അമ്മയുടെ വേര്പാടിനു ശേഷം അച്ഛനോട് ഒരു പുനര് വിവാഹം ചെയ്യാന് ഞാനടക്കം പലരും നിര്ബന്ധിച്ചു. പക്ഷേ അച്ഛന് വഴങ്ങിയില്ല. എന്റെ ജീവിതത്തില് ഇനി മറ്റൊരു സ്ര്തീക്ക് സ്ഥാനമില്ല എന്നായിരുന്നു അച്ഛന് പറഞ്ഞിരുന്നത്. അമ്മ മരിക്കുന്നതിനു മുമ്പ് ഒരു ഫിറ്റ്നസ് മാനിയാക് ആയിരുന്ന അച്ഛന് പുറത്തേക്കിറങ്ങുന്നതും മോണിംഗ് വാക്കുമെല്ലാം നിര്ത്തി. പണ്ട് അച്ഛനുമമ്മയും ഉപയോഗിച്ചിരുന്ന ടോയ്ലറ്റ് അറ്റാച്ഡ് ബഡ് റൂമില് നിന്ന് വിവാഹത്തിനു മുമ്പ് ഞാന് ഉപയോഗിച്ചിരുന്ന മുറിയിലേക്ക് അച്ഛന് മാറി .
ആകെ ഒരു വിരക്തനെ പോലെയായിരുന്നു അപ്പോഴത്തെ അച്ഛന്റെ ജീവിതം. വീട്ടു ജോലിക്കായി ഉഷയമ്മായി ഏര്പ്പെടുത്തി കൊടുത്തിരുന്ന സ്ര്തീ രാവിലെ ഏഴു മണിക്ക് വന്ന് ബ്രേക്ക് ഫാസ്റ്റ് ലഞ്ച് എന്നിവയൊരുക്കി വീട്വൃത്തിയാക്കി തുണികള് വാഷീംഗ് മെഷീനില് അലക്കിയിട്ട് തിരിച്ച് പോകും. വൈകീട്ട് അഞ്ചു മണിക്ക് വന്ന് രാത്രിക്കുള്ള ഭക്ഷണം തയ്യാറാക്കി തിരിച്ച് പോകും ഇങ്ങനെയൊക്കെയായിരുന്നു പതിവ്.
ബാങ്കില് ജോലിക്ക് ചെല്ലാന് നിര്ബന്ധമുണ്ടായിരുന്നെങ്കിലും നോര്മലാകാന് കുറച്ച് സമയം കൂടി വേണം എന്ന് പറഞ്ഞ് ലീവ് നീട്ടിയെടുക്കുകയാണുണ്ടായത്. അച്ഛനു വേറെ ഫ്രണ്ട്സ് ഒന്നും ഉണ്ടായിരുന്നില്ല. അതിനാല് വീട്ടില് സന്ദര്ശകരും കുറവായിരുന്നു.
ഒരു ദിവസം പതിവ് പോലെയുള്ള ആഴ്ച സന്ദര്ശനത്തിനായിഞാന് പോയതായിരുന്നു. കോളിംഗ് ബല് അടിച്ചപ്പോള് കതക് തുറന്ന് തന്ന അച്ഛന്റെ രൂപം കണ്ട് എനിക്കെന്തോ പന്തികേട് തോന്നി. കണ്ണുകള് കരഞ്ഞ് കലങ്ങി ഒരു ഭ്രാന്തനെ പോലെയാണു അച്ഛനെ ഞാന് കണ്ടത്. വീട്ടിനകത്ത് കയറിയ ഞാന് കിടപ്പു മുറിയിലെ കട്ടിലില്നിരത്തിയിട്ടിരുന്ന അമ്മയുടെ വിവിധ കാലഘട്ടങ്ങളിലെ ഫോട്ടോകളായിരുന്നു കണ്ടത്. ബ്ലാക്ക് ആന്ഡ് വൈറ്റ് കാലം തൊട്ട് നല്ല ഡിജിറ്റല് ഫോട്ടൊകള് വരെ. അവ നോക്കിയിരുന്ന് അച്ഛന് സങ്കടപ്പെടുകയായിരുന്നു എന്ന് എനിക്ക് മനസ്സിലായി.
അഛന് ഊണു കഴിച്ചിട്ടുണ്ടായിരുന്നില്ല. ജോലിക്കാരി രാവിലെ വച്ചുണ്ടാക്കിയ ഭക്ഷണം മുഴുവന് തണുത്ത് കഴിക്കാന് കൊള്ളാത്ത രീതിയിലായിരുന്നു. ഞാന് അവയെല്ലാം ഒന്നു കൂടി ചൂടാക്കി അച്ഛനെ നിര്ബന്ധിച്ച് ഊണു കഴിപ്പിച്ചു. അച്ഛന്റെ ഒറ്റക്കുള്ള ജീവിതത്തിലെ ബോറടി മാറ്റാന് ഇനി എല്ലാ ദിവസവും പകല് സമയത്ത് ഞാന് വരുമെന്ന് പറഞ്ഞാണു തിരിച്ചു പോയത് . സനുവിന്റെ അച്ചനമ്മമാരോട് ഇക്കാര്യത്തെക്കുറിച്ച് സംസാരിച്ചപ്പോള് അവര്ക്കും വലിയ വിഷമമായി. ഇതിനൊരു പരിഹാരമായി അവര് പറഞ്ഞത് അച്ഛന് നോര്മലാകുന്നത് വരെ അച്ഛന്റെ കൂടെ പോയി താമസിച്ചു കൊള്ളാനാണു . എന്റെ മോള്ക്ക് ആ സമയത്ത് ഒന്നര വയസ്സ് പ്രായമായിരുന്നതിനാല് കാര്യമായി മുലകുടിയൊന്നും ഉണ്ടായിരുന്നില്ല.
അതിനാല് കുഞ്ഞിന്റെ കാര്യം അവര് നോക്കിക്കൊള്ളാമെന്നും ഇപ്പോള് അച്ചനെ നോര്മല് ജീവിതത്തിലേക്ക് തിരിച്ചു കൊണ്ടു വരേണ്ടത് അത്യാവശ്യമായതിനാല് എന്നോട് അച്ഛന്റെ കൂടെ പോയി താമസിച്ചു കൊള്ളാനും അവര് പറഞ്ഞു.അഴ്ചയില് ഒരു ദിവസം അവര് അച്ഛനെ കാണാന് വരാമെന്നും കൂടെ എന്റെ മോളെയും കൊണ്ടു വരാം അങ്ങിനെ കുറേശ്ശെയായി അച്ഛനെ ജീവിതത്തിലേക്ക് തിരിച്ച് കൊണ്ടു വരാമെന്നും അവര് പറഞ്ഞു. അതൊരു നല്ല അഭിപ്രായമായി എനിക്കും തോന്നി . ഇത്രയും നല്ല ഒരു അമ്മായിയച്ഛനേയും അമ്മായിയമ്മയേയും കിട്ടിയതില് ഞാന് ദൈവത്തോട് നന്ദി പറഞ്ഞു. അപ്പോള് തന്നെ ഞാന് അച്ഛനെ മൊബൈല് ഫോണില് വിളിച്ച് ഇവിടത്തെ തീരുമാനങ്ങള് അറിയിച്ചു. എല്ലാം കേട്ടപ്പോള് അച്ഛനു വലിയ സന്തോഷമായി.
അന്ന് രാത്രി തന്നെ ഞാന് സനുവിനെ വിളിച്ചും ഈ പുതിയ ഡവലപ്മെന്റ്സ് അറിയിച്ചു. സനുവിനും ഇക്കാര്യത്തില് എതിര്പ്പൊന്നുമില്ലായിരുന്നു. അങ്ങിനെ പിറ്റേന്ന് തന്നെ ഞാന് എന്റെ ഡ്രസ്സുകളെല്ലാം എടുത്ത് അച്ഛന്റെ കൂടെ താമസിക്കാനായി പുറപ്പെട്ടു. അങ്ങിനെ അമ്മയുടെ സ്ഥാനത്ത് നിന്ന് വീടിന്റെ ഭരണം നടത്താനും പഴയ അച്ഛനെ തിരിച്ചെടുക്കാനുമുള്ള ഒരു പുതിയ മിഷന് ഞാന് ഏറ്റെടുത്തു.