🥰Kathal An Unusual Love Story 🥰 – 1 6

 

ആശ്ചര്യം എന്തെന്നാൽ എന്നെ കാണുമ്പോ ഒക്കെ അവളുടെ മുഖം വിടരും അപ്പോൾ തന്നെ അതൊരു ഗൗരവ ഭാവത്തിലേക്ക് മാറുകയും ചെയ്യും.

 

അന്നത്തെ ദിവസം ഞാൻ കുറച്ചു നേരത്തെ പോയി… പതിവില്ലാതെ അവൾ എന്നോട് ചോദിച്ചു

 

“തന്റെ പേരെന്താ?”

 

 

“അമർ”

 

ഒട്ടും മടിക്കാതെ ഞാൻ പറഞ്ഞു

 

 

“എന്ത് ”

 

 

“അമർ, അമർജ്യോതി അമറെന്നു വിളിക്കും ”

 

 

“എന്താ പേര് ” ഞാനും തിരിച്ചു ചോദിച്ചു

 

 

“നിനക്ക് വായിക്കാൻ അറിയില്ലേ ഇവിടെ എഴുതി വച്ചേക്കുവല്ലേ…?”

 

അവളുടെ ഗൗരവം ഒട്ടും കുറയ്ക്കാതെ പറഞ്ഞു…

 

“ഞാനത് കണ്ടു പക്ഷെ ഒരാളുടെ പേര് അയാളുടെ നാവിൽനിന്ന് കേൾക്കുന്നത് അല്ലേ അതിന്റെ സുഖം…..”

 

 

കുറച്ചു നേരം എന്റെ മുഖത്തേക്ക് നോക്കിയിട്ട് അവൾ പറഞ്ഞു

 

 

“രുദ്ര,രുദ്ര ലക്ഷ്മി പ്രകാശ് ”

 

 

“ഹ്മ്മ് ”

 

ഞാൻ അവിടെ വെയിറ്റ് ചെയ്യാം എന്ന് പറഞ്ഞു പേപ്പർ കൊടുത്തു തിരിഞ്ഞതും അവൾ എന്നെ വിളിച്ചു

 

 

“അവിടെ നിൽക്ക് ”

 

“എന്താ…?”

 

 

“താനിത്ര കഷ്ടപ്പെട്ട് ഇനി വരണം എന്നില്ല കേട്ടോ എന്തേലും ഉണ്ടെങ്കിൽ വിളിച്ചാൽ മതി ”

 

എന്ന് പറഞ്ഞു അവൾ അവളുടെ ഒഫീഷ്യൽ കാർഡ് എനിക്ക് നേരെ നീട്ടി….

 

 

ശെടാ ഇതിപ്പോ ഞാൻ അവളെയാണോ അവൾ എന്നെയാണോ വളക്കുന്നത് എന്ന് എനിക്ക് തോന്നിപ്പോയി കാരണം ഞാൻ ചെയ്യേണ്ടത് ആണല്ലോ അവൾ ചെയ്യുന്നത് 😂

 

 

എന്നാലും നമ്പർ കിട്ടിയ സന്തോഷത്തിൽ ഞാൻ അവിടെന്ന് ഇറങ്ങി അപ്പോ തന്നെ നമ്പർ സേവ് ആക്കി വെച്ചു

 

ഒരു മെസ്സേജ് അപ്പോൾ തന്നെ അയച്ചു

 

 

ഹായ് ഞാൻ അമർ ആണ് എന്ന് പറഞ്ഞിട്ട്…

 

 

അവൾ തിരിച്ചു അപ്പോൾ തന്നെ ഒരു സ്മൈലി ഇട്ടു

 

സ്റ്റേറ്റ്മെന്റ് മെയിൽ അയക്കാമോ എന്ന് ഞാൻ ചോദിച്ചപ്പോൾ

 

നിനക്ക് ശെരിക്കും സ്റ്റേറ്റ്മെന്റിന്റെ ആവശ്യം ഉണ്ടോ എന്നവൾ എന്നെ ഞെട്ടിച്ചുകൊണ്ട് ചോദിച്ചു

 

ഇല്ല എന്ന് ഞാൻ മറുപടി ഇട്ടു

 

 

അതിന്റെ കൂടെ ഞാൻ അയച്ചു..

 

 

” കാണാൻ എന്തെങ്കിലും കാരണം വേണ്ടേ അതുകൊണ്ട് ചെയ്യുന്നതാണ് ”

 

 

” നീയെന്തിനാ എന്നെ കാണുന്നത് ”

 

” അതിപ്പോ എനിക്ക് അറിയില്ല. തന്റെ ഒരു നോട്ടം കിട്ടാൻ വേണ്ടി ഇങ്ങനെ പലതും ചെയ്യുന്നു..ആരാ എന്താ എന്ന് പോലും കൃത്യമായി എനിക്ക് അറിയില്ല എന്നിട്ടും ഞാൻ ചെയ്യുന്നു..എന്നെ പറ്റി മോശമായി വിചാരിക്കരുത് പ്ലീസ്… എനിക്ക് തുറന്ന് പറയണം എന്ന് തോന്നി ”

 

 

” മോശം വിചാരിക്കാൻ ഒന്നുമില്ല… ”

 

 

“😊”

 

“😊”

 

പിന്നെ എന്തയക്കണം എന്ന് എനിക്ക് അറിയില്ലായിരുന്നു… കാത്തിരുന്നു വൈകുന്നേരം ആയപ്പോ ക്ഷമ നശിച്ചു ഞാൻ ചോദിച്ചു

 

 

“തന്നെ പറ്റി കൂടുതൽ അറിഞ്ഞാൽ കൊള്ളാം എന്നുണ്ട്…. വിരോധം ഇല്ലെങ്കിൽ ഷെയർ ചെയ്യൂ ”

 

 

അവളെ പറ്റി കൂടുതൽ അറിയുന്നേനു മുന്നേ നിങ്ങൾ എന്നെ പറ്റി അറിയേണ്ടതുണ്ട്….

 

ഞാൻ അമർജ്യോതി….. കൂട്ടുകാർക്കിടയിൽ ഞാൻ അമർ വീട്ടിൽ അമ്മു…

 

ഒറ്റ മോളാണ്.. അച്ഛൻ വിദേശത്താണ് അമ്മ ഹൌസ് വൈഫ്‌.. ഡിഗ്രി കഴിഞ്ഞു പിജി ചെയ്യാൻ ഇരിക്കുന്നതിന്റെ ഇടയ്ക്കാണ് ഈ സംഭവങ്ങൾ….

 

പിന്നെ ഞാനൊരു ടോമ്പോയ്‌ കൂടെ ആണ്.. ബാസ്കറ്റ് ബോൾ പ്ലേയേറും ആണ് കണ്ടാൽ നമ്മടെ അഞ്ചു റോഷിന്റെ ചായ ഉണ്ട് എന്നാൽ നല്ല ഹൈറ്റ് ഒക്കെ ആണെനിക്ക്, അത്‌ലെറ്റ് ആയത്കൊണ്ട് തന്നെ നല്ല ബോഡിയും ഉണ്ടായിരുന്നു…. അതുകൊണ്ട് തന്നെ കോളേജിൽ അത്യാവശ്യം പിള്ളേർക്ക് എന്നോട് ക്രഷും ഉണ്ടായിരുന്നു… പക്ഷെ ഒന്നിലും വീഴാത്ത ഞാൻ ഇവളെ കണ്ട ഉടനെ മൂക്കും കുത്തി വീണുപോയി..

 

 

 

അപ്പോഴാണ് ഞാൻ ലെസ്ബിയൻ ആണെന്ന് ഞാൻ അറിയുന്നേ…….

 

 

ഇനി അവൾ…???!!!!!

 

 

 

തുടരും