മണിയറക്കള്ളൻ
Maniyarakkallan | Author : Spulber
✍️… ആത്മാർത്ഥ സുഹൃത്തുക്കളാണ് മനോജും, ബാലുവും..രണ്ടാൾക്കും ഹൗസ് പെയ്ന്റിംഗ് പണിയാണ്.. വിവാഹ പ്രായമെത്തിയ അവർക്ക് നാട്ടിലെ കൂലിപ്പണി വിവാഹത്തിനൊരു തടസമായപ്പോഴാണ് മനോജ് ഗൾഫിൽ പോവാൻ തീരുമാനിച്ചത്.. മുഴുവൻ പേർക്കും ഇപ്പോ സർക്കാർ ജോലിക്കാരെ മതി..
ഇനിയൊരു സർക്കാർ ജോലിയൊന്നും വാങ്ങിച്ചെടുക്കാൻ കഴിയില്ലെന്നറിഞ്ഞ മനോജ് എങ്ങിനെയെങ്കിലും കുറച്ച് പൈസയുണ്ടാക്കി പൊളിഞ്ഞ് വീഴാറായ വീടൊന്ന് പുതിക്കിപ്പണിയണം,ഒരു പെണ്ണ് കെട്ടണം എന്ന ആഗ്രഹത്താൽ ഗൾഫിലേക്ക് വിമാനം കയറി.. അവനിപ്പോ താമസിക്കുന്ന വീട്ടിലേക്ക് ഒരഛനും സ്വന്തം മകളെ കെട്ടിച്ചയക്കില്ലായിരുന്നു..
രണ്ട് വർഷം ഗൾഫിൽ പണിയെടുത്ത് അവൻ പുതിയൊരു വീടുണ്ടാക്കി.. ഒരു കൊച്ചു വീട്.. പക്ഷേ, പണി മുഴുവനായും കഴിഞ്ഞിട്ടില്ല.. ചുവരൊക്കെ തേച്ചിട്ടുണ്ട്..നിലം തൽക്കാലം പരുക്കൻ തേച്ച് നിർത്തിയിരിക്കുകയാണ്..
പുറത്ത് പഴയ ബാത്ത്റൂമുള്ളത് കൊണ്ട് അകത്തെ ബാത്ത്റൂമിന്റെയും പണിതീർത്തിട്ടില്ല.. ഇത്രയും ആയപ്പോ തന്നെ മനോജിന് കുറച്ച് പൈസ കടമാണ്.. അഛന് വയ്യാത്തതിനാൽ വീട് പണിയെല്ലാം നോക്കി നടത്തിയത് സുഹൃത്തായ ബാലുവാണ്..
കെട്ടിച്ചയച്ച മനോജിന്റെ പെങ്ങൾ അവനൊരു വിവാഹാലോചന കൊണ്ടുവന്നു.. പരസ്പരം ഫോട്ടോ കണ്ടിഷ്ടപ്പെട്ട് അതങ്ങ് ഉറപ്പിക്കുകയും ചെയ്തു.. വിവാഹത്തിനായി അവൻ രണ്ട് മാസത്തെ ലീവിന് നാട്ടിലെത്തി..
തന്റെ അദ്ധ്വാനം കൊണ്ട് പണിത വീട് അഭിമാനത്തോടെയാണ് മനോജ് നോക്കിയത്..
വന്ന അന്ന് തന്നെ അവൻ പെങ്ങളേയും അമ്മയേയും കൂട്ടി പെണ്ണ് കാണാൻ പോയി.. ഫോട്ടോയിൽ കണ്ട ആ സുന്ദരിക്കുട്ടിയെ നേരിൽ കണ്ട് അവനിഷ്ടമായി.. പെട്ടെന്ന് തന്നെ കല്യാണത്തിനുള്ള തീയ്യതിയും നിശ്ചയിച്ചു..
വീട്ടിൽ കല്യാണ ഒരുക്കങ്ങൾ നടക്കുകയാണ്.. മനോജിന്റെ മുറിക്ക് മാത്രം വാതിലും ജനൽ പാളികളും വെച്ചു.. നിലം ടൈൽസിട്ടില്ലെങ്കിലും ചുവര് പെയ്ന്റടിക്കാൻ മനോജിന് ആഗ്രഹം തോന്നി.. ബാലുവാണ് പെയ്ന്റടിക്കുന്നത്..
“എന്റെ ബാലൂ… നിന്നോട് ഞാനന്നേ പറഞ്ഞതാ എന്റൊപ്പം ഗൾഫിലേക്ക് പോരാൻ… എങ്കി നിനക്കിപ്പോ ഈ പെയിന്റും ഇളക്കി ഇവിടെ കിടക്കണമായിരുന്നോ… ?”..
പെയ്ന്റ് മിക്സ് ചെയ്യുന്ന ബാലൂനെ മനോജ് കളിയാക്കി..അല്ലെങ്കിലും വന്നപ്പോ തൊട്ട് ബാലു ശ്രദ്ധിച്ചതാണ് മനോജിന്റെ മാറ്റം.. അവന് നല്ല അഹങ്കാരം കൂടിയിട്ടുണ്ടെന്ന് ബാലൂന് തോന്നി..
“നീ നോക്ക് ബാലൂ, എനിക്കൊരു വീടായി… ഇപ്പോ പെണ്ണും കിട്ടി… നീയിങ്ങനെ വല്ല വീട്ടിലും പെയ്ന്റടിച്ച് നടന്നോ… നിനക്കും വേണ്ടേ ബാലൂ ഒരു കല്യാണം… അല്ലെങ്കിലും നിനക്കൊക്കെ ആര് പെണ്ണ് തരാനാ… ഹ… ഹ… ഹാ…”..
ആത്മാർത്ഥ സുഹൃത്തായിട്ടും മനോജ്, ബാലുവിനെ ക്രൂരമായി പരിഹസിച്ചു.. ബാലു ചിരിച്ചതേ ഉള്ളൂ… എന്നാലും മനോജ് ഇത്രക്ക് അഹങ്കാരിയായത് അവനെ അതിശയിപ്പിച്ചു..
“നീ ഇതൊന്ന് നോക്കിയേ ബാലൂ… ഇതാണ് ജിഷ… ഇത്ര സുന്ദരിയായ ഒരു പെണ്ണ് നമ്മുടെ നാട്ടിലുണ്ടോ… ?.
ഇവളെ എനിക്ക് കിട്ടിയത് ഞാൻ ഗൾഫ് കാരനായത് കൊണ്ടാ… അതാ ഞാൻ പറഞ്ഞത് നീ ഇവിടെക്കിടന്ന് ചുറ്റിത്തിരിയാതെ ഗൾഫിലേക്ക് വാന്ന്…”..
മനോജ്, കൂട്ടുകാരന്റെ നല്ല ഭാവിക്ക് വേണ്ടിയല്ല, അവന്റെ പൊങ്ങച്ചം പറയുകയായിരുന്നു.. അവൻ മുന്നിലേക്ക് പിടിച്ച മൊബൈലിലേക്ക് ബാലു ഒന്ന് നോക്കി.. അവനന്തം വിട്ട് പോയി.. അതി സുന്ദരിയായ ഒരു യുവതി.. അവൻ പറഞ്ഞത് ശരിയാണ്.. ഈ നാട്ടിൽ ഇത് പോലൊരു ചരക്കില്ല.. ഈ മൈരന് ഈ വെണ്ണക്കട്ടിയെ എങ്ങിനെ കിട്ടി..?..
മനോജിന്റെ പൊങ്ങച്ചം അസഹ്യമായപ്പോൾ ബാലു പെയ്ന്റ് ബക്കറ്റുമായി വീടിന്റെ മുകളിലേക്ക് കയറി.. അകത്ത് അവന്റെ കൂടെയുള്ള രണ്ട് പേർ പണിയെടുക്കുന്നുണ്ട്.. അവൻ കയറിയത് സൺഷേഡിലേക്കാണ്.. വീടിനകത്ത് നിലം ഒന്നും ചെയ്തിട്ടില്ലെങ്കിലും പുറംഭാഗം നല്ല പെയ്ന്റ് തന്നെയാണ് അടിക്കുന്നത്..