” ഇപ്പോൾ ആയാലും അങ്ങനെ വരില്ലേ…? ”
” ഇല്ല. ഇപ്പോൾ ആയാൽ അങ്ങനെ വരില്ല. എടോ അത് വെറും മൈദ പൊടിയാണ്. അത് മയക്കുമരുന്ന് ഒന്നുമല്ല. അവന്മാരെ ആരോ പറ്റിച്ചതാ. ഇതും കൊണ്ട് കോടതിയിൽ പോയാൽ ഞങ്ങൾ നാറും. എങ്കിലും അവന്മാരെ ഒന്നു പിടിച്ചു കുടഞ്ഞില്ലെങ്കിൽ. നാളെ അവർ ഇതിലും വലിയ പൊടി കടത്തും. പക്ഷേ ഒരു കാര്യം. ഇതിപ്പോൾ അവർ ആരും അറിയേണ്ട. ഇതൊക്കെ നിന്റെ മനസ്സിൽ മാത്രം ഉണ്ടായാൽ മതി. ശരി വേഗം വിട്ടോ.
ആ പിന്നെ ഒരു കാര്യം കൂടെ. ഇവിടെ സംസാരിച്ച കാര്യം നമ്മൾ രണ്ടാളും മാത്രം അറിഞ്ഞാൽ മതി.
അവർ ഒരിക്കലും അറിയരുത്. അവരുടെ മുന്നിൽ പത്തു മുപ്പത് ലക്ഷം ഇവിടെ കൊടുത്ത ശേഷം താൻ അവനെ രക്ഷിച്ചു എന്ന് മതി. അല്ലെങ്കിൽ അവർ വീണ്ടും ഈ പണിയും കൊണ്ട് ഇറങ്ങും. അത് ഞങ്ങൾക്കും നിനക്കും ഒരുപോലെ പണിയാകും. നീ അവനെ ഒന്ന് എപ്പോഴും പേടിപ്പിച്ചു നിർത്തിയേക്ക്. ഇനി ഇമ്മാതിരി പരിപാടിക്ക് ഇറങ്ങാതിരിക്കാൻ ”
ജോയലിന്റെ ചിന്തകൾ മുറിച്ചുകൊണ്ട് റസിയ ജോയലിന്റെ ചുണ്ടിൽ ഉമ്മ വെച്ചു. ജോയൽ ചിരിച്ചുകൊണ്ട് റസിയയോട് ചോദിച്ചു.
” എടി പെണ്ണേ ഞാൻ നിന്നോട് ഒരു കാര്യം പറഞ്ഞാൽ നിനക്ക് എന്നോട് ദേഷ്യം തോന്നുമോ..? ”
” ഇല്ല ഒരിക്കലുമില്ല. ഒന്നുമല്ലാത്ത എനിക്ക് എന്റെ ഇച്ചായൻ ഇത്രയും സ്നേഹം തന്നില്ലേ..? എന്നെ രക്ഷിച്ചില്ലേ,..?
എന്നോട് ഇച്ചായാന്ന് വിളിച്ചാൽ മതിയെന്ന് പറഞ്ഞില്ലേ..? എന്നെ ഊട്ടിയില്ലേ ? എന്റെ വയറിന്റെയും മനസ്സിന്റെയും വിശപ്പു മാറ്റിയില്ലേ.. ഇനി ഞാൻ എങ്ങനെയാ എന്റെ ഇച്ചായനട് ദേഷ്യപ്പെടുക. അല്ലെങ്കിലും ഞാൻ എന്തിനാ എന്റെ ഇച്ചായനോട് ദേഷ്യപ്പെടുന്നത്. ഇല്ല ഒരിക്കലും ഇല്ല . എന്നെ കൊന്നാൽ പോലും ഞാൻ എന്റെ ഇച്ചായനോട് ദേഷ്യം കാണിക്കില്ല.”
ജോർജ് സാറുമായി സംസാരിച്ചത് മുഴുവൻ ജോയൽ റസിയയോട് പറഞ്ഞു . എന്നിട്ട് വീണ്ടും പറഞ്ഞു.
” അതുകൊണ്ടാ ഞാൻ ആദ്യം നിന്നോട് പോയി സന്തോഷമായി ജീവിച്ചു കൊള്ളാൻ പറഞ്ഞത് . പക്ഷേ ഇവന്റെ കൂടെ നിനക്ക് സന്തോഷമായി ജീവിക്കാൻ കഴിയില്ല എന്നെനിക്കുറപ്പായിരുന്നു. ഇവൻ നിന്നെ ആർക്കെങ്കിലും പിടിച്ചുകൊടുത്തേക്കും എന്നെനിക്ക് തോന്നി. ചിലപ്പോൾ മറ്റവന്മാർ പുറത്തിറങ്ങിയാൽ അവർ നിന്നെ ഉപദ്രവിച്ചേക്കും.
. അതാണ് ഞാൻ നിന്നെ വീണ്ടും ഇങ്ങോട്ട് കൊണ്ടുവന്നത് . ഇനി പറ ഞാൻ നിന്നെ ചതിച്ചു എന്ന് നിനക്ക് ഇപ്പോൾ തോന്നുന്നുണ്ടോ..? ”
റസിയ എല്ലാം കേട്ട ശേഷം ജോലിനെ കെട്ടിപ്പിടിച്ച് കരഞ്ഞു . ജോയലിന്റെ മാറിൽ കിടന്നു പറഞ്ഞു.
“ഇല്ല ഇച്ചായാ. ഇച്ചായൻ എന്നെ രക്ഷിക്കുകയാ ചെയ്തത്. നരകത്തിൽ നിന്നും സ്വർഗത്തിലേക്ക് എന്നെ രക്ഷിച്ചു കൊണ്ടുവന്നത് എന്റെ ഇച്ചായൻ ആണ്. ”
ജോയൽ അവളെ കെട്ടിപിടിച്ചു അവളുടെ പുറത്ത് കൂടെ തഴുകികൊണ്ട് ചോദിച്ചു.
” ഇല്ല! ഇനി നിന്നെ ആർക്കും ഞാൻ വിട്ടുകൊടുക്കില്ല. നിനക്ക് സമ്മതമാണെങ്കിൽ മാത്രം. നിനക്കെന്നും എന്റെ കൂടെ കഴിയാം. പറ നിനക്കെന്റെ കൂടെ കഴിയാൻ സമ്മതമാണോ..?. ”
“എനിക്ക് സമ്മതമാണ് ഇച്ചായാ. ഒന്നല്ല ഒരായിരം വട്ടം സമ്മതമാണ്. ആ പട്ടിക്ക് ഇപ്പോഴും എന്നെ ആർക്കെങ്കിലും കൂട്ടിക്കൊടുത്തിട്ടായാലും രക്ഷപ്പെട്ടാൽ മതിയെന്ന് ആണ്. അവന്റെ ഉറക്കത്തിൽ പോലും അവനത് പറഞ്ഞു.
ഒരിക്കലെങ്കിലും അവനെന്നെ വേണമെന്ന് പറഞ്ഞിരുന്നെങ്കിൽ . എന്നെ ആർക്കും കൊടുക്കില്ലെന്ന് പറഞ്ഞിരുന്നെങ്കിൽ. എന്റെ മാനം രക്ഷിക്കാൻ ഏതറ്റം വരേയും അവൻ പോകുമെന്ന് പറഞ്ഞിരുന്നെങ്കിൽ. ഞാൻ അവന്റെ കൂടെ തന്നെ നിന്ന് പോയേനേ… അവനെ ഞാൻ വിശ്വസിച്ചേനെ. അവൻ അത് പറഞ്ഞില്ല.അവൻ അങ്ങനെ ചിന്തിച്ചുപോലും ഇല്ല.
ഇനി എനിക്ക് എല്ലാം എന്റെ എന്റെ ഇച്ചായനാണ്. ഇച്ചായന് എന്നെ എന്ത് വേണമെങ്കിലും ചെയ്യാം. അതൊക്കെ എനിക്കൊരുപാട് സന്തോഷമാണ്. ഇച്ചായൻ എന്റെ അരയിൽ കെട്ടിതന്നത് വെറും അരഞ്ഞാണം അല്ല. എനിക്ക് ഇത് എന്റെ മിന്ന് മാലയാണ്. ഞാൻ ഇച്ചായന്റെ സ്വന്തം ആണെന്നതിനുള്ള അടയാളം. ഇനി ഒരിക്കലും ഞാൻ എന്റെ ഇച്ചായനെ വിട്ട് പോകില്ല.”