സ്ഥലം എഴുതി വാങ്ങാൻ അവശ്യമുള്ള പണം മറിക്കാൻ പറ്റിയ ഒരാളെ പരിചയപ്പെടുത്തമെന്നും ബാങ്ക് മാനേജർ ഏറ്റു…. എന്നിട്ട് ഒരു നമ്പർ കൊടുത്തു…
ഈ നമ്പറിൽ വിളിച്ച് കാര്യം പറഞ്ഞാൽ നടക്കും….
ഇതിനിടെ പുതിയ കമ്പനിയുടെ കാര്യങ്ങൾക്കായി നടക്കേണ്ടതുള്ളതുകൊ ണ്ട് ജോലി ചെയ്തിരുന്ന കമ്പനിയിൽ നിന്നും റിസ്സൈൻ ചെയ്തു…..
മാനേജർ കൊടുത്ത നമ്പറിലേക്ക് അന്നുതന്നെ സുമേഷ് വിളിച്ചു….
ഫോണെടുത്ത ആളോട് വിവരങ്ങൾ ചുരുക്കി പറഞ്ഞു…. നേരിട്ട് വന്നു കാണാൻ മറുതലക്കൽ നിന്നും പറഞ്ഞു… വരേണ്ട അഡ്ഡ്രസ്സും പറഞ്ഞു….
ഇനി സുമേഷിന് ആസമയത്ത് അറിയത്തില്ലാത്ത ചില കാര്യങ്ങൾ നിങ്ങളോട് മാത്രം പറയാം…
സുമേഷ് വിളിച്ചയാൾ നഗരത്തിലെ എന്തിനും പോന്ന ഒരു ഗുണ്ടയും വട്ടി പലിശക്കാരനുമായ സ്റ്റീഫനാണ്…
രാഷ്ട്രീയക്കാരുടെയും ഉയർന്ന ഉദ്ധ്യോഗസ്ഥരുടെയും ബ്ളാക് മണിയുടെ സൂക്ഷിപ്പുകാരൻ… ആ പണമാണ് സ്റ്റീഫൻ പലിശക്ക് കൊടുക്കുന്നത്… പലിശ സ്റ്റീഫൻ എടുക്കും മുതൽ എപ്പോഴും സുരക്ഷിതമാ ണ്… എന്തിനും മടിയില്ലാത്ത മനസും സാമാന്യത്തിൽ അധികം ആരോഗ്യവും ഉന്നതങ്ങളിലെ പിടിപാടും ഒക്കെ കൊണ്ട് സ്റ്റീഫൻ എന്ന നാല്പതു കാരനോട് ആരും ഉടക്കാറില്ല… ഉടക്കിയ ആരും ഇപ്പോൾ ജീവനോടെ ഇല്ല….
ഈ സ്റ്റീഫന്റെ നമ്പറാണ് ബാങ്ക് മാനേജർ സുമേഷിന് കൊടുത്തത്… ബാങ്കിൽ ലോൺ ചോദിച്ചു വരുന്ന പലരെ യും സ്റ്റീഫന്റെ അടുത്തേക്ക് മാനേജർ പറഞ്ഞു വിടും… അതിനു നല്ല കമ്മീഷനും സ്റ്റീഫൻ കൊടുക്കും….
ഫോണിൽകൂടി പറഞ്ഞ അഡ്രസ്സിൽ സുമേഷ് എത്തി… വളരെ പഴക്കമുള്ള വലിയ ഒരു വീട്… മുറ്റമൊക്കെ കരിയിലയും പുല്ലും നിറഞ്ഞ ആൾ താമസം ഉണ്ടന്ന് തോന്നാത്ത ഒരു ബംഗ്ലാവ്…. സുമേഷിന്റെ കാറിന്റെ ശബ്ദം കേട്ട് അൻപതു വയസ്സ് തോന്നിക്കുന്ന ഒരാൾ പുറത്തേക്ക് വന്നു..
അയാളോട് കാര്യം പറഞ്ഞപ്പോൾ മുകൾ നിലയിൽ കാണണ്ട ആളുണ്ട് എന്ന് പറഞ്ഞു… മരം കൊണ്ടുള്ള ഗോവണി കയറി മുകളിൽ എത്തിയ സുമേഷ് ആരെയും കാണാത്തതുകൊണ്ട് ഒന്ന് ചുമച്ചു….
ആ… വാ… കയറി വാ…
ശബ്ദം കേട്ട മുറിയിലേക്ക് കയറിയ സുരേഷിന്റെ മുൻപിൽ ആദ്യമായി സ്റ്റീഫൻ പ്രത്യക്ഷപ്പെട്ടു…
ആറടിയോളം ഉയരമുള്ള ആരോഗ്യ ദൃഡഗാത്രനായ ഒരാൾ… മുഖത്ത് കുറ്റി രോമങ്ങൾ കട്ടിയുള്ള മേൽ മീശ…. ടി ഷർട്ടിനുള്ളിൽ തെറിച്ചു നിൽക്കുന്ന മസിലുകൾ…..
താമസിക്കുന്ന ഫ്ലാറ്റിന്റെ പേര് പറഞ്ഞപ്പോൾ തന്നെ സ്റ്റീഫന് ആൾ ദരിദ്ര വാസിയല്ലന്ന് മനസിലായി…. വിവരങ്ങൾ എല്ലാം അറിഞ്ഞപ്പോൾ സ്റ്റീഫൻ പറഞ്ഞു…
സുമേഷേ… ഞാൻ ബാങ്ക് നടത്തുന്ന ആളൊന്നും അല്ല… പിന്നെ വളരെ വേണ്ടപ്പെട്ടവർക്ക് അത്യാവശ്യം വരുമ്പോൾ സഹായിക്കും… അത്രേ ഒള്ളു….
പിന്നെ തന്നെ പറഞ്ഞുവിട്ട ബാങ്ക് മാനേജർ എനിക്ക് വേണ്ടപ്പെട്ട ആളാണ്. അതുകൊണ്ട് തന്നെ ഉപേക്ഷിക്കാനും പറ്റില്ല…
പലിശ ഇത്തിരി കൂടുതലാ… അത് കറക്റ്റായി കിട്ടുകയും വേണം…. താൻ ചോദിച്ച 80 ലക്ഷം തരാം…മാസം രണ്ടര ലക്ഷം പലിശ തരണം…. തക്കതായ ഈടും തരണം…. പിന്നെ ഈ വീട് കണ്ടോ…? എന്റെ അപ്പനൊണ്ടാക്കിയതൊന്നും അല്ല ഇത്… ഈ നഗരത്തിലെ വലിയ ഒരു ബിസ്സിനെസ്സ് കാരന്റെ വീടായിരുന്നു… ഇതു പോലെ ഒരു തുക എന്നോട് വാങ്ങിയതാ… ഇപ്പോൾ എന്റെ വീടായി….മനസിലായല്ലോ അല്ലേ..?
അതിപ്പോൾ…. ഈടായി തരാൻ…!
ഒന്നുമില്ലേ….! എന്നാൽ നടക്കില്ല മോനേ… പണം തന്നിട്ട് പിറകെ നടക്കാനൊന്നും എനിക്ക് വയ്യ…. ആ… പൊയ്ക്കോ …പോയി ആലോചിച്ചിട്ട് വിളിക്ക്….
അന്ന് വളരെ നിരാശനയാണ് സുമേഷ് ഫ്ലാറ്റിൽ എത്തിയത്…. വിവരം തിരക്കിയ കീർത്തിയോട് വിവരങ്ങൾ ഒക്കെ സുമേഷ് പറഞ്ഞു….
ഇനി വിൽക്കാൻ ഒന്നുമില്ല…. ചോദിച്ചാൽ തരുന്ന എല്ലാവരോടും വാങ്ങിയാണ് കൈയിൽ ഉള്ള രണ്ടര കോടി സംഘടിപ്പിച്ചത്….
വളരെ നിരാശയോടെ പ്രോജെക്ട് വേണ്ടന്ന് വെയ്ക്കാം എന്നുപറഞ്ഞ സുമേഷിനോട് കീർത്തി പറഞ്ഞു…
ചേട്ടന് പ്രോജക്റ്റിൽ വിശ്വാസം ഉണ്ടങ്കിൽ ഈ ഫ്ലാറ്റിന്റെ പ്രമാണം ഇടായി അയാൾക്ക് കൊടുത്തുകൂടെ….