ചാരുലത ടീച്ചർ – 1
Charulatha Teacher | Author : Jomon
“ചാരു വാശികാണിക്കല്ലേ..”
ലൈബ്രറിയിലാരും വരാനിടയില്ലാത്ത ഷെൾഫുകളുടെ ഇടയിലേക്ക് ചാരുവിനെയും കൂട്ടി ഞാൻ കേറിനിന്നു
“പോടാ നിനക്ക് ഇപ്പൊ ന്നെ വേണ്ടല്ലോ..”
പരിഭവം നിറഞ്ഞശ്വരത്തിലവൾ പറഞ്ഞു…
“വേണ്ടാഞ്ഞിട്ട് ആണോടി പെണ്ണെ നിന്നെയും ചേർത്തു പിടിച്ചു ഞാനിങ്ങനെ നിക്കുന്നെ.. ഏഹ്…?
വിറപ്പു പൊടിഞ്ഞയവളുടെ മൂക്കിൻ തുമ്പിലൊന്നമർത്തി മുത്തികൊണ്ട് ഞാൻ ചോദിച്ചു.. എന്റെയാ നീക്കം പുള്ളിക്കാരിക്ക് നന്നായി ബോധിച്ചെന്ന് അവളുടെ ചുണ്ടിൽ വിരിഞ്ഞ ചിരിയിൽ നിന്നെനിക്ക് മനസിലായി പക്ഷെ ചാരുവാര മോള്…..അവളാ ചിരിയങ്ങു ഒതുക്കി കളഞ്ഞു ഞാൻ കാണാത്ത വിധത്തിൽ….അങ്ങനെയൊന്നുമവൾ വിട്ടു തരുകേലന്നെനിക്ക് അറിയാവുന്നതോണ്ട് തന്നെ കുറച്ചുകൂടെ സോപ്പിടാമെന്ന് ഞാൻ തീരുമാനിച്ചു
“ചാരുവേ….!!!
പതിഞ്ഞ സ്വരത്തിൽ ഞാനവളെയൊന്നു വിളിച്ചു നോക്കി.. അത് കേൾക്കേണ്ട നിമിഷം തന്നെയവളുടെ കണ്മഷിയെഴുതിയ കണ്ണുകൾ എന്നെനോക്കി…
പക്ഷെ ഞാനെന്തെങ്കിലും പറഞ്ഞു തുടങ്ങും മുൻപേ അവളുടെ കൈ രണ്ടും വന്നെന്റെ ചെവിയിൽ പിടുത്തമിട്ടിരുന്നു…..
“””അആഹ്ഹ… വിട്… വിട്… വിട്… ദേ പെണ്ണെ ശെരിക്കും വേദനിക്കുന്നുണ്ടേ.. അഹ്..!!!
കാലമാടത്തി ചെവി പിടിച്ചു പൊന്നാക്കിയെന്ന തോന്നുന്നേ…. അതുപോലെയായിരുന്നു ചെവിക്കുട പിടിച്ചു പൈപ്പ് തുറക്കുന്നത് പോലെ തിരിച്ചു വിട്ടത്…
“അതേണ്ടേ… നോക്കെടാ കുട്ടാ നിന്റെ ചെവിരണ്ടും ചെമ്പരത്തി പോലെ ചൊവ്വന്നു വന്നത്..”
പിള്ളേർക്ക് കളിപ്പാട്ടം കിട്ടിയത് പോലവൾ എന്റെ ചെവി നോക്കി പറഞ്ഞു… എല്ലാം കൂടെ കേട്ടങ്ങെനിക്ക് പൊളിഞ്ഞു വെന്നെങ്കിലും ഇനിയുമൊരു തല്ലുണ്ടാക്കണ്ടല്ലോ എന്നോർത്ത് ഞാനൊന്നടങ്ങി
“ഇതിപ്പോ ന്തിനാ എന്റെ ചെവി പിടിച്ചു നീ തിരിച്ചെ…”
വളരെ സംയമനത്തോടെ ഞാനവളെ എന്നിലേക്ക് ചേർത്തു നിർത്തികൊണ്ട് ചോദിച്ചു.. ഞാനവളെ വിളിക്കാൻ കാത്തു നിന്നതുപോലവൾ വന്നെന്നോട് ചേർന്നൊട്ടി നിന്നു
“കുടിക്കുവോടാ തെണ്ടി നീയിനി…?
കണ്മഷിയെഴുതിയ കണ്ണുകൾ രണ്ടും കൂർപ്പിച്ചവളെന്നെ നോക്കി… ഈശ്വരാ ഇവളിതെങ്ങനെ അറിഞ്ഞു
“ഞാൻ കുടിച്ചെന്ന് നിന്നോടാരാ പറഞ്ഞെ..?
കള്ളലക്ഷണമൊന്നും പുറത്തു കാണിക്കാതെ ഞാൻ അവളെനോക്കി… പക്ഷെയെന്റെ ഉടായിപ്പുകളെല്ലാം അടിച്ചുകലക്കി കുടിച്ചിട്ടുള്ളയവൾക്ക് എന്നെക്കണ്ടിട്ട് യാതൊരുവിധ കൂസലുമില്ലായിരുന്നു… ഇനിയും ഓരോന്ന് ചോദിച്ചാൽ അടുത്ത അടിക്കുള്ള വകുപ്പ് ആവും… തല്കാലത്തേക്ക് കുറ്റം സമ്മതിച്ചു കീഴടങ്ങുന്നതാ ബുദ്ധി
“അത് പിന്നേ അവന്മാര് നിർബന്ധിച്ചോണ്ടാ..!
അല്പം മടിയോടെ ഞാൻ പറഞ്ഞു നോക്കി… അത് കേട്ടതും പടക്കത്തിനു തിരി കൊളുത്തിയത് പോലങ്ങു തൊടിങ്ങി അവള്
“കുടിക്കാൻ പറഞ്ഞാ… നീയപ്പോ തന്നെ ചാടി കേറിവാങ്ങി കുടിക്കോ…?
“ഇല്ലില്ല… ഇത് ബിയർ ആയോണ്ടാ….”
“അതെന്താടാ ബിയറിൽ അൽക്കഹോൾ ഇല്ലേ…?
“അതുണ്ട് പക്ഷെ കള്ളിന്റെ അത്രം ഇല്ലല്ലോ ചാരുവേ… നീ ഇത്തവണത്തേക്ക് ക്ഷമിക്… ഇനിയൊണ്ടാവില്ല…”
അവളുടെ കൈ രണ്ടും കൂട്ടിപിടിച്ചു ഞാൻ പറഞ്ഞു… ആളൊന്നു തണുത്ത ലക്ഷണമുണ്ട്….
“ഹും…”
അവളുടെയാ മൂളൽ കേട്ടെനിക്ക് ചിരി വന്നെങ്കിലും ഞാനതൊതുക്കി പിടിച്ചു ഇല്ലെങ്കിൽ ഇന്നെന്റെ അടിയന്തരം നടത്തുമീ മുതല്
“കുട്ടാ നിന്റെ നല്ലതിന് വേണ്ടിയാട്ടോ ഞാനിതൊക്കെ പറയണേ…”
എന്റെ കവിളിൽ തലോടികൊണ്ടവൾ പറഞ്ഞു… എന്തോ അത് കേട്ടപ്പോ എനിക്കും പാവം തോന്നിയതിനോട്
“ചാരുവേ..”
അവളെയും ചേർത്തു പിടിച്ചു ഞാൻ വിളിച്ചു..
“എന്താടാ മോനേയ്…?
എന്റേത്ര തന്നയെ പൊക്കം ഉള്ളെങ്കിലും എന്റെ മുഖത്തേക്ക് നോക്കണമെങ്കിൽ അവൾക്ക് ഒരല്പം തലയുയർത്തി നോക്കണം.. എന്റെ നെഞ്ചിൽ ചാരികിടന്നു നോക്കുന്നയവളെ കണ്ടപ്പോ ഉള്ളിന്റെ ഉള്ളീന്നു വല്ലാത്തൊരു ആഗ്രന്തം തോന്നിയെന്നത് സത്യമാ… പക്ഷേങ്കി വെളിയിൽ വച്ചൊരു പരിപാടിയും നടകുകേലന്നാണ് മേളീന്നുള്ള ഉത്തരവ്