പൂനയില് നിന്ന് നേരിട്ട് ദാസേട്ടന്റെ വീട്ടിലേക്കാണ് സ്വാതിയും മക്കളും വന്നത് .ജോലിത്തിരക്കുകാരണം ദാസേട്ടന് കൂടെ കൂടാന് കഴിഞ്ഞില്ല. സ്വാതിയുടെ സ്വന്തം നാട്ടിലെ മഹാശിവക്ഷേത്രത്തില് ഉത്സവത്തോടനുബന്ധിച്ചുള്ള ക്ലാസിക്കല് നൃത്താവതരണവും വരവിന്റെ പ്രധാന ഉദ്ദേശലക്ഷ്യങ്ങളിലൊന്നാണ്
വന്ന് 3 ദിവസം കഴിഞ്ഞപ്പോഴേക്കും പ്രധാനപ്പെട്ട ബന്ധുജനങ്ങളുടെ ഗൃഹസന്ദര്ശനം വേഗം തന്നെ കഴിച്ചു വച്ചു സ്വാതി.. ഇനിയും നൃത്തം പ്ൂര്ണ്ണമായി ചിട്ടപ്പെടുത്തി കഴിഞ്ഞിട്ടില്ല എന്ന വേവലാതിയായിരുന്നു അവള്ക്ക് . തോഡയമംഗളവും അലാരിപ്പും കൂടാതെ 2 നൃത്താവതരണമാണ് സ്വാതി മനസ്സില് പദ്ധതിയിട്ടിരിക്കുന്നതും ഉത്സവാഘോഷ കമ്മിറ്റിക്കാരോട് ഏറ്റിരിക്കുന്നതും. ഒരെണ്ണം സ്വാതിയും മകള് ശ്രുതിഭദ്രയും കൂടി.മറ്റൊരെണ്ണം സ്വാതി മാത്രം തില്ലാന.അതില് മകളും താനും കൂടിയുള്ള നൃത്തശില്പം ചിട്ടപ്പെടുത്തി കഴിഞ്ഞു എന്ന ആശ്വാസമുണ്ട് പക്ഷെ താന് ഒറ്റക്കുള്ള നൃത്തം ഇനിയും പൂര്ണ്ണമായി ചിട്ടപ്പെടുത്തേണ്ടതുണ്ട് .എപ്പോഴും എങ്ങിനെ ഭംഗിയായി അതവതരിപ്പാക്കാം എന്ന ചിന്തയിലായിരുന്നു സ്വാതിയുടെ മനസ്സുമുഴുവന്. സമയം കിട്ടുമ്പോഴൊക്കെ പുതിയ നൃത്തചുവടുകള് അവള് ചിട്ടപ്പെടുത്താന് ശ്രമിക്കും ചിലപ്പോള് അത് വീണ്ടും മാറ്റും .ഇനി 3 ദിവസങ്ങള്കൂടിയേ ഉള്ളൂ എന്ന അങ്കലാപ്പിലായിരുന്നു അവള്. വേഷവിധാനവും ചമയവും തുടങ്ങി എല്ലാം ഒരിക്കല്കൂടി എടുത്ത് ഉറപ്പുവരുത്തണം.
ഇടവേളകളില് സ്വാതി ശ്രുതിഭദ്രയേയും മകന് ധ്യുതിനേയും ചേര്ത്ത് ദാസേട്ടന്റെ ആ പൂരാതന മനയുടെ വിശാലമായ തൊടിയില് ചുറ്റിക്കറങ്ങും നാഗക്കാവും പടവുകള്കെട്ടിയ തറവാടുകുളവും തൊടിക്കപ്പുറം നോക്കെത്താദൂരം പരന്നുകിടക്കുന്ന വയലേലകളും മക്കള്ക് കാണിച്ചുകൊടുക്കും.
പൂര്ണ്ണമായും ചുറ്റുമതിലോടുകൂടിയ പടവുകളും ഓടുമേഞ്ഞ മേല്ക്കൂരയോടുകൂടിയ കുളിക്കടവും ഏകദേശം 8 സെന്റോളം വിസ്തൃതിയില് കണ്ണുനീര് പോലെ തെളിഞ്ഞുകിടക്കുന്ന വെള്ളത്തോടുകൂടിയ ആ കുളവും പരിസരവും സ്വാതിയുടെ ഇഷ്ടപ്പെട്ട സന്ദര്ശന സ്ഥലമായിരുന്നു.
നാളെ രാവിലെ ആരാ എന്റെ കൂടെ ഇവിടെ കുളിക്കാന് വരുന്നേ……… കുളത്തിലേക്ക് അലക്ഷ്യമായി ഒരു ചെറിയ കല്ല് വലിച്ചറിഞ്ഞ് സ്വാതി മക്കളോടു ചോദിച്ചു.
കഭി ……..?. സ്വാതി മാ………….. ശ്രൂതിഭദ്ര സംശയത്തോടെ ചോദിച്ചു.
രാവിലെ 6 മണിക്ക് ……നീ അതിന് എഴുന്നേറ്റിട്ടു വേണ്ടേ……കുളികഴിഞ്ഞ് ക്ഷേത്രത്തിലും ദര്ശനം നടത്തണം…..നീ വരുന്നോ……..ശ്രുതി വരില്ലെന്നു അറിഞ്ഞിട്ടു തന്നെ സ്വാതി അവളോടു ചോദിച്ചു
നഹി….. മോര്ണിംഗ് ……എനിക്കു വയ്യ…….ചേട്ടന്വരും….. ശ്രുതിഭദ്ര കുറച്ചു നൃത്തചുവടുകളെടുത്തുകൊണ്ടു പറഞ്ഞു
ശ്രൂതി…..നന്നായി അരമണ്ഡലത്തില് അമര്ന്നിരിക്കൂ…… സ്വാതി അവളെ തിരുത്തി കൊടുത്തു
ഇതു പ്രാക്ടീസല്ലേ അമ്മേ………സ്റ്റേജില് ഞാന് തകര്ക്കും………….ശ്രുതി പറഞ്ഞു
ടാ…..നീ വരുന്നോ രാവിലെ കുളിക്കാന്…………മൊബൈലില് കുളത്തിന്റെയും കുളിക്കടവിന്റെയും ഫോട്ടോ പകര്ത്തി കൊണ്ടിരിക്കുന്ന ധ്യൂതിനോട് സ്വാതി ചോദിച്ചു
ഞാനല്ലേ അമ്മയോടു ഈ ഐഡിയ ഇട്ടത് …….. ധ്യൂത് പറഞ്ഞു
റെഡിയല്ലേ…അപ്പോള് രാവിലെ 6 മണിക്ക് വരാം ……..കുളി കഴിഞ്ഞുവേണം ക്ഷേത്രത്തില് പോകാന്……… ഏതാനും ഹസ്തമുദ്രകള് ആടി ചുവടുകള് വച്ച് സ്വാതി പറഞ്ഞു
ശരി സ്വാതി മാ……. ഞാന് വരാം…..വാട്ട് എ നൈസ് പ്ലെയ്സ് …. വാട്ട് എ പൂള് …….. ധ്യുത് ആവേശത്തോടെ പറഞ്ഞു
നാട്ടില് പോകുന്നുണ്ടെന്ന് പൂനയില് വച്ച് തിരുമാനിച്ചപ്പോഴേ സ്വാതി മനസ്സില് പ്ലാന് ചെയ്തതാണ് ദാസേട്ടന്റെ തറവാട്ടില് ഏതാനും ദിവസം നില്ക്കുന്നതും തറവാട്ടിലെ മനോഹരമായ തറവാട്ടുകുളത്തില് കുളിച്ച് ക്ഷേത്രത്തില് ദര്ശനത്തിനുപോകുന്നതും.ദാസേട്ടന്റെ കൂടെ വരുമ്പോഴും പലപ്പോഴും ആഗ്രഹിച്ചിട്ടുണ്ടെങ്കിലും സാധിച്ചിട്ടില്ല.