“”…അതെന്ത്രാ മൈരേ… നീയങ്ങനെ പറഞ്ഞേ..??”””_ എനിയ്ക്കു മൊത്തത്തിൽ ചൊറിഞ്ഞുകേറിയതും ഞാനവന്റെനേരേ ചീറി…
“”…അല്ല… ഇനീപ്പൊ നാളേമവളുവന്നു മുന്നിച്ചാടിയാ നിന്റെ ഗ്യാസു പോവോലോ… അപ്പൊ കാർത്തിപറഞ്ഞപോലെ നീ വരാത്തതാ നല്ലത്..!!”””_ കാർത്തിയെ സപ്പോർട്ടുചെയ്ത് മഹേഷിന്റെ ശബ്ദംകൂടിയുയർന്നതും എനിയ്ക്കു മൊത്തത്തിൽ വിറഞ്ഞുകേറി…
“”…അതു ശെരിയാ.! ഇന്നീ നാറിയില്ലായ്രുന്നേ അവനേം പഞ്ഞിയ്ക്കിട്ടിട്ട് നാളെ അഞ്ജനയുടെമുന്നിൽ നെഞ്ചുംവിരിച്ചു പോയി നിയ്ക്കായ്രുന്നു… ശ്ശേ..!!”””_ കൂട്ടത്തിലൊരുത്തൻ അങ്ങനെപറഞ്ഞതും എല്ലാംകൂടിയതിന് യെസ്സു വെയ്ക്കുവേം ചെയ്തു…
അവന്മാരുടെ ഡിസ്കഷനൊടുക്കം നാളെയെന്നെ കൊണ്ടുവരണ്ടെന്നു വരെയായി…
ശ്രീയാണെങ്കിലൊന്നും മിണ്ടുന്നുമില്ല…
അവനു തല്ലാൻപറ്റാഞ്ഞതിനും മേലേ ഞാൻ മീനാക്ഷിയുടെകാര്യം ഇത്രയുംനാളായി ഒരു വാക്കുപോലും സൂചിപ്പിയ്ക്കാഞ്ഞതിലുള്ള വിഷമമാണെന്നെനിയ്ക്കു തോന്നി…
“”…നിർത്തിനെടാ മൈരുകളേ… ഇന്നു പെട്ടെന്നവളെയങ്ങനെ കണ്ടപ്പോളെങ്ങനെ പ്രതികരിയ്ക്കണോന്നറിയാതെയായിപ്പോയി എന്നതുസത്യാ… എന്നുകരുതി എപ്പഴുമങ്ങനെയാവണോന്നില്ല… ഇനിയവളെന്റെ മുന്നിവരട്ടേ… എന്റെ തനിക്കൊണമവള് കാണും..!!”””_ ടെംബറുകേറിയതും വായിൽവന്ന ഡയലോഗൊക്കെ അടിച്ചശേഷം ഞാൻതുടർന്നു;
“”…പിന്നെ നീയൊക്കെയെന്നെയങ്ങ് ഒഴിവാക്കിക്കളയോന്നു പറഞ്ഞില്ലേ… ഒരുകോപ്പും നടക്കാമ്പോണില്ല… വേണോങ്കി നിന്റെയൊന്നുമൊരു സഹായോമില്ലാതെ കോളേജിക്കേറിയവനെ തല്ലാനുള്ള മനസ്സും ധൈര്യോക്കെ എനിയ്ക്കുണ്ട്… അതുകൊണ്ട് വെറുതെ തൊലിയ്ക്കാൻ നിയ്ക്കല്ലേ..!!””” _ കട്ടകലിപ്പിൽ തന്നെന്റെ സ്വരമുയർന്നതും അവിടെനിന്നവരൊക്കെ ഞങ്ങളെ ശ്രെദ്ധിയ്ക്കാൻതുടങ്ങി…..!
“”…എടാ നീയതുകള.! അവന്മാരു വെറുതെ തമാശ പറഞ്ഞതല്ലേ.! ഇനി പറഞ്ഞു വഷളാക്കണ്ട… വാ പോവാം..!!”””_ എന്നെയൊന്നു സമാധാനിപ്പിയ്ക്കുന്നതിനൊപ്പം ശ്രീയെന്നെയും തള്ളിക്കൊണ്ട് വെയ്റ്റിങ് ഷെഡ്ഡിൽ നിന്നുമിറങ്ങിയതും അവന്മാരും കൂടെയിറങ്ങി…
“”…സിത്തൂ… അതൊക്കെ വിട്ടുകളയടാ… അപ്പൊ നാളെ കോളേജിക്കാണാം..!!”””_ ബൈക്കിൽകയറി യാത്രപറഞ്ഞവന്മാര് പലവഴിയ്ക്കുപോയതും ഞങ്ങളും വീട്ടിലേയ്ക്കുതിരിച്ചു…
“”…ഡാ… നീയതിതുവരെ വിട്ടില്ലേ..??”””_ തിരിച്ചുവരവിൽ പതിവിനുവിപരീതമായി ശ്രീ നിശബ്ദതനായപ്പോൾ ഞാൻ കാര്യമറിയാനായി ചോദിച്ചു…
“”…എന്തു വിട്ടില്ലേന്ന്..??”””
“”…മീനാക്ഷീടെ കേസ്..!!”””
“”…അതൊക്കെ ഞാനപ്പഴേവിട്ടു.! ഞാനതല്ല… മറ്റവനെ പഞ്ഞിയ്ക്കിടുന്ന കാര്യമാലോചിയ്ക്കുവായ്രുന്നു..!!”””_ അവൻ ബൈക്കു സ്ലോചെയ്ത് ഹമ്പു ചാടിച്ചതും,
“”…എടാ കോപ്പേ… നിനക്കീ പഞ്ഞിയ്ക്കിടുന്ന കേസല്ലാതെ വേറൊന്നുമ്പറയാനില്ലേ..?? എന്തു മൈരനാടാ നീ..??”””_ എന്നുംചോദിച്ചു ഞാനവന്റെ തോളിലേയ്ക്കു മുഖംചായ്ച്ചു…
“”…ആ.! ഞാൻ മൈരന്തന്നെ.! എന്നിട്ട് മൈരനല്ലാത്ത നിനക്ക് കണ്ടപെണ്ണുങ്ങടെ വായീന്ന് വയറുനിറയെ കിട്ടിയല്ലോ, നാണംകെട്ടവൻ.! ഞാൻ വല്ലതുമായ്രിയ്ക്കണമായ്രുന്നു… അവളാ നടുറോട്ടിൽ മലന്നുകിടന്നു നക്ഷത്രമെണ്ണിയേനെ..!!”””_ അവനൊന്നു കൊള്ളിച്ചത് അത്യാവശ്യം വൃത്തിയായിത്തന്നെ എനിയ്ക്കുകൊണ്ടു…
“”…അതിന്നല്ലേ..?? ഇനി മുന്നിക്കാണട്ടേ… അവളുനിന്ന് കുതിയ്ക്കും… നീ നോക്കിയ്ക്കോ..!!”””
“”…ഉവ്വേ.! നീയീ ഞായമ്മിടുന്നതുമുഴുവൻ ഇനിയവളെ കാണില്ലെന്നുള്ള ധൈര്യത്തിലല്ലേ..?? അവളു മുന്നിവരുമ്പോ നോക്കിയ്ക്കോ, നിന്റെ മുട്ടിടിയ്ക്കും..!!”””_ അവൻ തമാശമട്ടിലാണ് പറഞ്ഞതെങ്കിലും
അതൊരുപരിധിവരെ സത്യമായ്രുന്നു…
ബുദ്ധിയുറച്ച നാളുമുതല് പല അലമ്പും കാണിച്ചിട്ടുണ്ടെങ്കിലും അവളുടെമുന്നിൽ പ്ലിങ്ങിയപോലെ ജീവിതത്തിലതുവരെ ഞാൻ പ്ലിങ്ങിയിട്ടുണ്ടായ്രുന്നില്ല…
“”…നീ കൂടുതൽ ചെലയ്ക്കാണ്ട് നേരേ നോക്കിയോടിച്ചേ..!!”””_ ഉത്തരംമുട്ടിയ ഞാൻ, അവൻ പറഞ്ഞതിഷ്ടപ്പെടാതെ പുറത്തിട്ടൊരു കുത്തുകൊടുത്തു…
പിന്നീടവൻ കുറേനേരത്തേയ്ക്ക് കോളേജിലെയും ക്ലബ്ബിലെയുമൊക്കെ കാര്യങ്ങളും പറഞ്ഞിരുന്നാണ് വണ്ടിവിട്ടത്…
എന്നാലവൻ പറഞ്ഞതൊക്കെ മൂളിക്കേൾക്കുമ്പോഴും എന്റെ മനസ്സുമുഴുവൻ മീനാക്ഷിയായിരുന്നു…
…അറിവില്ലാത്ത പ്രായത്തിലെന്നോ പറ്റിയൊരു കയ്യബദ്ധം… അതു കൂട്ടുകാരികളോടൊക്കെ പറഞ്ഞെന്നെ കളിയാക്കിയത് പിന്നെയും ക്ഷമിയ്ക്കാം… എന്നാലത്രയും ആളുകൾടെ മുന്നിൽവെച്ച് അതും ഇത്രയുംവർഷം കഴിഞ്ഞതിനുശേഷം കൂട്ടുകാരിയ്ക്കൊപ്പം വന്നു കളിയാക്കുകയെന്നൊക്കെ പറഞ്ഞാൽ, ശ്ശേ.! ഓർക്കാൻകൂടി വയ്യ.!
എന്നോടൊപ്പം കളിയ്ക്കുകേം വർത്താനംപറയുകേം… ഒരിയ്ക്കൽ ലവ് ലെറ്റർകൊടുത്തപ്പോൾ കീത്തൂനോടുപോലും പറയാതിരുന്ന, റ്റാറ്റുവുംകുത്തി കൈയും മുറിച്ചുചെന്നപ്പോൾ നടുറോഡിൽവെച്ചെന്നെ ശുശ്രൂഷിച്ച, ഒടുക്കം കല്യാണം കഴിയ്ക്കണോന്നു വാശിപിടിച്ചപ്പോൾ മറ്റാരോടുംപറയാതെ
ഉപദേശിയ്ക്കാൻ തക്കപക്വതകാണിച്ച, ഇതിനെല്ലാം പുറമേ പിന്നെയും വന്നെന്നോടു കൂട്ടുകൂടിയ ആ മീനുവേച്ചിയെയായിരുന്നോ കുറച്ചുമുന്നേ ഞാൻകണ്ടത്..??
“”…ഡാ മൈരേ… ഞാഞ്ചോയ്ച്ച നീ കേട്ടോ..??”””_ശ്രീ കഴുത്തൊന്നു പിന്നിലേയ്ക്കുചെരിച്ച് എന്നെനോക്കി ശബ്ദമുയർത്തിയപ്പോൾ ഞാനൊന്നു ഞെട്ടി…
“”…എന്താ..??”””_ ഞാൻ വീണ്ടുമവന്റെ തോളിലേയ്ക്കു മുഖംചായ്ച്ചു…
“”…നീയെന്തോ ഉറങ്ങുവാണോ..??”””
“”…ങ്ഹൂം.! നീയെന്താ ചോയ്ച്ചേ..??”””
“”…എടാ ഞാനവളെ, ആ മീനാക്ഷീനെ കണ്ടിട്ടിപ്പൊൾ ഏതാണ്ട് ആറേഴു വർഷായ്ട്ടുണ്ടാവും… നീയിതിനെടേല് വല്ലോം കണ്ടിട്ടൊണ്ടോ..??”””
“”…പോ മൈരേ… നീ പറഞ്ഞു വരുന്നെന്താന്നൊക്കെ എനിയ്ക്കു മനസ്സിലായി… ഞാമ്പറഞ്ഞില്ലേ, അന്നവള് പോയേപ്പിന്നെ ഞാനുംകണ്ടിട്ടില്ല… മാത്രോമല്ല അന്നാവിഷ്യമവിടെ തീരുവേംചെയ്തു..!!”””_ അവന്റെ ചോദ്യത്തിനുള്ളമറുപടി കുറച്ചുകടുപ്പത്തിൽതന്നെ കൊടുത്തുകൊണ്ട് ഞനവനോട് ചേർന്നിരുന്നു…
“”…ഏ… ഏ… ഏയ്.! കാടുകേറാതെ… കാടുകേറാതെ.! ഞാനതല്ലുദ്ദേശിച്ചേ..!!”””
“”…പിന്നെന്തു മറ്റേതാ നീ ഉദ്ദേശിച്ചേ..??”””
“”…നീയവളെ ഇത്രേന്നാളായ്ട്ടു കണ്ടിട്ടില്ല… ഇനി കണ്ടപ്പോളിട്ട് നിനക്കവളെ മനസ്സിലായതുമില്ല… പിന്നെങ്ങനെ അവൾക്കുനിന്നെ ഒറ്റ നോട്ടത്തിൽ മനസ്സിലായി..?? ഐഫീൽ സംതിങ് ഫിഷി..!!”””_ അതുംപറഞ്ഞവൻ ആക്കിയമട്ടിൽ ചിരിയ്ക്കുന്നത് റിയർവ്യൂ മിററിലൂടെയെനിക്കു വ്യക്തമായികാണാമായിരുന്നു…
“”…നീയിട്ടൂമ്പിയൂമ്പി വരുന്നതെങ്ങോട്ടാന്നൊക്കെ എനിയ്ക്കുമനസ്സിലായി… ഞാനിത്രേന്നാളും കാണാത്തോണ്ട് അവളെയെനിയ്ക്കു മനസ്സിലായില്ല, എന്നാലൾക്കെന്നെ മനസ്സിലായി… അതിനർത്ഥം മോനുദ്ദേശിച്ചു കഷ്ടപ്പെടുന്നത് അവളെന്നിത്രേംനാളും ഫോളോ ചെയ്യുവായ്രുന്നെന്നല്ലേ..??”””
“”…എന്നുറപ്പിച്ചു പറയുന്നില്ല… മേബീ ആവാം..!!”””