“”…ദേ… ചേച്ചീ… ഇയാള് പിന്നേമ്മന്നു..!!”””_ അക്കൂട്ടത്തിൽ നിന്നയൊരുത്തി എന്നെ ചൂണ്ടിക്കൊണ്ടുപറഞ്ഞതു കേൾക്കുമ്പോഴാണ് നിലത്ത് ബാറ്റിന്റെയടിഭാഗമിട്ട് കുത്തിക്കളിച്ചുകൊണ്ടിരുന്ന ഞാൻ മുഖമുയർത്തിനോക്കുന്നത്…
അപ്പോഴേയ്ക്കും മീനാക്ഷി ആടിത്തുള്ളിയെന്റെ മുന്നിലെത്തിയിരുന്നു… അതിനർത്ഥം മീനാക്ഷിയോടാണവൾ ഞാൻ പിന്നെയുമെത്തിയെന്നുള്ള പരാതി ബോധിപ്പിച്ചിരുന്നതെന്നല്ലേ..??
“”…അതെന്താ ഇവനിന്നലെ കിട്ടീതൊന്നുമ്പോരേ..??”””_ തലേദിവസവും കൂടെയുണ്ടായിരുന്ന ആതിര, എന്നെ കാട്ടിക്കൊടുത്തവളോടതു ചോദിയ്ക്കുമ്പോൾ എനിക്കങ്ങ് വിറഞ്ഞുകേറി…
…നീ നിയ്ക്കേട്ടോ… തേങ്ങേമൊടച്ച് അതീന്നൊരു കഷ്ണമെടുത്തു വായിലുവെച്ചുതരുമ്പോഴും നീയീ വർത്താനന്തന്നെ പറേണം..!!_ ഞാനവളെയൊന്നു തുറിച്ചുനോക്കി മനസ്സിൽപറഞ്ഞു….!
“”…ആതിരേ… നീയൊന്നു ചുമ്മായ്രിയ്ക്കുന്നുണ്ടോ..?? ചിലപ്പോ ഹീറോയ്ക്കെന്നെ കാണാഞ്ഞിട്ടുറക്കം വരാതിങ്ങ് പോന്നതാവും… അതിനു നീയെന്തോത്തിനാ ചൂടാവുന്നേ..?? അല്ലേലും ഇത്രയ്ക്കസൂയേന്നും പാടില്ലാട്ടോ..!!”””_ മീനാക്ഷി പതിവുടോണിൽ ചുണ്ടുകോട്ടി ആക്കിയ ചിരിയോടെപറഞ്ഞതും ദിവസക്കൂലിയ്ക്കു നിയ്ക്കുമ്പോലെ ലവളുമാര് കിണിതുടങ്ങി…
“”…സത്യമാണോ ഹീറോ..?? അപ്പൊയിന്നും താനിവളെ കാണാനായ്ട്ടിങ്ങു പോന്നതാണോ..??”””_ മീനാക്ഷിയുടെ വാക്കുകളെ പിന്താങ്ങിയുള്ള ആതിരയുടെ ചോദ്യംകൂടിയായപ്പോൾ പിന്നവിടിരിയ്ക്കാൻ തോന്നീല്ല…
ഇന്നലെയവന്മാരുടെ മുന്നിൽ വീരവാദംമുഴക്കിയെങ്കിലും പെണ്ണൊരുമ്പെട്ടുവന്നാൽ പിടിച്ചുനിൽക്കാനൊക്കെ കുറച്ചു മനശക്തിവേണം…
അതുകൊണ്ടുതന്നെ തല്ക്കാലം അവളുമാരെ മൈന്റ്ചെയ്യാതെ മറ്റവനിട്ടു രണ്ടു പൊട്ടിച്ചശേഷം നമ്മുടെ ലെവലെന്താണെന്നീ പുന്നാരമക്കൾക്ക് കാട്ടിക്കൊടുക്കാമെന്നുറപ്പിച്ചു കൊണ്ട് ഞാനിരിന്നിടത്തുനിന്നെഴുന്നേറ്റ് ബാറ്റ് തോളിലേയ്ക്കു ചാരി…
“”…അയ്യോ.! ന്റെ ഹീറോ പോവാണോ..?? നിയ്ക്കൂന്നേ..??”””_ പോകാനൊരുങ്ങിയ എന്റെ കൈപിടിച്ചു തടഞ്ഞ് മീനാക്ഷി ചിണുങ്ങുന്നസ്വരത്തിൽ പറഞ്ഞതും പശ്ചാത്തലത്തിൽ മറ്റേ പൂറീമക്കൾടെ വാപൊത്തിയുള്ള ചിരിയുയർന്നു…
“”…അയ്യോടിയെ.! ഈ സ്റ്റൈലിൽനിയ്ക്കുമ്പം ഹീറോയെകാണാൻ ഹനുമാൻ ഗദയുംകൊണ്ടു നിൽക്കുന്നപോലെ തന്നുണ്ട്… അല്ലേടീ..??”””_ എന്റെകയ്യീന്നു പിടിവിടാതെ എന്നെയൊന്നുറ്റു നോക്കിയശേഷം ആതിരയോടവൾ ചോദിച്ചതും വീണ്ടും കൂട്ടച്ചിരിമുഴങ്ങി…
“”…ഹനുമാൻ ഗദയുമായല്ലടീ പോത്തേ മലയുമായാ നിയ്ക്കുന്നെ… ഇത് ഭീമസേനൻ… പുള്ളിയല്ലേ ഗദയുംകൊണ്ട് നടക്കുന്നേ..??”””_ മീനാക്ഷിയെ തിരുത്തിയശേഷം ആതിരയെന്റെനേരേ തിരിഞ്ഞു…
ഞാനാണെങ്കിലന്നേരം നിങ്ങളേതെങ്കിലുമൊന്നു തീരുമാനിയ്ക്കഡേയ്ന്ന മട്ടിൽ രണ്ടുപൂറികളേയും മാറിമാറിനോക്കി…
“”…എന്തായാലും ഹീറോയിവളെ കാണാമ്മന്നയല്ലേ..?? അപ്പൊ കുറച്ചുനേരങ്കൂടി നമുക്കു വർത്താനോക്കെ പറഞ്ഞിട്ടുപോവാന്നേ… വാ..!!”””_ മീനാക്ഷിയ്ക്കുപുറമേ ആതിരകൂടിയെന്റെ മറുകൈയിൽപിടിച്ചുവലിച്ച് ഇരുന്നിടത്തുതന്നെ തിരിച്ചു കൊണ്ടിരുത്തിയപ്പോൾ ഞാനൊന്നുംമിണ്ടാതെ അവിടെയിരുന്നു…
അപ്പോഴേയ്ക്കുമെന്റെ അപ്പുറവുമിപ്പുറവുമായി രണ്ടു മൈരുകളും ഇരുപ്പുമുറപ്പിച്ചിരുന്നു…
കൂടിനിന്ന മൈരുകളെല്ലാം ഞാൻ ശ്വാസംവിടുന്നുണ്ടോന്നറിയാനുള്ള കൗതുകത്തിൽ നോക്കിനിൽക്കുന്നുമുണ്ട്…
സത്യത്തിലന്നേരം ഞാനാകെ പൊളിഞ്ഞാണ് നിന്നിരുന്നതെങ്കിലും വായിൽവന്ന തെറിമുഴുവൻ അടക്കിപ്പിടിച്ചു വെച്ചിരിയ്ക്കുവായ്രുന്നു…
അവളുമാരുടെ കുത്തിക്കഴപ്പിത് എവിടെവരെ പോകുമെന്നറിയണോല്ലോ…
അതുകൊണ്ടാണ് ഹനുമാന്റെ ഫിഗറെന്നൊക്കെ വിളിച്ചിട്ടും ഞാനൊന്നും മിണ്ടാതിരുന്നത്…
പുന്നാരമക്കള് പറയാവുന്നത്രേം പറയട്ടെ…
എന്നിട്ടുവേണം എല്ലാത്തിന്റേം മുന്നിലിട്ട് ലവനെചാമ്പാൻ… അതും കൊല്ലുന്നയിടി ഇടിയ്ക്കണം… രണ്ടുദിവസം സ്റ്റേഷനിൽകിടന്നാലും കുഴപ്പമില്ല, ഇടിച്ചവന്റെ ആപ്പീസ്പൂട്ടിക്കണം…
അതുകണ്ടവള്മാര് നിയ്ക്കുന്നിടത്തുനിന്നും അനങ്ങാൻ പറ്റാണ്ടാവുകേം വേണം…
അങ്ങനെയൊക്കെയുള്ള ചിന്ത മനസ്സിൽകിടക്കുമ്പോൾ വെറുതെ അവൾടെയൊക്കെ മുന്നിൽ ഡയലോഗടിച്ച് ചളമാക്കാൻ നിൽക്കാതെ സർപ്രൈസ് ഹീറോയിസമാണല്ലോ നല്ലത്..??!!
“”…അതേ… ഹീറോ… ഇവളുപറഞ്ഞത് സത്യാണോ..?? ഇവളെക്കാണാമ്മേണ്ടിയാണോ ഇന്നുമ്മന്നേ..??’””_ എന്നെ ചുരണ്ടിവിളിച്ച് ആതിര വീണ്ടുംചോദിച്ചതും ഞാൻപുച്ഛത്തോടെ മീനാക്ഷിയെയൊന്നു നോക്കി, ഈ ചളുക്കിനേ എന്നർത്ഥത്തിൽ…
“”…അതിലെന്താടീയിത്ര ചോദിയ്ക്കാമ്മേണ്ടിയിരിയ്ക്കുന്നേ..?? എന്നെക്കാണാനല്ലാതെ പിന്നെ നിന്നെക്കാണാമ്മേണ്ടിയാണോ അവനവിടുന്നിങ്ങുവരെ വരുന്നേ..??”””_ കൃത്രിമദേഷ്യം ഭാവിച്ചുകൊണ്ടുള്ള മീനാക്ഷിയുടെ ചോദ്യമുയർന്നതും ആതിരയും ചിരിയമർത്തുന്ന ശബ്ദം ഞാൻകേട്ടു…
“”…അതു നീ പറഞ്ഞാലെങ്ങനാ..?? നീ വെറുതെ തള്ളാ… അതുകൊണ്ടത് ഹീറോ പറയട്ടേന്ന്… എന്നാലേ ഞങ്ങളുവിശ്വസിയ്ക്കൂ… അല്ലേടീ പിള്ളേരേ..??”””_ മീനാക്ഷിയോടു പറഞ്ഞു മുഴുവിപ്പിച്ചശേഷം കൂടിനിന്ന പൂറിക്കൂട്ടത്തോടായി അവസാനചോദ്യമിട്ടതും അവറ്റകളൊറ്റശ്വാസത്തിൽ ആർപ്പുവിളിയ്ക്കുംപോലെ അതിന് യെസ്സുവെച്ചു…
അല്ലെങ്കിലേ പെണ്ണുങ്ങൾകൂടിയിരുന്ന് സംസാരിയ്ക്കുമ്പോഴുള്ള കലപിലശബ്ദം സഹിയ്ക്കാമ്പറ്റാത്ത എനിയ്ക്ക്, അവളുമാരുടെ ഒച്ചയിടിൽകേട്ടതും ദേഷ്യംകൊണ്ട് ശരീരംമൊത്തത്തിൽ വിറയ്ക്കാൻതുടങ്ങി…
“”…അങ്ങോട്ടു പറഞ്ഞോടടാ… എടാ എന്നെക്കാണാനാ വന്നേന്നങ്ങോട്ടു പറഞ്ഞോടുക്കാൻ..!!”””_ മീനാക്ഷിയെന്നെനോക്കി ചുണ്ടുകോണിച്ച ചിരിയോടെപറഞ്ഞതും ഞാനവൾടെ മുഖത്തുനിന്നും നിലത്തേയ്ക്കു കണ്ണുകളെപായിച്ചു…
ആഞ്ജനേയസ്വാമീ ശക്തിതരണേന്നൊരു ഭാവത്തിലായിരുന്നു ഇരിപ്പെങ്കിലും ഏതുനേരത്തും പൊട്ടിത്തെറിച്ചുപോണ അവസ്ഥയിലായിരുന്നു ഞാൻ…
“”…പറേടാ… എന്നെക്കാണാനാണോ വന്നേ..?? പറേടാ..!!”””_ അവൾ വീണ്ടുമെന്നെ ചുരണ്ടിക്കൊണ്ടു ചോദിച്ചതും ഞാൻ ദേഷ്യത്തോടെ കൈതട്ടിമാറ്റി…
“”…ഇവനെന്താടീ മിണ്ടൂലേ..?? ഇത്രേക്കെയായ്ട്ടും വാതുറന്നൊരക്ഷരമ്പോലും പറഞ്ഞില്ലല്ലോ..?? ഇനി പൊട്ടനാണോ..??”””_ ഇത്തവണ ആതിരയായിരുന്നില്ല… പകരം അവിടെനിന്ന മറ്റൊരുത്തിയായ്രുന്നു മീനാക്ഷിയോടങ്ങനെ ചോദിച്ചത്…
“”…മിണ്ടാതെ പിന്നെങ്ങനാ ഇവളോടുവന്നിഷ്ടാന്നു പറക..?? പൊട്ടത്തരമ്പറയാതെ പോയേടീ… ഇതുകാര്യം നമ്മളെല്ലാമറിഞ്ഞേലുള്ള ചളിപ്പാ..!!”””_ ആതിര മറ്റവൾടെചോദ്യത്തെ എതിർത്തുകൊണ്ടുതന്നെ വാദംപറഞ്ഞു മീനാക്ഷിയെ നോക്കി, സത്യമല്ലേന്നർത്ഥത്തിൽ…
“”…ആടി… ന്റെ ഹീറോയ്ക്ക് ചളിപ്പു ലേശംകൂടുതലാ… ഇളയമോനല്ലേ… അപ്പോളതിന്റെ കൊഞ്ചിപ്പുകൂടിയതിന്റെ പ്രശ്നമാ… നമ്മുടെ മറ്റേ പാൽക്കുപ്പി സെറ്റ്അപ്പ്..!!”””_ മീനാക്ഷിയൊന്നു നിർത്തിയിട്ട് എന്നെനോക്കി കണ്ണുകളിറുക്കിക്കാണിച്ചശേഷം വീണ്ടുംതുടർന്നു;