“അത് പിന്നെ ഞങ്ങളെ കൂട്ടര് കെട്ടിയോനെ ഇച്ചായ എന്നല്ലേ വിളിക്കുന്നെ?” ആൻസി പറഞ്ഞു.
“അതേ ആൻസി മോളെ . നമ്മുടെ അച്ചായന് ജാതിയോ മതമോ ഒന്നും ഇല്ല. എല്ലാവരും ഒന്നാ. സ്നേഹം മാത്രം ആണ് അച്ചായന്റെ മതം.” ഡാനി പറഞ്ഞു.
“മതി മക്കളെ മതി. അച്ചായന്റെ തലയിൽ താളം ചവിട്ടിയത് മതി. ഇപ്പോൾ എന്റെ മക്കള് പോയി …. ദേ ആ കാണുന്ന അരുവിയിൽ പോയി കുളിച്ചിട്ട് വാ …. കുളിക്കുമ്പോ… തല നന്നായി ആ വെള്ളത്തിൽ കുറച്ചു സമയം മുക്കി വെച്ചാട്ടെ. തല ഒന്ന് നന്നായി തണുക്കട്ടെ.” ഞാൻ പറഞ്ഞു
“ആ ഇവിടെ അരുവിയും ഉണ്ടോ? വൗ സൂപ്പർ എന്നാ വാടി പോയി ഒന്ന് മുങ്ങിയേച്ചും വരാം. ” റോസാണ് പറഞ്ഞത്.
“അയ്യടാ! അങ്ങനെ അങ്ങ് പോയാലോ. ആദ്യം വണ്ടിയിൽ നിന്ന് ആ ബാഗ് എല്ലാം എടുത്ത് അകത്തു വെക്ക്. പിന്നെ ഫുഡ് ഉണ്ടാക്കാനുള്ളത്തും.” ജെയിംസ് ആണ് പറഞ്ഞത്.
“ഫുഡ് ഉണ്ടാക്കാൻ അല്ലേ നമ്മുടെ കുക്ക് ഉള്ളത് പിന്നെ എന്താ?.. ” കിരണിനെ ചൂണ്ടി കാണിച്ചാണ്
ജെനി പറഞ്ഞത്..
ആണോ? അയ്യടാ…. ഫുഡ് ഉണ്ടാക്കാൻ എനിക്ക് ഇഷ്ട്ടം ആയത് കൊണ്ട് ഞാൻ ചെയ്യുന്നു. എന്ന് കരുതി നിന്റെ ചുമടും ഞാൻ താങ്ങണോ? കിരൺ ചോദിച്ചു .
“ഇഷ്ട്ടം ആണേൽ താങ്ങിക്കോ. എനിക്ക് പ്രശ്നം ഇല്ല. “ജെനി പറഞ്ഞു.
“അതേ! തങ്ങാൻ പറഞ്ഞാൽ ഞാൻ താങ്ങും. പിന്നെ ഇതൊരു വല്ലാത്ത താങ്ങായി പോയി ‘കിരാ’ എന്നും പറഞ്ഞു എന്റെ അടുത്ത് വന്നേക്കരുത്”. കിരൺ പറഞ്ഞു.
“മതി .. നിർത്തു … നിങ്ങൾ മാത്രം ഉള്ളപ്പോൾ താങ്ങുകയോ ? കിടത്തുകയോ എന്താ എന്ന് വെച്ചാൽ ആയിക്കോ . ഇപ്പോൾ ഒന്ന് നിർത്ത്”. റോസ് ആണ് പറഞ്ഞത്.
“അതേ ഡാനി മോനെ ചൂടാക്കാൻ ഒന്നും കൊണ്ട് വന്നില്ലേ? ഉണ്ടെങ്കിൽ പൊട്ടിച്ചു ഒന്ന് ഒഴിച്ചേ ഒരു സന്തോഷത്തിനു ” ഞാൻ പറഞ്ഞു.
“അതൊക്കെ ഉണ്ട് അച്ചായാ… ദേ ഇവന്റെ അപ്പൻ വിദേശത്തു നിന്ന് കൊണ്ട് വന്ന സ്കോച്ചു ഉൾപ്പെടെ എല്ലാം ഉണ്ട്.” വില്ലിയെ ചൂണ്ടികാണിച്ചു ഡാനി പറഞ്ഞു.
“ഡാനി നീ അല്ലേ പറഞ്ഞത്. ഇവിടെ പറങ്കി മാങ്ങയും കഞ്ചാവും ഇട്ട് വാറ്റിയത് കിട്ടും എന്ന്”. ജെയിംസ് ചോദിച്ചു.
“കിട്ടും എപ്പോഴും എല്ലാവർക്കും ഒന്നും അത് കിട്ടില്ല മോനേ. പക്ഷെ നമ്മുടെ അച്ചായൻ വിചാരിച്ചാൽ നടക്കും.” ഡാനി പറഞ്ഞു.
“അത് വേണോ മോനേ ? അത് അടിച്ചാൽ മക്കളെ കൂമ്പ് വാടും. അത് തീയ്യാ തീ.” ഞാൻ ചോദിച്ചു.
“അച്ചായാ…. ഒന്ന് ഒന്ന് മാത്രം ഒരു രസത്തിന് . ഒരുതവണ മാത്രം.” ഡാനി പറഞ്ഞു.
“ആ ശരി നോക്കാം സമയം ഉണ്ടല്ലോ?.” ഞാൻ പറഞ്ഞു.
“എന്നാ ഇപ്പോൾ ഓരോ പെഗ്ഗ് അടിക്കാം അല്ലേ?” റോസ് ആണ് ചോദിച്ചത്.
“ങ്ങേ! നിങ്ങള് കുളിക്കാൻ പോയില്ലേ? ” ജെയിംസ് ആണ് ചോദിച്ചത്.
“ആ അത് പിന്നെ നിങ്ങള് കുപ്പിയുടെ കാര്യം പറഞ്ഞപ്പോൾ മുതൽ മണത്തു മണത്തു നിന്നതാ പാവം.” ആൻസി പറഞ്ഞു.
“നിങ്ങൾ എല്ലാവരും കഴിക്കുമോ?” ഞാൻ ചോദിച്ചു.
“പിന്നെ ഞങ്ങൾ എന്താ മനുഷ്യർ അല്ലേ? നിങ്ങൾ കഴിക്കുമ്പോൾ ഞങ്ങൾ പിന്നെ പച്ചയ്ക്ക് നിക്കണോ? ആൻസി ചോദിച്ചു.
“എന്നാ മോനേ എല്ലാവർക്കും പൊട്ടിച്ചു ഒഴിക്കെടാ.. അവരുടെ കുഞ്ഞ് വട്ടിയിലും നിറയട്ടെ കള്ള്. ” ഞാൻ പറഞ്ഞു.
“എന്റെ അച്ചായാ ഇതൊന്നും അച്ചായൻ പറഞ്ഞത് പോലെ കുഞ്ഞ് വട്ടി ഒന്നും അല്ല . നല്ല വലിയവട്ടി തന്നെയാ? വില്ലി പറഞ്ഞു.
“അതെന്താ വട്ടി എന്നുപറഞ്ഞാൽ ” കിരൺ ചോദിച്ചു.
“വയറിനു പറയുന്ന നടാൻ പ്രയോഗം ആണ് വട്ടി.” ഞാൻ പറഞ്ഞു.
പിന്നെ ഒന്നും നോക്കിയില്ല എല്ലാവരും ഇരുന്നു രണ്ട് റൗണ്ട് പെഗ്ഗ് കഴിഞ്ഞു.
“അപ്പൊ! അച്ചായാ എപ്പോഴാ നിങ്ങടെ കെട്ട് ” ജെനി ചോദിച്ചു.
“അച്ചായാ അവളെ വിട്ടേക്ക് ഞാൻ റെഡിയാ നമുക്ക് കെട്ടാം ” റോസ് പറഞ്ഞു.
“പിന്നെ! അത് പറ്റില്ല ആദ്യം കേറ്റുന്നത് എന്നെ.” ആൻസി പറഞ്ഞു.