ശരണ്യ :ചേട്ടൻ കമ്പ്യൂട്ടർ സയൻസ് അല്ലെ !!!
ഞാൻ :ആഹ്ഹ് ആ അതെ !!
ശരണ്യ :അഹ് മം ഞാൻ ബിയോളജി ആണ്, പ്ലസ് ഒൺ .
ഞാൻ :അഹ് എനിക്ക് അറിയാം !!
ശരണ്യ :എങ്ങനെ അറിയാം !!!
ഞാൻ :അഹ് ഞാൻ തന്നെ താഴെ വെച്ച് കണ്ടിട്ടുണ്ട്. താൻ ക്ലാസ്സിലേക്ക് കയറി പോകുന്നത്.
ശരണ്യ :ഉം, പിന്നെ ചേട്ടാ എനിക്ക് ഒരു കാര്യം പറയാൻ ഉണ്ട് !!!അത് പിന്നെ.
ഞാൻ :എന്താടോ !!!
ശരണ്യ :ചേട്ടൻ എനിക്ക് ഒരു ഹെല്പ് ചെയ്യുമോ,,,
ഞാൻ :ഹെല്പ് !!!എന്ത് ഹെല്പ്?
ശരണ്യ :ചേട്ടന്റെ ക്ലാസ്സിലെ മിഥുൻ ചേട്ടൻ
എന്നേ പ്രപ്പോസ് ചെയ്തിരുന്നു.
അപ്പോഴേക്കും എന്റെ മനസ് വല്ലാതെ ഒന്ന് നീറി. എല്ലാം കൈ വിട്ടു എന്നപോലെ ആയി.
ശരണ്യ :എനിക്ക് ആ ചേട്ടനോട് അങ്ങനെ തോന്നിയിട്ടില്ല, ഞാൻ നേരിട്ട് പറഞ്ഞാൽ ആ ചേട്ടന് ചിലപ്പോൾ വിഷമം ആകും.
ഓഹ് അപ്പോൾ ആണ് എനിക്ക് ശ്വാസം നേരെ വീണത്.
ശരണ്യ :എനിക്ക് വേറെ ഒരാളെ ആണ് ഇഷ്ടം !
അത് കേട്ടപ്പോൾ തന്നെ എന്റെ മനസ്സ് ബുഫർ അടിക്കും പോലെ വീണ്ടും മിടിക്കാൻ തുടങ്ങി. എന്റെ മുഖം വല്ലാതെ വാടി പോയി. ഞാൻ അവളുടെ മുഖത്ത് നിന്ന് കണ്ണെടുത്തു അലക്ഷ്യമായി അങ്ങോട്ടും ഇങ്ങോട്ടും നോക്കി.
ശരണ്യ :ചേട്ടായി അതെ മുഖം എന്തേ പെട്ടെന്ന് വാടി പോയത്..
ഞാൻ :ഹേയ് ഒന്നുല്ല..
ശരണ്യ :പിന്നെ എന്റെ ഇഷ്ടം ഞാൻ അയാളോട് ഇത് വരെ തുറന്നു പറഞ്ഞിട്ടില്ല.
ഞാൻ :ആരാ അത് !$#
ശരണ്യ :ചേട്ടൻ എന്നേ ഒന്ന് ഹെല്പ് ചെയ്യുമോ !!അത് ഒന്ന് പറയാൻ
ഞാൻ :അത് ഞാൻ എന്തിനു !!!എന്തെങ്കിലും തോന്നിയാൽ അത് നേരിട്ട് പറയണം അല്ലാതെ മറ്റുള്ളവർ വഴി,, അതൊക്കെ ബോർ ആടോ.
ശരണ്യ :ആണോ. അപ്പോൾ നേരിട്ട് പറഞ്ഞാൽ കുഴപ്പമില്ല അല്ലെ !
ഞാൻ :ഉം ഇല്ല,,,
എന്റെ മനസ് കരഞ്ഞു കൊണ്ട് ആണ് ഞാൻ അവളോട് അങ്ങനെ പറഞ്ഞത് എങ്കിലും.
അവളുടെ മുഖത്ത് നോക്കി സംസാരിക്കാൻ എനിക്ക് തോന്നിയില്ല.
ശരണ്യ :ചേട്ടാ ഉം i love u…
ഞാൻ അത് കേട്ട് ആദ്യം ഒരു ഫീലും തോന്നിയില്ല എന്നൽ പെട്ടെന്ന് എന്റെ മനസ്സിൽ എന്തോ തണുത്ത വെള്ളം കോരി ഒഴിച്ച പോലെ ആയി..
ഞാൻ :എന്താ !!!പറഞ്ഞേ !!!
ശരണ്യ :ഇയ്യോ കുഴപ്പം ആയോ !!അതെ പറയാൻ പറഞ്ഞു ഞാൻ പറഞ്ഞു !!
ഞാൻ :ശരിക്കും…
ശരണ്യയുടെ മറുപടി ഒരു പുഞ്ചിരി ആയിരുന്നു.
ശരണ്യ :ചേട്ടൻ എന്നേ ഇഷ്ടം അല്ലേ !!
ഞാൻ :അതെ ഇഷ്ടം ആണ് !!!
ശരണ്യ :പിന്നെ എന്തേ എന്നോട് പറയാൻ ഇത്രയും മടി. ചേട്ടൻ അല്ലെ എന്നോട് കുറച്ചു മുൻപ് പറഞ്ഞത്, പ്രണയം തോന്നിയാൽ തുറന്നു പറയണം എന്ന്.
സത്യത്തിൽ അവളോട് തിരിച്ചു പറയുവാൻ എനിക്ക് വാക്കുകൾ കിട്ടാത്ത പോലെ ആയി. ഞാൻ തലയിൽ കൈ വെക്കുന്നു മുഖത്ത് വെക്കുന്നു നടുവിൽ വെക്കുന്നു എന്താ ചെയ്യാ ഒന്നും പറയാൻ പറ്റാത്ത ഒരു അവസ്ഥ. പിന്നെ പയ്യെ പഴയ പോലെ ആയി അവളുടെ കൂടെ ഒരുമിച്ച് നടന്നു സ്കൂളിലേക്ക്. എന്റെ ജീവിതത്തിലെ ഏറ്റവും മനോഹരമായ പ്രണയം അവിടെ തുടക്കം കുറിക്കുക ആയിരുന്നു. ഞാൻ പ്ലസ് ടു കഴിഞ്ഞപ്പോൾ ഞാൻ കോളേജിലേക്ക് മാറി. എന്നാലും ഞങ്ങളുടെ പ്രണയം അങ്ങനെ തന്നെ നില നിന്നു.
അങ്ങനെ ഒരു അഞ്ചു വർഷം മനോഹരമായ പ്രണയം വീട്ടിൽ പ്രശ്നങ്ങൾ സൃഷ്ടിച്ചു. അവൾക്ക് വീട്ടിൽ വിലക്ക്കൾ ഏർപ്പെടുത്തി. അവളുടെ അച്ഛനും അമ്മയും എല്ലാരും അവൾക്ക് എതിരെ തിരിഞ്ഞു. പാവം എല്ലാം എനിക്ക് വേണ്ടി സഹിച്ചു ഒടുവിൽ ഞാൻ ചെന്നൈയിൽ നിന്ന് നാട്ടിലേക്ക് എത്തി. മറിച്ചു ഒന്നും തന്നെ നോക്കിയില്ല നേരെ അവളുടെ വീട്ടിലേക്കു പോയി. എന്റെ പേര് പറഞ്ഞതും അവർക്ക് എന്നേ കൊല്ലാൻ ഉള്ള ദേഷ്യം ഉണ്ടായി.എന്നാൽ ഞാൻ മുഖത്ത് ഒരു പുഞ്ചിരി മാത്രം നില നിർത്തി സംസാരിക്കാൻ തുടങ്ങി.
ഞാൻ :ഞങ്ങൾ പ്രണയിക്കാൻ തുടങ്ങിയിട്ട് അഞ്ചു വർഷത്തോളം ആയി. ഇപ്പോൾ എൻജിനിയറിങ് കംപ്ലീറ്റ് ആയി ക്യാമ്പസ് ഇന്റർവ്യൂ കഴിഞ്ഞു എനിക്ക് ജോലി റെഡി ആയി. എനിക്ക് നിങ്ങളുടെ മകളെ കെട്ടിച്ചു തരുമോ !!
അവർ രണ്ടു പേരും ഒന്നും മിണ്ടിയില്ല.
ഞാൻ :നിങ്ങൾ അവളെ എനിക്ക് തന്നില്ല എന്ന് കരുതി ഞാൻ അവളെയും കൊണ്ട് ഒളിച്ചു ഓടാനും പോണില്ല. നിങ്ങൾ കൈ പിടിച്ചു തന്നാൽ ഞാൻ അവളെ കൊണ്ട് പോകും. ഒളിച്ചോട്ടം അല്ല നാല് ആൾക്കാരുടെ ഇടയിൽ വെച്ച് എനിക്ക് നിങ്ങളുടെ മകളെ കൈ പിടിച്ചു കൊണ്ട് പോകുവാൻ ഇഷ്ടം. ഒരു പെണ്ണിനെ എങ്ങനെ
ആണ് വളർത്തി കൊണ്ട് വരിക എന്നത് എനിക്ക് അറിയാം അതിന്റെ ബുദ്ധിമുട്ട് നല്ലത് പോലെ മനസ്സിൽ ആകും. നിങ്ങളെ ആരെയും കരയിപ്പിച്ചു കൊണ്ട് ഞങ്ങൾ ഒന്നും ചെയ്യില്ല. ഇനി തീരുമാനം നിങ്ങളുടേത് ആണ്.