എന്റെ ഡോക്ടറൂട്ടി 05

Ente Docterootty Part 5 | Author : Arjun Dev | Previous Part

“”…എന്താടാ ചെക്കാ..?? എന്തോത്തിനാ നീയിങ്ങനോടിപ്പായണേ..??”””_ തിരിഞ്ഞുനിന്നെന്റെ മുഖത്തേയ്ക്കുനോക്കിയവള് ചോദിച്ചതും ഞാനൊന്നുമില്ലെന്നർത്ഥത്തിൽ ചുമൽകൂച്ചി…

അപ്പോഴുമെന്റെ ചുണ്ടിൽ എക്സൈറ്റ്മെന്റു നിറച്ചയൊരു പുഞ്ചിരിയുണ്ടായിരുന്നു…

കാരണം, അവളോടുള്ളിഷ്ടം കാണിയ്ക്കാമ്മേണ്ടി റ്റാറ്റുവൊക്കെ അടിച്ചു വന്നതാണല്ലോ…

“”…ഡാ ചെക്കാ… നീയീ വെയിലത്തോടിപ്പാഞ്ഞുവന്നത് എന്നെനോക്കി ചിരിയ്ക്കാനായ്രുന്നോ..?? വെയിലുകൊള്ളാതെ പോയി വീട്ടിലിരിയ്ക്കെടാ..!!”””_ മീനാക്ഷി ചുഴിഞ്ഞുനോക്കി കൂട്ടിച്ചേർത്തതിനു മറുപടിയായി ഞാനൊന്നുകൂടി വെളുക്കെ പുഞ്ചിരിച്ചു…

“”…മ്മ്മ്..?? എന്താഒരു ചിരിയും നാണോക്കെ..?? എന്തേലും കള്ളത്തരങ്കാണിച്ചോ..??”””

അപ്പോഴത്തെയെന്റെ റൊമാന്റിക് എക്സ്പ്രെഷനെ അവള് സംശയദൃഷ്ടിയോടെ നോക്കിയപ്പോൾ ഞാൻവീണ്ടും പരുങ്ങലിലായി…

“”…ഒന്നൂല്ല… ഞാ… ഞാഞ്ചുമ്മാ മീനുവേച്ചീനെ കാണാമ്മേണ്ടി വന്നയാ..!!””” _ തെല്ലൊരു പരിഭ്രമത്തോടുളെളന്റെ മറുപടികേട്ടതും അവളുണ്ടക്കണ്ണുരുട്ടിയെന്നെ രൂക്ഷമായി നോക്കി;

“”…എന്തോത്തിനാ എന്നെക്കാണണേ..?? ഇനീം കടിയ്ക്കാമ്മേണ്ടിയാണോ..??”””

“”…യ്യ്യോ.! അല്ല..!!”””

“”…പിന്നെ..??”””_ അവള് പോലീസുകാര് ചോദ്യംചെയ്യുമ്പോലെ
തുറിച്ചുനോക്കി ചോദിച്ചതും മറുപടിയൊന്നുംപറയാതെ ഞാനിടതുകൈ ഒരിയ്ക്കൽക്കൂടി പിന്നിലേയ്ക്കൊളിപ്പിച്ചു…

റൊമാന്റിക് എക്സ്പ്രെഷനും പൊളിഞ്ഞ് അവളുടെഭാവവും മാറിയതോടെ റ്റാറ്റു ഇപ്പോൾ കാണിയ്ക്കണോ വേണ്ടയോന്നുള്ള ആശയക്കുഴപ്പത്തിലായി ഞാൻ… അതാണ് കൈ മറച്ചത്, ഇനി അബദ്ധത്തിൽ പോലും കാണരുതല്ലോ…

എന്നാലവൾടെ മുഖത്തുനോക്കി കള്ളലക്ഷണത്തോടെ കൈപിൻവലിച്ചത് അവളു കൃത്യമായുംകണ്ടു…

“”…എന്താടാ കയ്യേല്..?? എന്താ ഒളിച്ചുപിടിയ്ക്കണേ..?? കൈകാട്ട്..!!”””_ പറഞ്ഞുകൊണ്ട് മീനാക്ഷി, കൈപിന്നിലേയ്ക്കു കൊണ്ടുപോയെന്റെ കൈയ്യിൽ പിടിയ്ക്കാൻ ശ്രെമിച്ചെങ്കിലും ഞാൻ വെട്ടിച്ചുമാറി പിന്നിലേയ്ക്കു ചാടി…

എന്തൊക്കെയായാലും സർപ്രൈസായി കൊണ്ടുവന്നത് വെറുതെയങ്ങ് കാണിയ്ക്കാമ്പറ്റോ..??!!

“”…എന്താത്..?? കൈകാട്ട്… നിന്നോടു പറഞ്ഞകേട്ടില്ലേ..?? മര്യാദയ്ക്കു കൈകാട്ടാൻ..!!”””_ പിന്നിലേയ്ക്കു വലിയാൻനോക്കിയ എന്റെകയ്യിൽ കടന്നുപിടിച്ചുകൊണ്ടവൾ അടുത്തേയ്ക്കുവലിച്ചതും ഞാനറിയാതെ അവൾക്കൊപ്പം ചേർന്നുപോയി…

“”…എന്താ കയ്യേല്..?? എന്തോ കള്ളത്തരമുണ്ടല്ലോ..?? ഇനിയന്നത്തെപ്പോലെ വല്ല ലെറ്ററുമാണോ..??”””_ പിന്നിൽ മറച്ചുപിടിച്ചിരുന്ന കൈ മുന്നിലേയ്ക്കെടുക്കാനായി ശ്രെമിയ്ക്കുന്നതിനിടയിൽ അവളെന്നെ തുറിച്ചുനോക്കി ആരാഞ്ഞു…

“”…യ്യ്യോ.! ലെറ്ററൊന്നൂല്ല..!!”””

“”…പിന്നെന്തോന്നാ..??”””_ അവളെന്റെയിടതുകൈ ശക്തിയായി മുന്നിലേയ്ക്കുവലിച്ചതും, പിന്നെ പിടിച്ചുനിൽക്കാനാവാതെ ഞാൻകണ്ണുകൾ മുറുകെയടച്ചുകൊണ്ട് കൈയവൾക്കുനേരേ നീട്ടി…

കണ്ണുകൾ മുറുകെയടച്ചിരുന്നെങ്കിലും റ്റാറ്റു മീനാക്ഷി കണ്ടെന്നുറപ്പായപ്പോൾ അവളുടെ പ്രതികരണമെന്താവുമെന്നുള്ള ത്വര എന്നിലുണർന്നു…

എന്നാൽ കുറച്ചു നേരമവൾടെ ഭാഗത്തുനിന്നും യാതൊരനക്കവുമില്ലാതെ വന്നപ്പോൾ എപ്പോഴോ ഉറങ്ങിപ്പോയ എന്നിലെ റൊമാന്റിക്ഹീറോ വീണ്ടും പൊടിതട്ടിയെഴുന്നേൽക്കുവായ്രുന്നു…

നായികയോടുള്ള പ്രണയംമൂലം സ്വന്തംകൈമുറിച്ചു പേരെഴുതിയ നായകനെ നിറകണ്ണുകളുടെ അകമ്പടിയോടുകൂടി നോക്കിനിൽക്കുന്ന നായികാസങ്കൽപ്പം…

ആ ഒരു സിനിമാറ്റിക് വിഷ്വൽ മനസ്സിൽതെളിഞ്ഞതും വീണ്ടുമെന്റെ ചുണ്ടുകളിലൊരു പുഞ്ചിരിവിടർന്നു…

എന്നാൽ, കൈവീശിയുള്ള അവൾടെയടി തോളിൽ വീഴുന്നതുവരെ മാത്രമേ ആ പുഞ്ചിരിയ്ക്കായുസ്സുണ്ടായുള്ളൂ…

“”…എന്താടായിത്..?? എന്തായീ കാട്ടിവെച്ചേക്കുന്നേന്ന്..??”””_ തോളിൽത്തന്നെ ഒരടികൂടി തന്നിട്ടെന്റെ കയ്യിലേയ്ക്കു ചൂണ്ടിയവൾ ചോദിച്ചപ്പോൾ ഞെട്ടിത്തരിച്ചുകൊണ്ട് കണ്ണുകൾ തുറന്നയെനിയ്ക്ക് പറഞ്ഞറിയിയ്ക്കാൻ പറ്റാത്ത തരത്തിലാണ് സങ്കടംവന്നത്…

അതടികൊണ്ട വേദനമൂലമായിരുന്നില്ല, പകരം അത്രയുംകഷ്ടപ്പെട്ട് കൈയുംകുത്തിപ്പിന്നി ആ വേദനയും സഹിച്ചവിടെവരെ കൊണ്ടുവന്ന് അതുകാണിച്ചപ്പോൾ അടിയുംതന്ന് കൂടെ അപമാനിയ്ക്കുവേം ചെയ്തു എന്നൊക്കെ പറഞ്ഞാൽ…

“”…റ്റാറ്റൂ..!!”””_ മീനാക്ഷിയുടെ ചോദ്യത്തിന് ചെറിയശബ്ദത്തിൽ പരിഭ്രമത്തോടെ മറുപടിപറഞ്ഞതും അവളുടെ മുഖത്തൊരു പുച്ഛഭാവംകളിയാടി…

“”…അവന്റൊരു റ്റാറ്റു.! മ്മ്മ്.! കൈയിങ്ങോട്ട് നീട്ടിപ്പിടി..!!”””_ അവൾ കലിപ്പിൽത്തന്നെ കൈപിടിച്ചു വലിച്ചടുപ്പിച്ചിട്ട് ചുരിദാറിന്റെ ഷോളുകൊണ്ട് റ്റാറ്റു മായ്ക്കാൻ ശ്രെമിച്ചു…

അപ്പോഴാണ് ഇതുവരെ കൈമുറിച്ചതവള് കണ്ടിട്ടില്ലെന്നും സ്കെച്ചിട്ടെഴുതിയതു മാത്രമേ കണ്ണിൽപെട്ടിട്ടുളെളന്നും എനിയ്ക്കു ബോധ്യപ്പെടുന്നത്…

സ്കെച്ചിട്ടെഴുതിയതിനിത്രേം, അപ്പോൾ കൈ മുറിച്ചതുകൂടി അവളറിഞ്ഞാൽ എന്തായിരിയ്ക്കുമവസ്ഥ..??

ആ അവസ്ഥയെക്കുറിച്ച് ഏകദേശരൂപം മനസ്സിലുള്ളതുകൊണ്ട് മുറിവിൽ ഷോളമരുമ്പോഴുള്ള വേദന ഞാൻ പുറത്തു കാണിയ്ക്കാതെ കടിച്ചുപിടിച്ചുനിന്നു…

“”…സിത്തൂ.! ഇത്…. ഇതെന്തോന്നാടാ..?? കൈ.. കൈ നീ മുറിച്ചോ..?? ഈശ്വരാ..!!”””_ അവള് വല്ലാത്തൊരു ഭാവത്തിലെന്റെ മുഖത്തേയ്ക്കു നോക്കിക്കൊണ്ട് ഒരെണ്ണംകൂടി ശക്തിയ്ക്കുതന്നു…

അതെന്നെ നന്നായി നോവിച്ചെങ്കിലും ഞാനാവേദന കടിച്ചുപിടിച്ചു സഹിച്ചു…

മീനാക്ഷി പെട്ടെന്നെന്തോ ഓർത്തിട്ട് കയ്യിലിരുന്ന ബാഗും കുടയുമൊക്കെ റോഡിന്റോരത്തായി വെച്ചു…

പിന്നെ എന്നെയും പിടിച്ചുവലിച്ച് റോഡിൽനിന്നും നടപ്പാതയിലേയ്ക്കിറങ്ങി എന്റെ മുന്നിലേയ്ക്ക് മുട്ടുകാലിൽനിന്ന് കൈയിലെമുറിവ് പരിശോധിച്ചു…

സംഗതിയതിനെ മുറിവെന്നൊക്കെ വിളിച്ചാൽ മുറിവിനുപോലും മാനക്കേടാ… കാരണം ചെറിയൊരു കീറൽമാത്രമേ ഉണ്ടായിരുന്നുള്ളൂ… എന്നാലവള് ഷോളുകൊണ്ടമർത്തി തുടച്ചപ്പോൾ ചെറുതായി ചോരപൊടിയാൻ തുടങ്ങി അത്രമാത്രം…

ആദ്യമെന്തു ചെയ്യണമെന്നറിയാതെ പതറിയെങ്കിലും ആ പതർച്ചയെ മറികടന്നുകൊണ്ട് അവളുടെ മുഖമെന്റെ കൈയോടടുത്തു…

അവളുടെ ഇളം ചൂടോടുകൂടിയ ഉച്ഛോസം മുറിവിലേയ്ക്കമർന്നതും വേദനയ്ക്കു തെല്ലൊരു ശമനംകിട്ടി…

ആ ഒരാശ്വാസത്തിൻപുറത്ത് കണ്ണുകളെയും കൂമ്പിയടച്ചുകൊണ്ട് നിൽക്കുമ്പോഴാണ് അവളുടെ വിരലുകളെന്റെ തുടയിലമർന്നത്…

കാര്യം മനസ്സിലാകുന്നതിനുമുന്നേ തുടയിലെ തോലു പോയികിട്ടി… അതത്രയും സമാധാനം.!

“”…നിനക്കെന്തേലും പ്രാന്തുണ്ടോ ചെർക്കാ..?? ഈശ്വരാ.! ഇനിയിതിപ്പം വീട്ടുകാരു കാണുമ്പോളെന്താവുമോയെന്തോ..??”””_ആദ്യത്തെ ചോദ്യമെന്നോടും രണ്ടാംചോദ്യം ഈശ്വരനോടുമിട്ടവൾ എന്നെ തുറിച്ചൊന്നുനോക്കി…