🤹🏽‍♀️🤹🏽‍♀️മാതൃഗീതം – 2🤹🏽‍♀️🤹🏽‍♀️അടിപൊളി  

“”എനിയ്ക്കൊന്നും വേണ്ടാ….ഞാനൊന്ന് പുറത്ത് പോവാ…”” നില തെറ്റിയ മനസ്സിനെ ഞൊടിയിടയിൽ തന്നെ വരുതിയിലാക്കി കൊണ്ട് ഞാൻ ഗൗരവത്തോടെ പറഞ്ഞു….അത്‌ കേട്ട് അടുക്കളവാതിലിൽ എത്തി തിരിഞ്ഞ് നോക്കിയ അമ്മയുടെ മുഖത്ത് അപ്പോൾ സംശയം കലർന്ന അമ്പരപ്പ്……

“”എവിടെക്കാ പോകുന്നെ…..??”‘
“”ടൗണിലോട്ട്….””

“”എങ്ങോട്ടേക്കായാലും കഴിച്ചിട്ട് പോയാൽ പോരെ….””

“”വേണ്ടാ… ഞാൻ പോവാ……””

“”സഞ്ജു…..ഡാ അവിടെ നിൽക്ക്….അവിടെ നിൽക്കാനാ പറഞ്ഞേ…..”” പുറകെ വിളിച്ച് കൊണ്ട് വന്ന അമ്മയെ ഗൗനിക്കാതെ ഞാൻ വീടിന്റെ പടിയിറങ്ങി….പുറത്ത് കടന്ന് ഗേറ്റ് അടയ്ക്കാൻ നേരം തിരിഞ്ഞു നോക്കിയപ്പോൾ വീടിന്റെ ഉമ്മറത്ത് എന്നെ തന്നെ നോക്കി കൊണ്ട് നിന്നിരുന്ന അമ്മയുടെ മുഖം മൂകമായിരുന്നു…..അത്രയും നേരം ഉണ്ടായിരുന്ന ദേഷ്യവും ഗൗരവവും എനിക്ക് കാണാൻ കഴിഞ്ഞില്ല…. പകരം കണ്ടത് ഈറൻ നനവ് പടർന്ന മഷി എഴുതി കറുപ്പിക്കാത്ത മിഴിയിണകളായിരുന്നു…… ആ ഹൃദയം ഇപ്പോൾ അനുഭവിക്കുന്ന പിടച്ചിലുകളായിരുന്നു……..

നേരെ പോയത് ടൗണിലേക്കായിരുന്നു…. ബസ്സ്റ്റാൻഡിലേക്കുള്ള അപ്പ്രോച്ച് റോഡ് സൈഡിലാണ് കൂട്ടുകാരൻ ഫൈസലിന്റെ ബാപ്പയുടെ തുണി പീടിക…..അങ്ങോട്ട് തന്നെ വിട്ടു…. Mens Wear മാത്രമുള്ള ഷോപ്പ് ആണ്….. ഞാനും ഫൈസലും എട്ടാം ക്ലാസ്സ്‌ മുതൽ ഒരുമിച്ചാണ് പഠിച്ചത്….. പ്ലസ്ടു വിന് തോറ്റപ്പോൾ അവന്റെ ബാപ്പ അവനെ പിടിച്ചു കടയിൽ കൊണ്ട് പോയിരുത്തി…..പഠിക്കാൻ താൽപ്പര്യം ഇല്ലാത്തതിനാൽ ഫൈസലിനും എതിർപ്പോന്നുമുണ്ടായിരുന്നില്ല….ബാപ്പയ്ക്ക് സെക്കന്റ്‌ ഹാൻഡ് വണ്ടികളുടെ കച്ചവടം കൂടി ഉള്ളതിനാൽ തുണിക്കട ഇപ്പോൾ അവന്റെ കൺട്രോളിലാണ്……

“”നീ എന്താണ്ടാ രാവിലെ തന്നെ…..”” പതിവില്ലാതെ പെട്ടെന്ന് ഞാൻ കടയിലേക്ക് വന്നോണ്ടായിരിക്കും ഫൈസലിന് ഒരു അമ്പരപ്പ്……ഞാൻ ചെല്ലുമ്പോൾ കടയിൽ അവൻ മാത്രമേ ഉണ്ടായിരുന്നുള്ളു…

“”ഏയ്യ് ഒന്നുമില്ലടാ ഞാൻ ചുമ്മാ വീട്ടിലിരുന്നു ബോറടിച്ചപ്പോൾ ഇറങ്ങിയതാ….….””

“”ആഹ്…കുറേ നാളായില്ലേ നീ ഇങ്ങോട്ട് വന്നിട്ട്…..എൻട്രൻസ് എക്സാം ആണെന്ന് പറഞ്ഞ് അന്ന് മുങ്ങിയവനാ….എന്നിട്ട് ഇപ്പോഴാ അവനെ കാണുന്നെ……”” പരിഭവം കലർന്നുള്ള അവന്റെ അവന്റെ കളിയാക്കൽ കേട്ട് ഞാനും ഇളിച്ചു…..

”അല്ലടാ വിഷ്ണുവേട്ടൻ വന്നില്ലേ…..?? “”

“”ഇല്ലടാ….പുള്ളി എറണാകുളം പോയേക്കാ…എന്തോ ജോലിയുടെ കാര്യത്തിന്…..”” ഡിസ്പ്ലേയിൽ ഇട്ട് വച്ചിരിക്കുന്ന ഡ്രെസ്സിലെ ചുളിവ് നേരെയക്കവേ അവൻ പറഞ്ഞു….. വിഷ്ണുവേട്ടൻ ഫൈസലിന്റെ കടയിൽ ജോലിക്ക് നിൽക്കുന്ന ചേട്ടനാണ്…..

“”പുള്ളി ഇടയ്ക്കിടയ്ക്ക് പോകുന്നുണ്ടല്ലോ….””

“”ആ,,, അതാ ജോലി ഏകദേശം ഉറപ്പായ മട്ടാ….മിക്കവാറും ആള് ഇനി ഇവിടത്തെ പണി നിർത്തും….””

“”അപ്പോൾ നീ കടയിൽ തനിച്ചാവില്ലേ…..””

“”ഹ്മ്മ്,, ആരെങ്കിലും കിട്ടുമോന്ന് നോക്കണം…..വീടിന്റെ അടുത്ത് ഒരുത്തനോട് ചോദിച്ചു…..അടുത്ത ആഴ്ച തൊട്ട് വരാമെന്ന് അവൻ ഏറ്റിട്ടുണ്ട്…..അത്‌ വരെ ഞാൻ തന്നെ എല്ലാം നോക്കേണ്ടി വരും….. കുഴപ്പല്ല്യ….കുറച്ച് ദിവസത്തെ കാര്യല്ലേ…..””
“”തല്ക്കാലത്തേക്ക് വേണൽ ഞാൻ നിൽക്കാടാ…..എനിക്കിപ്പോ വേറെ പരിപാടിയൊന്നും ഇല്ലല്ലോ…..””

“”അപ്പോൾ അന്റെ പഠിത്തോ…..””

“”എൻട്രൻസ് റിസൾട്ട്‌ വരാൻ ഇനി രണ്ടാഴ്ച സമയം ഉണ്ട്…..പാസ്സ് ആയാൽ അല്ലെ intermediate കോച്ചിംഗ് ന് ജോയിൻ ചെയ്യേണ്ട കാര്യള്ളോ…..അത്‌ വരെയും സമയം ഉണ്ടല്ലോ….ഞാൻ നിന്നോളാംടാ…..””

പിന്നെ ഫൈസൽ കൂടുതലൊന്നും പറഞ്ഞില്ലേ….കടയിൽ ഒരു സഹായം ആകുമല്ലോ എന്ന് അവനും കരുതി കാണും….അങ്ങനെ അന്ന് മുതൽ ഞാൻ ഫൈസലിന്റെ ഷോപ്പിൽ ജോലിക്ക് പോകാൻ തുടങ്ങി……

രാവിലെ ഒമ്പതര മണിക്ക് അമ്മ ബാങ്കിലേക്ക് പോകാൻ ഇറങ്ങുന്നതിനു മുൻപ് ഞാൻ പോകും…..രാത്രി കട അടച്ചു വീട്ടിലെത്തുമ്പോൾ പത്ത് മണി ആകാറായിട്ടുണ്ടാകും…വീട്ടിൽ നിന്നും ഞാൻ ഭക്ഷണമൊന്നും കഴിക്കാതെയായി….എന്തിന് പരസ്പരം മിണ്ടുക പോലും ഇല്ലാ….പുള്ളിക്കാരിത്തി മിണ്ടാൻ വന്നാലും ഞാൻ ഒഴിഞ്ഞു മാറി പോകും……രണ്ടാമത്തെ ദിവസവും അത്‌ ആവർത്തിച്ചപ്പോൾ അമ്മ എന്നോട് ദേഷ്യപ്പെട്ടു…. എന്നാൽ അത്‌ ഗൗനിക്കാതെ നടന്നപ്പോൾ അമ്മയുടെ കണ്ണുകൾ നിറയുന്നത് ഞാൻ ശ്രദ്ധിച്ചിരുന്നു…..അമ്മയുടെ എടിഎം കാർഡുകളിലൊന്ന് കയ്യിലുണ്ടായിരുന്നെങ്കിലും അതിനെ ആശ്രയിക്കാതെ തന്നെ ഭക്ഷണമുൾപ്പടെയുള്ള എന്റെ വട്ടചെലവുകൾ തടസ്സമില്ലാതെ നടന്നു പോയി……..

ഫൈസൽ തരുന്നത് കൂടാതെ പ്ലസ് വണ്ണിനും പ്ലസ്ടു വിനുമൊക്കെ പഠിക്കുമ്പോൾ ഞാൻ കൂട്ടുകാരോടൊപ്പം കാറ്ററിംഗ് ജോലിക്കൊക്കെ പോകുമായിരുന്നു….പിന്നെ ക്രിക്കറ്റ്‌ മാച്ച് ജയിച്ചു കിട്ടുന്ന കാശും….അങ്ങനെ ചെറിയൊരു സേവിങ്സ് എന്റെ അക്കൗണ്ടിൽ കിടപ്പുണ്ട്…..അതിന്റെ ധൈര്യത്തിലും കൂടി ആണ് ഞാൻ അമ്മയെ വെറുപ്പിച്ചു കൊണ്ട് ഇമ്മാതിരി വേഷംകെട്ട് കാണിക്കുന്നത്…..

ഡ്രസ്സ്‌ കടയിൽ ജോലിക്ക് പോയി തുടങ്ങി മൂന്നാം ദിവസം ഉച്ചക്ക് ഹോട്ടലിൽ നിന്നും ഭക്ഷണം കഴിച്ചു മടങ്ങി വരുമ്പോഴായിരുന്നു കടയുടെ ഓപ്പോസിറ്റ് ആയി റോഡ് സൈഡിൽ അമ്മയുടെ കാർ കിടക്കുന്നത് ശ്രദ്ധിച്ചത്…… ഡ്രൈവിംഗ് സീറ്റിൽ എന്നെ തന്നെ ഉറ്റു നോക്കി കൊണ്ടിരിക്കുന്ന അമ്മയെ ഞാൻ കണ്ടു…..അമ്മയുടെ മുഖത്ത് ദേഷ്യവും സങ്കടവും എല്ലാം നിറഞ്ഞു നിന്നിരുന്നു….. എന്നാൽ കണ്ട ഭാവം നടിക്കാതെ ഞാൻ വേഗം കടയിലേക്ക് കയറിപ്പോയി……അല്പസമയത്തിനു ശേഷം അമ്മയുടെ കാർ അവിടെ നിന്നും പോകുന്നത് കടയുടെ ഗ്ലാസ്സ് ഡോറിനുള്ളിലൂടെ കണ്ടിരുന്നു…… ഞാൻ എവിടേക്കാണ് പോകുന്നതെന്നും എവിടെയാണ് പകൽ സമയം ചിലവഴിക്കുന്നതെന്നും മനസ്സിലായ സ്ഥിതിക്ക് അമ്മ അതിനെപ്പറ്റി എന്നോട് ചോദിക്കുമെന്നും ഊഹിച്ചു….അത്‌ പോലെ തന്നെ അന്ന് സംഭവിക്കുകയും ചെയ്തു……
രാത്രി ഒരു പതിനൊന്നര മണി കഴിഞ്ഞു കാണും… ഹെഡ്സെറ്റ് വച്ച് പാട്ടും കേട്ട് കിടക്കുകയായിരുന്നു ഞാൻ…. പെട്ടെന്നായിരുന്നു ചാരിയിട്ടിരുന്ന വാതിൽ തുറന്ന് അമ്മ മുറിയിലേക്ക് വന്നത്….

“”നീ എന്താ ഇത്ര നേരമായിട്ടും ഉറങ്ങാത്തെ….??”‘ മുറിയിലേക്ക് കടന്നതും അമ്മയുടെ ഗൗരവത്തോടെയുള്ള ശബ്ദം….

“കിടന്നിട്ട് ഉറക്കം വന്നില്ല…” ഹെഡ്സെറ്റ് മാറ്റിവച്ച് ബെഡിൽ എഴുന്നേറ്റ് നിന്ന് കൊണ്ട് ഞാൻ പറഞ്ഞു….

“”ഹ്മ്മ്…” അമർത്തിയൊന്നു മൂളിക്കൊണ്ട് അമ്മ കമ്പ്യൂട്ടർ ഇരുന്നിരുന്ന ടേബിളിനരികിലേക്ക് നീങ്ങി….കീബോർഡിലൂടെയൊന്ന് മെല്ലെ വിരലോടിച്ചു കൊണ്ട് എന്റെ നേരെ തിരിഞ്ഞ് കൈ രണ്ടും കെട്ടി നിന്നു…. അന്നേരത്തെ ഗീതുവിന്റെ നോട്ടം എന്റെയുള്ളിൽ ചെറിയ ഒരു പരിഭ്രമം ഉണ്ടാക്കി….അത്‌ എന്റെ മുഖത്തും പ്രകടമായിരിക്കണം….

+14

-25