🏘️ബോസ്റ്റൻ ബംഗ്ലാവ് 🏘️ – 16 9അടിപൊളി 

5 മിനുട്ട് നടത്തതിന് ഒടുവിൽ അവൻ ബംഗ്ലാവിനു മുന്നിലെത്തി.കൊടും മഴയത്ത് ബംഗ്ലാവിലേക്ക് നോക്കിയ അവന് താനേതോ രാക്ഷസക്കോട്ടയിൽ എത്തിയ ഫീൽ ആയിരുന്നു.

“നിനക്കൊക്കെ എന്റെ പെണ്ണിനെ വേണമല്ലേട…..!”അവൻ മെല്ലെ പറഞ്ഞു. അന്ന് ഡാനിയുടെ മേൽ exorcism നടത്താൻ ശ്രമിച്ച ശേഷം അവന്റെ തലച്ചോർ കുഴഞ്ഞു മറിഞ്ഞു കിടക്കുകയാണ്.

ആന്റണി നടന്നു ബംഗ്ലാവിന്റെ വാതിൽക്കൽ എത്തിയതും, അവനുള്ള സ്വീകരണം എന്നോണം വീടിന്റെ മുൻ വാതിൽ തുറന്ന് കിടന്നു.

“ഈ വീട്ടിലാരും ഉറങ്ങും മുൻപ് കതകടക്കത്തില്ലേ…?”ചാരിയ വാതിൽ തള്ളിത്തുറക്കുമ്പോൾ ആന്റണി മനസ്സിൽ ഓർത്തു.

ഇരുട്ട് വീണ ഹാളിലേക്ക് കേറിയ അവൻ ടോർച് ലൈറ്റ് മുന്നിലേക്ക് അടിച്ചു.

മുന്നിൽ വലത് വശത്തായി ഒരു കൊച്ചു റൂം തുറന്ന് കിടക്കുന്നതും, അതിനുള്ളിൽ ലൈറ്റ് കത്തുന്നതും അവൻ ശ്രദ്ധിച്ചു.

അവന്റെ മനസ്സിൽ പഴയ ഓർമ്മകൾ വന്ന് പോയി.അതിനുള്ളിലാണ് ഡാനിയെ താനും ഭാര്യയും ചേർന്ന് exorcism ചെയ്യാൻ കൊണ്ടുപോയത്.പിന്നീട് അതിനുള്ളിൽ മറ്റെന്തോ കൂടി നടന്നിട്ടുണ്ട്.. അതവന് ഓർത്തു എടുക്കാൻ കഴിഞ്ഞില്ല.

ബംഗ്ലാവിന് തീ ഇട്ട് പൂർണ്ണമായും ഈ കെട്ടിടത്തെയും, ഇതിനുള്ളിലെ പിശാചുക്കളെയും ചുട്ടെരിക്കുക എന്നതായിരുന്നു ആന്റണിയുടെ വരവിന്റെ ഉദ്ദേശം. തീ കത്തിത്തുടങ്ങിയ ശേഷം വീട്ടുകാരെ എണീപ്പിച്ചു പുറത്തേക്ക് ഓടിക്കാം എന്നായിരുന്നു അവന്റെ പ്ലാൻ, അപ്പോൾ അവർക്ക് തീ അണയ്ക്കാൻ ഉള്ള സാവകാശം കിട്ടില്ല.ആദ്യം ആ സീക്രെട് റൂം തന്നെ കത്തിക്കാം എന്നവൻ തീരുമാനിച്ചു. കയ്യിൽ കരുതിയ പെട്രോൾ കന്നാസും തൂക്കി അവൻ ആ റൂമിന് ഉള്ളിലേക്ക് കയറി.

“ക്ടും…”ആന്റണി ഉള്ളിൽ കയറിതും അവന് പിന്നിൽ വാതിൽ താനേ കൊട്ടിയടച്ചു.

“വെൽക്കം ടു മൈ ഫേവറൈറ്റ് റൂം.. മിസ്റ്റർ….?” 19ആം നൂറ്റാണ്ടിലുള്ള കോട്ടും സൂട്ടും തൊപ്പിയും ഇട്ട ഒരു രൂപം ആ മുറിയുടെ ഒരറ്റത്തായി ചാരി ഇരുന്നു ആന്റണിയോട് സംസാരിച്ചു.ഫെഡറിക്ക് ആയിരുന്നു അത്.

“അ.. ആന്റണി…” റൂമിന് ചുറ്റും നോക്കി വിക്കികൊണ്ട് ആന്റണി തന്റെ പേര് മുന്നിൽ കണ്ട രൂപത്തോട് പറഞ്ഞു.

തന്റെ മുന്നിലിരുന്ന ഫെഡറിക്കിനെ ആന്റണി നന്നായി ഒന്ന് നോക്കി. ആദ്യമായി ആണ് അവനെ ആന്റണി കാണുന്നത്. കട്ട താടിയും മീശയും ഉള്ള രൂപം.ഇത്രയും കറുത്ത കണ്ണുകൾ മുൻപ് ആരിലും അവൻ കണ്ടിട്ടില്ല.ആ മുറിയിൽ ആകെ ഒരു സോഫ,ടേബിളിൽ അതിനു മുകളിൽ ഒരു മണ്ണെണ്ണ വിളക്കും മാത്രമേ ഉണ്ടായിരുന്നുള്ളു.ഫെഡറിക്ക് ഇരിക്കുന്ന കസേരയിലേക്ക് അവൻ നോക്കി.

അതേ.. ആ കസേരയിൽ ആയിരുന്നു അന്ന് exorcism ചെയ്യാനായി ഡാനിയെ കെട്ടിയിട്ടിരുന്നത് എന്നവന് ഓർമ്മ വന്നു.ഫെഡറിക്കിന്റെ പിന്നിലായി ഒരു ഭീമൻ കരടിയുടെ രൂപം ഇരിക്കുന്നതും ആന്റണി കണ്ടു.

“വെൽക്കം മിസ്റ്റർ ആന്റണി.. എന്റെ ബംഗ്ലാവിലേക്ക് നിനക്ക് സ്വാഗതം…ഫെഡറിക്ക് പറഞ്ഞു.

“നീ.. നീയാണോ ഈ വീട്ടിലെ പിശാച്…നിന്നെ ഇല്ലാതാകിയിട്ടേ ഞാനിവിടുന്നു പോകുള്ളൂ..”ആന്റണി കടുത്ത സ്വരത്തിൽ പറഞ്ഞു.

“ഹ ഹ.. ആന്റണി.. നീ പറഞ്ഞതിൽ അല്പം കാര്യമുണ്ട്.. ഈ ബംഗ്ലാവിൽ ചിലയിടങ്ങളിൽ പൈശാചികശക്തി ഉണ്ടെന്നുള്ളത് സത്യം തന്നെയാണ്, എന്നാൽ അത്പോലെ തന്നെ ഈശ്വരാദീനവും ഈ വീട്ടിൽ ഉണ്ട്…ഞാൻ ഈ വീട്ടിലെ ദൈവത്തിന്റെ പോരാളിയാണ്….

“ഏത്.. ദൈവം.. നീ.. നീയും പിശാച് തന്നെയാണ്…” ആന്റണി മറുപടി നൽകി.

“ഗർർർർ…”ഫെഡറികിന്റെ പിറകിൽ നിന്ന കരടി അനങ്ങുന്നത് കണ്ട ആന്റണി ഞെട്ടിപ്പോയി.. അത് ജീവനില്ലാത്ത പാവയായിരുന്നു എന്നാണ് അവൻ കരുതിയിരുന്നത്. അവന്റെ ശരീരം ഭയത്താൽ ചെറുതായി വിറച്ചു.

മുൻപ് ഈ മുറിയിൽ വെച്ചു ഈ കരടി ആക്രമിച്ചതൊന്നും അവന്റെ ഓർമയിൽ ഇല്ലായിരുന്നു.

“എനിക്ക് നിന്റെ അവസ്ഥ മനസിലാകും ആന്റണി. അന്ന് ഈ മുറിയിൽ വെച്ച് നിനക്കാ അപകടം നടന്നപ്പോൾ എനിക്ക് ഒന്നും ചെയ്യാൻ കഴിഞ്ഞില്ല..അന്നെന്റെ ശക്തി ആ പിഴച്ചവൾ കാരണം ക്ഷയിച്ചു ഇരിക്കുകയായിരുന്നു. എന്റെ കരടി നിന്നെ തിരിച്ചറിഞ്ഞില്ല.. അതുകൊണ്ടാണ് അന്ന് നിന്റെ മുന്നിൽ വെച്ചു അങ്ങനൊരു ഹീനകൃത്യം നടന്നത്…” ആന്റണിയുടെ മുന്നിലിട്ട് ലൈലയെ കളിച്ചത് സൂചിപ്പിച്ചുകൊണ്ട് ഫെഡറിക്ക് പറഞ്ഞു.എന്നാൽ അതിനെക്കുറിച്ചു ഒന്നും യാതൊരു ഓർമയും ഇല്ലാത്ത ആന്റണി ഒന്നും മനസിലാക്കാതെ കൺമിഴിച്ചു നിന്നു.