🫦ഞാനും സഖിമാരും – 10🫦 4അടിപൊളി  

“താങ്ക്സ്”

“മൗസ് ഒക്കെ യൂസ് ചെയ്യാന് അറിയില്ലേ?”

“ആ അതൊക്കെ ചേട്ടൻ ഫോണിൽ പഠിപ്പിച്ചു തന്നിരുന്നു”

“ഓക്കെ”

ഞാൻ ഇന്റർനെറ്റ് എക്സ്പ്ലോറർ, ബ്രൌസർ, സെർച്ച് എഞ്ചിൻ ഏതാ എങ്ങിനെ ടൈപ് ചെയ്യണം എന്നൊക്കെ പറഞ്ഞു കൊടുത്തു എന്നിട്ട് മനോരമയും മാതൃഭൂമിയും ഒക്കെ തുറപ്പിച്ചു..

ആൾക്ക് കാര്യം വേഗം മനസ്സിലായി..

“ഈ www. എന്നുള്ള ഏതാ അടിക്കണ്ടേ എന്നു എങ്ങിനെയാ അറിയുക? അത് എവിടെയോ നമ്മൾക്ക് വേണ്ടുന്ന കാര്യം അടിച്ചാൽ ഇങ്ങനെ കുറേ വരുമെന്ന് പറഞ്ഞു കേട്ടു, അതൊന്നു പറഞ്ഞു തരുമോ?”

“അത് എളുപ്പമാണ്.. സെർച്ചിൽ നമുക്ക് വേണ്ടുന്ന കാര്യത്തെ പറ്റി ഒന്നോ രണ്ടോ വാക്ക് അതിൽ അടിച്ചു കൊടുക്കുക. ഇപ്പോ സച്ചിൻ ടെണ്ടുൽക്കർ എന്നടിച്ചാല് സച്ചിന്റെ കാര്യങ്ങൾ വരും അങ്ങിനെ ഓരോന്ന് അടിച്ചാൽ അതിനെ സംബന്ധിച്ച് ഉള്ള കാര്യങ്ങള് വരും അത് വച്ചു ഓരോ വെബ്സൈറ്റ് തുറക്കാം.”

ഞാൻ ചുരുക്കി പറഞ്ഞു കൊടുത്തു..

സിനിമാ, മൂവി സീൻസ് എന്നൊക്കെ പറഞ്ഞു കൊടുത്തു.. ആള് അതെല്ലാം അടിച്ചു നോക്കി..

“ഇത്രയേ ഉള്ളൂ അല്ലേ? എന്ത് അടിച്ചു കൊടുത്താലും അതിന്റെ കാര്യങ്ങൾ കിട്ടുന്നുണ്ടെല്ലോ?”

“ആ ലോകത്ത് ഉള്ള എല്ലാ കാര്യങ്ങളും കിട്ടും..”

“നല്ല രസമുണ്ട് കുറേ പഠിക്കാൻ പറ്റും..”

“പഠിക്കാൻ മാത്രമല്ല എൻജോയ് ചെയ്യാനും പറ്റും.. അതല്ലേ നമ്മൾ ഇങ്ങനെ എപ്പോഴും ഇതിൽ കാണുന്നെ.. എന്നാല് ശരി ചേച്ചി.. നാളെ കാണാം ഉറക്കം വരുന്നു..”

പുതിയ ഒരു കാര്യം കാര്യം കിട്ടിയതിന്റെ ആകാംഷയിൽ അവൾ എന്നതെകിലും പരതി എവിടെയെങ്കിലും എത്തുമെന്ന് എന്റെ മനസ്സ് പറഞ്ഞു.. അങ്ങിനെയാണല്ലോ ഞാൻ യാഹൂ ഗ്രൂപ്പിലൊക്കെ എത്തി പെട്ടത്..

അവളവിടെ പരതുമ്പോൾ ഞാനും ഇവിടെ എന്തെങ്കിലും പരതാം.. പക്ഷേ സമയം നോക്കുമ്പോഴേക്കും കുറേ അധികമായിരുന്നു അത് കൊണ്ട് .. കിടന്നുറങ്ങി.

പിറ്റേന്ന് കുറച്ചു വൈകി.. ചെറിയമ്മ വിളിക്കാനും വന്നില്ല..ദേഷ്യം കാരണം വിളിക്കാൻ വരാഞ്ഞത് എന്നു കരുതി ഞാൻ പല്ല് തേപ്പു കഴിഞ്ഞു ഇറങ്ങുമ്പോൾ ചെറിയമ്മ എഴുന്നേറ്റ് വരുന്നേ ഉണ്ടായിരുന്നുള്ളൂ….

“വൈകിപ്പോയി എഴുന്നേൽക്കാൻ .. ഇന്നലെ ഉറങ്ങാൻ നേരം വൈകി അതാണ്..” “ചന്ദ്രിയേച്ചി വന്നോ?”

“ഇല്ല.. ഞാൻ ചായക്ക് വെള്ളം വെക്കട്ടെ നീ പാല് എടുത്തിട്ട് വാ..”

ഞാൻ ഗേറ്റില് പോയി പാലും പത്രവും എടുത്തു വന്നു ചെറിയമ്മക്ക് കൊടുത്തു. ഇന്നലത്തെ ദേഷ്യമൊന്നും ഇന്ന് കാണാനില്ല ആളുടെ മുഖം ഒരു തെളിച്ച കുറവ്. ചോദിക്കണമെന്നുണ്ട് പക്ഷേ ചോദിച്ചാൽ ചിലപ്പോള് ഇന്നലത്തെതിന്റെ ബാക്കി ആയാലോ? വേണ്ട..

ചായയും കുടിച്ചിരിക്കുമ്പോള് ചന്ദ്രിയേച്ചി വന്നു. അമ്പലത്തിൽ രാവിലെ കുറച്ചു പണിയുണ്ടായിരുന്നു അതാണ് വൈകിയത് എന്നു പറഞ്ഞു. ഞാൻ ചോദിച്ചൊന്നുമില്ലെങ്കിലും ആള് എന്നോട് ഇങ്ങോട്ട് പറയും.. ഞാൻ ശരിയെന്ന് പറഞ്ഞു ഒഴിവാക്കി..

കുറച്ചു കഴിഞ്ഞപ്പോൾ അച്ഛനും അമ്മയും വന്നു..

എന്നോട് ഒരു 2-3 പാസ്പോർട്ട് ഫോട്ടോയും എലക്ഷൻ കാർഡും sslc ബുക്കും ഓരോ ഫോട്ടോ കോപ്പി എടുത്തു വെക്കാൻ പറഞ്ഞു. അച്ഛൻ ആരെയോ കാണാൻ ഉണ്ടെന്ന് പറഞ്ഞു വേഗം പോയി.

ഞാൻ അമ്മയുടെ അടുത്ത് പോയി താക്കോലും വാങ്ങി വീട്ടിൽ പോയി sslc ബുക്കും id കാർഡും എടുത്തു തിരിച്ചു വന്നു ഭക്ഷണവും കഴിച്ചു കോളേജിലേക്ക് പോയി

ജിഷ്ണ ഇന്ന് ഞാൻ പോയപ്പോൾ തന്നെ അടുത്ത് വന്നു ഇരുന്നു.. എന്താടാ പുതിയ കൂട്ട്കെട്ട് ഇന്നലെ മയങ്ങി നടക്കുന്ന കണ്ടല്ലോ?

“ഓ നിങ്ങളൊക്കെ ഭയങ്കര തിരക്കല്ലെ അപ്പോ പിന്നെ വേറെ ആരെയെങ്കിലും നോക്കാംഎന്നു വിചാരിച്ചു..”

“ഉം..” ഒരു മൂളൽ മാത്രം.. അപ്പോഴേക്കും ധന്യയും ലക്ഷ്മിയും പിന്നാലെ സൂസനും വന്നു എന്തെല്ലോ സംസാരിക്കുമ്പോഴേക്കും ക്ലാസ്സില് മാഷ് വന്നു.. എക്സാം അടുത്ത് വരുന്നതിന്റെ ലക്ഷണം ഇപ്പോ ക്ലാസ് എണ്ണത്തിൽ അധികമുണ്ട്.

ഞാൻ ശ്രദ്ധിക്കാൻ പരമാവധി നോക്കി. പക്ഷേ പറ്റുന്നില്ല.. എനിക്ക് ഇപ്പോ ഒരു മടുപ്പ്.. ആദ്യമേ ഉഴപ്പിയത് കൊണ്ട് ഒന്നും മനസ്സിലാവാത്ത അവസ്ഥയായി.. ഇന്നലെ ചെറിയമ്മ വഴക്ക് പറഞ്ഞതില് കാര്യമില്ലാതില്ല.. എന്താവുമോ എന്തോ??