Kathal An Unusual Love Story 2

Author : Rudradev | Previous Part

---

 

അപ്പോഴാണ് ഞാൻ ലെസ്ബിയൻ ആണെന്ന് ഞാൻ അറിയുന്നേ…….

ഇനി അവൾ…???!!!!

അതവളോട് തന്നെ ചോദിക്കേണ്ടി ഇരിക്കുന്നു…..

ചാറ്റ് സ്‌ക്രീനിൽ ടൈപ്പിംഗ്‌ എന്ന് കാണിച്ചതും നെഞ്ചിൽ പട പട മിടിക്കാൻ തുടങ്ങി….

‘ ഞാൻ എൻഗേജ്ഡ് ആണ് ‘

അതായിരുന്നു അവളുടെ ആദ്യത്തെ മെസ്സേജ്…..

എന്റെ ചങ്കിലാണ് അത് തറച്ചത്… പക്ഷെ അടുത്ത നിമിഷം എന്റെ തലയിലൊരു കൊള്ളിയാൻ മിന്നി…..

എന്നോട് അടുക്കാൻ പേടിയായതുകൊണ്ടല്ലേ അവൾ ഇങ്ങനെ പറഞ്ഞിട്ടുണ്ടാവുക അതിനർത്ഥം തീർച്ചയായും അവൾക്ക് എന്നോട് എന്തോ ഉണ്ട് എന്ന് തന്നെയല്ലേ…..

ഉള്ളിൽ അലതല്ലിയ സന്തോഷം മറച്ചുകൊണ്ട് ഞാൻ ടൈപ്പ് ചെയ്തു

” അതിന് എനിക്കെന്താ… ഞാൻ കൂട്ടുകൂടാൻ വേണ്ടി ചോദിച്ചതാ അതൊന്നും എന്റെ വിഷയമേ അല്ല എന്നൊരു കള്ളം തട്ടി വിട്ടു….. ”

” ഹ്മ്മ് ”

എന്ന് മാത്രം റിപ്ലൈ തന്നു…. പ്രത്യേകിച്ച് ഒന്നും വരാത്തത് കൊണ്ട് ഞാൻ വീണ്ടും ധൈര്യം സംഭരിച്ചു മെസ്സേജ് ഇട്ടു

” ഞാൻ നേരത്തെ പറഞ്ഞത് കള്ളമാണ്….നോക്ക് താൻ എൻഗേജ്ഡ് ആണെന്ന് തന്നെ കണ്ട അന്ന് തന്നെ ഞാൻ അറിഞ്ഞതാണ്…. പിന്നെ കല്യാണം ഒന്നും കഴിഞ്ഞിട്ടില്ലലോ…… എൻഗേജ്മെന്റ് അല്ലേ സാരമില്ല… മറ്റാരോടും തോന്നാത്ത ഒരു ഇഷ്ടം എനിക്ക് നിന്നോട് തോന്നിയിട്ടുണ്ട്.. രുദ്ര നീ എന്നെക്കാളും മുതിർന്നതാണ് ഐ നോ ദാറ്റ്‌…. പക്ഷെ എനിക്ക് ഇഷ്ടപ്പെട്ടു പോയി.. അത്രേ ഉള്ളൂ.. നിനക്ക് എന്നോട് ഒരു ഇഷ്ടം ഉണ്ടെന്ന് കരുതുന്നു…. ഉണ്ടെങ്കിൽ ബാങ്കിന് അടുത്തുള്ള കോഫി ഷോപ്പിൽ ഞാൻ ഉണ്ടാവും വൈകിട്ട് ആറ് മണിക്ക്…വന്നാൽ നിനക്ക് ഇഷ്ടമുണ്ടെന്ന് ഞാൻ കരുതും വന്നില്ലെങ്കിൽ ഈ ഇഷ്ടം ഞാൻ ഇന്നത്തോടെ അവസാനിപ്പിക്കും ”

എങ്ങനെയാണ് ഞാനാ മെസ്സേജ് ടൈപ്പ് ചെയ്ത് അയച്ചതെന്ന് എനിക്ക് ഇപ്പോഴും അറിയില്ല…. പക്ഷെ അവളത് കണ്ടു….

അവളെന്താ ചെയ്യാൻ പോകുന്നതെന്ന് ആലോചിച്ചു വെരുകിനെ പോലെ ബാങ്കിന് പുറത്ത് അങ്ങോട്ടുമിങ്ങോട്ടും നടന്നു…. ആ നടപ്പിൽ സമയം പോയത് പോലും ഞാനറിഞ്ഞില്ല… എന്തായാലും 6 മണിയോട് അടുക്കാറായപ്പോൾ ഞാൻ മെല്ലെ കോഫി ഷോപ്പിന്റെ ഫ്രണ്ടിൽ പോയി നിന്നു…

ബാങ്കിലോട്ട് തന്നെ കണ്ണ് നട്ട് നിന്നപ്പോൾ രുദ്ര നടന്നു കോഫി ഷോപ്പിലേക്ക് വരുന്നത് കണ്ടു… നെഞ്ച് പിന്നെയും പട പട മിടിക്കാൻ തുടങ്ങി…..ഞാൻ നിൽക്കുന്നത് അവൾ കാണണ്ട എന്ന് കരുതി ഞാൻ അകത്തൊരു ഒഴിഞ്ഞ സീറ്റിൽ ഇരുന്നു…… കുറച്ചു കഴിഞ്ഞ് അവളെന്റെ നേർക്ക് വന്നിരുന്നു….

” എന്താ നിന്റെ ഉദ്ദേശം…. ”

” എനിക്ക് നിന്നെ ഇഷ്ടമാണ് അത്രേയുള്ളൂ സിമ്പിൾ….. ”

” നോക്ക് ഞാനാ ടൈപ്പ് അല്ല അത് പറഞ്ഞിട്ട് പോകാൻ വന്നതാണ് അല്ലാണ്ട് നിന്നോട് ഇഷ്ടമുണ്ടായിട്ടില്ല….എന്റെ പുറകെ മേലാൽ വരരുത്…. ബൈ ”

” അവിടെ ഇരിക്ക് ”

എന്റെ ശബ്ദത്തിന്റെ ടോൺ മാറിയത് കൊണ്ടാണോ അവൾ യാന്ത്രികമായി അവിടെ ഇരുന്നിപ്പോയി…..

” നിനക്ക് എന്നോട് ഒരു ഇഷ്ടമുണ്ട്… അത് നമ്മൾ തമ്മിൽ കണ്ട അന്നുമുതൽ ഞാൻ കാണുന്നതാണ്…ഒരു പരിചയവും ഇല്ലാത്ത എന്നോട് നീ എൻഗേജ്ഡ് ആണെന്ന് ആദ്യം കേറി പറഞ്ഞപ്പോഴേ എനിക്ക് മനസിലായി നിനക്ക് എവിടേയോ എന്നോടൊരു ഇഷ്ടമുണ്ടെന്ന് ….. അതുപോലെ നിനക്ക് ഒരു മെസ്സേജ് അയച്ചു പറയേണ്ട കാര്യം നീ ഇവിടെ വന്നു പറഞ്ഞപ്പോ എനിക്ക് ഉറപ്പായി നീ എന്നെ കാണാൻ മാത്രമാണ് വന്നത്….. അല്ലെങ്കി ഇപ്പൊ പറഞ്ഞോ …..അല്ലേ….. ”

അവളിരുന്നു വിയർത്തു…. അപ്പോഴേക്കും ഞാൻ ഓർഡർ ചെയ്ത കോഫിയും വന്നു……

ഒരു കപ്പ്‌ അവളുടെ നേരെ നീക്കി വെച്ച് ഞാൻ പറഞ്ഞു…

” കുടിക്ക് ക്ഷീണം ഒക്കെ മാറട്ടെ….. ”

എന്റെ കോഫിയുടെ ഒരു സിപ് എടുത്ത് ഞാൻ പറഞ്ഞു…

” രുദ്ര നിന്നെ കണ്ട അന്ന് വരെ എന്റെ ഐഡന്റിറ്റി എന്താണ് എന്നെനിക്ക് അറിയില്ലാരുന്നു…. രണ്ട് കാര്യങ്ങൾ അന്നെനിക്ക് മനസിലായി ഒന്ന് ഞാനൊരു ലെസ്ബിയൻ ആണെന്നുള്ളത് രണ്ട് നീ എനിക്ക് വേണ്ടി ഉള്ളതാണെന്ന്….. എനിക്ക് ആദ്യമായിട്ടാണ് ഇങ്ങനെ ഒരു ഫീലിംഗ് ഒരാളോട് തോന്നുന്നെ…അത് നിനക്കും അങ്ങനെ ആണെന്ന് തോന്നുന്നു…. ”