👨‍❤️‍👨👨‍❤️‍👨ശ്രീയുടെ ആമി – 2👨‍❤️‍👨👨‍❤️‍👨 12അടിപൊളി  

അടുത്ത ദിവസം ഔപചാരികമായ കല്യാണ നിശ്ചയം നടന്നു. അവർ തമ്മിൽ ചേർന്ന് നിന്ന് കുറേ ഫോട്ടോകൾ ഒക്കെ എടുത്ത് സംഭവം കളറാക്കി. അവളുടെ മനസ്സിൽ നിന്ന് വിഷമത്തിന്റെ പകുതിയോളം അകന്നു നിന്നു. മെറൂണിൽ ഗോൾഡൻ സ്ട്രിപ്പസ് ഉള്ള ചുരിദാർ ടോപ്പ്‌ ശരീരത്തിന്റെ അളവിൽ അടിച്ചിട്ടത് കൊണ്ട് അസാധ്യ ഭംഗിയായിരുന്നു അവൾക്ക്. എല്ലാരോടും കളിച്ചു ചിരിച്ച് ടിപ്പിക്കൽ ആമിയായി മാറി.

മുന്നേ അറിയാവുന്ന പൂർണ സ്വാതന്ത്ര്യം വച്ച് റൂമിൽ നിന്ന് ആരും കാണാതെ ശ്രീയുമായുള്ള സ്വകാര്യ നിമിഷങ്ങളിൽ ചുംബനങ്ങളും പകർന്നു. അതിൽ റിതിന്റെയത്ര പ്രാവിണ്യം ശ്രീക്ക് ഇല്ലെന്നവൾക്ക് ബോധ്യമായി. ഒരു പക്ഷെ റിലേഷൻ തുടങ്ങിയത് മുതൽ ശ്രീയുടെ ചുംബനം മാത്രം അറിഞ്ഞിരുന്നത് കൊണ്ട് തോന്നിയതാകാം.

വൈകുന്നേരമായപ്പോൾ എല്ലാവരും പോയി ബഹളമായ അന്തരീക്ഷം എല്ലാം ഒന്ന് കെട്ടടങ്ങി. കല്യാണം അടുത്ത മാസം പകുതി കഴിഞ്ഞ് ഉറപ്പിച്ചു. രണ്ട് ദിവസം കഴിഞ്ഞാൽ ഈ മാസം തീരും. ആമിയുടെ മെൻസസ് ഡേറ്റ് ഇടക്കൊക്കെ ക്രമം തെറ്റാറുണ്ടെങ്കിലും മിക്കവാറും മൂന്നിനോ നാലിനോ ആണ് ഉണ്ടാവാറ്. അതിന്റെയൊരു ചടപ്പ് ഇപ്പോഴേ വേണ്ടെന്നവൾ ഉറപ്പിച്ചിരുന്നു. ഫ്രഷായി റൂമിലേക്ക് വന്ന് അവൾ വെറുതെ റിതിയെ ഒന്ന് വിളിച്ചു നോക്കി.

“ഹെലോ..”

“ആ.. ആമി പറയ്..”

“എവിടെയാ..?”

“വീട്ടിലേക്ക് പോകുന്നു..”

“മ്മ്..”

“എന്തെ..? നിശ്ചയമൊക്കെ കഴിഞ്ഞില്ലേ..?”

“യെസ്…”

“ഗുഡ് ലക്ക്..”

“മ്മ് താങ്ക്സ്.. ഏട്ടനെന്നോട് ദേഷ്യമുണ്ടോ..?”

“എന്തിനു.?”

“എനിക്ക് ശ്രീയെ ചതിക്കാനാവില്ലേട്ടാ..”

“ഇത് ചതിയാണെന്ന് ആര് പറഞ്ഞു. അവന്റെ കാര്യങ്ങൾ നിനക്കും ബോധ്യപ്പെട്ടതല്ലേ..”

“പ്ലീസ് നമുക്ക് ഈ ടോപ്പിക്ക് വിടാം..”

“വൈ..?”

“എനിക്ക് ഒരേ സമയം രണ്ടാളെ സ്നേഹിക്കാനാവില്ല..”

“നിനക്ക് പറ്റിയതാണല്ലോ.. പിന്നെയെന്താ..?”

അവൾ ഒന്നും മിണ്ടിയില്ല…

“അതിനിടക്ക് കല്യാണം വന്നത് കൊണ്ടാണോ..? എനിക്കും നിന്നെ അത്രയേറെ ഇഷ്ടമുള്ളത് കൊണ്ടല്ലേ നിന്റെ സ്നേഹം കിട്ടണമെന്ന് ഞാൻ ആശിക്കുന്നത്.”

“പ്ലീസ് മതി..”

“ഓക്കേ…”

ആ സെക്കൻഡിൽ തന്നെ അവൻ കോൾ കട്ട് ചെയ്തു.

“റിതി…”

അവൾ പറയുന്നത് മുഴുവൻ കേൾക്കുന്നതിനു മുൻപേ റിതിൻ ദേഷ്യത്തോടെ കോൾ കട്ട് ചെയ്തത് കണ്ടപ്പോൾ ആമിക്ക് വല്ലാതെയായി. റിതിനും അത് സങ്കടമായെങ്കിലും തിരിച്ചു വിളിക്കാൻ നിന്നില്ല. സന്ധ്യ മയങ്ങുന്ന നേരം വണ്ടിയുടെ ലൈറ്റുകളും സ്ട്രീറ്റ് വെട്ടങ്ങളും കത്തി തുടങ്ങി. ഓറഞ്ച് കലർന്ന നിറക്കൂട്ട് പകർത്തിയ ആകാശത്തിൽ കണ്ണ് മിഴിച്ച് അവൻ കുറച്ചു നേരം നിന്നു.

അടുത്ത ദിവസം കൂടെയുള്ള സ്റ്റാഫുകൾക്ക്‌ വേണ്ടി രണ്ട് ബോക്സ്‌ ലഡ്ഡുവുമായാണ് ശ്രീയും ആമിയും ഓഫീസിൽ എത്തിയത്. തങ്ങളുടെ കല്യാണം ക്ഷണിച്ചു കൊണ്ട് എല്ലാവർക്കുമവർ ലഡ്ഡു വിതരണം നടത്തി. റിതിനും കിട്ടി ഒരെണ്ണം. മനസ്സിൽ ഒളിപ്പിച്ച വേദനയോടെ അവനും എടുത്തു. അത് ആമിക്ക് മനസിലായിരുന്നു. അവന്റെ മുഖം കണ്ട് അവളുടെ നെഞ്ചും ഒന്ന് ആസ്വസ്ഥമായി. ഇത് വരെ കാണാതിരുന്ന ഒരു സങ്കടം റിതിന്റെ മുഖത്തു നിഴലടിച്ചിരുന്നു. ബോസ്സിന്റെ കേബിനിൽ കയറിയപ്പോൾ നീണ്ട ദിവസത്തെക്ക്‌ വേണ്ടിയുള്ള ആമിയുടെ ലീവ് അപ്ലിക്കേഷൻ കണ്ട് ഒന്നൂടെ പിരിമുറുക്കം കൂടി.

വൈകുന്നേരം ഓഫീസ് ടൈം കഴിഞ്ഞ് എംപ്ലോയീസ് പോയി തുടങ്ങുന്ന സമയം ആമി വേഗം റിതിന്റെ കേബിനിൽ കയറി.

“എനിക്ക് സംസാരിക്കാനുണ്ട്.. പോകരുത്..”

എന്ന് പറഞ്ഞ ശേഷം അവൾ തിരികെ വന്ന് ബാഗ് എടുത്ത് റെഡിയാക്കി. എല്ലാവരും ഇറങ്ങി കഴിഞ്ഞു. ബാത്‌റൂമിൽ പോയി വന്ന ശ്രീ അവളുടെ അടുത്തെത്തി.

“ആമീ.. പോകാം..”

“ഏട്ടാ.. ഞാൻ റിതിയോട് പറഞ്ഞിട്ട് വരാം. ഇനി കല്യാണം കഴിഞ്ഞല്ലേ ഓഫിസിലേക്ക് മടക്കമുള്ളൂ.”

അതിന്റെ അർത്ഥം അവന് മനസിലായി.

“ശെരി പറഞ്ഞിട്ട് വാ…”

“ശ്രീ പുറത്തു കാത്തു നിന്നോ.. ഞാൻ വന്നേക്കാം…”

“ശെരി..”

ഉള്ളിലൊരു കൊള്ളിയാൻ മിന്നിയ ശ്രീക്ക് അവിടെ എന്തു നടക്കുമെന്ന് അറിയാൻ ത്വര കൂടി. അത് കൊണ്ട് അവൻ പുറത്തിറങ്ങുന്നത് പോലെ നടിച്ച് ആമി റിതിന്റെ കേബിനിൽ കയറി കഴിഞ്ഞപ്പോൾ സംശയം കൊടുക്കാതെ അഞ്ച് മിനുട്ട് കഴിഞ്ഞ് തിരികെ കയറി.

മുൻപ് ആമിയൊരിക്കൽ ഷാൾ നേരെയിട്ട് ഓടി വന്ന ദിവസം ഇനിയും അങ്ങനെ എന്തെങ്കിലും ഉണ്ടായാൽ റിതിന്റെ ക്യാബിനുള്ളിൽ കാണാൻ വേണ്ടി ഒരു സ്പോട്ട് പുറത്തും നിന്നും ശ്രീ കണ്ടെത്തിയിരുന്നു. അത് ബാത്‌റൂമിന്റെ അടുത്തായത് കൊണ്ട് പിടിക്കപ്പെടുകയാണെങ്കിൽ ബാത്‌റൂമിൽ പോയതാണെന്നും പറയാം. അവൻ സൂക്ഷ്മതയോടെ റിതിന്റെ കേബിനുള്ളിലേക്ക് നോക്കി ഏന്തി നിന്നു. എന്തൊക്കെയോ കാര്യപ്പെട്ട സംസാരങ്ങൾ കഴിഞ്ഞ ഭാവങ്ങൾ അവരുടെ മുഖത്തു നിന്ന് മനസിലായി. ഇരുവരുടെ മുഖത്തും സങ്കടം പൊതിഞ്ഞിരുന്നു. തുടരുന്ന സംസാരങ്ങൾ ശബ്ദം കുറഞ്ഞ രീതിയിൽ കേൾക്കാം. എങ്കിലും വ്യക്തതയുണ്ട്.

“അല്ലെങ്കിലും സ്നേഹിക്കുന്ന വ്യക്തികൾക്ക് സങ്കടപെടാനേ വിധിയുള്ളു..”

“എന്തിനാ റിതിയേട്ടാ സങ്കടം..ഞാൻ ഇഷ്ടപെടുന്നില്ലെന്ന് പറഞ്ഞില്ലല്ലോ…”

“ഇഷ്ടപ്പെട്ടിട്ട്….. എനിക്ക് നിന്നെ കാണാൻ പറ്റുമോ..? സംസാരിക്കാൻ പറ്റുമോ..? ഇല്ലല്ലോ..? നീയിന്ന് ലീവ് അപ്ലിക്കേഷൻ കൊടുത്തതല്ലേ..?”

“പ്ലീസ് റിതി.. ഇങ്ങനെ ഇമോഷണൽ ആകല്ലേ..ഇമോഷൻ ഇല്ലാത്ത ആളാണെന്ന് പറഞ്ഞിട്ട് ഇപ്പോ മാറിയോ..?”

“എനിക്ക് നിന്നെ ഇഷ്ടമാണ് ആമി.. വളരെയേറെ…”

“എനിക്കും ഏട്ടനെ ഇഷ്ടമാണ്. പക്ഷെ ശ്രീക്ക്‌ എന്നെ ജീവനാണ്.. ശ്രീയെയും ഞാൻ നോക്കണ്ടേ..”

അത് കേട്ടപ്പോൾ ആമിയോട് എനിക്കൊരു ബഹുമാനം തോന്നി. ബാക്കി സംസാരങ്ങളൊന്നും ഇഷ്ടപ്പെട്ടില്ലെങ്കിലും.

“അതിന് ശ്രീയെ ഇഷ്ടപ്പെടാതെ എന്നെ മാത്രം സ്നേഹിക്കാൻ ഞാൻ പറയുന്നുണ്ടോ..?”

റിതിൻ എന്റെ പെണ്ണിനെ നന്നായി വശികരിക്കാൻ ശ്രമിക്കുകയാണ്. അവളുടെ ഭാഗത്തു നിന്ന് അവനോട് ഒരു പോസിറ്റീവ് കാണാതെ ഇനിയവളോട് റിതിനെ കോൺടാക്ട് ചെയ്യാൻ സമ്മതിക്കില്ല എന്ന് ഞാൻ ഉറപ്പിച്ചു. ഇന്ന് ഒരു തീരുമാനം ഉണ്ടാകും തീർച്ച..! ആ രീതിയിലേക്കാണ് കാര്യങ്ങൾ നീങ്ങുന്നത്.

“രണ്ടാളെ സ്നേഹിക്കാൻ ആവില്ലെന്ന് ഞാൻ പറഞ്ഞല്ലോ ഏട്ടാ..”

“ഓക്കേ ഫൈൻ.. ഞാൻ മനസിലാക്കുന്നു. നി പൊയ്ക്കോ..”

അവന്റെ കണ്ണിൽ നനവ് പടരുന്നതവൾ കണ്ടു.

“റിതിയേട്ടാ.. ഒക്കെയാണോ..??”

“ഞാൻ ഒരിക്കലും ഒക്കെയാകില്ല.. പക്ഷെ നിനക്ക് പോകാം.. നിയെന്നെ ഇഷ്ടപ്പെട്ടിട്ട് കൂടെ എനിക്ക് ഇങ്ങനൊരു ഗതി വരുമെന്ന് കരുതിയില്ല..” അവന്റെ സ്വരങ്ങൾ ഇടറി.

“പ്ലീസ് റിതി… എന്നെയിങ്ങനെ ഇമോഷണലാക്കി അയക്കാനാണെങ്കിൽ ശെരിയാകില്ല.. ശ്രീയോട് പോലും എനിക്ക് നേരാവണ്ണം മിണ്ടാനാവില്ല..”