🍃ദൂരങ്ങളിലേക്ക് 🍃- 1 18

എടാ ഞാൻ വന്നത് നിന്നോട് ഒരു സഹായം ചോദിക്കാനാണ്. എന്താണ് കാര്യം അച്ചോ. പള്ളിയിലെങ്കിലും? അതല്ലടാ,, അത് ഫിലിപ്പ്, ചെറുപ്പത്തിൽ അവന്റെ വേണ്ടപ്പെട്ടവർ നമ്മുടെ അനാഥാലയത്തിന്റെ മുന്നിൽ ഉപേക്ഷിച്ചിട്ട് പോയതാണ്. അതുപോലെ വേറെയും ഉണ്ട്. കൂട്ടത്തിൽ ഇവനാണ് മുതിർന്നത്.

നന്നായി പഠിക്കുമായിരുന്നു. Bcom കഴിഞ്ഞു. കോളേജ് കഴിഞ്ഞാൽ എന്റെ കൂടെ കൂടും അവിടെത്തെ കാര്യങ്ങൾ നോക്കും. അനാഥത്വത്തിന്റെ എല്ലാം ബുദ്ധിമുട്ടും അനുഭവിച്ചും ഇത്രെയും കാലം വളർന്നത്. അതുകേട്ടപ്പോൾ അന്ന ഒരു വാത്സല്യത്തോടെ അവനെ നോക്കി. അച്ഛൻ തുടർന്നു ഇനിയുള്ള കാലം എന്റെ കൂടെ കൂടിക്കോളാമെന്നാണ് അവൻ പറയുന്നത്. കർത്താവിന്റെ വിളി പ്രധീക്ഷിച്ചിരിക്കുന്ന എനിക്ക് സഹായത്തിനു കപ്യാർ തോമ തന്നെ ധാരാളം. അതുകൊണ്ട് ഇവന് എന്തേലും ഒരു ജോലി നീ കൊടുക്കണം.

തോട്ടത്തിലോ, ഡ്രൈവറായിട്ടോ നിന്നെകൊണ്ട് കഴിയുന്നത് കൊടുക്കണം. ശമ്പളം നീ കൊടുക്കുന്നത് മതി. അപേക്ഷയാണ്. അയ്യോ എന്താണ് അച്ചോ ഇത്. സത്യത്തിൽ എനിക്ക് ഒരാളെ അത്യാവശ്യം ആയിരുന്നു. തോട്ടത്തിലെ കാര്യങ്ങൾ നോക്കാനും എല്ലാത്തിനും. വയസ്സായ എന്നെകൊണ്ട് ഒറ്റക്ക് വയ്യ. അച്ഛൻ അവനോട് വരാൻ പറയ്. 25000 ശമ്പളം കൊടുക്കാം ജോലിയിൽ മിടുക്കനാണേൽ വേണ്ടത് പോലെ ചെയ്യാം.

ഫിലിപ്പേ! എന്താ ഫാദർ. ഇങ്ങോട്ട് വാ. അടുത്തേക്ക് വന്നു അച്ഛന് സൈഡിൽ നിന്ന്. എന്താണ് ഫാദർ? നിനക്ക്… നിനക്ക് വണ്ടി ഓടിക്കാൻ അറിയോ ജോസഫ് ആയിരുന്നു ചോദിച്ചത്. അറിയാം അച്ഛൻ മറുപടി കൊടുത്തു. ഫിലിപ്പ് നിശബ്ദനായി. അവിടെ വന്നതിന്റെ കാരണം അവനു ബോധ്യപ്പെട്ടു.

എന്നാൽ നാളെ മുതൽ ജോലിക്ക് പോരെ. തോട്ടങ്ങൾ നോക്കി നടത്തണം.അതൊക്കെ പരിചയമുണ്ടോ. അവൻ ആശ്വാസത്തോടെ ഇല്ല എന്ന് പറഞ്ഞു. സാരമില്ല അച്ഛൻ കയ്യിലേൽപ്പിച്ച ആളല്ലേ. ഞാൻ എല്ലാം പഠിപ്പിച്ച തരാം. തൊട്ടപ്പുറത്തെ ഔട്ട്‌ ഹൗസ് ചൂണ്ടി ജോസഫ് പറഞ്ഞു. നിനക്ക് അവിടെ താമസിക്കാം. അവനെ സംബന്ധിച്ച് കൈ വന്ന സുഖസൗകര്യത്തിനേക്കാൾ ഫാദർനെ വിട്ടുപിരിയുന്നതിലെ സങ്കടമായിരുന്നു.

അവന്റെ ബുദ്ധിമുട്ട് അന്നാമ്മ കാണുന്നുണ്ടായിരുന്നു. മക്കൾ എവിടെ കണ്ടില്ലല്ലോ. സാറ കോളേജ് പോയേക്കുവാ എത്താനാവുന്നെ ഒള്ളു. ജിനി ഇവിടെ പനിപിടിച്ചു കിടക്കുവാണ്. (സാറ 20 വയസ്സ്, ജോസഫിന്റേം അന്നയുടെയും ആദ്യത്തെ കൊച്ച്, അടുത്തുള്ള കോളേജിൽ Nursing പഠിക്കുന്നു, രണ്ടാമത്തെ ജിനി 18 വയസ്സ്, പ്ലസ് ടു പഠിക്കുന്നു) ജോസഫെ അന്നാമ്മേ എന്നാൽ ഞങ്ങളിറങ്ങുവാ. അവരോട് എന്റെ അന്വേഷണം ഒന്ന് പറഞ്ഞേക്ക്.

ശെരി അച്ചോ അന്ന മറുപടി കൊടുത്തു. വാടാ നമുക്ക് ഇറങ്ങാം. അവർ മുറ്റത്തേക്കിറങ്ങി റോഡിലേക്ക് നടന്നു. ഗേറ്റ് തുറക്കാൻ കൈ വെച്ച ഫിലിപ്പിന്റെ കൈയുടെ മുകളിൽ മറ്റൊരു കൈ വീണത്!. പെണ്ണിന്റെ കൈ ആണെന്ന് മനസ്സിലാക്കിയതും ഫിലിപ്പ് അവന്റെ കൈ പിന്നോട്ട് വലിച്ചു, അവളും. കുറച്ചു സെക്കന്റുകൾക്ക് ശേഷം അവൾ ഗേറ്റ് തുറന്നു… അവളെ കണ്ടതും രണ്ടുപേരുടെ കണ്ണുകൾ ഉടക്കി.

അവന്റെ മുഖത്തിന്റെ സൗന്ദരത്തിലേക് അവൾ നോക്കി നിന്നു. വെളുത്ത, മെലിഞ്ഞ, നീളമുള്ള ജോ ലൈൻ ഉള്ള നിഷ്കളങ്ക മുഖം. കുറച്ചു സെക്കണ്ടുകൾ അവൾ നോക്കി നിന്നു. അവനും അവൾ ഒരു ആശ്ചര്യമായിരുന്നു. നീളം കൂടിയ ജോ ലൈൻ, വെളുത്തു ചുവന്ന നിറം, നീണ്ട മൂക്കുകൾ, വിടർന്ന കണ്ണുകൾ, റോസ് ചുണ്ടുകൾ എല്ലാം കൊണ്ടും ഒരു മാലാഖ പോലെ തോന്നി. അവൾ പെട്ടെന്ന് നോട്ടം മാറ്റി അച്ഛനെ ശ്രദ്ധിച്ചു.

ഫാദർ എപ്പോ വന്നു. കുറച്ചു നേരമായി സാറ കൊച്ചേ. സാറ, അവൻ മനസ്സിൽ പറഞ്ഞു. അച്ഛൻ തുടർന്നു ജോസഫിനെ കാണാൻ വന്നതാ. ഇവന് ഒരു ജോലിക്ക് വേണ്ടി. ഇതാരാണ് ഫാദർ സാറ തിരക്കി. കർത്താവു എനിക്ക് തന്ന ഒരാനുഗ്രഹമാണിവൻ സാറ കൊച്ചേ. സാറ ഒന്നുകൂടെ ഫിലിപ്പിനെ നോക്കി. ചെറിയ ഒരു പുഞ്ചിരി നൽകി.

അവൻ തിരിച്ചും. എന്നാൽ ഞങ്ങളിറങ്ങുവാ. ശെരി ഫാദർ. അവൾ അകത്തേക്കും അച്ഛനും ഫിലിപ്പും പുറത്താക്കും. അവൾ കടന്ന് പോയപ്പോൾ പ്രേത്യേക ഒരു സുഗന്ധം കാറ്റിൽ അലയടിച്ചെത്തി. ഫിലിപ്പിന്റെ മൂക്കിലേക്ക് അടിച്ചു കയറി. അവൻ ആ പുതിയ അനുഭൂതിയെ മനസ്സിലേക്ക് ആവാഹിച്ചു അച്ഛനൊപ്പം പത്രോസിനെ കാത്ത് നിന്ന്….👻