അയാൾ അവളെ പിടിച്ചെഴുന്നേൽപ്പിച്ചു….. ഒരുതവണകൂടെ ശ്രീധരന്റെ കൈ അവളുടെ മുഖത്ത് പതിഞ്ഞു….ശ്രീധരൻ പിടിച്ചിരുന്നതിനാൽ ഇത്തവണ അവൾ വീണില്ല പക്ഷെ ചുണ്ടിന്റെ ഒരുവശം പൊട്ടി രക്തം പൊടിഞ്ഞു
“മുകുന്ദൻ എന്നെ വിളിച്ചിരുന്നു …. കേട്ടപ്പോ തൊലി ഉരിഞ്ഞുപോയി…. അവന്റൊപ്പം പോയെന്നുകരുതി നിന്റെ എന്തെങ്കിലും തൊഴിഞ്ഞുപോകുവോടി…. ഇനി…. ഇനി ഒരിക്കൽക്കൂടെ ഇതുപോലെ ഒന്ന് ആവർത്തിക്കരുത്….”
താക്കീതോടെ പറഞ്ഞുകൊണ്ട് ശ്രീധരൻ പുറത്തേക്ക് പാഞ്ഞു…. പുകയുന്ന മുഖത്ത് കൈവച്ചുകൊണ്ട് അവൾ വേദനയോടെ അനൂപിനെ നോക്കി… അവൻ മുഖം തിരിച്ചുകളഞ്ഞു
അച്ഛൻ അടിച്ചതിനേക്കാൾ വേദന അവന്റെ പെരുമാറ്റത്തിൽ നിന്നും അനാമിക അനുഭവിച്ചു…. ഏട്ടൻ എന്നുമുതലാ ഇങ്ങനെ ആയത്?…. കൃത്യമായി പറഞ്ഞാൽ അച്ഛനൊപ്പം ബിസിനസിലേക്ക് ഇറങ്ങിയതിന് ശേഷം…. പണത്തിന്റെ ഹുങ്ക് മനുഷ്യരെ പാടെ മാറ്റുമെന്നുള്ളതിന് ഏറ്റവും നല്ല ഉദാഹരണമാണ് ഏട്ടൻ
മുറി അടച്ചുപൂട്ടി അവൾ കട്ടിലിൽ നിവർന്നുകിടന്നു… മുഖത്തെ വേദനയിലും ചുണ്ടിലെ നീറ്റലിലും അനാമിക മയങ്ങിപ്പോയി…. ബാഗിൽ കിടന്ന മൊബൈലിൽ സെറയുടെ മിഥുന്റെയും കാളുകൾ മാറി മാറി വരുന്നത് അവൾ അറിഞ്ഞില്ല
.
.
.
.
രാത്രി മയങ്ങി മറ്റൊരു പുലരി ഉണർന്നു…. പകൽക്കാല മേഘങ്ങൾ പുൽകിയെത്തിയ സൂര്യന്റെ നേർത്ത കിരണങ്ങൾ കണ്ണുകളിലേക്ക് പതിച്ചതും അനു ഞെട്ടി ഉണർന്നു….. മുഖത്തിന്റെ ഒരുവശത്ത് അപ്പോഴും വേദന ബാക്കിയായി
കുളിച്ചിറങ്ങി കോളേജ് യൂണിഫോം ധരിച്ചു…. മുടി അഴിച്ച് മുഖത്തിന്റെ ഒരുവശം മറയുന്ന വിധത്തിൽ ഇട്ടു….മറ്റ് ഒരുക്കങ്ങൾ ഒന്നുമില്ലാതെ അവൾ ബാഗുമെടുത്ത് താഴേക്ക് ഇറങ്ങി
ക്യാമ്പസിന്റെ മുന്നിൽ തന്നെയും കാത്ത് നിൽക്കുന്ന സെറയെ കാണുന്നതുവരെ അനാമികയുടെ കണ്ണുകളിൽ കാർമേഘം മൂടിനിന്നു…. അനുവിന് അവളെ കാണണമായിരുന്നു….. തന്റെ ധൈര്യം….ഓടി തന്റെ നെഞ്ചിലേക്ക് വീണ് പൊട്ടികരയുന്നവളെ സെറ പകപ്പോടെ ചേർത്തുപിടിച്ചു
“എന്തുപറ്റി അനു…. എന്തിനാ കരയുന്നെ…..”
“എനിക്ക്…. എനിക്ക് അവനെ കല്യാണം കഴിക്കണ്ടടി…”
കുഞ്ഞുകുട്ടികളെപ്പോലെ അനു അവളുടെ നെഞ്ചിൽ കിടന്ന് തേങ്ങി…. സെറ ചുറ്റും കണ്ണോടിച്ചു…. പലരും അവരെ സംശയത്തിന്റെ നിഴലിൽ നോക്കുന്നുണ്ടായിരുന്നു…. ഒരുവിധം സെറ അവളെ സമാധാനിപ്പിച്ചു വാഷ്റൂമിലേക്ക് കൊണ്ടുപോയി….
തുടരും