🔥അശ്വതിയുടെ കളിവീട് – 2🔥 3

സജീഷ് അയാൾ പറയുന്നത് അനുസരിച്ചു അന്നത്തെ ദിവസം അവിടെ തങ്ങി. പിറ്റേന്ന് സജീഷ് എഴുന്നേറ്റു കട തുറന്നു കഴിഞ്ഞപ്പോൾ അജി അവിടേക്ക് വന്നു. എല്ലാം കഴിഞ്ഞു എന്ന് കരുതിയ അജി അവനെ കണ്ടപ്പോൾ വീണ്ടും മനസ്സിൽ കലി കൊണ്ടു. എന്നാൽ അത് പുറത്ത് കാണിക്കാതെ അവൻ ചിരിച്ചു കൊണ്ട് കടയിലേക്ക് കയറി. അജിയെ കണ്ടപ്പോൾ ഹാജിയാർ മെല്ലെ എഴുന്നേറ്റു സജിയോട് പറഞ്ഞു.

ഹാജിയാർ :തന്റെ ചങ്ങായി വന്നല്ലോ..

അജി :സത്യത്തിൽ ഇവൻ ഒന്നും പറയാതെ അവിടെ നിന്ന് പോയപ്പോൾ എനിക്ക് നല്ല വിഷമം ഉണ്ടായിരുന്നു. എന്നാൽ ഇവിടെ തന്നെ ഉണ്ടെന്ന് അറിഞ്ഞപ്പോൾ മനസ്സിൽ ഒരു ആശ്വാസം..

സജീഷ് :എനിക്ക് ഈ നാട്ടിൽ നിൽക്കാൻ ബുദ്ധിമുട്ട് ആണ് അജി പക്ഷേ തത്കാലം എനിക്ക് കുറച്ചു നാൾ ഇവിടെ പിടിച്ചു നിൽക്കണമ്.

അജി :ഉം..

ഹാജിയാർ :അതെ സജി ഞാൻ അവനോട് ആ കാര്യം പറയുക ആയിരുന്നു. അവന്റെ പ്രശ്നങ്ങൾ ഒരിക്കലും ഇവിടെ നിന്ന് പോയാലും മാറില്ല. തത്കാലം ഇവിടെ നിൽക്കട്ടെ.

അജി ചിരിച്ചു കൊണ്ട് മനസ്സിൽ പറഞ്ഞു.. “കള്ള കിളവൻ അപ്പോൾ ഇയാൾ ആണ് ഇതിനെല്ലാം കാരണം ”

അജി :അതെ തത്കാലം ഇവൻ ഇവിടെ നിന്ന് പോകേണ്ട എന്ന് തന്നെ ആണ് എന്റെയും അഭിപ്രായം.

ഹാജിയാർ :എന്തായാലും നിങ്ങൾ ഒരുമിച്ചു ഇവിടെ ഉണ്ടെങ്കിൽ കടയിലും അതൊരു മെച്ചം ആകും.

അജി :അതെ…

ഹാജിയാർ : അജി തത്കാലം സജി ഇവിടെ തന്നെ കിടക്കാൻ പറഞ്ഞു എന്താ അജിയുടെ അഭിപ്രായം.

അജി ഒന്ന് ആലോചിച്ചു പെട്ടന്ന് അവന്റെ മനസ്സിൽ എന്തോ തോന്നി അവൻ പെട്ടന്ന് പറഞ്ഞു.
അജി :അതെന്താ ഹാജിയരെ അങ്ങനെ പറയുന്നത്. അവൻ എന്റെ ചങ്ങായി അല്ലെ. എനിക്ക് കിടക്കാൻ വീടും കഴിക്കാൻ ആഹാരവും തന്നത് അവൻ അല്ലേ. അപ്പോൾ അവൻ ആ വീട്ടിൽ കിടക്കുന്നത് കൊണ്ട് എനിക്ക് ഒരു കുഴപ്പവുമില്ല.

ഹാജിയാർ :അജി ശെരിക്കും നിന്റെ ഈ നല്ല മനസ്സിന് മുൻപിൽ ഞാൻ എന്താ പറയുക.

അജി :അതിനൊക്കെ എന്താ ഒരു നന്ദി പറച്ചിൽ. അവൻ എന്റെ സുഹൃത് അല്ലേ.

സജീഷ് :എനിക്ക് അങ്ങോട്ട്‌ വരാൻ പറ്റില്ല അജി അത് ശെരി ആകില്ല. എന്റെ സാന്നിധ്യം അവൾക്ക് ചിലപ്പോൾ സഹിക്കാൻ പറ്റില്ല.

ഹാജിയാർ :ഒരിക്കലും ഇല്ല ഇതെല്ലാം നിന്റെ തോന്നൽ മാത്രം ആണ് സജീഷ്. നീ എന്തായാലും ഇന്ന് ജോലി കഴിഞ്ഞു അങ്ങോട്ട്‌ തന്നെ പൊക്കോ…

അജി :അതെ നീ വാ ചങ്ങായി…എന്നേ ആ വീട്ടിലേക്ക് കൊണ്ട് വന്നത് നീയല്ലേ അത് പോലെ നിന്നെ ഞാൻ ആ വീട്ടിലേക്ക് തിരികെ വിളിക്കുന്നു.

അവന്റെ ആ നല്ല മനസ്സ് കണ്ടു ഹാജിയാരുടെ കണ്ണ് നിറഞ്ഞു പോയി. സത്യത്തിൽ അജിയുടെ മനസ്സിൽ അങ്ങനെ ഒരു സെന്റിമെൻസ് ഇല്ലെന്ന് അവർക്ക് അറിയില്ലല്ലോ. അവൻ ചിലതൊക്കെ മനസ്സിൽ കരുതി ആണ് സജീഷിനെ വീട്ടിലേക്ക് ക്ഷണിക്കുന്നത്. തിരിച്ചു അവനെ കൊണ്ട് വീട്ടിലേക്ക് ചെല്ലുമ്പോൾ അവരുടെ വരവ് പ്രതീക്ഷിക്കാതെ ആണ് അശ്വതി വീട്ടിൽ ഇരിക്കുന്നത്. അവർ അങ്ങോട്ട്‌ ചെല്ലുമ്പോൾ അശ്വതി വീടിന്റെ ഉള്ളിൽ ആണ്. അജി മെല്ലെ ശബ്ദം ഉയർത്തി വിളിച്ചു.

അജി :അശ്വതി….

അശ്വതി അകത്തു നിന്ന് ഉറക്കെ വിളി കേട്ടു…

അശ്വതി :എന്താ ഏട്ടാ വന്നോ….! ദേ വരുന്നു.

തന്റെ മാലാഖയെ നോക്കി തന്നെ സജീഷിന്റെ കണ്ണുകൾ പടിവാതിലിൽ തറഞ്ഞു നിന്നു. പെട്ടന്ന് കൈയിൽ ഒരു തവിയുമായി അവൾ പുറത്തേക്ക് വന്നു. അവളെതോ കറി വെക്കുക ആയിരുന്നു.പെട്ടന്ന് വിളി കേട്ടപ്പോൾ അ പാടെ എഴുന്നേറ്റു പോരുന്നു. പെട്ടന്ന് സജീഷിനെ കണ്ടപ്പോൾ അവൾ ഓടി വന്ന വേഗത കുറഞ്ഞു. അവളുടെ മുഖത്ത് കണ്ടിരുന്ന ചിരി പെട്ടന്ന് മാഞ്ഞു പോയി. അവളുടെ മുഖം വാടി.

അജി :നീ എന്താ ഇങ്ങനെ നോക്കി നിൽക്കുന്നത്. ഒരു കസേര എടുത്തു പുറത്തേക്ക് ഇട്…
അശ്വതി പെട്ടന്ന് ഉടുത്തിരുന്ന സാരിയുടെ തലപ്പ് അറിയിലേക്ക് കുത്തി കൊണ്ട് കസേര എടുത്തു ഇമ്മറത്തേക്ക് ഇട്ടു.

അജി :തത്കാലം ഇവൻ നമ്മുടെ കൂടെ നിൽക്കട്ടെ. അല്ലെങ്കിൽ ഒറ്റയ്ക്ക് ആയി പോയി എന്നൊരു സങ്കടം വരും..

അശ്വതി :ഉം….

സജീഷിന്റെ കണ്ണുകൾ ഇടവിട്ട് ഇടവിട്ട് അശ്വതിയുടെ മുഖത്തേക്ക് തന്നെ നോക്കുന്നുണ്ടായിരുന്നു. എന്തൊരു അവസ്ഥ ആണ് തന്റെ സ്വന്തം ഭാര്യ ആയിരുന്ന അവൾ ഇപ്പോൾ തന്റെ കൂട്ടുകാരന്റെ ഭാര്യ ആയിരിക്കുന്നു. തനിക്കു പൂർണ്ണമായും സ്വാതന്ത്ര്യം ഉണ്ടായിരുന്ന തന്റെ വീട് ഇപ്പോൾ താൻ ഒരു അതിഥി മാത്രം. അവന്റെ കണ്ണുകൾ നിറഞ്ഞു. പെട്ടന്ന് അകത്തു മുറിയിൽ കുഞ്ഞു കരയുന്നത് കണ്ടപ്പോൾ അശ്വതി അങ്ങോട്ടേക്ക് പോയി. തന്റെ കുഞ്ഞിനെ പ്രസവിച്ചു മുല ഊട്ടേണ്ടവൾ ഇപ്പോൾ കൂട്ടുകാരന്റെ കുഞ്ഞിനെ പ്രസവിച്ചു പാലുട്ടുന്നു. അവന്റെ മനസ്സിൽ വല്ലാത്ത വിങ്ങൽ ഉണ്ടായി. ഒരിക്കലും തനിക്കു ഇനി ആ പഴയ ലോകം തിരിച്ചു കിട്ടില്ല എന്ന് അവനു അറിയാമായിരുന്നു എന്നാലും അവളെ ഒന്ന് കണ്ടിരിക്കാം എന്നുള്ള ചിന്തയിൽ ആണ് സജീഷ് അവിടേക്ക് വന്നത് തന്നെ. അവൾ കുഞ്ഞിന് പാല് കൊടുക്കാൻ പോയപ്പോൾ അജി സംസാരിക്കാൻ തുടങ്ങി.