ്ക്കു പോണം..!!”””_ എനിയ്ക്കും വാശിയായി…
“”…സിദ്ധൂ… വെറുതേ വാശി കാണിയ്ക്കണ്ട… ഞാമ്പറഞ്ഞപോലെ ചെയ്താമതി… നീയൊരു ജോലിയ്ക്കും പോണില്ല… മാത്രോമല്ല,
ഇനിയിതേക്കുറിച്ചൊരു ചർച്ചയുംവേണ്ട…
കേട്ടല്ലോ..!!”””_ അവള് തീർത്തുപറഞ്ഞിട്ട് അകത്തേയ്ക്ക് നടന്നു…
“”…അല്ലേലും ആശേച്ചി പറഞ്ഞതു സത്യാ… ജോലീം കൂലീമില്ലാത്ത ഭർത്താക്കമ്മാരെ ഭാര്യമാർക്കൊരു വിലയുംകാണൂല..!!”””_ അവളെ എരിവുകയറ്റാനായി ചുമ്മാ പറഞ്ഞതല്ല, മറിച്ച് അറിയാതെ നാവിന്നു വീണുപോയതായിരുന്നു…
പറഞ്ഞതുകേട്ടതും പോയതിന്റെ രണ്ടിരട്ടി സ്പീഡിലവൾ തിരികെയെത്തി…
“”…എന്താ..?? എന്താ നീ പറഞ്ഞേ..?? ആശേച്ചി പറഞ്ഞെന്നോ..?? അവളെന്താ പറഞ്ഞേ..?? ഞാൻ നിനക്കൊരു വിലേം തരണില്ലെന്നോ..?? ആണോ..?? അവളങ്ങനെയാണോ പറഞ്ഞേ..??”””_ അടുത്തുവന്ന് മീനാക്ഷിയെന്റെ നേരേയൊന്നു ചീറിയപ്പോൾ ചങ്കൊന്നുപിടഞ്ഞു…
അറിയാതെ വായീന്നു വീണുപോയതാണെന്ന് പറഞ്ഞാൽ ഇനിയീ കഴുത വിശ്വസിയ്ക്കത്തുമില്ല…
“”…അത്… അതു മിന്നൂസേ… ഞാനങ്ങനെയല്ല പറഞ്ഞേ..!!”””_ അവളെയൊന്നു സമാധാനിപ്പിയ്ക്കാനായി ശ്രെമിച്ചെങ്കിലും, എന്റെ വിശദീകരണം കേൾക്കാനൊന്നും അവൾക്കു മനസ്സുണ്ടായിരുന്നില്ല…
“”…വേണ്ട… ഒന്നും പറേണ്ട… എനിയ്ക്കൊന്നും കേൾക്കേമ്മേണ്ട..!!”””_ അവള് കയ്യുയർത്തിയെന്നെ തടഞ്ഞിട്ട് തിരിഞ്ഞുനടന്നു…
അതിനിടയിലോരോന്ന് പിറുപിറുക്കുന്നുമുണ്ടായ്രുന്നു;
“”…ഓരോരുത്തവള്മാര് പറയുന്നതും കേട്ടവൻ വന്നിരിയ്ക്കുന്നു… ഞാൻ വിലകൊടുക്കുന്നില്ല പോലും… അതിനിപ്പൊ ജോലിയ്ക്ക് പോണംപോലും… പോട്ടേ… എങ്ങോട്ടാന്നുവെച്ചാ പോട്ടേ… എനിയ്ക്കെന്താ..?? ഞാമ്പറയുന്നേന്നും കേൾക്കാമ്മയ്യെങ്കിൽ എവിടേ പോട്ടേ..!!”””_ പതംപറഞ്ഞുകൊണ്ട് നടക്കുന്നതിനിടയിൽ അവൾ ഇടയ്‌ക്കെന്നെയൊന്ന് തിരിഞ്ഞു നോക്കി;
“”…ഞാനിത്രേക്കെ നോക്കീട്ടും ആ ആശ പറയുന്നതാണല്ലേ വേദവാക്യം… എന്തായാലും ഞാനവളെയൊന്നു കാണട്ടേ… എന്റെ ചെക്കന്റെ മനസ്സുമാറ്റുന്നത് അവളാണോന്നെനിയ്ക്കറിയണം..!!”””_ അതുംപറഞ്ഞു മീനാക്ഷി ചവിട്ടിക്കുലുക്കിക്കൊണ്ട് മെയിൻഡോറിനു നേരേ ഒറ്റപ്പോക്കായ്രുന്നു…
എന്നാലെന്താണ് നടക്കാൻ പോണതെന്ന് മനസ്സിൽ തിട്ടപ്പെടുത്തിയെടുക്കാൻ എനിക്കൊരു നിമിഷം ചിന്തിയ്‌ക്കേണ്ട ആവശ്യമേയുണ്ടായ്രുന്നുള്ളൂ…
മെയിൻ ഡോറ് തുറക്കുന്നതും വലിച്ചടയ്ക്കപ്പെടുന്നതുമായ ശബ്ദം ചെവിയിലെത്തിയതും പിന്നൊന്നും ചിന്തിയ്ക്കാതെ ഞാനോടി….