“”…പോയാലെന്തോ ചെയ്യും..?? തല്ലോ എന്നെ..??”””_ ഒന്നാലോചിച്ചിട്ട് അവളതേടോണിൽ തിരിച്ചടിച്ചു….!
“”…ഇല്ല..!!”””
“”…പിന്നെ..??”””_ അതുചോദിയ്ക്കുമ്പോൾ കുഞ്ഞൊരാകാംഷ ആ മുഖത്തുണ്ടായിരുന്നു…
“”…ഞാൻ… ഞാൻ കെട്ടിപ്പിടിച്ചൊരുമ്മയങ്ങോട്ടു തരും..!!”””_ പെട്ടെന്നുകേട്ടപ്പോൾ ഞാൻ പ്രതീക്ഷിച്ചതുപോലെതന്നെ മുഖത്തൊരു ചിരിപൊട്ടിയെങ്കിലും പെട്ടെന്നതവൾ മറച്ചുപിടിച്ചു…
ഉദ്ദേശം പൂർണമായെങ്കിലും ഞാനൊന്നുകൂടി പറഞ്ഞു;
“”…ഇനി കുറച്ചുകഴിയുമ്പോ ഇതുംപറഞ്ഞ് പിന്നേം വഴക്കുകൂടാനെങ്ങാനും പോയാൽ… പിന്നെയെന്നോട് മിണ്ടാമ്മരണ്ട… കേട്ടല്ലോ… ആ അത്രതന്നെ..!!”””_ ഈ കാ‍ന്താരിയെ എന്നോളം മനസ്സിലാക്കിയവരില്ലാത്തോണ്ട് തന്നെ അവളുറപ്പായുമടങ്ങും എന്ന് വ്യക്തമായിരുന്നു….
അതോടെ കക്ഷി സൈലന്റായി…
“”…അവരെന്തേലും പറഞ്ഞെന്നുകരുതി പോയേക്കുവാ തല്ലുപിടിയ്ക്കാൻ… അറ്റ്ലീസ്റ്റ് സ്വന്തംനെലയെങ്കിലും നോക്കണ്ടേ… എവിടെ… ഓരോന്നിന്റ വായിലുംനോക്കി നടക്കുവാ വെറുതെ മനുഷ്യനെ നാണം കെടുത്താനായിട്ട്… ഡോക്ടറാണ്പോലും ഡോക്ടറ്..! ഡോക്ടറായാലേ കുറച്ചൊക്കെ പേഷ്യന്റ്സ് വേണം… അല്ലാതെ ഇതുപോലെ ചവിട്ടിത്തുള്ളി നടക്കുവല്ല വേണ്ടത്..!!”””_ ഞാനെന്റെ അമർഷം പ്രകടിപ്പിച്ചപ്പോൾ മുഖവുംവീർപ്പിച്ച് എന്നെ നോക്കിയിരുന്നതല്ലാതെ മറുത്തൊരക്ഷരം മിണ്ടിയില്ല, അതു വേറൊന്നും കൊണ്ടല്ല…
…എന്നെ പേടിച്ചിട്ടാ, തിരിച്ചെന്തേലും പറഞ്ഞാൽ ഞാൻ പിണങ്ങിയാലോന്ന് പേടിച്ചിട്ട്.!
“”…നോക്കി പേടിപ്പിയ്ക്കല്ലേ… കണ്ണുഞാൻ കുത്തിപ്പൊട്ടിയ്ക്കും… നോക്കുവാ അവള്..! നീ ചെന്നവരെ തല്ലിയിരുന്നേൽ എന്തൊക്കെ പ്രശ്നമായേനേന്നറിയാവോ..?? ഇപ്പോത്തന്നെ അവരെന്തൊക്കെയാ ചെയ്യാൻപോണേന്ന് എങ്ങനെയാ അറിയുക..?? ഇതിപ്പോൾ പലയാവർത്തിയായി…
ഓരോന്നുംപറഞ്ഞ് ആളുകളുടെ മെക്കിട്ടുകേറ്റം… അതിനൊക്കെപ്പോയി മാപ്പുപറയാൻ ഞാനും… എല്ലാരും പറയുന്നതെന്താന്നറിയോ എന്റെ പിടിപ്പുകേടന്നാ..!!”””
“”…പിന്നെ അവളങ്ങനൊക്കെ പറഞ്ഞപ്പോൾ ഞാൻ കേട്ടിട്ടു നിയ്ക്കണോ..?? നടന്നതുതന്നെ… എന്നെയെന്തുപറഞ്ഞാലും ഞാൻ സയിയ്ക്കും… പക്ഷേ…”””_ അവളെന്നെ നോക്കി വാക്കുകൾ മുറിച്ചു…
“”…അവരങ്ങനൊക്കെ പറഞ്ഞെങ്കിൽ കണക്കായിപ്പോയി… നീയല്ലേ ഓരോന്നുണ്ടാക്കിക്കൊണ്ട് അങ്ങോട്ട്‌ ചെന്നേ… എന്നിട്ടല്ലേ അവരങ്ങനെയെല്ലാം പറഞ്ഞേ..??”””
“”…ഇപ്പയെല്ലാത്തിനും ഞാനായോ കുറ്റക്കാരി..?? ഞാമ്പറഞ്ഞ കേക്കാണ്ട് അവളുപറഞ്ഞതും പൊക്കിപ്പിടിച്ചോണ്ടെന്തിനാ എന്റെ മുന്നില് വന്നേ..?? അതോണ്ടല്ലേ ഞാനങ്ങനൊക്കെ ചെന്നുപറഞ്ഞേ..??”””_ എന്നെ രൂക്ഷമായി നോക്കിക്കൊണ്ട് അവളുചോദിച്ചു…
“”…നീയെന്താ മിന്നൂസേയിങ്ങനെ..?? ഞാൻ ജോലിയ്ക്കു പോണതിഷ്ടമല്ലേൽ നമുക്ക് സംസാരിച്ചുതീർത്താൽ പോരായ്രുന്നോ..?? പിന്നെന്തിനാ ആ ചേച്ചീടടുക്കെ തല്ലുപിടിയ്ക്കാൻ പോയേ..??”””
“”…എനിയ്ക്കപ്പോളങ്ങനെ തോന്നി… ചെയ്തു..!!”””_ വീണ്ടും മുഖംവീർപ്പിച്ചു കൊണ്ടുതന്നെ മറുപടിവന്നു…
“”…ശെരിയാ… നിനക്കെന്തോ തോന്നുന്നു അതാണല്ലോ നീ ചെയ്യുന്നേ… ഞാമ്പറയുന്നതെന്തേലും നീ കേൾക്കാൻ കൂട്ടാക്കിയിട്ടുണ്ടോ ഇതുവരെ..?? ഓ.! നമ്മള് ജോലീം കൂലിയുമില്ലാത്തവനല്ലേ… അപ്പൊപ്പിന്നെ
നമ്മളുപറയുന്നത് കേൾക്കേണ്ടാവശ്യം ഡോക്ടർക്ക് വരുന്നില്ലല്ലോ..??”””_ ഞാൻ പറഞ്ഞതുകേട്ടതും മീനാക്ഷിയ്ക്കു കലികയറി;
“”…എടാ… ഇനിയൊരിയ്ക്കക്കൂടി നീ ജോലീം കൂലീമില്ലാത്തവനെന്നുള്ള ഡയലോഗും പറഞ്ഞെന്റടുക്കല് വന്നാലുണ്ടല്ലും… എന്തുപറഞ്ഞാലും നേരേ അവിടെച്ചെന്നു നിന്നോളും… മേലിലങ്ങനെ പറഞ്ഞാ എന്റെ സ്വഭാവംമാറും… പറഞ്ഞേക്കാം ഞാൻ..!!”””_ അവളു പഴയവീര്യം വീണ്ടെടുത്തതു കണ്ടതും ഞാനടങ്ങി…
“”…മിന്നൂസേ… ഞാൻ ജോലിയ്ക്കു പോണില്ല… പോരേ..??”””_
ഞാനവൾക്കൊപ്പം ബെഡിലേയ്ക്കിരുന്നു… അതിനവൾ താല്പര്യമില്ലാത്തമട്ടിൽ മൂളിയതും;
“”…പക്ഷേ… അതിനെനിയ്ക്കൊരു കാര്യം ചെയ്തുതരണം..!!”””
“”…എന്ത്..??”””
“”…അത്… അതു നീ ഹോസ്പിറ്റലിൽപ്പോയി കഴിഞ്ഞാൽ പിന്നെ ഞാനിവിടൊറ്റയ്ക്കല്ലേ… അപ്പോ വർത്താനംപറയാൻ കൂട്ടെന്നൊക്കെ പറയുന്നത് ആശേച്ചിയൊക്കെയാ..!!”””
“”…അതിന്..??”””
“”…അതിനൊന്നൂല..!!”””_ അവളുടെ മുഖഭാവംകണ്ടതും പിന്നീടൊന്നും പറയാൻനിന്നില്ല…
പകരം ബെഡിൽനിന്നുമെഴുന്നേറ്റ് സ്ഥലം കാലിയാക്കാനാണ് നോക്കിയത്…
“”…നിയ്ക്ക്.! എന്താ പറയാമ്മന്നേ..?? എന്തായാലുമതു പറഞ്ഞിട്ട് പോയാമതി..!!”””
“”…ഒന്നൂല്ല..!!”””_ ഞാൻ മറുപടി ആവർത്തിച്ചു…
“”…സിദ്ധൂ… വെറുതെയെന്നെ ദേഷ്യം പിടിപ്പിയ്ക്കാതെ പറ… എന്താ പറയാൻവന്നേ..??”””_ അവളുകുറച്ചു കലിപ്പിട്ട് തന്നെ ചോദിച്ചു…
“”…അത്… അതൊന്ന് നീപോയി ആശേച്ചിയോട് സോറി പറയാവോ..?? അതോടെ നമ്മളോടുള്ള ദേഷ്യോം മാറും… എന്നോടു മിണ്ടേംചെയ്യും..!!”””_ ഞാൻ മടിച്ചുമടിച്ചു പറഞ്ഞപ്പോൾ അവളെന്നെയൊരു ദഹിപ്പിയ്‌ക്കുന്ന നോട്ടംനോക്കി…
“”…നാണമില്ലല്ലോ… സ്വന്തം ഭാര്യയെക്കൊണ്ട് വേറൊരുത്തിയോട് സോറി പറയിയ്ക്കാൻ..!!”””
“”…ഇപ്പോൾ തെറ്റുചെയ്തത് ഭാര്യയല്ലേ… അപ്പോൾ ഭാര്യയല്ലേ സോറി പറയേണ്ടേ..??”””
“”…ഞാനൊരു തെറ്റും ചെയ്തിട്ടില്ല… സോറി പറയാനായിട്ടൊരു കുറ്റബോധോം തോന്നുന്നുമില്ല… നീ പോയേ..!!”””
“”…മിന്നൂസേ… പ്ലീസ്… ഒരു സോറി ചെന്ന് പറേടീ… അതോടെ പ്രശ്നം തീരുവാണേൽ നല്ലതല്ലേ..?? വാ..!!”””_ ഞാനവൾടെ കൈപിടിച്ചു വലിച്ചുകൊണ്ട് പറഞ്ഞെങ്കിലും അവളപ്പോൾത്തന്നെ കൈ തട്ടിമാറ്റി…
“”…നീയൊന്നു പോയേ… എനിയ്ക്കിപ്പോൾ സോറി പറയേണ്ട കാര്യമൊന്നും വരുന്നില്ല… അത്രയ്ക്കത്യാവശ്യമാണെങ്കിൽ നീ പോയി പറയ്..!!”””
“”…മ്മ്മ്.! എന്റാവശ്യമല്ലേ… ഞാൻതന്നെ പോയിപറയാം… പക്ഷേ… ഒരുകാര്യം..”””_ പകുതിയ്ക്കുനിർത്തി ഞാനവളുടെ മുഖത്തേയ്ക്കു നോക്കിയപ്പോൾ അവളുണ്ടക്കണ്ണുകൾ തുറിപ്പിച്ചു…
“”…ഇപ്രാവശ്യം നാട്ടിപ്പോയാ ഞാനിങ്ങോട്ട് തിരിച്ചുവരില്ല… എനിയ്ക്കു വയ്യിനി എല്ലാരേം മുന്നില് നാണങ്കെടാൻ..!!”””_ പറഞ്ഞതും ഞാൻ ഡോറിന്റെനേരേ നടന്നു…
“”…നിയ്ക്ക്..!!”””_ ബെഡിലിരുന്നവൾ വിളിച്ചെങ്കിലും ഞാനതിനു ശ്രെദ്ധകൊടുത്തില്ല…
“”…നിയ്ക്കാൻ… നിന്നോടല്ലേ നിയ്ക്കാൻ പറഞ്ഞേ..!!”””_ അവളോടിവന്ന് എന്നെ പിടിച്ചവൾക്കഭിമുഖമായി തിരിച്ചുനിർത്തി…
“”…നീയെന്തോ നാണക്കേടാന്നു പറഞ്ഞില്ലേ..?? എന്തോ നാണക്കേട്..?? പറേടാ എന്തോ നാണക്കേടെന്ന്..?? ഇവടെനിയ്ക്കൊപ്പം താമസിയ്ക്കുന്നതാണോ നെനക്കു നാണക്കേട്..?? പറേ..!!”””
“”…അതേ… അതുതന്നെയാ നാണക്കേട്..!!”””_ അവളുടെ സ്വരമുയർന്നിരുന്ന അതേതലത്തിൽ ഞാൻ മറുപടിനല്കി…