Kambi Stories – ശ്രീനന്ദനം 4

Shreenandanam Part 4 | Author : Shyam Gopal

Previous Part

ആദ്യമേ പറയട്ടെ കുറച്ചു ജോലി തിരക്കുണ്ടായതു കൊണ്ടാണ് കഥ വൈകിയത്.. എന്നാലും മാക്സിമം സമയം എടുത്തു എഴുതിയിട്ടുണ്ട്… ഇഷ്ടപെട്ടാൽ ലൈക്‌ തരാൻ മറക്കരുത്

ശ്യാം ഗോപാൽ

പുത്തൻ വണ്ടിയും ഒരു പാടു പ്രതീക്ഷകളുമായി ആ മഹിന്ദ്ര താർ ഷോറൂം വിട്ടു പുറത്തേക്കിറങ്ങി..

ഞങ്ങൾക്ക് ശരിക്കും ഒരു സർപ്രൈസ് ആയിരുന്നു അച്ഛന്റെ ഗിഫ്റ്റ്, എന്താ പറയാ എന്ന് അറിയില്ലാ ചെറുപ്പത്തിൽ ഞാനും എലിയും ഒരു പാട് വിഷമിച്ചിട്ടുണ്ട്, ഒരു നല്ല കളിപ്പാട്ടം വാങ്ങാൻ പോലും ഞങ്ങളുടെ പേരെന്റ്സിന് അന്ന് ത്രാണി ഇല്ലായിരുന്നു, മുംബയിലെ ആ തിരക്കേറിയ നഗരത്തിൽ അവർ കഷ്ടപെട്ടത്തിനു കണക്കില്ല, അത് കൊണ്ടാകണം ഇന്ന് അവർ ഞങ്ങളെ ഒരു കുറവും കൂടാതെ നോക്കുന്നത്, എന്റെ കാൽ ആക്സിലാരേറ്ററിൽ അമർന്നു, വണ്ടി കുതിച്ചു.. കളക്ടറേറ്റിന്റെ സിഗ്നൽ എത്തിയപ്പോൾ എല്ലാവരും ഞങ്ങളെ നോക്കുന്നുണ്ടായിരുന്നു പുതിയ വണ്ടി ആയതു കൊണ്ടാകണം, പിന്നെ ഞങ്ങളും മോശം അല്ലാലോ..

എടാ എനിക്കും ഒന്ന് ഓടിക്കാൻ തരണേ, ബാക്കിൽ ഇരുന്നു വിനു പറഞ്ഞു..

അയ്യടാ… അതൊക്കെ മനസ്സിൽ വച്ചാൽ മതി… ഈൗ വണ്ടി ഇവൻ കഴിഞ്ഞാൽ ഞാൻ ഓടിക്കും എന്നിട്ട് നീ ഓടിച്ചാൽ മതി..

ങേ.. അതിനു നിനക്ക് വണ്ടി ഓടിക്കാൻ അറിയോ, ഞാൻ എലിയോടു ചോദിച്ചു

നീ ഒക്കെ ബസിൽ അഭ്യാസം കാണിച്ചു നടക്കുന്ന ടൈമിൽ ഞാൻ അവിടെ അപ്പയുടെ മാന്വൽ ഗിയർ വണ്ടി ഓടിക്കുമായിരുന്നു.. അപ്പോള അവന്റെ ഓട്ടോമാറ്റിക് താർ.. ഇതൊക്കെ നമുക്ക് പുഷ്പം

എനിക്കതൊരു പുതിയ അറിവായിരുന്നു, ദൈവമേ ഇനി എന്തൊക്കെ കാണണം

വണ്ടി നേരെ ശ്രീ നന്ദനത്തിലേക്കു കയറിയപ്പോൾ എല്ലാവർക്കും ആശ്ചര്യം, അച്ഛൻ അവരോടും പറഞ്ഞിരുന്നില്ലല്ലോ. പിന്നാലെ തന്നെ അച്ഛനും അപ്പൂപ്പനും എത്തി..
വണ്ടി എല്ലാവർക്കും ഇഷ്ടപ്പെട്ടു, ഇപ്പോളാ സമാധാനം ആയതു, ഇവൻ ബൈക്കിൽ പോകുന്ന കാര്യം ആലോചിച്ചപ്പോൾ തന്നെ ടെൻഷൻ ആയിരുന്നു, എത്ര പിള്ളേര് ആണ് ബൈക്കിൽ ഓവർസ്പീഡിൽ പോയി അപകടം സംഭവിക്കുന്നത്, വീട്ടിൽ നിന്നിറങ്ങി തിരിച്ചെത്തുന്ന വരെ വീട്ടുകാർക്ക് പേടിയാണ്, അതൊന്നും ഇപ്പോളത്തെ പിള്ളേർക്കറിയണ്ടല്ലോ… എന്തായാലും ഇത് നന്നായി… നല്ല വണ്ടി.. ഉമ്മച്ചി അഭിപ്രായം പറഞ്ഞു..

അച്ഛമ്മക്ക് ആയിരുന്നു ഏറെ സന്തോഷം..നാളെ തന്നെ എടപ്പള്ളി ഗണപതി ക്ഷേത്രത്തിൽ പോയി പൂജ കഴിക്കണം ട്ടോ കണ്ണാ…

അതിനെന്താ അച്ഛമ്മേ.. നാളെ തന്നെ പോയേക്കാം… അല്ലെ എലീ..

പിന്നെന്താടാ… നാളെ വെളുപ്പിന് തന്നെ പോകാം…

വെളുപ്പിനോ.. ഞാൻ ഇല്ലാട്ടോ.. എനിക്ക് നല്ലക്ഷീണം ഉണ്ട്.. ഞാൻ ഇല്ലാ

അതിനു നിന്നെ ആരു കൊണ്ട് പോകുന്നു, ഇത് ഞാനും അഭിയും കൂടി പൊയ്ക്കൊള്ളാം.. എലി അവനെ അങ്ങ് തൂക്കിയടിച്ചു

ഉച്ചക്ക് എല്ലാവരും ഭക്ഷണം കഴിച്ചിട്ടാണ് പോയത്… പിറ്റേ ദിവസം 6 മണിക്ക് അമ്പലത്തിൽ പോകാം എന്ന് തീരുമാനവും ആയി..

വൈകുന്നേരം ആയപ്പോൾ അച്ഛൻ എന്റെ റൂമിലേക്ക്‌ വന്നു..

നീ ഹാപ്പി ആണോടാ..

അതെന്താ അച്ഛാ അങ്ങനെ ചോദിച്ചേ.. ഞാൻ നല്ല സന്തോഷത്തിൽ തന്നെ ആണ്..

അല്ലടാ.. ഇടക്കാലത്തു പണമുണ്ടാക്കുന്ന തിരക്കിൽ ഞാൻ നിന്നെ മറന്നു പോയി എന്നൊരു തോന്നൽ, വേറെ ഒന്നും കൊണ്ടല്ല, ബോംബെയിലേ നമ്മുടെ ജീവിതം നിനക്ക് ഓർമയുണ്ടോ, അച്ഛനും അമ്മയും നാട് വിട്ടപ്പോൾ ആകെ ഒരു സഹായത്തിനു എലിയുടെ അപ്പനും അമ്മയും മാത്രേ ഉണ്ടായിരുന്നുള്ളൂ, ഞാൻ വളരുമ്പോൾ അവനും വളരണം എന്ന് ആഗ്രഹമുണ്ടായിരുന്നു, അത് കൊണ്ടാണ് ഞാൻ നിങ്ങളറിയാതെ രഹസ്യമായി ബിസിനസ് മീറ്റിംഗ് എന്ന് പറഞ്ഞു അവിടേക്കു പോകാറുണ്ടായിരുന്നത്, എന്റെ അച്ഛന്റെ പണം കൊണ്ട് അവനെ ഹെല്പ് ചെയ്യരുത് എന്ന് എനിക്ക് ഒരു വാശി ഉണ്ടായിരുന്നു അത് കൊണ്ടാണ് ഞാൻ വീട് പോലും മറന്നു അദ്വാനിച്ചത്.. അവനു ചെറിയ ഒരു ബിസിനസ്‌ തുടങ്ങാൻ എന്നെ കൊണ്ട് സാധിച്ചു.. പിന്നെ എല്ലാം അവന്റെ കഴിവാണ്.. ഞങ്ങൾക്ക് എല്ലാം നിങ്ങളാണ്, നീയും എലിയും, ഞങ്ങൾക്ക് നിങ്ങൾ രണ്ടല്ല ഒന്നാണ്, അത് കൊണ്ടാണ് അവൻ ഇങ്ങോട്ട് തന്നെ തിരിച്ചെത്തിയത്, ഒരിക്കലും അവളെ കൈവിടരുതു, നീ എന്ന് വച്ചാൽ അവൾക്കു ജീവനാടാ..
ഞാൻ എപ്പോൾ അവിടെ പോയാലും അവൾ നിന്നെ തിരക്കും അത്രയും കാര്യമാണ് നിന്നെ..

മോനേ അച്ഛാ… എത്ര എണ്ണം വീശി??

എടാ കൊരങ്ങാ, ഞാൻ അധികം ഒന്നും കഴിച്ചിട്ടില്ല, ആകെ രണ്ടെണ്ണം മാത്രം.. സത്യം

പിന്നെയ്… അച്ഛൻ സെന്റി അടിക്കണേൽ മിനിമം ഒരു നാലെണ്ണം എങ്കിലും അടിക്കണം.. എനിക്കറിഞ്ഞൂടെ എന്റെ അച്ഛനെ.. ഞാൻ അച്ഛന്റെ മടിയിലേക്ക് കിടന്നു..

അച്ഛൻ ആണ് അങ്കിൾനെ സഹായിച്ചത് എന്ന് എനിക്കൊരു പുതിയ അറിവായിരുന്നു.. എന്തൊക്കെയാ ഞാൻ അറിയാതെ സംഭവിക്കുന്നത്..അച്ഛൻ ശരിക്കും എന്റെ മനസ്സിൽ ഒരു ഹീറോ ആയി കഴിഞ്ഞു

എന്റെ തലയിൽ തഴുകി കൊണ്ട് അച്ഛൻ പറഞ്ഞു, മോനേ അച്ഛൻ മോനേ ഉപദേശിക്കുക അല്ലാ, നിങ്ങളുടെ ഈ പ്രായം എന്ന് പറഞ്ഞാൽ തൊട്ടാൽ പൊട്ടുന്ന പ്രായം ആണ്.. എന്ന് വച്ചു എൻജോയ് ചെയ്യണ്ട എന്നല്ല, എല്ലാം വേണം പ്രത്യേകിച്ച് മദ്യപാനം വേണം എന്ന് തോന്നുമ്പോൾ അച്ഛനോട് പറയുക, അച്ഛൻ കുടിക്കേണ്ട എന്നല്ല പറയുന്നത് മറിച്ചു കുടിക്കണം എന്നും അല്ല, ഈ പ്രായത്തിൽ മദ്യം കൂടി ഉള്ളി ചെന്ന പിന്നെ നിങ്ങൾ ടൈം ബോംബ് ആണ് പിന്നെ എപ്പോ പൊട്ടും എന്ന് പറയാൻ പറ്റില്ല, നീ ഫ്രണ്ട്‌സ് ആയി കമ്പനി കൂടി അടിക്കുമ്പോൾ 10 പേരുണ്ടേൽ പത്തു പേരും പല സ്വഭാവക്കാരായിരിക്കും, അതിൽ ഒരുത്തൻ എന്തേലും തെണ്ടിത്തരം കാണിച്ചാൽ മതി എല്ലാവർക്കും പണി കിട്ടാൻ, അത് കൊണ്ടാണ് അച്ഛൻ പറയുന്നത്… നിനക്ക് അങ്ങനെ വേണേൽ പറഞ്ഞോടാ ഇവിടെ നല്ല കട്ട കമ്പനി ആയി നിന്റെ അച്ഛൻ നിൽക്കുക അല്ലെ പന പോലെ…

നല്ല ബെസ്റ്റ് അച്ഛൻ… ഞാൻ ചിരിച്ചു.. എന്നിട്ട് വേണം ഉമ്മച്ചി എന്നെ വെട്ടി മട്ടൻ ചാപ്സ് ആക്കാൻ…

പോടാ… എന്റെ ഉമ്മച്ചി കുട്ടി പാവമാണ് അവൾക്കു എല്ലാരോടും സ്നേഹാടാ…. പ്രത്യേകിച്ച് നിന്നോട്… നമ്മുടെ ഒക്കെ പുണ്യമാടാ നിന്റെ ഉമ്മ..

അപ്പൻ ഗടി സെന്റി ആക്കി തുടങ്ങി

പിന്നേയ്…എലിയെ കൈവിടണ്ട എന്ന് പറഞ്ഞത് വേറെ ഒന്നും കൊണ്ടല്ല, നിന്റെ മര മോന്തക്കു ഇത് പോലെ ഒരു സുന്ദരി കൊച്ചിനെ വേറെ എവിടെ കിട്ടാനാ
പ്ലിംഗ്… അച്ഛനും എന്നെ ഊക്കി തുടങ്ങി

എന്ത് ചെയ്യാനാ അച്ഛാ മനുഫാക്ചറിങ് ഡിഫെക്ട് ആണ്.. ഞാനും തിരിച്ചടിച്ചു ഉവ്വേയ്.. ഞങ്ങടെ പകുതി ഗ്ലാമർ എങ്കിലും കിട്ടിയിരുന്നേൽ നീ എന്നെ നന്നായേനെ ഹ്മ്മ് എന്നാ മോൻ കിടന്നോ നാളെ അമ്പലത്തിൽ പോകേണ്ടേ..അച്ഛൻ പതിയെ സ്ഥലം കാലിയാക്കി…

+5

0