അബു വന്ന് അവർക്ക് ചായ കൊടുത്ത് മാറി നിന്നു.
ഇവനെ അങ്ങോട്ട് പറഞ്ഞ് വിടാം പക്ഷെ ഇവന് വണ്ടി ഓടിക്കാൻ അറിയില്ല. എനിക്ക് ആണെങ്കിൽ നേരത്തെ നല്ല ഒരു പണി ഉണ്ടായിരുന്നെ….. അതുകൊണ്ട് വണ്ടി ഓടിക്കാനും വയ്യ.
അജ്മലെ നിനക്ക് വണ്ടി ഓടിക്കാൻ അറിയില്ലേ…..?
അവൻ എന്തെങ്കിലും മറുപടി പറയും മുൻപേ അയാൾ തന്റെ മുണ്ടിന്റെ മടികുത്തിൽ വച്ചിരിക്കുന്ന അയാളുടെ വണ്ടിയുടെ താക്കോൽ എടുത്ത് അജ്മലിന് കൊടുത്തു.
നിങ്ങള് വരുന്ന കാര്യം കടയിലെ സ്റ്റാഫിനോട് പറയട്ടെ എന്ന് പറഞ്ഞ് അയാൾ അടുത്തുള്ള റൂമിലേക്ക് നടന്നു. കുറച്ചു കഴിപ്പോൾ അബൂനെ അയാൾ അവിടേക്ക് വിളിച്ചു വരുത്തി.
എടാ… അവിടെ എത്തിയാൽ അവനെ കുറച്ചു നേരം എന്തൊങ്കിലൊക്കെ പറഞ്ഞ് ഇരുത്തിക്കോ പെട്ടെന്ന് പൈസ കൊടുക്കണ്ട.പെട്ടെന്ന് ഇങ്ങോട്ട് ഓടി വരാൻ നിക്കണ്ടാന്ന് മനസ്സിലായാ…?അയാൾ ശബ്ദം താഴ്ത്തി അയാളോട് പറഞ്ഞു.
അബു ഒരു കള്ള ചിരി മറുപടി കൊടുത്തു.
ഇക്കാ ഞാനും വരാ ഇയാളൊപ്പം ഞാനീ വീട്ടിലിരുന്നാ ശരി ആവില്ല.ഇപ്പൊ തന്നെ ഇയാള് എന്റെ ശരീരത്തിൽ നിന്ന് കണ്ണ് എടുക്കുന്നില്ല.ഞാനും വരാ ഇക്കാ…
ഒരു പ്രശ്നം ഇണ്ട് സൽമേ. ഇത് ബൈക്കിന്റെ താക്കോലാണ്. രണ്ട് പേർക്കേ പോവാൻ പറ്റു… നീ എങ്ങനെയെങ്കിലും അഡ്ജസ്റ്റ് ചെയ്യ്.
ആളൊന്നും ചെയൂലാ…പേടിക്കാതെ…
എന്താ ഇവിടെ നിന്ന് കുശു കുശുക്കുന്നെ രണ്ടാളും.
വേഗം നിങ്ങള് പോവാൻ നോക്കിയേ……
അവരെ നോക്കി സുലൈമാൻ പറഞ്ഞു.
സൽമ നിസ്സഹായ ഭാവത്തോടെ അജ്മലിനെ നോക്കി നിന്നു..
അവൻ ഒരു പ്രശ്നവും ഉണ്ടാവില്ല എന്ന ഭാവത്തിൽ അവളെ നോക്കി എന്നിട്ട് അബുവിനെ കൂട്ടി വണ്ടി എടുത്ത് കടയിലേക്ക് വച്ചു പിടിച്ചു.
ആ വലിയ വീടിന്റെ വാതിൽക്കൽ സൽമ അജ്മൽ പോവുന്നതും നോക്കി നിന്നു.പേടിയും ഭയവും വിഷമവും എല്ലാം മാറി മാറി അവളുടെ ഉള്ളിൽ വന്ന് കൊണ്ടിരുന്നു…
ഇപ്പോൾ വീട്ടിൽ സുലൈമാനും സൽമയും മാത്രം അവളെ എങ്ങനെ മെരുക്കി എടുക്കും എന്ന ചിന്തയിൽ ആയിരുന്നു അയാൾ അപ്പോൾ.
അവിടെ നിന്ന് കാൽ കഴക്കണ്ട മോളെ ഇങ്ങോട്ട് കേറി ഇരി.
അവൾ തിരിഞ്ഞ് അയാളുടെ കണ്ണുകളിലേക്ക് തന്റെ ഉണ്ടകണ്ണ് കൊണ്ട് മുഖം വീർപ്പിച്ച് കൊണ്ട് ഒരുനോട്ടം പായിച്ചു. അവളുടെ കണ്ണുകളിലെ തീ… അയാളുടെ കണ്ണുകളെ ദഹിപ്പിച്ചു.ആ നോട്ടത്തിൽ അയാളുടെ കാമം എന്ന വികാരം ഉരുകി പോയിരുന്നു. ആദ്യമായി ഒരു പെണ്ണിനോട് ഭയം എന്ന വികാരം അയാൾക്ക് തോന്നി തുടങ്ങി.
മോളെ ഇവിടെ ഇരുന്നോ അവര് വരാൻ കുറച്ചു നേരാവും.
വിറയാർന്ന വാക്കുകളോടെ അയാൾ പറഞ്ഞു.
തന്റെ കണ്ണിലെ തീ കെടുത്താതെ അവൾ അയാളെ അതേ രീതിയിൽ തന്നെ നോക്കി ആയാൾക്ക് അഭിമുഖമായി അപ്പുറത്ത് വന്നിരുന്നു.
കുറച്ച് നേരം ആ മുറിയിൽ നിശബ്ദമായിരുന്നു.രണ്ട് പേരുടെയും കണ്ണുകൾ വല്ലപ്പോഴും പരസ്പരം നോക്കി എന്നല്ലാതെ വായിൽ നിന്ന് ഒരു വാക്ക് പോലും അവർ മിണ്ടിയില്ല. പക്ഷെ അതിന് വിരാമം ഇട്ട് കൊണ്ട് സുലൈമാൻ സംസാരിച്ച് തുടങ്ങി…
മോളെന്താ ഇങ്ങനെ മിണ്ടാതിരിക്കുന്നെ…. മോളെന്നെ തെറ്റ് ധരിച്ചിരിക്കുന്നു. ഞാൻ ഒരു പെണ്ണ് പിടിയൻ അല്ല. ഒരു പാവം മനുഷ്യൻ. പിന്നെ ഈ ഒറ്റക്കുള്ള ജീവിതത്തോട് മടുപ്പ് തോന്നാതിരിക്കാൻ വല്ലപ്പോഴും കിട്ടിയ അവസരങ്ങളിൽ സ്ത്രീകളുമായി സൗഹൃദത്തിൽ ആവുകയും പിന്നെ അവരുടെ താല്പര്യങ്ങൾക്ക് നിന്ന് കൊടുക്കാറുണ്ട്.അതിൽ നിന്ന് സുഖം ആസ്വദിക്കാറുണ്ട് ഞാനും ഒരു മനുഷ്യൻ അല്ലെ മോളെ എനിക്കും ഇല്ലേ വികാരങ്ങളൊക്കെ.
അവൾ അയാളെ ചെറുതായോന്ന് തല പൊക്കി നോക്കി എന്നല്ലാതെ ഒന്നും മിണ്ടിയില്ല…
ഞാൻ ഒരു പെണ്ണിനെയും അവരുടെ സമ്മതം ഇല്ലാതെ തൊട്ടിട്ടില്ല.അതിപ്പോ അവസാനം ഇവിടെ നിന്ന് ഇറങ്ങി പോയ ഹസീന പോലും..മോള് എന്നെ പറ്റി ഒന്നും തെറ്റായി ചിന്തിക്കണ്ട.
അവൾ ഒന്നും മിണ്ടിയില്ല.അവളെ പെട്ടെന്ന് വളക്കാൻ കഴിയില്ല എന്ന് അയാൾക്ക് മനസ്സലായി അത് കൊണ്ട് തന്നെ അവൾക്ക് മുന്നിൽ അയാൾ നല്ല പിള്ള ചമഞ്ഞു അവിടെ തന്നെ ഇരുന്നു.സമയം കുറേ പോയി കൊണ്ടിരുന്നു. തൽക്കാലം അവളുടെ ശരീരത്തെ കണ്ണ് കൊണ്ട് ആസ്വദിച്ചു സുലൈമാൻ നേരം കളഞ്ഞു.