🏘️ബോസ്റ്റൻ ബംഗ്ലാവ് 🏘️ – 19 7

“ ഞാനാരാന്നുള്ളത് അവിടെ നിൽക്കട്ടെ നീയാരാ എന്നുള്ളത് നിനക്ക് അറിയാമോ..? മാസങ്ങൾക്ക് മുമ്പ് വരെ ആരാധിച്ചിരുന്ന ദൈവത്തെ തന്നെയാണോ നീ ഇപ്പോഴും ആരാധിക്കുന്നത്… നോ യു ആർ നോട്ട്…ചെകുത്താന് വേണ്ടിയാണ് നീ ഇപ്പോൾ ജോലി ചെയ്തുകൊണ്ടിരിക്കുന്നത്” ഫെഡറിക്ക് പറഞ്ഞു.

അപ്പോഴാണ് അവന്റെ കയ്യിലിരുന്ന ചെറിയൊരു തോക്ക് ലൈല കണ്ടത്.

“നോ..” ചെറുതായി ഭയന്ന് ലൈല പിറകിലേക്ക് രണ്ടടിവെച്ചു.ലൈല തിരിഞ്ഞുനോക്കി. ഇപ്പോഴാണ് താൻ എവിടെയാണ് ലൈല ശരിക്കും ശ്രദ്ധിച്ചത് ബംഗ്ലാവിൽ നിന്നും മാറി ഏകദേശം 100 മീറ്റർ അകലെയാണ് അവൾ നിൽക്കുന്നത്. സൂര്യപ്രകാശത്തിൽ ബംഗ്ലാവ് അകലെയായി തിളങ്ങിനിൽക്കുന്നത് അവർ ശ്രദ്ധിച്ചു. അപ്പോഴാണ് ശരിക്കും ഇട്ടിരുന്ന വസ്ത്രം പോലും അവൾ ശ്രദ്ധിച്ചത്. 19 ആം നൂറ്റാണ്ടിലെ ബ്രിട്ടീഷ് സ്ത്രീകൾ ധരിച്ചിരുന്നത് പോലെ ഒരു നീളൻ ഗൗൺ ആയിരുന്നു ലൈല ധരിച്ചിരുന്നത്.

“നുണ…”ഫെഡറിക്ക് തലയാട്ടിക്കൊണ്ട് പറഞ്ഞു. “ നിന്റെ ഭർത്താവ് ഒരു വിഡ്ഢിയാണ്..അവനെ എത്ര തവണ ഞാൻ മനസ്സിലാക്കാൻ ശ്രമിച്ചു എന്ന് എനിക്കുപോലും അറിയില്ല… നന്മയും തിന്മയും തമ്മിൽ വേർതിരിക്കാൻ അറിയാത്ത മണ്ടൻ..പക്ഷേ നിനക്ക് ഞാനൊരു അവസരം കൂടി നൽകുകയാണ്…നീ ചെയ്ത തെറ്റ് മനസ്സിലാക്കി പരിഹാരം കണ്ടെത്താൻ ശ്രമിക്കു..വാ എന്നെ സഹായിക്കു… നിന്നെയും നിന്റെ ഭർത്താവും ഞാൻ വീണ്ടും ഒരുമിപ്പിക്കാം” ഫെഡറിക്ക് പറഞ്ഞു.

“ എന്റെ ഭർത്താവ്” ലൈല രണ്ടടി കൂടി പിന്നിലേക്ക് വെച്ചു “അവൻ..അവനെപ്പറ്റി നിനക്കെന്ത്‌ അറിയാമെന്നാ പറയുന്നത്…?”

“ ആന്റണി..നിന്റെ ഭർത്താവ്…അവൻ ഒരു വിഡ്ഢിയാണ്.. എന്നോടൊപ്പം ചേരു….നിന്നെയും അവനെയും ഞാൻ വീണ്ടും ഒരുമിപ്പിക്കാം..” ലൈലക്കുനേരെ കൈ നീട്ടിക്കൊണ്ട് ഫെഡറിക്ക് പറഞ്ഞു.

“ നോ… നീ നീ ഒരു നുണയനാ.. ഐ ഡോണ്ട് ബിലീവ് യു” അതും പറഞ്ഞു പെട്ടെന്ന് ലൈല തിരിഞ്ഞ് ബംഗ്ലാവിലേക്ക് ഓടാൻ തുടങ്ങി.

“ഹും.. അപ്പോൾ വേട്ട തന്നെ” ലൈല ബംഗ്ലാവിലേക്ക് തിരികെ ഓടിക്കുന്നത് കണ്ടു ഫെഡറിക്ക് പറഞ്ഞു.

“ടോ…” പെട്ടെന്ന് ലൈല പിറകിൽ നിന്നും വെടിയൊച്ച കേട്ടു..അതുകേട്ട് ഭയന്നുവിളച്ച് അവൾ ഓട്ടത്തിന്റെ വേഗത കൂട്ടി. പിറകിൽ നിന്നും കുതിരക്കുളംപടിയുടെ ശബ്ദം അവൾ കേട്ടു. മെല്ലെ മെല്ലെ ആ ശബ്ദം അടുത്തടുത്ത് വന്നു. തന്റെ മരണം അവൾ മുന്നിൽ കണ്ടു.

“അമ്മേ….” ലൈല ഉറക്കത്തിൽ നിന്നും ഞെട്ടി ഉണർന്നു. ഇരുട്ടു വീണ ആ ബെഡ് റൂമിന് ചുറ്റും അവൾ നോക്കി.. ഇരുട്ട് അല്ലാതെ മറ്റൊന്നും അവൾക്ക് കാണാൻ സാധിച്ചില്ല. താൻ ബോസ്റ്റൻ ബംഗ്ലാവിനുള്ളിൽ ആണെന്നും ഇവിടെ താൻ സുരക്ഷിത ആണെന്നും അവൾക്ക് തോന്നി..മെല്ലെ മെല്ലെ അവളുടെ ഹൃദയമിടുപ്പ് നേരെ ആയി.എന്നിരുന്നാലും ഇപ്പോഴും കണ്ട സ്വപ്നത്തിൽ നിന്നും അവൾ പൂർണമായും മുക്ത ആയിരുന്നില്ല.മറ്റ് എങ്ങോട്ടെങ്കിലും സുരക്ഷിതമായി ഒരല്പം നേരം… 5 മിനിറ്റ് മാറിയിരിക്കണം എന്നവൾക്ക് തോന്നി.

ഗസ്റ്റ് റൂമിൽ നിന്നും പുറത്തേക്ക് ഇറങ്ങിയ ലൈല എങ്ങോട്ട് പോകണമെന്ന് അറിയാതെ നിന്നു. അവൾ നേരെ നടന്നെത്തിയത് ജോർജിന്റെയും ജൂലിയുടെയും റൂമിന് മുന്നിലായിരുന്നു. തുറന്നു കിടക്കുന്ന ജൂലിയുടെ ബെഡ്റൂം കണ്ട ലൈല അകത്ത് കയറണമോ വേണ്ടയോ എന്ന് അൽല്പനേരം ആലോചിച്ചെങ്കിലും ഒടുവിൽ കയറി.

കൂർക്കം വലിച്ചു ഉറങ്ങുന്ന ജോർജിനെയും ജൂലൈയും ആണ് നിലാവെളിച്ചത്തിൽ റൂമിനുള്ളിൽ അവൾ കണ്ടത്. മനസ്സിൽ തോന്നിയ ഒരു നിമിഷത്തിന്റെ ചിന്തയിൽ അവൾ മെല്ലെ ജൂലിയുടെ അരികിലേക്ക് നടന്നു. രാത്രി സമയം ദമ്പതികളുടെ റൂമിലേക്ക് കയറുന്നത് ചെറ്റത്തരം ആണെന്ന് അറിയാമെങ്കിലും ആ നിമിഷം കയറണം എന്നല്ലാതെ മറ്റൊന്നും ലൈലക്ക് തോന്നിയില്ല. ജൂലിയുടെ അരികിലേക്ക് ചെന്ന ലൈല കണ്ടത് ബ്രാ പോലും ഇടാതെ കിടന്നുറങ്ങുന്ന ജൂലിയെ ആണ്.

പെട്ടെന്ന് അരികിൽ ആരോ ഉണ്ടെന്ന് 6ത് സെൻസ് പോലെ തോന്നിയ ജൂലി കണ്ണുതുറന്ന് നോക്കി “ഡെയ്സി.. മോളേ..നീയാണോ… നീ എന്തിനാ ഇങ്ങോട്ട് വന്നത്? ഞാൻ പറഞ്ഞിട്ടില്ലേ അച്ഛൻ കണ്ടാൽ….”പാതി തുറന്ന കണ്ണുകളോടെ ജൂലി ചോദിച്ചു.