ആ ചവിട്ടിക്കുലുക്കിപ്പോയ സാധനത്തിനെ കാലുപിടിച്ചെങ്കിലും തിരിച്ചുകൊണ്ടു വന്നില്ലെങ്കിൽ ആശയിന്ന് ആവിയാവും…
എന്നാൽ,
ഞാൻ ഡോറുതുറന്നു പുറത്തിറങ്ങിയപ്പോൾ മീനാക്ഷി ആശയുടെ ഫ്ലാറ്റിന്റെ കോളിങ് ബെല്ലുമടിച്ചിട്ട് കാത്തുനിൽക്കുന്ന കാഴ്ചയാണ് കാണാനായത്…
പക്ഷേ ഞാൻമാത്രമായിരുന്നില്ല, അടുത്ത ഫ്ലാറ്റുകളിൽ താമസിയ്ക്കുന്നപലരും അവളെ അന്തംവിട്ടുനോക്കി നിൽക്കുന്നുണ്ട്…
കാരണം, സാധാരണ സന്ധ്യകഴിഞ്ഞാൽ ഫ്ലാറ്റിന് പുറത്തിറങ്ങാത്ത മീനാക്ഷിയാണ് ആശയുടെ ഫ്ലാറ്റിനുമുന്നിൽ അവളേയും കാത്തുനിൽക്കുന്നത്…
മാത്രമല്ല, ഡ്രെസ്സ്കോഡിന്റെ കാര്യത്തിൽ ഒരു സേഫ്റ്റിപിന്നുപോലും അളന്നുകുത്തുന്ന സാധനമാണ് ഇപ്പോൾ ദേഹത്തു വലിഞ്ഞുമുറുകി കിടക്കുന്ന നൈറ്റിയുമിട്ട് മാറത്തൊരു ഷോളുപോലുമിടാതെ കോർഡോറിൽ നിൽക്കുന്നത്…
…ഈ കോപ്പത്തിയ്ക്കിത് എന്തോത്തിന്റെ കേടാന്നു നോക്കിയേ..!!_ മനസ്സിൽപറഞ്ഞു പുറത്തേയ്ക്കുനടന്ന ഞാൻ അവൾടടുത്തെത്തുന്നതിനു മുന്നേ ആശേച്ചി ഡോറുതുറന്നു…
“”…ആ.! ആരിത് ഡോക്ടറോ..?? എന്താ പതിവില്ലാണ്ടിങ്ങോട്ടേയ്ക്കൊക്കെ വാ… കേറി വാ..!!”””_ ഉപചാരപൂർവ്വം മീനാക്ഷിയെ അകത്തേയ്ക്കു ക്ഷണിച്ച ആശേച്ചിയോടെനിയ്ക്കു സഹതാപമാണ് തോന്നിയത്… പാവം…
“”…ഞാൻ തന്റടുത്ത് വിരുന്നുണ്ണാൻ വന്നതൊന്നുവല്ല… എനിയ്ക്കൊരു കാര്യമറിയണം… അതിനുവേണ്ടിയാ വന്നേ… അതിനുവേണ്ടി മാത്രം..!!”””_ അവളൊന്നു നിർത്തിയപ്പോഴേയ്ക്കും ഞാനവരുടെ അടുത്തെത്തിയിരുന്നു…
ആശേച്ചി, കാര്യമെന്താണെന്ന് അറിയാനെന്നോണം എന്നെയൊന്നു നോക്കിയപ്പോൾ മീനാക്ഷി തുടർന്നു;
“”…ഇവനോടു ജോലിയ്ക്കുപോകാൻ നിങ്ങള് പറഞ്ഞോ..??”””_ എടുത്തടിച്ചപോലങ്ങനെ ചോദിച്ചപ്പോൾ എന്റെ കണ്ണുമിഴിഞ്ഞു…
“”…അയ്യോ ഡോക്ടറേ… ഞാനങ്ങനല്ല പറഞ്ഞേ… വെറുതെ വീട്ടിലിരിയ്ക്കുവല്ലേ എന്തേലും ജോലി നോക്കിക്കൂടേന്നാ..!!”””_ ആശേച്ചി വിശദീകരണം നല്കിയപ്പോൾ പെണ്ണിന്റെമുഖം വലിഞ്ഞുമുറുകുന്നത് ഞാൻകണ്ടു…
“”…അതേ… ഇവൻ വെറുതെ വീട്ടിലിരിയ്ക്കുന്നതുകൊണ്ട് നിങ്ങൾക്കെന്തേലും വിഷമമുണ്ടോ..?? ഇവൻ വെറുതെ നിങ്ങളെ ശല്യംചെയ്യാൻ വരുന്നുണ്ടോ..?? ഇല്ലല്ലോ..?? പിന്നെന്തിനാ ഇവനെ ജോലിയ്ക്കു വിട്ടോളാൻ നിങ്ങൾക്കിത്ര ഉത്സാഹം..??”””_ സെയിംഫ്ലോളിറിലുള്ള ഫ്ലാറ്റുകളിൽനിന്നും ആളുകൾ ശ്രെദ്ധിയ്ക്കുന്നുണ്ടെന്നറിഞ്ഞിട്ടും അവൾക്കൊരു കുലുക്കവുമുണ്ടായില്ല…
“”…ഡോക്ടറേ… സിദ്ധൂനെ ജോലിയ്ക്കുവിടാൻ എനിക്കൊരുൽസാഹോമില്ല… പിന്നെ വെറുതേകളയുന്ന സമയത്ത് എന്തേലുമൊക്കെ നോക്കുവാണേൽ സമയോംപോവും അതിനൊപ്പം സ്വന്തം കാര്യങ്കൂടി നടക്കൂലേന്നേ ഞാനുദ്ദേശിച്ചുള്ളൂ..!!”””_ ആശേച്ചി ചുറ്റുംനോക്കി പതിയെപ്പറഞ്ഞു…
“”…അങ്ങനെ താനിപ്പോൾ കൂടുതലായൊന്നും ഉദ്ദേശിയ്ക്കണ്ട… അവനെപ്പോളെങ്കിലും എന്തേലുമാവശ്യത്തിന് തന്റടുത്ത് വന്നിട്ടുണ്ടോ..?? ഇല്ലല്ലോ..?? ഇനീം വരത്തില്ല…
തന്റടുത്തെന്നല്ല ആരുടടുത്തുമവൻ വരത്തില്ല… എനിയ്ക്കറിയാം, അവനെ നോക്കാൻ… അതോണ്ടവന്റ കാര്യമോർത്താരും കൂടുതൽ തല പുണ്ണാക്കണ്ട… ഞാൻ നോക്കിക്കോളാമവനെ..!!”””_ ആളുകൾ നോക്കിനിൽക്കുമ്പോൾ തന്നെ ആശേച്ചിയോടു ചീറിയടിച്ച മീനാക്ഷിയെ എങ്ങനെ അടക്കണമെന്നറിയാതെ ഞാൻ കുഴങ്ങി…
പക്ഷേ, അറിയില്ല… എന്തോ ഭാഗ്യത്തിന് അവൾതന്നെ സ്വയംനിർത്തി തിരിഞ്ഞു…
“”…പിന്നൊരു കാര്യം..!!”””_ എന്തോ ഓർത്തിട്ടെന്നപോലെ അവൾവീണ്ടും ആശേച്ചിയെ നോക്കി… പിന്നെപറഞ്ഞു;
“”…എന്റെ ചെക്കനൊരമ്പീഷനുണ്ട്… വെറുതേയോരോന്നുപറഞ്ഞ് അതിനെ ഡീമോട്ടിവേറ്റ്ചെയ്യാൻ ശ്രെമിച്ചാൽ മീനാക്ഷിയുടെ യഥാർത്ഥമുഖം നിങ്ങളുകാണും… അതോണ്ടെന്നെ വെറുതെയൊരിയ്ക്കൽ കൂടി ഇങ്ങനെവരുത്തി സംസാരിപ്പിയ്ക്കരുത്… കേട്ടല്ലോ..!!”””_ അവളൊന്നുകൂടി ഓർമ്മിപ്പിയ്ക്കുന്നതുപോലെ പറഞ്ഞ് തിരിഞ്ഞുനടന്നപ്പോൾ, ആശേച്ചിയ്ക്കു തല്ലുകിട്ടാത്തതിനേക്കാൾ സന്തോഷം അവളുടെ വാക്കുകളിൽനിന്നുമെനിയ്ക്കു കിട്ടിയിരുന്നു…
“”…ഓ.! ഒരമ്പീഷൻ.! ക്രിക്കറ്റ്‌ കളിക്കാരനാവണോന്ന്… വെറുതെ വീട്ടിലിരിയ്ക്കുമ്പോൾ എടുത്തോണ്ടുവന്ന് കയ്യിൽ കൊടുക്കോലോ… സമയം കളയാന്നല്ലാതെ ഒരു ഗുണോമില്ലന്നേ..!!”””_ മീനാക്ഷി കേൾക്കാനെന്നോണം ആശേച്ചി അടുത്തഫ്ലാറ്റിലെ ചേച്ചിയോടു പറയുന്നത്കേട്ടു…
…ഇത്രയും നാളെന്നോട് വലിയ സ്നേഹമൊക്കെക്കാണിച്ച ആശേച്ചിയുടെ വായിൽനിന്നും വീണവാക്കുകൾ എനിയ്ക്കു തെല്ലൊന്നുകൊണ്ടു…
അവരുടെ മനസ്സിലിരുപ്പ് അറിഞ്ഞപ്പോളുണ്ടായ സങ്കടത്തെക്കാളുപരി എന്നെ പിടിച്ചുകുലുക്കിയത് അവരുപറഞ്ഞത് എന്റൊപ്പം നിൽക്കുന്ന സാധനം കേട്ടോന്നായ്രുന്നു…
“”…എന്താടീ പറഞ്ഞേ..??”””_ ഭയംവിട്ടുമാറാതെ നോക്കിയ ഞാൻകണ്ടത് ചീറിവിളിച്ചുകൊണ്ട് ആശേച്ചിയ്ക്കു നേരേപാഞ്ഞ മീനാക്ഷിയെയാണ്…
ഒന്നുഞെട്ടിയെങ്കിലും പെട്ടെന്നു തലച്ചോറ് പ്രവർത്തിച്ചതുകൊണ്ട്.. അതുകൊണ്ടുമാത്രം അവളാഞ്ഞുവീശിയ കൈ ആശേച്ചിയുടെ മുഖത്തുകൊള്ളാതെ എനിയ്ക്കു സംരക്ഷിയ്ക്കാനായി…
ഞാൻ രണ്ടുകൈകൊണ്ടും അവളുടെ വയറ്റിൽ ചുറ്റിപ്പിടിച്ച് പിന്നിലേയ്ക്ക് വലിച്ചു…
എന്റെ കൈ വിടുവിയ്ക്കാനെന്നോണം അവൾ ശക്തിയായൊന്നു കുതറിയെങ്കിലും എന്റെ കൈക്കരുത്തിനെ വെല്ലാനുള്ളശക്തി അവളുടെ വീര്യത്തിനില്ലാതെ പോയത് ആശേച്ചിയുടെ ആയുസ്സ് നീട്ടി…
അപ്പോഴുമെന്റെ കയ്യിൽക്കിടന്നു പിടിവിടീയ്ക്കാനുള്ള പിടിച്ചിൽത്തുടർന്ന മീനാക്ഷിയെ ഞാൻ വലിച്ചുയർത്തി തോളിലേയ്ക്കിട്ടു…
“”…നിന്നെ ഞാൻ കാണിച്ചുതരാടീ… ഇത്രേന്നാളെന്റെ കൊച്ചിനെക്കൊണ്ട് ഓരോന്നൊക്കെ ചെയ്യിച്ചിട്ട് ഇതാരുന്നല്ലേ നിന്റെ മനസ്സിലിരുപ്പ്..?? കാണിച്ചു തരാഞ്ഞാൻ… നെനക്കറിയൂല മീനാക്ഷിയെ..!!”””
ചുമലിൽക്കിടന്ന് ചീറ്റപ്പുലിയെപോലെ ചീറികൊണ്ടു കുതറിയ പെണ്ണിനെ എത്രയുംപെട്ടെന്ന് ഫ്ലാറ്റിലേയ്‌ക്കെടുക്കുക എന്നതുമാത്രമായിരുന്നു അപ്പോളെന്റെ ഏകഉദ്ദേശം…
സിറ്റീഹോസ്പിറ്റലിലെ വൺ ഓഫ് ദ മെയിൻ ഗൈനക്കോജിസ്‌റ്റ് ഡോക്ടർ മീനാക്ഷി സിദ്ധാർഥ്, പൈപ്പിൻചുവട്ടിൽ കുടവുമായിനിന്ന് തല്ലുകൂടന്ന പെണ്ണുങ്ങളെപ്പോലെ പ്രതികരിയ്ക്കുന്നതു കണ്ടിട്ടാവണം ആളുകളെല്ലാം ആ കാഴ്ചകണ്ട് വായപൊത്തി ചിരിയടക്കുന്നുണ്ടായിരുന്നു…
അവൾക്കിതൊന്നും ഒരു വിഷയമേ അല്ലായിരുന്നെങ്കിലും എനിയ്ക്കതു കണ്ടപ്പോൾ ചങ്ക്പൊള്ളി…
ഞാൻകാരണം എന്റെപെണ്ണ് മറ്റുള്ളവരുടെമുന്നിൽ നാണംകെടുകയെന്നത് എന്നെ സംബന്ധിച്ചിടത്തോളം ചിന്തിയ്ക്കാനേ സാധിയ്ക്കുമായിരുന്നില്ല…
“”…വിടടാ എന്നെ..!!”””_ ബെഡ്റൂമിലെത്തിയപ്പോഴും അവളുടെ ചീറൽ കഴിഞ്ഞിരുന്നില്ല…
“”…മിണ്ടാതെ അടങ്ങിയിവിടെ കിടന്നോണം… ഇനീമിറങ്ങിപ്പോയാലുണ്ടല്ലോ..!!”””_ ഞാനൊന്നു സ്വരം കടുപ്പിച്ചതും അവളെന്റെ മുഖത്തേയ്ക്കു തുറിച്ചുനോക്കി;