“”…സിത്തൂ… പോയി പല്ലുതേച്ചേച്ചും വാ… ചായതരാം..!!”””_ എന്നെക്കണ്ടതും അവിടെനിന്നുതന്നെ അമ്മ വിളിച്ചുപറഞ്ഞു…
“”…എനിയ്ക്കു കാപ്പി താ… കാപ്പികുടിച്ചേച്ചും ഞാമ്പല്ലു തേയ്ക്കാം..!!”””_ അമ്മയുടെ അടുത്തേയ്ക്ക് തിരിഞ്ഞു നടക്കുന്നതിനിടയിൽ ഞാൻപറഞ്ഞു…
ഓരോളത്തിനങ്ങ് പറഞ്ഞപ്പോൾ ശബ്ദം കൂടിപ്പോയതിനെക്കുറിച്ചോ അച്ഛനിരിയ്ക്കുന്നതേ പറ്റിയോ ഞാൻ ചിന്തിച്ചില്ല…
എന്നാലടുത്ത നിമിഷംതന്നെ എനിക്കതേക്കുറിച്ചു ചിന്തിയ്ക്കേണ്ടിയും വന്നു…
“”…ഛീ.! പോയി ബ്രെഷെയ്യടാ… വൃത്തികെട്ടത്..!!”””_ കയ്യിലിരുന്ന പത്രമൊന്നു കുടഞ്ഞുകൊണ്ട് അച്ഛൻചീറിയതും കീത്തുവും അമ്മയും സ്വിച്ചിട്ടപോലെ ഒറ്റച്ചിരിയായിരുന്നു…
ഞാനങ്ങ് അയ്യടാന്നായ്ട്ട് പയ്യെ അടുക്കളയിലേയ്ക്കു വലിഞ്ഞു…
അപ്പോഴും അമ്മയെന്നെ നോക്കി വാപൊത്തി ചിരിയ്ക്കുന്നുണ്ടായിരുന്നു…
“”…കീത്തൂ..! വാ… വന്നു കഴി… എന്നാലച്ഛനോടൊപ്പമങ്ങ് പോവാലോ..!!”””_ അമ്മ അവിടെനിന്നു പറഞ്ഞതുംകേട്ട് ഞാനലസനായി നടന്നു…
എന്നാൽ,
“”…വേണ്ടമ്മേ… മീനുവുംവരണുണ്ട്… ഞങ്ങളൊന്നിച്ചു പൊക്കോളാം..!!”””_ എന്ന അവൾടെ മറുപടിവന്നതും എനിയ്ക്കുവീണ്ടും കിരുകിരുപ്പുതുടങ്ങി…
പല്ലുതേയ്ക്കാൻപോയ
ഞാൻ പിന്നെ റൂമിൽ
നിന്നിറങ്ങുന്നതുതന്നെ കുളിച്ച് ഓണക്കോടിയായിട്ടെടുത്ത ജീൻസും ഷേർട്ടുമൊക്കെയിട്ടാണ്…
“”…അല്ല… നീയിതെങ്ങോട്ടാ..??”””_ റൂമിൽനിന്നും സ്റ്റെയറിറങ്ങി വന്നുനിന്നത് അച്ഛന്റെമുന്നിൽ…
അപ്പോൾതന്നെ ചോദ്യവുംവന്നു…
“”…അമ്പലത്തിൽ..!!”””_ മുഖംകൊടുക്കാതതിനു മറുപടിപറഞ്ഞതും,
“”…കീത്തൂനൊപ്പം നീയുമ്പോണുണ്ടോ..??”””_ ന്ന മറുചോദ്യവുമെത്തി…
“”…മ്മ്മ്..!!”””_ അച്ഛന്റടുത്ത ചോദ്യത്തിനും നിലത്തുനോക്കി ഞാനൊന്നുമൂളി…
പക്ഷേയെന്തോ ഭാഗ്യത്തിന് അച്ഛൻ ചേച്ചിയോടു ചോദിയ്ക്കാതെ അകത്തേയ്ക്കുപോയി…
“”…അല്ല… മോനിതൊരുങ്ങിക്കെട്ടി എങ്ങോട്ടേയ്ക്കാ..??”””
“”…അമ്പലത്തിൽ..!!”””_ ഹോളിലേയ്ക്കു ചെന്നയെന്നോട് കളിയാക്കിയമട്ടിൽ കീത്തുചോദിച്ചപ്പോൾ ഞാൻ കള്ളലെക്ഷണത്തിൽ മറുപടിപറഞ്ഞു…
“”…അതെന്തായിപ്പൊ പെട്ടെന്നൊരമ്പലത്തി പോക്ക്..??”””
“”…അത്… ചേച്ചി പോവുവല്ലേ… അപ്പ കൂട്ടിന് വരാന്നുവെച്ചു…!!”””
“”…അയ്യട.! നടന്ന തന്നെ..!!”””
“”…പ്ലീസേച്ചീ… ഞാനും വരണൂ..!!”””
“”…വേണ്ട… എന്റൊപ്പം വരണ്ട… എനിയ്ക്കിനിയിപ്പ നിന്നേന്നോക്കി നടക്കാനൊന്നുമ്പറ്റൂല്ല…!!”””_ അവൾ തീർത്തുപറഞ്ഞു…
“”…വേണ്ട… എന്നെ നോക്കണ്ട… ഞാനുംകൂടെ വന്നോളാം..!!”””
“”…നിന്നോടുവേണ്ടെന്ന് പറഞ്ഞില്ലേ… വരണ്ടെന്നുപറഞ്ഞാ വരണ്ട..!!”””_ അവളു കയർത്തുപറഞ്ഞിട്ട് എഴുന്നേൽക്കാനൊരുങ്ങീതും ഞാനും പ്ലേറ്റുമാറ്റി…
“”…ന്നെ കൊണ്ടോയില്ലേ ഞാനച്ഛനോട് പറഞ്ഞോടുക്കും..!!”””
“”…എന്ത്..??”””_ അവളുടെ കണ്ണുകളിലാകാംഷ…
“”…മെനിഞ്ഞാന്ന്… മെനിഞ്ഞാന്നെനിയ്ക്ക് മുട്ടായി വാങ്ങിത്തന്ന കാര്യം..!!”””_ ഞാൻ മടിച്ചുമടിച്ചു പറഞ്ഞതും കീത്തുവേച്ചിയുടെ ഭാവംമാറി…
അവളുടെ മുഖത്തപ്പോൾ ദേഷ്യമാണോ സങ്കടമാണോ എന്നൊന്നും നിശ്ചയമില്ല…
പക്ഷേ എന്തോ പറയാൻതുടങ്ങി…
എന്നാലതിനു മുന്നേ,
“”…കീത്തൂ… നീ പോണില്ലേ..??”””_ ന്നുള്ള അമ്മയുടെ അന്വേഷണമെത്തി… ഞാൻവീണ്ടും പ്രതീക്ഷയോടെ കീത്തുവേച്ചിയുടെ മുഖത്തേയ്ക്കുനോക്കി…
“”…ആ..! പോവുവാ… പിന്നെ ഞാനിവനെക്കൂടി കൊണ്ടുപോവുവാട്ടോ..!!”””_ അവൾ വിളിച്ചു പറഞ്ഞുകൊണ്ടെഴുന്നേറ്റതും എന്റെമുഖത്ത് സന്തോഷത്തിന്റെ പുഞ്ചിരിവിടർന്നു…
“”…വായെണീറ്റ്… നാശം പിടിച്ചതേ..!!”””_ പുറത്തേയ്ക്കു നടക്കുന്നതിനിടയിൽ ചേച്ചിയങ്ങനെ പറഞ്ഞപ്പോഴും ഞാനൊന്നും മിണ്ടാതെ മര്യാദക്കുട്ടനായി അവളെ പിൻചെന്നു… ഇനിയെന്തേലും പറഞ്ഞാത്തന്നെ അവളുടെ വായിലിരിയ്ക്കുന്ന കേൾക്കേണ്ടി വരുമെന്നത് മറ്റൊരുകാര്യം…
അങ്ങനെ ഞങ്ങളിറങ്ങി പതിവുവഴിയിലൂടെ റോഡിലേയ്ക്കു കയറുമ്പോൾ അവിടെ മീനാക്ഷി കാത്തുനിൽപ്പുണ്ടായിരുന്നു…
അവളും ഒരു ഇളംമഞ്ഞ പട്ടുപാവാടയും ടോപ്പുമായിരുന്നു വേഷം…
എന്നെക്കണ്ടതും മീനാക്ഷിയുടെ മുഖമൊന്നുചുളിഞ്ഞു…
അതിനൊപ്പം അവളെന്നെ ഉണ്ടക്കണ്ണുകൾ വിടർത്തിയൊന്നു സൂക്ഷിച്ചു നോക്കുകയുംചെയ്തു…
“”…കീത്തൂ… ഇവനെങ്ങോട്ടാ..??”””_ എന്റെ മുഖത്തുനിന്നും കണ്ണുകൾപറിച്ച് ചേച്ചിയുടെ മുഖത്തേയ്ക്കു നട്ടുകൊണ്ടവൾ ചോദിച്ചു…
“”…ഇവനെക്കൂടി കൊണ്ടോവാനമ്മ പറഞ്ഞു… അതോണ്ടു കൂട്ടിയതാ… വാടാ..!!”””_ പറഞ്ഞുകൊണ്ട് ചേച്ചി മുന്നേ നടന്നപ്പോഴുമെന്റെ കണ്ണുകൾമുഴുവൻ മീനാക്ഷിയുടെ മുഖത്തായ്രുന്നു…
എന്നാൽ അവളപ്പോഴുമെന്നെ നോക്കി പേടിപ്പിയ്ക്കാൻ മറന്നില്ല…
അവളെന്നെ രൂക്ഷമായി നോക്കുമ്പോളൊക്കെ ഞാൻ പേടിച്ചെങ്കിലും അവളെയങ്ങനെ വെറുതേ വിടാനെനിയ്ക്ക് ഉദ്ദേശമില്ലായ്രുന്നു…
വഴിപാടിനുള്ള രസീത്വാങ്ങാനും അകത്തുകയറി തൊഴുതിട്ടുവന്നപ്പോൾ കൂട്ടത്തിനിടയിൽ കാണാതെപോയ മീനുവേച്ചീടെ ചെരിപ്പു തപ്പിപ്പിടിച്ചു കൊടുക്കാനുമൊക്കെ ഞാനാണ് കൂടുതൽ ഉത്സാഹിച്ചതെങ്കിലും അവളെന്നോടൊന്നു മിണ്ടുകപോലും ചെയ്തില്ല…
എന്നിരുന്നാലും അവൾ ചേച്ചിയോടൊന്നും പറഞ്ഞില്ലെന്നത് വിഷമത്തിനിടയിലും എനിയ്ക്കു ചെറിയൊരാശ്വാസമായി…
അന്ന് അമ്പലത്തിൽപ്പോയി വന്നതിൽപ്പിന്നെ മീനാക്ഷിയെ പലപ്രാവശ്യം കാണാൻ ശ്രെമിച്ചെങ്കിലും നടന്നില്ല…
സൈക്കിളുമെടുത്തവളുടെ വീടിനുമുന്നിലൂടെ പലപ്രാവശ്യം റൗണ്ടടിച്ചെങ്കിലും അവളുടെ പൊടിപോലും കാണാൻപറ്റിയില്ല…
ഓണാവധിയായതുകൊണ്ട് അവളു വീട്ടിൽനിന്നും പുറത്തിറങ്ങിയതുമില്ല…
വീട്ടിലെ ഫോണിൽനിന്നും കീത്തു അവളെ വിളിയ്ക്കുമ്പോൾ ഒന്നുമറിയാത്തപോലെ ഞാനും അടുത്തൊക്കെച്ചെന്നു ചുറ്റിപ്പറ്റിനിൽക്കും…
കാര്യമൊന്നും ഉണ്ടായിട്ടല്ല…
എങ്കിലും അതിലന്നെന്തോ സുഖമൊക്കെയുണ്ടായിരുന്നു…
അങ്ങനെയിരിയ്ക്കേ ഒരുദിവസമാണ് ശ്രീക്കുട്ടിയുടെ പിറന്നാൾവരുന്നത്…
ശ്രീക്കുട്ടിയെന്നു പറയുന്നത് ചെറിയമ്മയുടെ ഇളയമോളാണ് കേട്ടോ…
അതായത് ശ്രീക്കുട്ടന്റെ അനിയത്തി…
ചെറിയച്ഛൻ ഗൾഫിലായതുകൊണ്ടും വീട്ടിൽ ചെറിയമ്മയും രണ്ടുകുട്ടികളും മാത്രമായതിനാലും മിക്കപ്പോഴും അവര് ഞങ്ങളുടെ വീട്ടിലായിരിയ്ക്കും….
പ്രത്യേകിച്ച് വിശേഷദിവസങ്ങളിൽ…
അന്ന് അമ്മയും ചെറിയമ്മയുംചേർന്ന് പായസത്തിലിട്ട്പണിത് ഒടുക്കം ഒരുരുളിപായസം ബാക്കിവന്നു…..
അടുത്തവീട്ടിലും മറ്റുമൊക്കെയത് പകുത്തു കൊടുക്കുമ്പോളാണ് എനിയ്ക്കൊരു മഹത്തായ ഐഡിയ തോന്നിയത്…
“”…കീത്തുവേച്ചീ… നമ്മക്കു കൊറച്ചുപായിസം മീനുവേച്ചീട വീട്ടിക്കൂടി കൊണ്ടോയി കൊടുത്താലോ..??”””_ നിഷ്കളങ്കമായ സന്മനസ്സിനെ കൂടിനിന്ന ജനം കയ്യടിച്ചു പ്രോത്സാഹിപ്പിയ്ക്കുമ്പോൾ അന്നവർക്കറിയില്ലാലോ ഉള്ളിലിരുപ്പെന്താണെന്ന്…