പ്രണയമന്താരം – 13

അവൻ അവന്റെ അമ്മയെ തലഉയർത്തി നോക്കി വല്ലാത്ത ഒരു ആരാധന തോന്നി അമ്മയോട്….. എന്തു വിഷമത്തിലും കൂടെ നിക്കുന്ന ദൈവത്തോടു..

അമ്മയ്ക്ക് എങ്ങനെ മനസിലായി ഇതു….. അവൻ ഒരു വളിച്ച ചിരി പാസ്സാക്കി അമ്മയോട് ചോദിച്ചു….

ഹഹഹ… കാരണം ഞാൻ നിന്റ അമ്മ ആയതു കൊണ്ട്….

ഹ… പറ കല്യാണി…..

അതൊക്കെ മനസിലായി ട.. ഞാനും ഒരു പെണ്ണല്ലേ.. പിന്നെ നിങ്ങടെ ഈ പ്രായം കഴിഞ്ഞു അല്ലെ ഞാനും വന്നെ……
കല്യാണി ആള് കൊള്ളാല്ലോ… അവൻ ഒരു ഉമ്മ നൽകി ആ കവിളിൽ…

അയ്യടാ ചെക്കന്റെ സന്തോഷം കണ്ടോ….

അമ്മ ഓക്കേ ആണോ….

ആ കുഴപ്പം ഇല്ല എന്റെ കണ്ണന് വേണ്ടി അല്ലെ….

അമ്മ എജ്ജ് ഒരു പ്രെശ്നം ഇല്ലേ..

അതൊക്കെ ഉണ്ട്.. എന്നാലും എന്റെ കണ്ണന്റെ സന്തോഷം അല്ലെ ഞങ്ങടെ സന്തോഷം… പിന്നെ അവളു പാവം ആണ് നിന്നെ പൊന്നുപോലെ നോക്കിക്കോളും…

ഹും.. അച്ഛനു അറിയുമോ..

ഇല്ല.. സമയം ആകുമ്പോൾ ഞാൻ പറഞ്ഞോളാം..

അമ്മാവന്മാർ സമ്മതിക്കുമോ..

ആ ചെറിയ തട്ടലും, മുട്ടലും ഒക്കെ പ്രതീക്ഷിക്കാം… കേശവൻ ചേട്ടൻ ഒക്കെ ആകും ആദ്യം ചേട്ടനോട് പറയാം…..

ഹും…..

പിന്നെ നീ ഇപ്പോളെ തുളസിയോട് ഞാൻ അറിഞ്ഞു എന്ന് പറയണ്ട…. ഞാൻ ഒന്ന് കാണാട്ടെ എന്റെ ഭാവി മരുമോളെ…
അയ്യോ…… അതൊരു തൊട്ടാവാടി ആണ് പേടിപ്പിക്കല്ലേ…

അയ്യടാ ഒളിക്കുന്നു തൂത്തു കള…. അവിടം വരെ ഒക്കെ ആയി അല്ലെ

ഒന്ന് പോ കല്യാണി…

എന്നാ എന്റെ കള്ള കാമുകൻ കിടന്നോ… ഞാൻ അവളെ ഒന്ന് കണ്ട് വരാം…..

തുളസി…. മോളെ തുളസി…..

ആ ടീച്ചർ ഞാൻ ഇവിടെ ഉണ്ട്….

ആ മോളെ ഇപ്പോൾ ഫ്രീ ആണോ..

ആ ഫ്രീ ആണ് ടീച്ചറെ എന്തു പറ്റി…

എന്റെ കൂടെ ഹരിപ്പാട് വരെ ഒന്ന് വരുമോ… കൃഷ്ണ നാളെ പഠിക്കാൻ പോയി തുടങ്ങുവല്ലേ.. കുറച്ചു സാധനം വാങ്ങണം…

അവൻ ഒന്നും പറഞ്ഞില്ലല്ലോ.. തുളസി പയ്യെ പറഞ്ഞു…

എന്താ മോളെ…
ആ ഒന്നുല്ല ടീച്ചറെ… ഞാൻ ചുമ്മാ..

ആ.. ആ… മോള് ഓക്കേ അല്ലെ…

ആ ടീച്ചർ ഞാൻ ഒന്ന് റെഡിയാവേണ്ട ടയിമേ ഉള്ളു..

എന്നാൽ മോള് റെഡിയായി വാ ഞാൻ ഇവിടെ ഇരിക്കാം. അല്ല അമ്മ എന്തിയെ..

അമ്മ മുറിയിൽ ഉണ്ട് ആൾക്ക് ഇപ്പോൾ വയ്യ… പ്രായം കൂടി വരുക അല്ലെ.. പിന്നെ അസുഖവും…

ആ ഞാൻ എന്നാ അമ്മയെ ഒന്ന് കാണട്ടെ മോള് റെഡിയാവു..

ഓ.. ശെരി..

അവർ അങ്ങനെ അവിടെ നിന്നും ഹരിപ്പാട് വന്നു സാധനങ്ങൾ വാങ്ങി. തിരിച്ചു പോകും വഴി തുളസിയോട് ഒന്ന് സംസാരിക്കാൻ വേണ്ടി ആൽത്തറ ചുവടു ആയപ്പോൾ വണ്ടി നിർത്താൻ പറഞ്ഞു…

എന്താ എന്തു പറ്റി ടീച്ചറെ..

വണ്ടിയിൽ ഇറങ്ങി വരുന്ന തുളസിയെ നോക്കി നിന്നു കല്യാണി… സുന്ദരി ആണ് ഒരു നാട്ടിൻപുറത്തുകാരി സുന്ദരി കുട്ടി ആരും നോക്കി പോകും അവളെ. സാരി ആണ് വേഷം. ചുവന്നു പച്ച ബോർഡർ ഉള്ള സാരി. അതിനു മാച്ച് ആയി പച്ച ബ്ലാവുസും. മുടി വിടർത്തി ഇട്ടിട്ടുണ്ട് പനംകുല പോലെ. കണ്ണുകൾ ചന്തമേകി കണ്മഷി ഉണ്ട്, ചുവന്നു തുടുത്ത അദരങ്ങൾ, കവിളുകൾ ഇളം ചുവപ്പ് പടർന്നു സുന്ദരം ആണ്. ചെറിയ ഒരു കറുത്ത പൊട്ടു അവളുടെ സവുന്ദര്യം വേറെ തലത്തിൽ എത്തിക്കുന്നു.. ആരും നോക്കി പോകുന്ന കരീം കുവള മിഴികൾ ഉള്ള സുന്ദരി. കുറച്ചു മുടി കാറ്റിൽ ആടി മുഖത്തു തത്തി കളിക്കുന്നു. അതു പിടിച്ചു ചെവിപുറകിൽ വെച്ച് അവൾ നടന്നു വന്നു

ഹേയ് ഒന്നും ഇല്ല മോളോട് ഒന്ന് തനിച്ചു സംസാരിക്കണം എന്ന് തോന്നി…
തുളസി ഒന്ന് പരുങ്ങി… അവൾക്കു എന്തോ ഒരു ബുദ്ദിമുട്ട് പോലെ..

ആ…. മോളെ കൃഷ്ണയ്ക്ക് ഒരു ആലോചന അവന്റെ അമ്മാവന്റെ മോള് തന്നെ ആണ് ഡിഗ്രി സെക്കന്റ്‌ ഇയർ ആണ്…. നല്ല കുട്ടിയാണ് നല്ല സ്വഭാവം കാണാനും കൊള്ളാം നമുക്ക് അറിയുന്ന ആളുകളും.. മോൾ എന്തു പറയുന്നു..

അതു കേട്ടപ്പോൾ തന്നെ തുളസിയുടെ ചങ്കു പിടഞ്ഞു. വിധി വീണ്ടും അവളെ ചതിക്കുക ആണോ എന്ന് തോന്നി…… അവളുടെ കണ്ണുകൾ നിറഞ്ഞു, മുഖത്തെ ചോര വറ്റി വിളറി വെളുത്തു….

Leave a Reply

Your email address will not be published. Required fields are marked *