“എനിക്ക് പറ്റിയ ആളും എവിടെങ്കിലുമൊക്കെ കാണും അമ്മേ…ജന്മനാ എനിക്ക് കിട്ടിയ ശരീരമാണ് ഇത്.. ഈ രൂപത്തിൽ ഞാൻ സന്തോഷവതിയാണ്… ഞാൻ അഭിമാനിക്കുന്നു എന്റെ ഈ സ്വത്വത്തിൽ…ജനിച്ചത് ഇങ്ങനെ എങ്കിൽ മരിക്കുന്നതും ഇങ്ങനെ തന്നെ ” – അവൾ പലപ്പോഴും ഇത് പറഞ്ഞു
പഠിച്ച ഇടങ്ങളിൽ നിന്നെല്ലാം തന്നെ അവൾക്ക് പിറകെ നടന്നവർ ഇഷ്ടം പടിയായിരുന്നു…പക്ഷെ എല്ലാ ബന്ധങ്ങളിൽ നിന്നും അവൾ മനപ്പൂർവ്വം ഒഴിഞ്ഞു നിന്നു… പ്രൊപോസലുമായി വന്നവരിൽ അവളുടെ മനസിലും ഇടം പിടിച്ചവർ ഉണ്ടായിരുന്നു.. പക്ഷെ ആരെയും അറിഞ്ഞു കൊണ്ട് ചതിക്കുവാൻ അവൾ തയ്യാറായിരുന്നില്ല..ഉൾവലിഞ്ഞു നിക്കുന്ന പ്രകൃതക്കാരി ആയിരുന്നു ഗാഥ… അവൾക്ക് അടുപ്പം തോന്നുന്നവരുമായി മാത്രം എത്ര നേരം വേണമെങ്കിലും സംസാരിച്ചിരിക്കും… അമൃതയെയും ഒരുപാട് കാര്യമായിരുന്നു അവൾക്ക്… ബന്ധം ഉറപ്പിച്ചപ്പോൾ മുതൽ സ്വന്തം ചേച്ചിയെ പോലെ കണ്ട് സ്നേഹിച്ചു…. അമൃത തിരിച്ചും അത് പോലെ തന്നെ… ഗാഥ ഒരു TS ആണെന്നുള്ള കാര്യം അമൃതയോട് തുറന്ന് പറഞ്ഞിരുന്നു…. അമൃത പലപ്പോഴും അവൾക്ക് പിന്തുണയുമായി നിന്നു… ചേച്ചി വീട്ടിലേക്ക് വരുന്നതിന്റെ സന്തോഷത്തിൽ ആയിരുന്നു ഗാഥ.. തനിക്ക് കൂട്ടായി ഒരാൾ വരുന്നതിന്റെ സന്തോഷം… അല്ലാത്ത സമയമെല്ലാം ഏകാന്തതയാണ് അവൾക്ക്… അതുലിന്റെ അടുത്ത് ചെന്നാൽ അവൻ അതും ഇതും പറഞ്ഞ് എഴുന്നേൽപ്പിച്ചു വിടും അല്ലെങ്കിൽ.. അവൻ എഴുന്നേറ്റ് പോകും.. അമ്മക്കും തിരക്ക്.. അച്ഛൻ വെളിനാട്ടിലും.. ഇനി ആ പ്രശ്നമില്ല എന്ന ആശ്വസിച്ചു അവൾ….അതുൽ തന്നെ avoid ചെയ്യുന്നത് ഗാഥയോട് പരാതി പറയുമായിരുന്നു അമൃത….
“കല്യാണം ഒന്ന് കഴിഞ്ഞോട്ടെ ചേച്ചി… അങ്ങേർ പിന്നെ നിങ്ങടെ പുറകീന്ന് മാറുകേല… ഞാൻ പറഞ്ഞിട്ടില്ലേ അങ്ങേരുടെ പഴയ റിലേഷനെ പറ്റി.. അതിന്റെ നിരാശയിൽ ആണ് പുള്ളിക്കാരൻ… ഇവിടെ വന്ന് കഴിഞ്ഞ് ചേച്ചി വേണം മാറ്റിയെടുക്കാൻ…ചേച്ചിടെ അടുത്തൊന്നും അധികം നേരം ജാടകാണിച്ചു നിൽക്കാൻ ഒന്നും അങ്ങേർക്ക് പറ്റത്തില്ലന്നെ….പിന്നെ നിങ്ങൾക്ക് daily ഉറക്കം കിട്ടിയാൽ തന്നെ ഭാഗ്യം.” ഇതും പറഞ്ഞ് അമൃതയെ സമാധാനിപ്പിച്ച് വിടും അവൾ..
…. അമൃതക്കൊപ്പം നിന്ന് പല പല പോസിൽ ഉള്ള ചിത്രങ്ങൾ എടുക്കുന്ന തിരക്കിൽ ആണ് ഗാഥ…. അതുൽ ആകട്ടെ 3-4 ഫോട്ടോക്ക് കഷ്ടിച്ച് നിന്ന് കൊടുത്തിട്ട് മാറിപോകുകയും ചെയ്തു… ഫോട്ടോഗ്രാഫറോടു പറഞ്ഞ് അതിൽ 3-4 എണ്ണം ഫ്രെയിം ചെയ്ത് തരുവാൻ ഗാഥ ആവിശ്യപ്പെടുന്നുണ്ടായിരുന്നു..
.ഇന്നത്തെ ദിവസവും അതുൽ അമൃതയെ Avoid ചെയ്തു… താലികെട്ടിയത് പോലും മുഖത്ത് നോക്കാതെ.. കൈകളിൽ പിടിച്ച് വലം വെച്ചത് പോലും ആർക്കോ വേണ്ടി ചെയ്യുന്ന പോലെ…. ഫോട്ടോഷൂട്ടിൽ പോലും അവളോട് അടുത്ത് നിന്നില്ല….2-3 ചിത്രങ്ങൾ എടുത്ത് അങ്ങേർ പോയി..ഇത് വരെയും ഒരു വാക്ക് പോലും അങ്ങേർ അവളോട് പറഞ്ഞിട്ടില്ല…എല്ലാം ശരിയാകും എന്ന രീതിയിൽ കണ്ണുകൾ ഇറുക്കി കാണിച്ച് പലപ്പോഴും അവളെ സമാധാനപ്പെടുത്തി ഗാഥ… …. വീട്ടിലേക്ക് വിളക്ക് വെച്ച് കയറുന്ന ചടങ്ങാണ്..അത്യാവശം ബന്ധുക്കളും നാട്ടുകാരും അവിടെ കൂടി നിന്നിരുന്നു…കൊളുത്തിയ വിളക്കുമായി അതുലിന്റെ അമ്മ വന്ന് അവളുടെ കയ്യിൽ നൽകി…
“ഇരുവരും വലത് കാൽ വെച്ച് കയറി വാ ” – അമ്മ പറഞ്ഞു
പക്ഷെ സംഭവിച്ചത് മറ്റൊന്നായിരുന്നു… അതുൽ അവൾക്ക് മുന്നേ കയറിപ്പോയി, .. അവിടെ കൂടി നിന്നവർ പരസ്പരം നോക്കി…
” ഇതെന്ത് പുകില് ” – മിക്കവരും പിറുപിറുത്തു..
അതുലിന്റെ അമ്മയുടെയും ഗാഥയുടെയും മുഖം വിളറി… നാട്ടുകാരുടെയും ബന്ധുക്കളുടെയും ശ്രദ്ധ അമൃതയിലേക്കായി….
അവൾക്ക് സഹിക്കാവുന്നതിലും അപ്പുറമായിരുന്നു അവിടെ നടന്നത്. പക്ഷെ അതിന്നും പുറമെ കാട്ടാതെ…. ഒന്നും സംഭവകിക്കാത്തത് പോലെ അവൾ അകത്തേക്ക് നടന്നു… വിളക്ക് പൂജമുറിയിൽ വച്ച ശേഷം അവൾ കണ്ണുകളടച്ച് എന്തോ പ്രാർഥിച്ചു… എന്നിട്ട് മുകളിൽ ബാൽക്കാണിയിലേക്ക് നടന്നു…
*** നാട്ടുകാർ എല്ലാം പോയികഴിഞ്ഞിരിക്കുന്നു… വീട്ടിൽ അടുത്ത ബന്ധുക്കാർ മാത്രം ബാക്കിയായി..അതുലിനെ പറ്റിയാണ് ചർച്ച മുഴുവനും…അവനാണെങ്കിൽ മുറിയിൽ കയറി കിടന്ന കിടപ്പാണ് ഇത് വരെ എണീറ്റിട്ടില്ല…അമൃത ബാൽക്കണിയിൽ സിഗരറ്റും പുകച്ച് നിൽക്കുകയാണ്…എന്തെങ്കിലും ടെൻഷനോ സങ്കടമോ വന്നാൽ മാത്രമേ അവൾ പുക വലിക്കാറുള്ളു…ഇന്നത്തെ സംഭവവങ്ങളെ ഓർക്കുകയാണ് അവൾ..