💗ഹൃദയം നിറയെ നീ💗 5

 

 

 

 

ഇത്രയും പറഞ്ഞ് ഞാൻ ഫോൺ കട്ട്‌ ആക്കി….

 

 

എടാ…!!

 

 

സൗണ്ട് കേട്ട് തിരിഞ്ഞ് നോക്കിയപ്പോ തള്ളയാണ്….

 

 

എന്നാ???

 

 

 

ഞാനും തെരക്കി തിരിച്ച്…….

 

 

 

“”നീ കഴിക്കുന്നില്ലെ……. അവൾക്ക് തലവേനയാ വേണ്ടാന്ന് പറഞ്ഞല്ലോ….. നീയെന്താ എന്റെ കൊച്ചിനെ ചെയ്തെ.. “”

 

 

 

ഏഹ് തലവേനയൊ……. അവൾക്കോ…. അവൾക്ക് വേണ്ടാന്നൊ….. അസംഭവ്യം……. ആട്ടിങ്കാട്ടം എടുത്ത് പോപ്പിൻസ് ആഹ്ന്ന്ന് പറഞ്ഞ തിന്നുന്ന മൊതലാണ് ഓള് അപ്പോഴാ ഓൾക്ക് ഫുഡ്‌ വേണ്ടാത്തെ….. ഇന്നലെ റിസപ്ഷൻ നടക്കുമ്പോ അവള്ടെ ഫ്രോക്കിന്റെ ഉള്ളിൽ ഞാൻ കണ്ടതാ ചിക്കന്റെ പീസ്…….. എന്നിട്ട് എന്നെ നോക്കി ഒരു ഡയലോഗും “”വെശന്നിട്ടല്ലേടാ “”ന്ന് ഉഫ്ഫ്..

 

 

 

“നീ നിന്ന് വട്ടം തിരിയാണ്ട് അവളെ വിളിച്ചോണ്ട് വന്നെ “”

 

അമ്മ എന്നെ നോക്കി പറഞ്ഞു…

 

 

 

അവള് വേണേൽ കഴിച്ചോളും…!!

 

ഞാനും ഒരു ഒഴുക്കൻ മട്ടിൽ പറഞ്ഞോണ്ട് കൈ കഴുകാനായ് പോയി..

 

 

അവളെ വിളിച്ചോണ്ട് വന്നില്ലേൽ ഇന്ന് നീയും പട്ടിണി ആയിരിക്കും…

 

 

 

പോരാളി എന്നെ നോക്കി പുതിയ ഉത്തരവെറക്കി… ഇനി പറഞ്ഞിട്ട് കാര്യം ഇല്ല…. ഞാൻ നെലത്ത് രണ്ട് ചവിട്ടും ചവിട്ടി റൂമിലേക്ക് വിട്ടു……

 

ഡോറ് നോക്കുമ്പോ ചാരി കിടപ്പിണ്ട്…..ഈശ്വരാ തൂങ്ങി ചത്തോ ഇനി….. ഏയ് ചാവുന്നേന്റെ മുന്നേ എന്തായാലും ഓളെന്നെ കൊല്ലും എന്നിട്ടേ ചാവൂ…..

 

 

ഞാൻ മെല്ലെ അടഞ്ഞ് കെടന്ന ഡോറിൽ തള്ളി……ഒരുമാതിരി പ്രേത സിനിമേലൊക്കെ കാണുമ്പോലെ അത് ചീവീടിനെ പോലെ ശബ്ദമൊണ്ടാക്കി കൊണ്ട് തൊറന്നു……. ഇവളാര് കള്ളിയങ്കാട്ടു നീലിയോ ഇമ്മാതിരി ഹൈപ്പ് കൊടുക്കാൻ…..റൂമിൽ ഒരു തരി വെളിച്ചം പോലുമില്ല…. ഇനി കെടന്നൊറങ്ങിയോ…….. ഏയ് അങ്ങനെ ഒറങ്ങുവോ…..

 

 

ഞാൻ ഉള്ളിൽ കേറി ലൈറ്റിന്റെ സ്വിച്ചമർത്തി……… ആാാ ദേ ഇരിക്കുന്ന് കോപ്പത്തി കട്ടിലിൽ….. തലയും കുനിച്ച് മുട്ടുകൾ മടക്കി കൈകൊണ്ട് അവയെ കൂട്ടിപിടിച്ചിട്ടുണ്ട്………

 

 

 

“”നിനക്ക് കഴിക്കാൻ ഒന്നും വേണ്ടെ…….??? “”

 

 

ഞാൻ അവൾക്കരികിലേക്ക് ബെഡിലേക്ക് ഇരുന്നോണ്ട് ചോദിച്ചു…… എവടെ അത് കേട്ടതായിട്ട് പോലും അവൾ കാണിച്ചില്ല………

 

 

 

നന്ദനേ നിന്നോട ഞാൻ ചോദിച്ചെ…….!!!!!

 

ഇത്തിരി ഒറക്കെ ഞാൻ ചോദിച്ചതും അവൾ ഞെട്ടിപ്പിടഞ്ഞ് ബെഡിൽ നിന്നും ഏറ്റു…. അത് കണ്ടതും ഞാനും ഒന്ന് ഭയക്കാണ്ടിരുന്നില്ല……. പ്രാന്തായോ ഭഗവാനെ……..

 

 

 

ഇതും ആലോയ്ച്ച് അവള്ടെ മുഖത്തേക്ക് നോക്കിയ എന്റെ ചങ്കിൽ ഒരു കൊളുത്തിവലി പോലെ തോന്നി….. എന്നെ എന്നും കൊതിപ്പിച്ച ആ കരിംകൂവള മിഴികൾ രണ്ടും ചൊവന്ന് ചെറിപഴം പോലെ……..എണ്ണ കറുപ്പിച്ച മുടിയാകെ അലംകോലമായി പാറി പറന്ന് കെടക്കുന്നു….. തത്ത ചുണ്ടുകൾ വിറക്കുന്നുണ്ട്……. കവിളുകൾ രക്തം വറ്റിയ കണക്കെ നിർജീവമായി……..

 

 

 

 

പൊന്നാ……!!!!!

 

 

 

 

സങ്കടം കൊണ്ടോ അതോ അവളെ അങ്ങനെ കണ്ടത് കൊണ്ടോ എന്തോ എന്റുള്ളിൽ നിന്ന് ഞാൻ പോലും അറിയാതെ ആ വിളി വന്നു…….. അത് അവൾക്ക് കേൾക്കാൻ പറ്റുമോന്ന് പോലും എനിക്ക് സംശയമായി……..

 

 

 

എന്നാൽ അടുത്ത നീക്കം എന്നെ ശെരിക്കും ഞെട്ടിച്ചുക്കളഞ്ഞു……. എന്റെ വിളി കേട്ട അവൾ ഒറ്റ ചാട്ടത്തിന് എന്റെ നെഞ്ചിലേക് അലച്ചു തല്ലി വീണു……. എന്നിട്ടൊരൊറ്റ കരച്ചിലും……

 

 

 

ആഹ് വീഴല് പോലും ഞാൻ അറിഞ്ഞിട്ടില്ല എന്നതാണ് സത്യം……. കാരണം അവളെ ഇങ്ങനെ ഞാൻ കാണുന്നത് വളരെ വിരളമായിട്ടാണ്…….. മാവിൽ നിന്ന് ഇല വന്ന് വീഴും പോലെയാണ് എനിക്കന്നേരം തോന്നിയത്……..ഏങ്ങലടിച്ച് കരയുന്ന അവളെ ഞാനെന്റെ നെഞ്ചിലേക്ക് കൂടുതൽ ശക്തിയോടെ പുണർന്നു……..