“”…എന്താടാ..?? എന്താ പ്രോബ്ലം..??”””_ അവൻ ചോദിച്ചുകൊണ്ട് എന്റടുത്തേയ്ക്കുവന്നതും അവളെന്നെനോക്കി വീണ്ടും തലകുലുക്കി ചിരിച്ചു;
“”…ഓ.! അപ്പൊ ഒറ്റയ്ക്കല്ല.! കൂട്ടാരനേങ്കൊണ്ടാ വന്നേക്കണേ ല്ലേ..??”””
എന്നാലവൾടെ നോട്ടവും ചിരിയും പറച്ചിലുമൊന്നും മനസ്സിലാകാതെ കാർത്തിയെന്റടുത്തേയ്ക്കു ചേർന്നുനിന്നു;
“”…ഇതെന്താടാ പ്രശ്നം..??”””
“”…ആ..?? അറിയത്തില്ല… ഇനി വട്ടാണാന്തോ..??”””_ മറ്റാരും കേൾക്കാതെ ഞാനവനോടു പറയുമ്പോൾ, അവൾടെ കൂട്ടുകാരി അവളെതോണ്ടി;
“”…ആരാടീദ്..?? ചെറുക്കൻ പേടിച്ചു വിയർത്തുനാറിയൊരു പരുവമായെടി… ഇനിയെങ്കിലും പറഞ്ഞോടെടീ നീയാരാന്ന്… അല്ലേ നീയെന്നോടേലുമ്പറ..!!”””_ ഞാനാരാണെന്നറിയാനുള്ള കൂട്ടുകാരിയുടെ ത്വരകണ്ടതും അവളുവീണ്ടും മറ്റേടത്തെ തൊലിഞ്ഞ ചിരിചിരിച്ചു…
ശരീരം തളന്നുപോയി, അല്ലേ പന്നീന്റെ തലമണ്ട തല്ലിപൊളിച്ചേനെ…
“”…എന്റാതിരേ… ഇവനേതാ മൊതലെന്നറിയാവോ നെനക്ക്..??”””_ സിനിമയിൽ, നായകന് മാസ് ഇൻട്രോകൊടുക്കുന്ന നായകന്റെ സഹായിയെമാതിരി അവളൊരു ചോദ്യമിട്ടുനിർത്തിയപ്പോൾ കൂട്ടുകാരിയും അവിടെ കൂടിനിന്നു ചിരിച്ചവൾമാരും എന്റൊപ്പംനിന്ന കോപ്പനും എന്തിന് ഞാൻവരെ കാതുകൂർപ്പിച്ചു…
“”…ഞാനന്നു നിന്നോടുപറഞ്ഞില്ലേ, പ്ലസ്ടൂന് പഠിയ്ക്കുമ്പം എനിയ്ക്കൊരുമൊതല് ലവ് ലെറ്റർ തന്നട്ടുണ്ടെന്ന്..??”””_ അവളൊരു ചോദ്യഭാവേനെ ആതിരയെന്നുപറഞ്ഞ സാധനത്തിനെ നോക്കി…
“”…ആ.! നമ്മടെ ഒമ്പതാംക്ലാസ്സിലെ ഹീറോ..!!”””
“”…ആ.! അതുതന്നെ.! ആ ഹീറോയാണ് ഈയിരിയ്ക്കണ ഹീറോ..!!”””_ അവൾടെ കളിയാക്കുന്നടോണിലുള്ള പരിചയപ്പെടുത്തൽ കഴിഞ്ഞതും സ്വിച്ചിട്ടമാതിരി എല്ലാംകൂടി നിന്നൊരുചിരി…
ആക്കൂട്ടത്തിലാ കാർത്തി മൈരനുമുണ്ടോന്നെനിയ്ക്കു സംശയമില്ലാതില്ല…
എന്നാലതിലും കൂടുതലായ്രുന്നു വന്നത് മീനാക്ഷിയാണെന്നറിഞ്ഞതിലുള്ള ഞെട്ടലും പരിഭ്രമവും…
മറ്റേ കൊച്ചീരാജാവ് സിനിമയിൽ കാവ്യയെ പെണ്ണുകാണാൻ ചെന്നുകയറി അവൾടെ അമ്മാവമ്മാരെ കാണുമ്പോൾ ദിലീപേട്ടൻ ചിരിയ്ക്കുന്നൊരു ചിരിയുണ്ടല്ലോ…
ആ അതന്നെ… അതും ചിരിച്ചോണ്ട് ഞാൻ നൈസിന് ഇരുന്നിടത്തുനിന്നങ്ങെഴുന്നേറ്റു…
“”…ഹീറോ എവിടെപ്പോണു..?? ഹീറോയ്ക്ക് പോവാറായ്ട്ടില്ല… ചോദിയ്ക്കട്ടേ..!!”””_ പോകാനെഴുന്നേറ്റ എന്നെ വീണ്ടുമവിടെ പിടിച്ചിരുത്തിക്കൊണ്ട് ആതിരതുടർന്നു;
“”…അന്നീദുഷ്ട ഇഷ്ടോല്ലെന്നു പറഞ്ഞപ്പോ ഹീറോ കരഞ്ഞെന്നൊക്കെ ഇവള് പറഞ്ഞല്ലോ… അതൊക്കെയിവള് തള്ളീതാണോ..??”””_ അവളെന്റെ അടുത്തിരുന്നുചോദിച്ചതും മീനാക്ഷി ഇടതുകൈകൊണ്ട് ആതിരയുടെ വലതുതോളിനൊരടി കൊടുത്തു…
“”…പോടീ.! ഞാന്തള്ളീതൊന്നുവല്ല.! സത്യാ പറഞ്ഞേ..!!”””
“”…ഉവ്വ.! നീ പറഞ്ഞതൊക്കെ വെള്ളന്തൊടാതെ വിഴുങ്ങാൻ ഞാനത്ര പൊട്ടിയൊന്നുവല്ല… അല്ലേത്തന്നെ ഇത്രേംഗ്ലാമറുള്ള ഒരു ചെക്കൻ വന്നിഷ്ടാന്നുപറഞ്ഞാൽ ആരേലും വേണ്ടെന്നുപറയോ..?? ഞാനൊക്കെയായ്രുന്നേൽ ഇപ്പൊയിവന്റൊപ്പം പൊറുതീം തുടങ്ങിയേനെ..!!”””_ ആതിരയുടെ പരിഹാസിച്ചുകൊണ്ടുള്ള വർത്താനംകൂടിയായപ്പോൾ അവിടെവീണ്ടും വാപൊത്തിയുള്ള ചിരിതുടങ്ങി…
അതിന്റെകൂടെ മീനാക്ഷിയും പങ്കുചേരുന്നതു കണ്ടപ്പോൾ ഒന്നുടുപ്പൂരി പിഴിഞ്ഞാൽമതിയെന്ന അവസ്ഥയിലായി ഞാൻ…
അങ്ങനെയെങ്ങാനും പിഴിഞ്ഞിരുന്നേൽ എന്റെ വിയർപ്പിലവളുമാര് മുങ്ങിച്ചത്തേനെ…
“”…അളിയാ സിത്തൂ..!!”””_ മൊത്തത്തിൽ വെന്തുരുകിയിരിയ്ക്കുന്ന അവസ്ഥയിലാണ് അടുത്തുനിന്ന് കുറച്ചുറക്കെയായി കാർത്തി വിളിയ്ക്കുന്നത്…
ഞാൻ കാര്യമറിയാനായി അവന്റെ മുഖത്തേയ്ക്കു നോക്കിയതും,
“”…ദേ നിന്റെ മുഖത്ത്…”””_ എന്നുംപറഞ്ഞു പെട്ടെന്നുനിർത്തി… ഞാനൊരു ഞെട്ടലോടെ കൈ മുഖത്തേയ്ക്കു കൊണ്ടുപോയതും അവന്റെ ഭാവവുംമാറി;
“”…കുറച്ചു ഗ്ലാമറ്..!!”””_ അവൻ മെല്ലെപറഞ്ഞ് ഉറക്കെച്ചിരിച്ചതും മീനാക്ഷിയും ആതിരയും അവിടെകൂടിനിന്ന സകല സാമാനങ്ങളുമൊരുമിച്ചങ്ങ് ആർപ്പിട്ടു…
അതോടെ പൊള്ളിച്ച പപ്പടത്തിനുമീതെ പരിപ്പൊഴിച്ച പാകത്തിലായി ഞാൻ…
…ആരെങ്കിലുമെന്നെ കൊണ്ടോയൊന്നു കെടത്തോ..??_ ന്നു ചോദിയ്ക്കേണ്ട അവസ്ഥയിലായെങ്കിലും പെണ്ണുങ്ങടെമുന്നിൽ പട്ടിഷോകാണിച്ച മൈരനെ ഞാനൊന്നുനോക്കി; നീ വാട്ടാ തരാം..!!_ എന്നർത്ഥത്തിൽ…
“”…അതുവിട്..!!”””_ മൊത്തത്തിൽ വിയർത്തഞാൻ വലതുകയ്യുയർത്തി ഷർട്ടിന്റെസ്ലീവിൽ മുഖംതുടയ്ക്കുന്നകണ്ടതും ആതിരയെന്നെ സമാധാനപ്പെടുത്താനെന്നപോലെ പറഞ്ഞ് മീനാക്ഷിയ്ക്കു നേരേതിരിഞ്ഞു;
“”…എന്നാലും നീയെന്തു പൊട്ടത്തിയാടീ… ഇത്രേം ചുള്ളനായിട്ടുള്ളൊരു ചെക്കൻവന്നിഷ്ടാന്നു പറഞ്ഞിട്ട് നീ വേണ്ടെന്നുപറഞ്ഞില്ലേ..?? ഛെ..!!”””
“”…ഒന്നു പോടീ.! അതിനു ഞാനറിയുന്നോ, ആ കൊച്ചു ഗുണ്ടുമണിയ്ക്ക് വലുതാവുമ്പോ ഇത്രേംഹൈറ്റും ഗ്ലാമറുമൊക്കെ വരുന്നെന്ന്..?? അല്ലേ ഞാനന്നേ അങ്ങക്സെപ്റ്റ് ചെയ്യില്ലായ്രുന്നോ..??”””_ അതുകേട്ടതും ആതിരയെന്റെ നേരേ മുഖംചെരിച്ചു;
“”…പിന്നെ ഹീറോ… ഇവളിപ്പഴും കമ്മിറ്റഡൊന്നുമല്ലാട്ടോ… ഇവടെക്കിടന്ന് വില്ലത്തി കളിയ്ക്കുന്നോണ്ട് ബോയ്സിനൊക്കെ ഈ ശവത്തിന്റെ നിഴലിചവിട്ടാമ്പേടിയാ… അതോണ്ട് വേണോങ്കിൽ ഹീറോയ്ക്കിപ്പഴുമൊരു ചാൻസുണ്ട്..!!”””
…അതിനുനിന്റെ തന്ത ഫ്രീയല്ലേ..?? ന്നു ചോദിയ്ക്കണംന്നുണ്ടായ്രുന്നൂ മനസ്സിൽ… പക്ഷേ, വാർദ്ധക്യപെൻഷന് എഴുതിക്കൊടുക്കാൻ അക്ഷയകേന്ദ്രത്തിൽ പോയിരിയ്ക്കുമ്പോലെ ഇരിയ്ക്കുന്ന ഞാനെന്തോ മിണ്ടാൻ..??
അങ്ങനെ വാടിത്തളർന്ന പൂപോലെ ഞാൻ മുഖംകുമ്പിട്ടിരിയ്ക്കുമ്പോൾ തട്ടമിട്ടഒരുത്തിവന്ന് മീനാക്ഷിയേയും ആതിരയേയും രണ്ടു കൈകളിലായി പിടിച്ചുവലിച്ചു;
“”…കോളേജിനകത്തുവെച്ച് ബോയ്സിനെ ടോർച്ചർചെയ്യുന്നതു പോരാഞ്ഞിട്ടാണോ പുറത്തിറങ്ങിയും തുടങ്ങിയേക്കുന്നേ..?? വായിങ്ങട്..!!”””_അവളാ രണ്ടുസാധനങ്ങളേയും പിടിച്ചുവലിച്ചുകൊണ്ട് വെയിറ്റിങ്ഷെഡിൽ നിന്നുമിറങ്ങിയപ്പോഴാണ് എന്റെശ്വാസമൊന്നു നേരേവീണത്…
എങ്കിലും അവളുപറഞ്ഞതിന്റെ ഇമ്പാക്ട് അവിടെകൂടിനിന്ന പിള്ളേരുടെമുഖത്തൊരു ആക്കിയചിരിപോലെ നിഴലിച്ചപ്പോളെന്റെ തല വീണ്ടുംകുനിഞ്ഞു…
പിന്നൊന്നു മുഖമുയർത്തി ആരേയും നോക്കാനാവാതെ ഞാനിവിടെ പതുങ്ങിയിരിയ്ക്കുവാണ് ചെയ്തത്…
കോളേജിനുമുന്നിലൂടെയുള്ള രണ്ടു മെയിൻ റൂട്ട്ബസ്സുകൾ വന്നുപോയതോടെ അന്തരീക്ഷമേതാണ്ടൊക്കെ ശാന്തമായിയെന്നുപറയാം…
പിന്നവിടവിടെയായി രണ്ടോമൂന്നോ കുട്ടികൾ മാത്രമേയുണ്ടായ്രുന്നുള്ളൂ…
അതോടെ വിളറിവെളുത്തിരുന്ന എന്റെയടുത്തേയ്ക്ക് കാർത്തിക് നീങ്ങിയിരുന്നു…
“”…എടാ അവള്മാര് പറഞ്ഞതു സത്യാണോ..??”””_ ആ ചോദ്യംകേട്ടതും ഞാൻ മുഖമുയർത്തി അവനെയൊന്നുനോക്കി…
പിന്നെ ചുറ്റുമൊന്നുവീക്ഷിച്ചശേഷം അവന്റെ കഴുത്തിൽപ്പിടിച്ചു മുന്നിലേയ്ക്കു കുനിച്ചുനിർത്തി പെരുമ്പറപോലെ മുതുകിൽ നാലഞ്ചിടിപൊട്ടിച്ചു…