എല്ലാവരോടും എനിക്ക് കുറച്ചു കാര്യങ്ങൾ പറയാൻ ഉണ്ട്.. ഞാൻ എന്റെ സ്വത്തുക്കൾ ഭാഗം വെക്കാൻ പോവാ.. ചന്ദ്രൻ പറഞ്ഞു . ഇത്ര പെട്ടന്ന് ശ്രീ കുട്ടന്റെ കല്യാണം കൂടി കഴിഞ്ഞില്ലല്ലോ സീത പറഞ്ഞു.
അവനു ഒന്നും കൊടുക്കുന്നില്ല എന്ന് പറഞ്ഞില്ലല്ലോ ഞാൻ.. ചന്ദ്രൻ സീതയെ നോക്കി ചോദിച്ചു. അവൾ ഒന്നും മിണ്ടിയില്ല . ഹരി എന്നോട് ഒരു ബിസിനസ്സ് തുടങ്ങുന്ന കാര്യം പറഞ്ഞു.. അവന്റെ കയ്യിൽ അതിനു വേണ്ട അത്രയും പണം ഇല്ലാ..
ഈ വീടും പറമ്പും ഇതിനോട് ചേർന്നുള്ള 30 സെന്റ് സ്ഥാലവും ഞാൻ ശ്രീക്കു കൊടുക്കുവാ.. ബാക്കി ടൗണിൽ ഉള്ള 45 സെന്റ് സ്ഥാലവും പിന്നെ ബാങ്കിൽ കിടക്കുന്ന fd യും ഹരിയുടെയും ലച്ചു മോളുടെയും പേരിൽ എഴുതി കൊടുക്കാൻ ഞാൻ തീരുമാനിച്ചു..
ചന്ദ്രൻ പറഞ്ഞു.. അത് ചേട്ടാ.. സീത എന്തോ പറയാൻ വന്നപ്പോ ചന്ദ്രൻ കൈ പൊക്കി തടഞ്ഞു..ഹരിക്ക് നമ്മൾ അല്ലാതെ വേറെ ആരാ സഹായം.. ശ്രീ ആണല്ലേ അവനു ഇതിൽ കൂടുതൽ ഉണ്ടാക്കാൻ പറ്റും നീ ഇതിൽ മറുതൊന്നും പറയേണ്ട.. അയാൾ ഭാര്യേ നോക്കി പറഞ്ഞു..
അച്ഛാ എനിക്ക് ഒരു കാര്യം പറയാൻ ഉണ്ട് ശ്രീ അച്ഛന്റെ അടുത്തേക്ക് വന്നു പറഞ്ഞു.. മം.. എന്താ.. ചന്ദ്രൻ ചോദിച്ചു.. ചേച്ചിക്ക് വീതം കൊടുക്കുന്നതിൽ എനിക്ക് സന്തോഷം മാത്രമേ ഒള്ളു..
പക്ഷെ ഉള്ളിൽ ഒരു വിഷമം ഉണ്ട് കുറെ കാലം ആയി ഒന്ന് ചിരിച്ചു കളിച്ചു ഞാനും ചേച്ചിയും ഈ വീട്ടിൽ കഴിഞ്ഞു കൊണ്ടിരുന്നപ്പോൾ പെട്ടന്ന് ഒരു നാൾ ആണ് ചേച്ചിടെ കല്യാണം ഉറപ്പിച്ചു അളിയൻ ചേച്ചിയെ കെട്ടി കൊണ്ട് പോയത് പിന്നെ ഇന്നലെ പോലെ വിഷുവിനോ ഓണത്തിനോ ഒക്കെ ഒന്നോ രണ്ടോ ദിവസം വന്നു നിൽക്കും പോകും..
അത് കൊണ്ട് എനിക്ക് എന്റെ കൂടെ പിറപ്പിനെ ശരിക്കും സ്നേഹിക്കാൻ ആവുന്നില്ല.. അവളുടെ ആഗ്രഹം അറിഞ്ഞു അവളുടെ ഇഷ്ട വിഭവം ഒക്കെ കൊടുത്തു അവളുടെ വയർ നിറക്കാൻ പറ്റുന്നില്ല..
അപ്പൊ ഞാൻ പറഞ്ഞു വന്നത്.. ഈ വീടും സ്ഥാലവും കൂടി ഞാൻ ചേച്ചിടെയും മോന്റെയും പേരിൽ എഴുതി കൊടുക്കാൻ പോവാ.. പക്ഷെ ഒരു കണ്ടീഷൻ ചേച്ചിയും മോനും ഇവിടെ കഴിയണം.. ഹരിയെ നോക്കി ശ്രീ പറഞ്ഞു.. അവനു ഡബിൾ ലോട്ടറി അടിച്ച സന്തോഷം ആരുന്നു അപ്പൊ..
എന്താ അളിയാ സമ്മതം ആണോ..? പിന്നെ നൂറു വട്ടം സമ്മതം.. ഹരി പറഞ്ഞു. എന്നാൽ ഉടനെ തന്നെ എഴുതാമ് അച്ഛാ വെച്ചു താമസിപ്പിക്കേണ്ട.. ശ്രീ പറഞ്ഞു..
പറയാൻ ഉള്ളത് പറഞ്ഞു എല്ലാവരും പിരിഞ്ഞു പോയി. ഉച്ചയ്ക്ക് ഊണ് കഴിച്ചു തിണ്ണയ്ക്ക് വന്നിരുന്നു സിഗററ്റ് വലിക്കുന്ന ശ്രീയുടെ തോളിൽ ഒരു കൈ വീണപ്പോ ആണ് അവൻ തിരിഞ്ഞ് നോക്കിയത്.. നോക്കിയപ്പോ ചന്ദ്രൻ..
മോനു അച്ഛനോട് ദേഷ്യം ആണോ.. നന്നായി കുടിച്ച അയാൾ അവന്റെ അടുത്തു ഇരുന്നു ചോദിച്ചു.. എന്തിനു..
അച്ഛൻ ടൗണിലെ സ്ഥാലവും ബാങ്ക് ബാലൻസും ഹരിക്ക് കൊടുത്ത കൊണ്ട്.. അയാൾ ചോദിച്ചു.. ഏയ് ഒരിക്കലും ഇല്ലാ അച്ഛാ.. എനിക്ക് എന്തിനാ അച്ഛനോട് ദേഷ്യം.. ശ്രീ പറഞ്ഞു… പക്ഷെ എനിക്ക് വല്ലാത്ത വിഷമം മോനെ എന്റെ ആകെ ഉള്ള സന്തതി നിനക്ക് ഞാൻ തന്നത് കൂടി നീ നിന്റെ ചേച്ചിക്ക് കൊടുത്തു..
നിന്നെക്കാൾ നീ നിന്റെ കൂടെ പിറപ്പിനെ സ്നേഹിക്കുന്നു.. നിനക്ക് ഞാൻ എന്താടാ തരേണ്ടത്.. എന്റെ കയ്യിൽ ഒന്നുമില്ലല്ലോ മോനെ.. ചന്ദ്രൻ കരഞ്ഞു കൊണ്ട് ശ്രീയുടെ തോളിൽ കിടന്നു..
ഓഹ്… കുടിച്ചു ബഹളം വെച്ചു പിള്ളേരെ ഉണർത്താതെ മനുഷ്യ.. എന്താടാ എന്ത് പറ്റി സീത ചോദിച്ചു.. ഒന്നുമില്ല എന്ന് അവൻ കണ്ണ് കാണിച്ചു.. ഒന്നുമില്ല എന്ന് ആരാ പറഞ്ഞേ അച്ഛാ.. എനിക്ക് തരാൻ അച്ചാന്റെ കയ്യിൽ നമ്മുടെ സ്വത്തുക്കളെക്കൾ വില പിടിപ്പുള്ള ഒരു നിധി ഉണ്ട്.. അച്ഛന്റെ കുടുംബ സ്വത്തിനേക്കാൾ അതിന് മൂല്യം ഉണ്ട്..
എനിക്ക് എന്തെങ്കിലും തരണം എന്ന് അച്ഛന് ആഗ്രഹം ഉണ്ടെങ്കിൽ അതു തന്നാൽ മതി അത് മാത്രം.. ശ്രീ ചന്ദ്രനെ നോക്കി പറഞ്ഞു.. അതെന്താ മോനെ അത്രയും വിലപ്പെട്ട ഒരു സ്വത്തു അച്ഛന്റെ കയ്യിൽ കുഴ്ഞ്ഞ സ്വരത്തിൽ കണ്ണുകൾ തുടച്ചു ചന്ദ്രൻ ചോദിച്ചു..