👨‍❤️‍👨👨‍❤️‍👨ശ്രീയുടെ ആമി – 2👨‍❤️‍👨👨‍❤️‍👨 13അടിപൊളി  

“ആമി.. നി നമ്മുടെ കല്യാണ കാര്യം റിതിയോട് പറഞ്ഞോ??.?”

“ഇ.. ഇല്ല…”

“എന്തെ..?”

“എല്ലാരോടും പറയുമ്പോ പറയാമെന്നു വച്ചു..”

“നിനക്ക് എന്തെങ്കിലും സങ്കടമുണ്ടോ..?”

“ഇല്ല..”

“എന്തുണ്ടെങ്കിലും എന്നോട് പറയണം..”

അത് കേട്ട് കലങ്ങിയ കണ്ണുകളിലെ വെള്ളം തുടച്ചു കളഞ്ഞ് അവളവന്റെ പുറകിൽ തല ചായ്ച്ച് ഇറുക്കെ പിടിച്ചു കിടന്നു. അവനതൊരു സന്തോഷമായി.

വീട്ടിൽ എത്തിയുടനെ ആമി റിതിനെ കുറേ ഫോണിൽ ട്രൈ ചെയ്തു. കിട്ടിയില്ല. മെസ്സേജുകൾ അയച്ച് നോക്കിയപ്പോൾ നെറ്റ് ഓഫാണ്. മെസ്സേജുകൾ ഒന്നും ഡെലിവേറെഡ് ആയില്ല. അവൾക്ക്‌ ഭ്രാന്തെടുക്കുന്നത് പോലെ തോന്നി. നാളെ നിശ്ചയത്തിന് വേണ്ടി ലീവായതു കൊണ്ട് കാണാനും കഴിയില്ലെന്ന ചിന്ത അവളെ അടിമുടി ഉലച്ചു. ശ്രീയുടെ കോൾ വന്നപ്പോൾ സങ്കടം മറച്ചു വച്ചവൾ അവനോട് സംസാരിച്ചു.

അടുത്ത ദിവസം ഔപചാരികമായ കല്യാണ നിശ്ചയം നടന്നു. അവർ തമ്മിൽ ചേർന്ന് നിന്ന് കുറേ ഫോട്ടോകൾ ഒക്കെ എടുത്ത് സംഭവം കളറാക്കി. അവളുടെ മനസ്സിൽ നിന്ന് വിഷമത്തിന്റെ പകുതിയോളം അകന്നു നിന്നു. മെറൂണിൽ ഗോൾഡൻ സ്ട്രിപ്പസ് ഉള്ള ചുരിദാർ ടോപ്പ്‌ ശരീരത്തിന്റെ അളവിൽ അടിച്ചിട്ടത് കൊണ്ട് അസാധ്യ ഭംഗിയായിരുന്നു അവൾക്ക്. എല്ലാരോടും കളിച്ചു ചിരിച്ച് ടിപ്പിക്കൽ ആമിയായി മാറി.

മുന്നേ അറിയാവുന്ന പൂർണ സ്വാതന്ത്ര്യം വച്ച് റൂമിൽ നിന്ന് ആരും കാണാതെ ശ്രീയുമായുള്ള സ്വകാര്യ നിമിഷങ്ങളിൽ ചുംബനങ്ങളും പകർന്നു. അതിൽ റിതിന്റെയത്ര പ്രാവിണ്യം ശ്രീക്ക് ഇല്ലെന്നവൾക്ക് ബോധ്യമായി. ഒരു പക്ഷെ റിലേഷൻ തുടങ്ങിയത് മുതൽ ശ്രീയുടെ ചുംബനം മാത്രം അറിഞ്ഞിരുന്നത് കൊണ്ട് തോന്നിയതാകാം.

വൈകുന്നേരമായപ്പോൾ എല്ലാവരും പോയി ബഹളമായ അന്തരീക്ഷം എല്ലാം ഒന്ന് കെട്ടടങ്ങി. കല്യാണം അടുത്ത മാസം പകുതി കഴിഞ്ഞ് ഉറപ്പിച്ചു. രണ്ട് ദിവസം കഴിഞ്ഞാൽ ഈ മാസം തീരും. ആമിയുടെ മെൻസസ് ഡേറ്റ് ഇടക്കൊക്കെ ക്രമം തെറ്റാറുണ്ടെങ്കിലും മിക്കവാറും മൂന്നിനോ നാലിനോ ആണ് ഉണ്ടാവാറ്. അതിന്റെയൊരു ചടപ്പ് ഇപ്പോഴേ വേണ്ടെന്നവൾ ഉറപ്പിച്ചിരുന്നു. ഫ്രഷായി റൂമിലേക്ക് വന്ന് അവൾ വെറുതെ റിതിയെ ഒന്ന് വിളിച്ചു നോക്കി.

“ഹെലോ..”

“ആ.. ആമി പറയ്..”

“എവിടെയാ..?”

“വീട്ടിലേക്ക് പോകുന്നു..”

“മ്മ്..”

“എന്തെ..? നിശ്ചയമൊക്കെ കഴിഞ്ഞില്ലേ..?”

“യെസ്…”

“ഗുഡ് ലക്ക്..”

“മ്മ് താങ്ക്സ്.. ഏട്ടനെന്നോട് ദേഷ്യമുണ്ടോ..?”

“എന്തിനു.?”

“എനിക്ക് ശ്രീയെ ചതിക്കാനാവില്ലേട്ടാ..”

“ഇത് ചതിയാണെന്ന് ആര് പറഞ്ഞു. അവന്റെ കാര്യങ്ങൾ നിനക്കും ബോധ്യപ്പെട്ടതല്ലേ..”

“പ്ലീസ് നമുക്ക് ഈ ടോപ്പിക്ക് വിടാം..”

“വൈ..?”

“എനിക്ക് ഒരേ സമയം രണ്ടാളെ സ്നേഹിക്കാനാവില്ല..”

“നിനക്ക് പറ്റിയതാണല്ലോ.. പിന്നെയെന്താ..?”

അവൾ ഒന്നും മിണ്ടിയില്ല…

“അതിനിടക്ക് കല്യാണം വന്നത് കൊണ്ടാണോ..? എനിക്കും നിന്നെ അത്രയേറെ ഇഷ്ടമുള്ളത് കൊണ്ടല്ലേ നിന്റെ സ്നേഹം കിട്ടണമെന്ന് ഞാൻ ആശിക്കുന്നത്.”

“പ്ലീസ് മതി..”

“ഓക്കേ…”

ആ സെക്കൻഡിൽ തന്നെ അവൻ കോൾ കട്ട് ചെയ്തു.

“റിതി…”

അവൾ പറയുന്നത് മുഴുവൻ കേൾക്കുന്നതിനു മുൻപേ റിതിൻ ദേഷ്യത്തോടെ കോൾ കട്ട് ചെയ്തത് കണ്ടപ്പോൾ ആമിക്ക് വല്ലാതെയായി. റിതിനും അത് സങ്കടമായെങ്കിലും തിരിച്ചു വിളിക്കാൻ നിന്നില്ല. സന്ധ്യ മയങ്ങുന്ന നേരം വണ്ടിയുടെ ലൈറ്റുകളും സ്ട്രീറ്റ് വെട്ടങ്ങളും കത്തി തുടങ്ങി. ഓറഞ്ച് കലർന്ന നിറക്കൂട്ട് പകർത്തിയ ആകാശത്തിൽ കണ്ണ് മിഴിച്ച് അവൻ കുറച്ചു നേരം നിന്നു.

അടുത്ത ദിവസം കൂടെയുള്ള സ്റ്റാഫുകൾക്ക്‌ വേണ്ടി രണ്ട് ബോക്സ്‌ ലഡ്ഡുവുമായാണ് ശ്രീയും ആമിയും ഓഫീസിൽ എത്തിയത്. തങ്ങളുടെ കല്യാണം ക്ഷണിച്ചു കൊണ്ട് എല്ലാവർക്കുമവർ ലഡ്ഡു വിതരണം നടത്തി. റിതിനും കിട്ടി ഒരെണ്ണം. മനസ്സിൽ ഒളിപ്പിച്ച വേദനയോടെ അവനും എടുത്തു. അത് ആമിക്ക് മനസിലായിരുന്നു. അവന്റെ മുഖം കണ്ട് അവളുടെ നെഞ്ചും ഒന്ന് ആസ്വസ്ഥമായി. ഇത് വരെ കാണാതിരുന്ന ഒരു സങ്കടം റിതിന്റെ മുഖത്തു നിഴലടിച്ചിരുന്നു. ബോസ്സിന്റെ കേബിനിൽ കയറിയപ്പോൾ നീണ്ട ദിവസത്തെക്ക്‌ വേണ്ടിയുള്ള ആമിയുടെ ലീവ് അപ്ലിക്കേഷൻ കണ്ട് ഒന്നൂടെ പിരിമുറുക്കം കൂടി.