അപ്രതീക്ഷിതമായി കാതിൽ പതിഞ്ഞ ആ ശബ്ദം കേട്ടപ്പോൾ, അവളുടെ കണ്ണുകൾ അക്കുവിലേക്കു തിരിഞ്ഞെങ്കിലും, പാതിവഴിയിൽ തന്നെ അവൾ ആ ശ്രമം ഉപേക്ഷിച്ചു,, വീണ്ടും തന്റെ പാചകത്തിലേക്ക് ശ്രദ്ധ തിരിച്ചു,,,
ചേച്ചിയുടെ മൗനം അവനെ അക്ഷമനാക്കി,,,
ഞാൻ ചോദിച്ചത് ചേച്ചി കേട്ടില്ലേ?? ഇപ്രാവശ്യം അവന്റെ സ്വരത്തിൽ അല്പം ഒരമർശം നിറഞ്ഞു നിന്നിരുന്നു,,,
“എനിക്ക് ആരോടും ഒരു കുഴപ്പവുമില്ല,”
ദൃഢമായ സ്വരത്തിൽ, അത്ര മാത്രം അച്ചു പറഞ്ഞു,,,
അക്കുവിന്റെ നേർക്കു തിരിഞ്ഞ് നോക്കാതെ, ഒരല്പം പോലും ആത്മാർത്ഥത തൊട്ടു തീണ്ടാതെയുള്ള മറുപടി,,,
പിന്നെ ചേച്ചി എന്താ ഇങ്ങനെ??
എങ്ങനെ??
അക്കുവിന്റെ ചോദ്യത്തിന് അച്ചു മറുപടി നല്കിയില്ല,, പകരം ഒരു തിരിച്ചു ചോദ്യമായി അതു ഉയർത്തി,,,
ചേച്ചിക്ക് അറിയില്ലേ?? എത്ര ദിവസമായി ചേച്ചി എന്നോട് മനസ്സറിഞ്ഞ് ഒന്ന് പുഞ്ചിരിച്ചിട്ട്?? എന്നോട് മുഖത്ത് നോക്കി ഒന്ന് സംസാരിച്ചിട്ട്?? എന്തിനാണ് എന്നോട് ഇങ്ങനെ അകലം കാണിക്കുന്നത്?? ഇതിനു മാത്രം എന്ത് തെറ്റാണ് ഞാൻ ചെയ്തത്??
വളരെ കരുത്തോടെ ആരംഭിച്ച അക്കുവിന്റെ ശബ്ദം, ചോദ്യങ്ങളുടെ പട്ടിക അവസാനിക്കുമ്പോൾ, ഇടറുന്നതായി അച്ചു വ്യക്തമായി ശ്രദ്ധിച്ചു,,,
അവന്റെ ശബ്ദത്തിലെ ഇടർച്ച അച്ചുവിന്റെ മനസ്സിൽ ഗാഢമായ പൊള്ളൽ ഉളവാക്കി,,,
പക്ഷേ എങ്കിലും യാതൊരു ഭാവ വ്യത്യാസവും ഇല്ലാതെ അവൾ പിടിച്ചുനിന്നു,, മൗനം തുടർന്നു!!
കുറച്ചു നിമിഷങ്ങൾ മൗനമായി തന്നെ കടന്നുപോയി,,,
വല്ലാത്തൊരു സമ്മർദ്ദം ഉയർത്തുന്ന മൗന നിമിഷങ്ങൾ,, ഇരുവരുടെയും മനസ്സിൽ ഉയർന്നുപൊങ്ങുന്ന ആശങ്കകളും, ചോദ്യങ്ങളും മാത്രം,, ഉത്തരമില്ലാത്ത,, അല്ലെങ്കിൽ തുറന്നു പറയാൻ സാധിക്കാത്ത കുറേ വിഷയങ്ങൾ അവർക്കിടയിൽ മൗനമായി കടന്നുപോയി!!
വീണ്ടും അക്കുവിന്റെ സ്വരം തന്നെയായിരുന്നു ആ നിശബ്ദതയെ തകർത്തത്,,
ശരി,, ചേച്ചിക്കനോട് സംസാരിക്കാൻ താല്പര്യം ഇല്ലെങ്കിൽ വേണ്ട,,
പക്ഷേ ഒരു ചോദ്യം,, ഒരേ ഒരു ചോദ്യം അതിന് ചേച്ചി എനിക്ക് ഉത്തരം തന്നേ മതിയാകു!!
അക്കുവിന്റെ ആ കനത്ത വാക്കുകളുടെ ശക്തിയിൽ അവൾ പോലും അറിയാതെ അവൾ അവനു നേർക്ക് തിരിഞ്ഞുനോക്കി,,
‘എന്താണ് ആ ചോദ്യം’? എന്ന ഭാവത്തോടെ,,,
ഞാൻ,, ഞാനാണോ കാരണക്കാരൻ?? ചേച്ചി ഇങ്ങനെ മാറാൻ ഞാനാണോ കാരണക്കാരൻ??
അക്കുവിന്റെ ഈ ചോദ്യങ്ങൾക്കു മുമ്പിൽ അച്ചു ഉത്തരം മുട്ടി നിൽക്കുകയായിരുന്നു,,,
അവളുടെ മനസ്സ് സ്വയം ശപിക്കുന്നു,,,
ഞാനാണ് തെറ്റുകാരി, എന്ന യാഥാർത്ഥ്യം ചുമന്നുകൊണ്ട്, ഓരോ ശ്വാസത്തിലും തീവ്രമായ നീരാശയും കുറ്റബോധവും പടർന്നുപിടിക്കുന്നു,,,
അവളുടെ ഉള്ളിലെ ആത്മസംഘർഷം ദാഹവും കനവും ചേർന്ന് ഒരൊറ്റ മലിനമായ വികാരപുഴയായി ഒഴുകിക്കൊണ്ടിരുന്നു,,,
ചേച്ചിയുടെ തുടർന്നുമുള്ള മൗനം അവൻ ഉത്തരമായി കണ്ടു,,,
ചില സാഹചര്യങ്ങളിൽ, മറുപടി കിട്ടാത്തതും ഒരു മറുപടിയായി തന്നെ കരുതണം എന്ന് മാത്രം ചിന്തിക്കാനുള്ള വകതിരിവ് അവനിൽ ഉണ്ടായിരുന്നു!!
അല്പനേരത്തെ കാത്തിരിപ്പിനു ശേഷവും ചേച്ചിയിൽ നിന്നും മറുപടിയൊന്നും കിട്ടാത്തത് കണ്ട് അവൻ അവന്റെ തീരുമാനം അറിയിച്ചു,,,
ശരി ചേച്ചിയെ,, എനിക്ക്,, എനിക്കെല്ലാം മനസ്സിലായി,,,
ഞാൻ,, ഞാൻ തന്നെയാണ് തെറ്റുകാരൻ,, ഞാനാണ് ഈ വീട്ടിലെ സന്തോഷം തകർത്തത്,,, ചേച്ചിയുടെ മനസ്സമാധാനം നശിപ്പിച്ചത്,,
എനിക്കറിയാം ഞാൻ ചീത്തയാണ്,,, എന്റെ മനസ്സിൽ ദുഷിച്ച ചിന്തകൾ മാത്രമേ ഉള്ളൂ,,,
എല്ലാത്തിനും മാപ്പ്,,
അടുത്ത ദിവസം തന്നെ ഞാൻ എന്റെ കമ്പനി അക്കോമോടാഷനിലേക്കു മാറിക്കോളാം,,,
ഇനി,, ഇനി ഒരിക്കലും ഞാൻ കാരണം ചേച്ചിക്ക് ഒരു ബുദ്ധിമുട്ടും ഉണ്ടാവില്ല,, ഞാൻ കാരണം ചേച്ചി ഒരു തരിപൊലും വിഷമിക്കുന്നത് എനിക്ക് സഹിക്കില്ല!!